ဂျပန်ဘာသာစကားဟာ လေ့လာရခက်ခဲသော ဘာသာစကားတစ်ခုဖြစ်ပါတယ်။ ဂျပန်ဘာသာစကားရဲ့စကားလုံးပုံစံတွေထဲမှာမှ ဂျပန်စာလေ့လာသူများအတွက်အဓိက အခက်ခဲဆုံးလို့ပြောလို့ရမယ့်အရာကတောာ့ ခန်းဂျိပဲဖြစ်ပါတယ်။ ခန်းဂျိဆိုတာဘာလဲ Hiragana &Katakana နဲ့ဘယ်လိုမျိုးပတ်သက်ဆက်နွယ်မှုရှိတာလဲ ဘယ်လို့ခက်ခဲရတာလဲ ဘယ်လိုလေ့လာရင်ထိရောက်မှုရှိမလဲ အစဖြင့် ခန်းဂျိလေ့လာပုံလေ့လာနည်းနှင့်ပတ်သက်ပြီး ယခုဆောင်းပါးမှာ တင်ပြပေးသွားပါ့မယ်။
မာတိကာ
၁။ ခန်းဂျိနှင့်ပတ်၍ သိသင့်သိထိုက်သော အခြေခံ ဗဟုသုတများ
၂။ ခန်းဂျိကို ဘယ်လိုလေ့လာသင့်လဲ။
၃။ ထိရောက်မှုရှိတဲ့ ခန်းဂျိလေ့လာနည်းကို အကောင်အထည်ဖော်ကြည့်ကြရအောင်
ခန်းဂျိနှင့်ပတ်၍ သိသင့်သိထိုက်သော အခြေခံ ဗဟုသုတများ
ခန်းဂျိဆိုတာ ဘာလဲ
ဂျပန်ဘာသာစကားရဲ့ ခန်းဂျိက Hiragana & Katakana ဂျပန်ဘာသာစကား အရေးစနစ်တွင်ပါဝင်လျက်ရှိပါတယ်။ အမှန်တကယ်တော့ Hiragana & Katakanaက ခန်းဂျိကနေ ဆင်းသက်လာတဲ့စကားလုံးတွေဖြစ်ပါတယ်။
ခန်းဂျိ ဂျပန်နိုင်ငံကို မရောက်ခင်အချိန် ၅ရာစု မှာ ဂျပန်နိုင်ငံမှာ အရေးစကားလုံးမရှိပါဘူး။ အစပိုင်းမှာတော့ ခန်းဂျိရဲ့အသံကိုယူပြီး ဂျပန်စကားရဲ့အသံကို ထွက် ကြပါတယ်။ နောက်ပိုင်းမှာတော့ ခန်းဂျိကို ပိုလွယ်ကူအောင် ပြင်ပြီး ခန်းဂျိရဲ့အစိတ်အပိုင်းတချို့ကိုယူပြီး Hiragana & Katakana ကိုတီထွင်လိုက်ကြပါတယ်။
ခန်းဂျိကို ဘယ်နှလုံးလောက် လေ့လာသင့်လဲ။
ခန်းဂျိ က အလုံးအရေအတွက် အများအပြားရှိပြီး အတိအကျကိုတော့ ဘယ်သူမှ မပြောနိုင်ပါဘူး။ သမိုင်းကြောင်းအရ တော်တော် ရှည်းလျားပြီး အပြောင်းအလဲများပြားလွန်းသောကြောင့် ယခုလက်ရှိ ခန်းဂျိ ဘယ်နှလုံးရှိလဲဆိုတာ ဘယ်သူမှမပြောနိုင် ပါဘူး။ လေ့လာချက်တချို့ အရ အလုံးရေပေါင်း တစ်သောင်းကျော် တယ်လို့ ဆိုကြပါတယ်။ သို့သော် ရှေးခေတ်သုံးစာလုံးများကိုပါ ထည့်ရေတွက်သောကြောင့် များပြားနေရခြင်းဖြစ်ပြီး အကုန်လုံးကို မှတ်မိနေဖို့ မလိုအပ်ပါဘူး။ ဂျပန်လူမျိုးတွေတောင်မှ အကုန်လုံးကို မသိပါဘူး။
ဂျပန်နိုင်ငံ၏ ပညာရေးဝန်ကြီးဌာန အရဆိုရင် နေ့ဓူတကွ အသုံးပြူနေတဲ့ ခန်းဂျိအလုံးအရေအတွက် စုစုပေါင်း ၂၁၃၆ လုံးရှိပြီးထို ခန်းဂျိများကိုသာ လေ့လာပါက သတင်းစာဆောင်းပါး၊ စာအုပ် စသည်တို့ကို ဖတ်ရှူ နိူင်ပါသည်။
ဂျပန်ဘာသာ အရည်အချင်းစစ် စာမေးပွဲ ရဲ့ အဆင့်လိုက် ခွဲခြားကြည့်ပါက N5အဆင့်မှာ အလုံး ၁၀၀ ၊N4အဆင့်မှာ အလုံး၃၀၀၊ N3အဆင့်မှာ အလုံး၆၅၀၊ N2အဆင့်မှာ အလုံး၁၀၀၀၊ N1 အဆင့်မှာ အလုံး၂၀၀၀ လေ့လာရပါတယ်။
ဘာလို့ ခန်းဂျိကိုလေ့လာသင့်လဲ
ဂျပန်ဘာသာစကားကိုစတင်လေ့လာချိန်မှာတော့ ဟိရဂန နဲ့ရေးထားသောကြောင့် အဆင်ပြေသလိုထင်ရပေမယ့် ဟိရဂန ချည်းဆိုပါက ပိုပြီးဖတ်ရခက်ခဲပါတယ်။ အောက်က စာနှစ်ကြောင်းကို ဖတ်ကြည့်ပါ။
・にわにはにわとりがいる
・庭には鶏がいる
(ဘာသာပြန် ခြံထဲမှာ ကြက်တစ်ကောင်ရှိသည်။)
ခန်းဂျိနဲ့ရေးထားပါက စကားလုံး အဓိပ္ပာယ်အပိုင်းအခြားတို့ကို နားလည်ရလွယ်ကူစေပြီး ခန်းဂျိနဲ့ရေးပါက အသံနှစ်သံ သုံးသံပါက စကားလုံးကိုလဲ ခန်းဂျိတစ်လုံးတည်းနဲ့ ရေးသားနိုင်ပါသည်။
ခန်းဂျိရဲ့ အဆင်ပြေတဲ့နောက် တချက်ကတော့ ဂျပန်ဘာသာစကားမှာ အသံတူကြောင်းကွဲ စကားလုံးအများပြားရှိပြီးထိုစကားလုံးတွေကို ခန်းဂျိနှင့် အလွယ်တကူ ခွဲခြားနိုင်ခြင်းဖြစ်ပါတယ်။
ဥပမာ 「はし（ハシ）」ဆိုတဲ့ အသံထွက်မှာ「箸」တူ、「橋」တံတားဆိုတဲ့ အဓိပ္ပာယ်နှစ်မျိုးရှိပါတယ်။
စာရေးသူရွေးချယ်သောဆောင်းပါး
ခန်းဂျိကို ဘယ်လိုလေ့လာသင့်လဲ။
ခန်းဂျိလေ့လာနည်း ဖတ်ပုံဖတ်နည်း
ခန်းဂျိမှာ အသံနှင့် အဓိပ္ပာယ် ဆိုပြီး နှစ်ပိုင်းခွဲခြားနိုင်ပါတယ်။
အသံမှာလဲ オンヨミ နဲံ့ くんよみ.ရှိပြီး オンヨミကတော့ Katakana နဲ့ဖော်ပြလေ့ရှိပြီး くんよみကိုတော့ Hiraganaနဲ့ရေးသားဖော်ပြလေ့ ရှိပါတယ်။
ဂျပန်စာ စလေ့လာတဲ့အချိန်မှာ ဘယ်အချိန်မှာ オンヨミ နဲ့ဖတ်ပြီး ဘယ်အချိန်မှာ くんよみနဲ့ဖတ်မလဲဆိုတာ တော်တော် ရှုပ်ထွေးပါတယ်။
ပုံမှန်ဆို ခန်းဂျိတစ်လုံးကို တခြား ခန်းဂျိနဲ့ ပေါင်းပါက オンヨミ နဲ့တွဲ ဖတ်ပြီး ခန်းဂျိတစ်လုံးတည်း ဖြစ်ပါက くんよみနဲ့ပဲဖတ်ပါတယ်။
ဥပမာ 学生 （がくせい）、学ぶ（まなぶ）
သို့သော် ခန်းဂျိနှစ်လုံးပေါင်းလိုက်တဲ့အချိန်မှာ ဒီအတိုင်း ပေါင်းစပ်တာမျိုးမဟုတ်ဘဲ အသံပြောင်းသွားတဲ့အခါမျိုးလဲရှိ ပါတယ်။
ဥပမာ 「学（カク）နဲ့「校（コウ）」ပေါင်းပြီး「学校」က「がくこう（ガクコウ）」လို့မဖတ်ဘဲ 「がっこう（各コウ）」လို့ဖတ်ပါတယ်။
ခန်းဂျိလေ့လာနည်း ရေးပုံရေးနည်း
ခန်းဂျိအများစုက ကြည့်ပြီးလိုက်ဆွဲလို့ရပေမယ့် တချို့ ခန်းဂျိတွေက ဆွဲချက်တွေများပြီး ရေးရတာ တော်တော်ခက်ခဲပါတယ်။ သို့သော် ခန်းဂျိရဲ့ဆွဲချက်တွေက အများစုတူညီကြပါတယ်။
ခန်းဂျိရေးရာမှာ ဆွဲချက်မှန်ကန်ဖို့တော်တော် အရေးကြီးပါတယ်။ ခန်းဂျိကိုစတင်လေ့လာတဲ့သူတွေထဲမှာ ဖြစ်လိုဆွဲလိုက်ရင်အဆင်ပြေတယ်လို့ထင်သူတွေတော်တော်များပါတယ်။ သို့သော် ဆွဲချက်အမှားနဲ့ ခန်းဂျိကိုရေးမယ်ဆိုရင် စကားလုံးပုံစံလဲပြောင်းလဲပြီး ဖတ်ရတာလဲတော်တော် ခက်ခဲသွားပါလိမ့်မယ်။ ခန်းဂျ်ရဲ့အခြေခံဆွဲချက်တွေကို အောက်မှာဖော်ပြထားပါတယ်။
အပေါ် → အောက်
ဘယ် → ညာ
အလျားလိုက် → ဒေါင်လိုက်
အလျားလိုက် မျဥ်းကြောင်းများပြီး ဒေါင်လိုက်မျဉ်းပါတဲ့ ခန်းဂျိဆိုရင် ပထမ လျားလိုက်မျဉ်းကြောင်းကို အရင်ဆွဲပြီး ဒုတိယ စုတ်ချက်က ဒေါင်လိုက်မျဉ်းဆွဲပြီး နောက်ဆုံးမှအလျားလိုက် မျဉ်းကို ဆွဲခြင်း
ဥပမာ 土、日、王
ဝိုင်းရံတဲ့အစိတ်ပိုင်းက ဘယ်ဘက် ဒေါင်လိုက်ကနေစဆွဲ ပါတယ်။ ဥပမာ 国
နောက်ပိုင်း ခန်းဂျိလေ့လာတဲ့အချိန်မှာလဲ အခမဲ့ အသုံးပြုလို့ရတဲ့ Website, Applicationတွေကိုအသုံးပြုပြီး လေ့လာလို့ရပါတယ်။
（ဥပမာ. KANJI.ME /常用漢字筆順辞典 အစသဖြင့်）
ထိရောက်မှုရှိတဲ့ခန်းဂျိလေ့လာနည်းကိုအကောင်အထည်ဖော်ကြည့်ကြရအောင်
ဖတ်စာအုပ်ဖြင့် ခန်းဂျိလေ့လာခြင်း
ခန်းဂျိလေ့လာတော့မယ်ဆိုရင် ပထမဆုံး တွေးမိတဲ့ နည်းလမ်းက ဖတ်စာအုပ်ဖြစ်ပါတယ်။ စာအုပ်ထဲမှာ ရေးထားတဲ့အကြောင်းအရာတွေက ယုံကြည်ရပြီး စိတ်ချလက်ချနဲ့ စာလေ့လာလို့ရပါတယ်။ ဒီနေရာမှာ ခန်းဂျိလေ့လာတဲ့အချိန်မှာ အသုံးဝင်တဲ့ ဖတ်စာအုပ်တွေကို မျှဝေပေးခြင်ပါတယ်။
・（イラストで512文字漢字紹介）
・＜漢字マスター＞（JLPT Levelအလိုက်ခွဲထားပါတယ်）
・＜日本語総まとめ漢字＞（JLPT Levelအလိုက်ခွဲထားပါတယ်）
ခန်းဂျိအစိတ်အပိုင်းများကိုမှတ်ပြီး လေ့လာခြင်း
တချို့ ခန်းဂျိတွေမှာ တူညီတဲ့အစိတ်အပိုင်းတွေနဲ့ဖွဲ့စည်းထားပါတယ်။ ဒိအစိတ်အပိုင်းတွေကို မှတ်မိနေခြင်းအားဖြင့် ခန်းဂျိလေ့လာရာမှာ ပိုမိုအထောက်အကူဖြစ်ပါတယ်။ ဒိလိုမျိုး အစိတ်ပိုင်းပေါင်း ၂၁၄ခုရှိပြီး အသေးစိတ်ကိုတော့ 「漢字辞典」မှာ ဝင်ရောက်လေ့လာနိုင်ပါတယ်။
အက်ပလီကေးရှင်းများကို အသုံးပြုပြီးလေ့လာခြင်း
ဘာသာစကားတစ်ခုကိုလေ့လာတော့မည်ဆိုပါက ထပ်ထပ်ခါခါ လေ့လာဖို့ကတော်တော် အရေးကြီးပါတယ်။ ဘယ်နေရာ ကိုမဆို သယ်ဆောင်သွားလို့ရမယ့် ဖုန်းကိုအသုံးပြူပြီး လေ့လာတာက တော်တော် ထိရောက်မှုရှိပါတယ်။
ခန်းဂျိလေ့လာ ရာမှာ အသုံးဝင်မယ့် အက်ပလီကေးရှင်း တချို့ကို မျှဝေပေးခြင်ပါတယ်။
Anki(アンキ)
ဒီအက်ပလီကေးရှင်းကတော့ ဂျပန်လို アンキ( အလွတ်ကျက်မှတ်ခြင်း) လို့အဓိပ္ပာယ်ရတဲ့ အက်ပလီကေးရှင်းလေးပါ။ Flashcard ကိုအသုံးပြုပြီး စာလေ့လာ လိုသူတွေအတွက် Recommand ပေးပါတယ်။
Quizlet（クイズレット）
ဂိမ်းတွေဆော့ ရင်း လေ့လာမှတ်သားလို့ရမယ့် အက်ပလီကေးရှင်းဖြစ်ပြီး ကိုယ်ဘာသာ သင်ခန်းစာတွေရေးဆွဲပြီး မိမိနှင့်ကိုက်ညီသော လေ့လာနည်းတွေ ကိုဖန်တီးလို့ရမယ့် အက်ပလီကေးရှင်းပါ။
*Quizlet ダウンロード: iOs / Android
MochiMochi
ဝေါဟာရတွေကို အဆင့်၅ဆင့် ခွဲခြားထားပြီး လေ့လာနေဆဲ ဝေါဟာရ မလေ့လာရသေးတဲ့ ဝေါဟာရ လေ့လာပြီးသာ ဝေါဟာရ အစဖြင့် ခွဲခြားသတ်မှတ်နိုင်ပါတယ်။ အချိန်အကြာကြီး စာမလုပ်ပဲနေပါက အလိုအလျောက်အသိပေးတဲ့စနစ်လဲပါရှိတာကြောင့် အချိန်မှန် စာလုပ်ဖြစ်ပါတယ်။
.jpg)
