အချစ်ရေး၊ ချိန်းတွေ့ခြင်း စတဲ့ အကြောင်းအရာတွေက နေရာအပေါ် လိုက်ပြီး ကွဲပြားကြပါတယ်။ အတွဲတွေကြားထဲ အပြန်အလှန်နားလည်မှုရှိခြင်းကလဲ ပျော်ရွှင်တဲ့ ဆက်ဆံရေး တည်ဆောက်တဲ့အချိန် မှာအရေးကြီးပါတယ်။ ဒီဆောင်းပါးမှာတော့ ဂျပန်နိုင်ငံရဲ့ Dating culture အကြောင်း ကိုရှင်းပြသွားပါ့မယ်။
ဒိဆောင်းပါးမှာတော့ ဂျပန်မှာဒိတ်လုပ်တဲ့အခါမှာ လုပ်သင့်တဲ့အရာတွေမလုပ်သင့်တဲ့အရာတွေနဲ့ အရေးကြီးတဲ့အရာတွေကို ရှင်းပြသွားပါ့မယ်။
မာတိကာ
ဂျပန်မှာဘယ်လိုလက်တွဲဖော်ရှာမလဲ
ဂျပန်မှာ ဒိတ်တဲ့အခါ သိထားသင့်တဲ့အချက်များ
ဂျပန်မှာ စုံတွဲတွေ ဘယ်နေရာမှာဒိတ်ကြလဲ
ဂျပန်မှာ စုံတွဲတွေချိန်းတွေ့တာနဲ့ပတ်သက်ပြီး ရှေးရိုးဆန်တယ်လို့ပြောကြပါတယ်။ မဒိတ်ခင်ကတည်းက နင်နဲ့ ဒိတ်ချင်တယ်၊ ဒိတ်ကြမယ် စတဲ့ ခွင့်ပြုချက်တွေကို ယူပြီး ဒိတ်လေ့ရှိပါတယ်။ ပြီးတော့ အဖြေရဖို့ တဆင့်ချင်းတဆင့်ချင်းတက်တာကလဲ တော်တော် ကြာလေ့ရှိပါတယ်။
အနောက်တိုင်းယဥ်ကျေးမှုနဲ့ တော်တော် ကွာခြားပြီး မဖွင့်မပြောချင်း တွဲနေတယ်လို့ ပြောလို့မရကြပါဘူး။
ဖွင့်ပြောတာကို ဂျပန်လို Kokuhaku (告白) လို့ခေါ်ပါတယ်။ ဂျပန်မှာတော့ မဒိတ်ခင် အရင် ချစ်ကြောင်း ဖွင့်ပြောကြပါတယ်။ မြန်မာ နိုင်ငံမှာနဲ့တော့ တော်တော်တူပါတယ်။ဖွင့်ပြောတာ ကို လက်ခံလိုက်တာနဲ့ တရားဝင်စုံတွဲတွေဖြစ်ကြပါတယ်။ Animeတွေ Dramaတွေ မှာ ဖွင့်ပြောတဲ့ ဇာတ်ဝင်ခန်းတွေ တော်တော် များပါတယ်။
ဂျပန်မှာဘယ်လိုဒိတ်မလဲ
ဖွင့်ပြောတဲ့အဆင့်က မြန်မာနိုင်ငံ နဲ့တော်တော် တူကြပေမယ့် မြန်မာနိုင်ငံနဲ့မတုတဲ့ ကွဲပြားတဲ့ ယဥ်ကျေးမှုတွေလဲ ရှိပါသေးတယ်။ ပါတနာ ရှာတဲ့အချက်ကတော့ ဂျပန်မှာ တော်တော် ထူးခြားမှုတွေ ရှိပါတယ်။ အဲဒီအချက်တွေကို ပြောပြပေးသွားပါ့မယ်။
Group Dates
ဂျပန်လို goukon (合コン) လိုခေါ်တဲ့ Group dates ဟာ ဂျပန်နိုင်ငံရဲ့ ထူးခြားတဲ့ယဥ်ကျေးမှူ တစ်ရပ်ဖြစ်ပါတယ်။ ယောကျာ်းလေးတွေနဲ့ မိန်းကလေးတွေစာ အုပ်စုလိုက် ကာရာအိုကေ၊ ပါတီ၊ စာသောက်ဆိုင်တွေမှာ ချိန်းတွေ့ရင်း စကားပြောကြလေ့ရှိပါတယ်။ ဒီနေရာမှာ ချစ်ကြိုက်သွားကြပြီး ညာသွားကြတဲ့သူတွေလဲရှိပါတယ်။ ဒီလို မျိုးတွေကို သူငယ်ချင်းတွေဖြစ်စေ၊ အလုပ်ဖော် ကိုင်ဖက်တွေ တွေဖြစ်စေအချင်းချင်းဆက်သွယ်ကြပြိး စီစဥ်ကြတာများပါတယ်။ အများအားဖြင့် ကျားမ အရေအတွက်ကို မျှပြီးစီစဥ်လေ့ရှိပါတယ်။ဒီလိုပုံစံမျိုး ဒိတ်တာက ပိုပြီးတော့ လုံခြူံစေပြီး မိမိနဲ့စိတ်တူကိုယ်တူ ပါတနာကိုတွေ့နိုင်ချေပိုများပါတယ်။
တကယ်လို့ ဒိနေရာမှာ မိမိသဘောကျတဲ့သူတေါနဲ့တွေ့ပါက ဖုန်းနံပါတ် ဆက်သွယ်ရမယ့် လိပ်စာတို့ကို ဖလှယ်ပြီး တဆင့်တက်လို့ရပါတယ်။
အတွဲရှာ ပါတီများ
konkatsu parties (婚活パーティー) ပါတီလို့ခေါ် တဲ့ အတွဲရှာပါတီတွေကလဲ ဂျပန်နိုင်ငံရဲ့ယဥ်ကျေးမှုတရပ်ဖြစ်ပါတယ်။ပိုပြီး Formal ဆန်ဆန်နဲ့ လက်ထပ်ဖို့အတွက်ရည်ရွယ်ထားတဲ့သူတွေ တက်ရောက်လေ့ရှိကြပါတယ်။ အတွဲရှာ ပါတီများ
တွေကိုတော့ အတွဲရှာ အဖွဲ့အစည်းတွေ၊ကုမ္ပဏီတွေကနေ စီစဥ်လေ့ ရှိကြပါတယ်။ ဒိလိုအဖွဲ့အစည်းတွေက ပါတီတက်ရောက်ဖို့ စိတ်ဝင်စားတဲ့သူတွေကို လျှောက်လွှာတင်ဖို့ဖိတ်ခေါ်ပြီး သေချာအင်တာဗျူးပြီးတော့မှ စီစဥ်တာဖြစ်ပါတယ်။ နေရာတွေကိုလဲ တော်တော် ခမ်းခမ်းနားနားဖြစ်တဲ့နေရာတွေမှာ ရွေးကျင်းပလေ့ရှိပါတယ်။ ဒီလိုပါတီတွေကနေပြီးတော့ အမြင်တူ အရွယ်တူ လက်တွဲဖော် တွေ့နိုင်မယ့် အလားလာတွေ လဲ များပါတယ်။ konkatsu party ကလဲအမျိုးမျိုးရှိပါတယ်။ တချို့ပွဲတွေကတော့ တယောက်နဲ့တယောက် အေးဆေးလွှတ်လွှတ်လပ်လပ် စကားပြောနိုင်ပြီး တချို့ပွဲတွေမှာတော့ သတ်မှတ်ထားတဲ့ အချိန်အတွင်းမှာပဲ စကား အပြန်အလှန်ပြောခွင့်ရှိပါတယ်။
ကြင်ရာဖက်တွေ့စုံခြင်း
ကြင်ရာဖက်တွေ့ဆုံခြင်းကိုဂျပန်လို omiai (お見合い) လို့ခေါ်ပါတယ်။ ကြင်ရာဖက် တွေ့တာကတော့ ရှေးခေတ်ကတည်းက ရှိနေတဲ့ လက်တွဲဖော်ရှာနည်းဖြစ်ပါတယ်။ ဒီနည်းက ဆာမူရိုင်းခောတ်ကတည်းက လူကုံထံ အသိုင်းအဝိုင်းမှာတွေ့ရလေ့ရှိတဲ့ အမျိုးအစားဖြစ်ပါတယ်။
သို့သော် ယနေ့ခောတ် ကြင်ရာဖက် တွေ့နည်းကတော့ မိဘချင်းသဘောတူပြီး ပေးစာတာမျိုးမဟုတ်ပဲ မိမိ ကိုယ်တိုင်လက်တွဲဖော်ရှာချင်လို့ တွေ့တာမျိုးဖြစ်လာပါတယ်။ ကြင်ရာဖက် ဝန်ဆောင်မှုပေးတဲ့အေဂျင်စီတွေ သီးသန့်အကျိုးတော်ဆောင် လုပ်ငန်းတွေတောင်ရှိပါတယ်။
နှစ်ဖက်စလုံးက သဘောကျတယ်ဆိုရင် စုံတွဲအနေနဲ့တွဲ ကြပြီး လက်ထပ်ကြလေ့ရှိကြပါတယ်။ ပုံမှန်အချစ်ရေးနဲ့တော့ ဘာမှမထူးခြားပါဘူး။ လက်တွဲဖော်ရှာဖို့အတွက် အောင်သွယ်တော် ကို အသုံးပြုလိုက်တာလေးပဲ ကွာခြားသွားတာပါ။
စာရေးသူရွေးချယ်သောဆောင်းပါး
ဂျပန်မှာ ဒိတ်တဲ့အခါ သိထားသင့်တဲ့အချက်များ
ထပ်ပြီး ဂျပန်မှာ ဘယ်လို ဒိတ်ရမလဲ ဆိုတာကို ဆက်ကြည့်လိုက်ရအောင်။
နာမည် ကိုဘယ်လိုခေါ်မလဲ
ဂျပန်မှာတော့ မျိုးရိုးနာမည် နှင့် ကိုယ်ပိုင်နာမည် နှစ်မျိူးရှိပါတယ်။ သိပ်ပြီး မရင်းနှီးတဲ့သူတွေကတော့ မျိုးရိုးနာမည်နဲ့ခေါ်လေ့ရှိကြပေမယ့် ခင်မင်တဲ့သူငယ်ချင်း မိသားစု ဆွေမျိုးတွေကတော့ ကိုယ်ပိုင်နာမည်နဲ့ခေါ်ကြတာများပါတယ်။ သို့သော် စစချိန်းတွေ့တဲ့အချိန်မှာ ကိုဘ်ပိုင်နာမည်နဲ့မခေါ် တာကောင်းပါတယ်။
စုံတွဲတွေနဲ့ပတ်သက်ပြီး ပွဲလမ်းသဘင်များ
နေ့တိုင်း ကိုယ်ချစ်တဲ့သူတွေနဲ့အတူတူဖြတ်သန်းရတာ ပျော်စရာ ကောင်းပါတယ်။ သို့သော် တချို့နေ့တွေက စုံတွဲတွေအတွက် သီးသန့်ဆန်ဆန်ရှိပါတယ်။ ဥပမာ ဗယ်လင်တိုင်းဒေး တို့လိုနေ့မျိုးပေါ့။သို့သော် ဂျပန်မှာတော့ ချစ်သူစုံတွဲတွေ့အတွက် ချစ်သူများနေ့တစ်ခုတည်းမဟုတ်ပဲ ထူးခြားတဲ့နေ့တွေလဲရှိပါသေးတယ်။ဒီနေ့တွေအကြောင်းကိုအောက်မှာ အသေးစိတ်ဖော်ပြသွားပါမယ်။
ဗယ်လင်တိုင်းဒေး
တခြားနိုင်ငံတော်တော် များများမှာတော့ ဗယ်လင်တိုင်းဒေးမှာဆို ယောကျ်ားလေးတွေက မိန်းကလေးတွေကို လက်ဆောင်းပေးတဲ့နေ့ဖြစ်ပါတယ်။ သို့သော် ဂျပန်မှာတော့ မိန်းကလေးဘက်ကမိမိသဘောကျတဲ့ ကောင်လေးတွေကို လက်ဆောင်ပေးပြီး ဖွင့်ပြောတဲ့နေ့ဖြစ်ပါတယ်။သို့သော် ဒီလို အချစ်ရေးတစ်ခုတည်း မဟုတ်ပဲ မိမိလုပ်ငန်းခွင်က လူတွေ ဆရာဆရာမတွေကိုလဲ ချော့ကလက် လက်ဆောင် ပေးလေ့ရှိကြပါတယ်။ ဒီလိုမျိုး ပေးတဲ့ လူအပေါ် မူတည်ပြီး ချောကလက်အမျိုးအစားနဲ အခေါ်အဝေါ် တွေလဲ ကွဲပြားသွားပါတယ်။
Honmei Choco 本命チョコကတော့ တကယ် မိမိ သဘောကျ တဲ့ သူကိုပေးတဲ့ ချောကလက် ဖြစ်ပါတယ်။
Giri Choco 義理チョコ ကတော့ အလုပ်ဖော် ကိုင်ဖက်တွေ ကို ပေးတဲ့ ချောကလက်ဖြစ်ပါတယ်။
Tomo Choco 友チョコကတော့ သူငယ်ချင်းတွေကို ပေးတဲ့ ချောကလက်ဖြစ်ပါတယ်။
Fami Choco ファミチョコကတော့ မိသားစုတွေကိုပေးတဲ့ ချောကလက်ကို ဆိုလိုတာပါ။
My Choco マイチョコ ကတော့ ကိုယ့်ဘာသာကို ဝယ်စားတဲ့ ချောကလက်ကိုခေါ်တာပါ။
White Day
အဖြူရောင်နေ့လေးကတော့ ဂျပန်ရဲ့ထူးခြားတဲ့နေ့လေးပါ။ဒီနေ့က ချစ်သူများနေ့ ပြီး တလ တိတိမှာ ကျင်းပတဲ့နေ့လေးပါ။ ချစ်သူများနေ့တုန်းက လက်ဆောင်ရထားတဲ့ ကောင်လေးတွေက ကောင်မလေးတွေကို အစားလက်ဆောင် ပြန်ပေူရင်း အဖြေပြန်ပေးတဲ့နေ့လို့လဲ ဆိုကြပါတယ်။ သကြားလုံးတို့ အချိုမုန့်တို့ပြန်ပေးကြတာ များပေမယ့် ယခုနောက်ပိုင်းမှာတော့ ကိတ်တွေ ချောကလက်တွေ ကီးချိန်းတွေ ပြန်ပေးလေ့ရှိကြပါတယ်။
Christmas Eve
ခရစ်စမတ် အကြိုနေ့ကလဲ ဂျပန်မှာရိုမစ်တစ် အဆန်ဆုံးနေ့ လို့ပြောကြပါတယ်။ ခရစ်စမတ်အကြိုနေ့မှာ ချစ်သူစုံတွဲတွေ အတူတူဖြတ်သန်းကြတာများကြပါတယ်။ အတူတူ အစားသောက် စားကြ၊ ရေ,င်စုံ မီးတွေကိုကြည့်ရင်းဖြတ်သန်းကြတာများပါတယ်။ ဘာလို့ ညဘက်ပဲတွေ့ကြလဲဆိုတော့ ဂျပန်မှာက ခရစ်စမတ်ရော ခရစ်စမတ်အကြိုနေရော ခရစ်စမတ် အကြိုနေ့ ရောပါ ပိတ်ရက် မဟုတ်လို့ပါ။ နှစ်ရက်စလုံး ပိတ်ရက်နဲ့တိုက်ရင်တော့ တော်တော် ကံကောင်းတယ်လို့ မှတ်ယူလို့ရပါတယ်။
ဂျပန်မှာဒိတ်ရင်ဘတ်ဂျက်ဘယ်လောက်သုံးရမလဲ
ချိန်းတွေ့တဲ့အချိန်မှာ ပိုက်ဆံ ဘယ်လောက်သုံးမလဲဆိုတာ ကလဲ တော်တော် အရေးကြီးပါတယ်။ ဂျပန်နိင်ငံက စစ်တမ်းတစ်ခုမှာ ချစ်သူနဲ့ ချိန်းတွေ့တဲ့အခါ ပိုက်ဆံ ဘယ်လောက် သုံးလဲ ဆိုတဲ့မေးခွန်းကို ယောကျ်ားလေး တော်တော် များများက ယန်း ၅၀၀၀ လောက်ကို သုံးလေ့ရှိတယ်လို့ ဖြေကြပြီး မိန်းကလေးတော်တော်များများကတော့ ယန်း ၃၀၀၀ လောက်ကိုသုံးတယ်လို့ဖြေကြပါတယ်။ ဒီရလာဒ်ကို ကြည့်လိုက်ရင် ယန်း ၃၀၀၀ လောက်က ချိန်းတွေ့ဖို့ အသင့်တော်ဆုံးလို့ ယူဆလို့ရပါတယ်။
ကိုယ်ပိုင်အချိန်ထားတတ်ဖို့လဲ အရေးကြီးတယ်
ဂျပန်တွေက ကိုယ်ပိုင်အချိန်ကို တန်ဖိုးထားတတ်ကြပါတယ်။ ချစ်သူတွေနဲ့တောင်မှ တခါတလေ သီးသန့် အချိန် ကိုလိုအပ်လေ့ရှိကြပါတယ်။ Spicomi က ကောက်တဲ့ စစ်တမ်းတွေ မှာစုံတွဲအများစုက တပတ်ကို တကြိမ်ပဲ တွေ့လေ့ရှိကြပါတယ်။အကြောင်းအရင်းကို မေးကြည့် တဲ့အခါမှာ ပိတ်ရက် ၂ရက်မှာ ၁ရက်ကို ကိုယ်ပိုင်အချိန်အနေနဲ့ အသုံးချတယ်လို့ပြောပါတယ်။
ဒါဆို တပတ် ဘယ်လောက် လောက် တွေ့ချင်လဲ ဆိုတဲ့မေးခွန်းကို မေးကြည့်တဲ့အချိန်မှာလဲ အဖြေကမပြောင်းလဲသွားပါဘူး။ ဒါကြောင့် ကိုယ်ပိုင်အချိန်ပေးတာလဲ ကောင်းမွန်တဲ့ ဆက်ဆံရေးကိုဦးတည်စေပါတယ်။
ဂျပန်လူမျိုးတွေ ပြတတ်တဲ့ အချစ်သင်္ကေတများ
“I love you” aishiteru (愛してる)ဆိုတဲ့ စကားစုကိုတော့ ဂျပန်မှာ သိပ်ပြီးသုံးလေ့မရှိပါဘူး။ ဘာလို့လဲဆိုတော့ suki (好き) ထက်အရမ်း တာဝန်ကြီးပြီး လေးလံ တဲ့စကားလုံးပါ။ဒါကြောင့် အမြဲတမ်းမဟုတ်ပဲ လက်ထပ်ခွင့်တောင်းတဲ့အခါ, အထိမ်အမှတ်နေ့တွေ စတဲ့အရေးကြီးတဲ့နေရာတွေမှာပဲ သုံးတာ ကောင်းပါတယ်။
ဂျပန်မှာ စုံတွဲတွေ ဘယ်နေရာမှာဒိတ်ကြလဲ
Outdoor Dateအနေနဲ့ ကတော့
- တောင်တက်ခြင်း
- ပန်းခြံ
- ကားမောင်းထွက်ခြင်း
- ပြတိုက်
- တိရစ္ဆာန်ရုံ
- ကမ်းခြေ တို့ကိုသွားလေ့ရှိပြီး
Indoor Dateအနေနဲ့ ကတော့
- စားသောက်ဆိုင်
- ငါးပြတိုက်
- ရုပ်ရှင်ရုံ
- ကာရာအိုကေ
- ရှောပင်
- ဘား စတဲ့နေရာတွေကတော့ ဂျပန်က စုံတွဲ တွေ သွားတတ်တဲ့ နေရာတွေဖြစ်ပါတယ်။
အနာဂတ်အတွက်ပြင်ဆင်ခြင်း
မိမိလက်တွဲဖော်နဲ့ နောက်တဆင့်တက်တော့မယ် ဆို ဘာလုပ်ရမလဲ? မိဘတွေနဲ့တွေ့ပြီးလလက်ထပ်ဖို့စီစဥ်ရမလား? စတဲ့ ဂျပန်မှာ အတွေ့ရများတဲ့ ပုံစံကို ပြောပြသွားပါ့မယ်။
မိဘတွေနဲ့သွားရောက် တွေ့ဆုံခြင်း
မိဘတွေနဲ့သွားတွေ့တယ်ဆိုတဲ့အဓိပ္ပာယ်က တယောက်နဲ့တယောက် လက်ထပ်ဖို့ရည်ရွယ်ထားတဲ့ အဓိပ္ပယ်ပါ။ ယခုခောတ်မှာတော့ မိဘ တွေနဲ့မိတ်ဆက်တာက သိပ်ပြီး Formal မဆန်တော့ဘဲ ပေါ့ပေါ့ပါးပါး ထမင်းလက်ဆုံ စားတဲ့အဆင့် နဲ့တင် အဆင်ပြေပါတယ်။ ပေါ့ပေါ့ပါးပါးလို့ပြောပေမယ့် တကယ်လက်တွေ့မှာတော့ သိပ်မလွယ်ကူလှပါ။
အကယ်၍ ယောက္ခမ လောင်းအိမ်ကို သွားဖို့အကြောင်းဖန်လာမယ်ဆိုပါက လက်ဆောင် တစ်ခုခုတော့ယူသွားပါ။ ပြီးတော့ သူတိူ့ရဲ့ ရိုးရာ ထုံစံတွေကို အလေးထားပါ။ ဒိလိုအနေအထားတွေက မြန်မာနိုင်ငံတွေနဲ့လဲ တူတာမို့ အများကြီးတော့ပြောစရာ မလိုပါဘူး။
ဒီဆောင်းပါးမှာတော့ ဂျပန်လူမျိုးတွေရဲ့ အချစ်အရေးအကြောင်းကိုတင်ပြခဲ့ပါတယ်။ သို့သော် တစ်ဦးချင်းစီကို လိုက်ပြီး အမျိုးမျိုး ကွဲပြားနိုင်တာကြောင့် တယောက်နဲ့တယောက် အပြန်အလှန်နားလည်ပြီး ညှိနှိုင်းကြတာတော့ အကောင်းဆုံးနည်းလမ်းပါ။ အားလုံးပဲအချစ်ရေးကံကောင်းကြပါစေ။
