ဆောင်းဦးရာသီကတော့ နေထိုင်ရတာ အကောင်းဆုံးရာသီတစ်ခုဖြစ်ပါတယ်။ ခရီးသွားရာသီလဲဖြစ်သလို ဖက်ရှင်ရာသီလို့လဲ တင်စားလေ့ရှိကြပါတယ်။ အရောင်အသွေးတွေလဲ စုံလင်လှတဲ့ အတွက်ကြောင့် ဆောင်းဦးရာသီရောက်ရင် ခေတ်စားတဲ့ကာလတွေကလဲ ရှိပါတယ်။ ဒီဆောင်းပါးမှာတော့ ဆောင်းဦးရာသီမှာ ဘယ်လိုဖက်ရှင်ကျကျဝတ်ဆင်ရမလဲ ဆိုတာကို ဖော်ပြသွားပါ့မယ်။
မာတိကာ
- ဂျပန်နိုင်ငံဆောင်းဦးရာသီရဲ့ ပုံမှန် အပူချိန်နှင့် ရာသီဥတု။
- ဖက်ရှင်ရာသီ ဆောင်းဦး။
- ဆောင်းဦးရာသီမှာ ဝတ်သင့်တဲ့ အဝတ်အစားများအကြောင်း။
- ဆောင်းဦးဖက်ရှင်နဲ့ပတ်သက်တဲ့ ဂျပန်စာဝေါဟာရများ။
ဂျပန်နိုင်ငံဆောင်းဦးရာသီရဲ့ ပုံမှန် အပူချိန်နှင့် ရာသီဥတု။
ဂျပန်နိုင်ငံရဲ့ ဆောင်းဦးကနေ စက်တင်ဘာလကနေပြီးတော့ နိုဝင်ဘာလအထိဖြစ်ပါတယ်။ ဆောင်းဦးရာသီကတော့ ပုံမှန်အားဖြင့် နေထိုင်ရသက်သာတဲ့ ရာသီဖြစ်ပြီး အပူချိန်နဲ့ စိုထိုင်းစကလဲ အသင့်တင့် ဖြစ်ပါတယ်။ ဒါပေမယ့် မြန်မာလူမျိုးတွေအနေနဲ့ကတော့ မြန်မာနိုင်ငံ ဒီဇင်ဘာလဆောင်းရာသီထက်ပိုပြီးတော့ အေးပါတယ်။
ဆောင်းဦးရာသီက စက်တင်ဘာလ ကနေ စပေမယ့် စက်တင်ဘာလမှာတော့ အပူချိန်ခွန်ကဲနေဆဲဖြစ်ပါတယ်။ အောက်တိုဘာလအစရောက်မှ ပိုအေးလာမှာဖြစ်ပြီး နိုဝင်ဘာလရောက်ရင်တော့ ဆောင်းဦးရာသီရဲ့ အအေးဆုံးလ ဖြစ်လာမှာပါ။ ဂျပန်လူမျိုးတွေအတွက်တော့ အရမ်းမအေးတဲ့ ရာသီဖြစ်တဲ့အတွက်ကြောင့်မို့လို့ဆောင်းဦးရာသီမှာ ခရီးသွားလေ့ရှိကြပါတယ်။ ခရီးသွားဒေသတွေမှာတော့ ကျိုတိုမြို့က နာမည်ကြီးပါတယ်။
တိုင်ဖွန်းရာသီ
ဆောင်းဦးရာသီရဲ့ အစိုးရိမ်ရဆုံးအချက်တစ်ချက်ကတော့ တိုင်ဖွန်းမုန်တိုင်းတွေ မကြာခဏဝင်ရောက်တတ်တဲ့ အချက်ဖြစ်ပါတယ်။ အများအားဖြင့် နွေရာသီကုန်ခါနီးသြဂုတ်လကနေ ဆောင်းရာသီ နှောင်းပိုင်း အောက်တိုဘာလ အထိတိုင်ဖွန်းမုန်တိုင်းတွေ မကြာခဏ ဝင်ရောက်တတ်ပါတယ်။ တခါတလေ ကြမ်းတမ်းတဲ့ မုန်တိုင်းတွေဝင်ရောက်ပြီး ဆက်သွယ်ရေးပြတ်တောက်တဲ့ အခြေအနေ တွေလဲရှိတတ်ပါတယ်။ ဒါကြောင့် အဆက်မပြတ် သတင်းတွေိကုသေချာစောင့်ကြည့်ဖို့လိုအပ်ပါတယ်။
ဆောင်းဦးရာသီ လေးလကိုတစ်လချင်းစီ ဘယ်လိုအဝတ်အစားတွေ ဝတ်ဆင်သင့်လဲ?
ဆောင်းဦးရာသီ လေးရာသီမှာ ရာသီအလိုက် ရာသီမတူညီမှုတွေရှိပါတယ်။ ဒါကြောင့် ရာသီတစ်ခုချင်းစီကို လိုက်ဖက်အောင် ဝတ်တတ်ဖို့ အရေးကြီးပါတယ်။ ဒါဆို စက်တင်ဘာလကနေ နိုင်ဝင်ဘာလအထိဘယ်လို ဝတ်ရမလဲ ဆိုတာကိုကြည့်လိုက်ကြရအောင်။
စက်တင်ဘာလ - စက်တင်ဘာလ ကတော့ အပူချိန် မြင့်တုန်းလဖြစ်တဲ အတွက်ကြောင့်မိုလို့ ပါးတဲ့ အဝတ်တွေပဲ ဝတ်သင့်ပါတယ်။
အောက်တိုဘာလ - အောက်တိုဘလ ကတော့ မနက်နဲ့ ညနေပိုင်းတွေ အေးလာတဲ့အတွက်ကြောင့်မိုလို့ ဆွယ်တာ၊ ဂျာကင် တို့လို့ ခပ်ထူထူလေးတွေ ဝတ်ဖို့သင့်တော်ပါတယ်။
နိုဝင်ဘာလ - ရောက်ရင်တော့ အဝတ်တွေ အထပ်ထပ် ဝတ်ဖို့လိုအပ်လာပါပြီ. ကုတ်အင်္ကျီတွေ၊ ဖိနပ်တွေ၊ ဦးထုပ်တွေနဲ့ သေချာဝတ်ဖို့လိုအပ်လာတဲ့ အချိန်လဲဖြစ်ပါတယ်။ အပူချိန်ကလဲ နေရာအပေါ်မူတည်ပြီးတော့ အနည်းငယ်ပြောင်းလဲနိုင်ပါတယ်။
ဒီဇင်ဘာလ - ဒီဇင်ဘာလကတော့ ဆောင်းရာသီရဲ့ ပထမလဖြစ်ပေမယ့် နိုဝင်ဘာလ နောက်ပိုင်းရာသီဥတုနဲ့ ခပ်ဆင်ဆင်ဖြစ်ပါတယ်။ ဒါကြောင့်မို့လို့ တူညီတဲ့အဝတ်စားတွေ ဝတ်ဖို့အကြံပြုချင်ပါတယ်။
မှတ်ချက် : ဆောင်းဦးရာသီအချိန်မှာ မိုးလဲ မကြာခဏ ရွာတဲ့အတွက်ကြောင့်မိုလို့ မိုးကာ၊ ရေစိုခံဖိနပ်၊ ထီးတို့ကိုလဲ ဆောင်ထားဖို့ လိုအပ်ပါတယ်။
စာရေးသူရွေးချယ်သောဆောင်းပါး
ဖက်ရှင်ရာသီ ဆောင်းဦး။
ဆောင်းဦးရာသီကတော့ ရာသီဥတုအေးမြတဲ့အတွက်ကြောင့်မိုလို့ အထပ်တွေ အများကြီးဝတ်ပြီး ဖက်ရှင်ကိုပြီးတော့ မိုက်အောင်ဝတ်လို့ရပါတယ်။ ဆွဲဆောင်မှုရှိရှိနဲ အဝတ်အစားလှလှတွေကို ဖန်တီးပြီး ဝတ်လို့ကောင်းတဲ့ ရာသီလို့လဲဆိုရမှာပါ။ ဂျပန်ပြည်ရဲ့ မြို့တွေကို လျှောက်သွားတာနဲ့တင် ပျော်စရာကောင်းပြီး ဖက်ရှင်တွေကိုသေချာလှလှပပမြင်နိုင်မှာ ဖြစ်ပါတယ်။
ဆောင်းဦးရာသီရဲ့ ဖက်ရှင်ပုံစံများ
ဂျပန်နိင်ငံရဲ့ ဆောင်းဦးရာသီ ဖက်ရှင်စတိုင်လ်ကတော့ အများအားဖြင့် နွေးထွေးပြီးတော့၊ အရည်အသွေးကောင်းမွန်တဲ့ ဒီဇိုင်းတွေကိုဝတ်ဆင်လေ့ရှိပါပြီ။ ချစ်စရာကောင်းတဲ့ ဝတ်စုံတွေအပြင်၊ ခပ်လန်းလန်းဒီဇိုင်းတွေ၊ လှပပြီးထက်မြတ်မှုကိုပြသတဲ့ ဒီဇိုင်းတွေကိုလဲ ဆောင်းဦးရာသီမှာတွေ့မြင်နိုင်ပါတယ်။ အရောင်တွေကလဲ သဘာဝကိုဖော်ကြူးထားတဲ့အရောင်တွေ များပြားပါတယ်။ ဖိနပ်တွေအနေနဲ့လဲ ရှူးဖိနပ်တွေ၊ ဘွတ်ဖိနပ်တွေကိုဝတ်ဆင်လေ့ရှိကြပါတယ်။
ဆောင်းဦးရာသီမှာတွေရတဲ့အရောင်တွေကလဲ ဖက်ရှင်ရဲ့ အစိတ်အပိုင်းတွေဖြစ်ပါတယ်။
ဂျပန်မှာတော့ classic ဆန်ပြီးမှိန်တဲ့ အရောင်တွေကိုအများအားဖြင့်ဝတ်ဆင်ပေးလေ့ရှိပေမယ့် ဆောင်းဦးရာသီရောက်ရင် အနီရောင်၊ လိမ္မော်ရောင်၊ ခရမ်းရောင်၊ အစိမ်းရောင် စတဲ့အရောင်တွေကိုလဲ ဝတ်လေ့ရှိပါတယ်။ ဒါပေမယ့် ဒီလိုအရောင်တွေကိုလဲ အနုဖတ်ဖတ်အရောင်တွေထက် အရောင်ရင့်ဘက်ကိုရွေးပြီးဝတ်တဲ့သူတွေများပါတယ်။ အထူးသဖြင့် ဒီလိုအရောင်တွေကိုတော့ ဆောင်းဦးရာသီဖက်ရှင်စျေးကွက်တွေ ထဲမှာ တွေ့ရများပါတယ်။
ဆောင်းဦးရာသီမှာ ဝတ်သင့်တဲ့ အဝတ်အစားများအကြောင်း။
ထပ်ပြီးတော့ ဆောင်းဦးရာသီမှာ ဝတ်စားရမယ့် အဝတ်အမျိုးအစားတွေကိုကြည့်လိုက်ကြရအောင်။
အပြင်ခံများ
ဆောင်းဦးရာသီ ကုတ်တွေကတော့ ဆောင်းရာသီကုတ်တွေနဲ့စာရင် ပိုပြီးတော့ပေါ့ပါးပါတယ်။ ကုတ်အမျိုးအစားလဲ အမျိုးမျိူးရှိပြီး သုံးထားတဲ့ ပစ္စည်းတွေလဲအမျိုးမျိုးဖြစ်ပါတယ်။ ဆောင်းဦးရာသီက မြန်မာတွေအတွက်တော့ အေးတဲ့အတွက်ကြောင့်မိုလို့ ကုတ်တစ်ထည်လောက်တော့ ဆောင်ထားသင့်ပါတယ်။
ဆွယ်တာ
ဆွယ်တာလေးတွေကလဲ ဆောင်းဦးရာသီမှာ ဝတ်ဆင်ရမယ့် အမျိုးအစားတွေဖြစ်ပြီး အရောင်အသွေးတွေ အများကြီးရှိပါတယ်။ indoors ရောoutdoorsပါ ဆွယ်တာတွေဝတ်လို့ရတဲ့အတွက်ကြောင့်မို့လို့ တော်တော်လဲအသုံးဝင်ပါတယ်။
သိုးမွေးအင်္ကျီ
ဆောင်းရာသီ သိုးမွေးအင်္ကျီ တွေကတော့ နွေရာသီ သိုးမွေးအင်္ကျီထက်ပိုပြီးထူပါတယ်။ သိုးမွေးအင်္ကျီ တွေကတော့ လုံးဝ ဖက်ရှင်ကျတဲ့ အဝတ်အစားကပုံစံတစ်မျိုးဖြစ်ပြီး ဂျပန်မှာတော့ ဒီဇိုင်းတွေလဲ အများကြီးရှိပါတယ်။ နောက်ပြီး ဘာတဲ့တွဲ ဝတ်ဝတ်အဆင်ပြေတဲ့ အနေအထားမျိုးပါ။
ဘောင်းဘီနှင့် စကတ်အရှည်များ
ဆောင်းဦးရာသီရောက်လာပြီဆိုရင် ဘောင်းဘီနှင့် စကတ်ရှည်တွေ ဝတ်ဖို့လိုအပ်လာပါပြီ။ ဂျပန်မှာတော့ စကတ်ရှည် ဘောင်းဘီရှည်တွေကို တစ်နှစ်ပတ်လုံးဝတ်လေ့ရှိကြပါတယ်။ ဆောင်းဦးရာသီရောက်ရင်တော့ ပိုပြီးတော့ ထူတဲ့ အဝတ်အစားတွေကို ဝတ်လေ့ရှိကြပါတယ်။ လေတိုက်ထံတဲ့ စကတ်တွေလိုမျိုး ရာသီဥတုနဲ့ လိုက်ဖက်တဲ့ အဝတ်အစားတွေလဲရှိတဲ့အတွက်ကြောင့်မို့လို့ ကျိန်းသေပေါက် ဝတ်ကြည့်ဖို့ အကြံပြုချင်ပါတယ်။
Loafers ဖိနပ်များ
Loafers ဖိနပ်မျ တွေကိုတော့ အမျိုးသားစီး အမျိုးသမီးစီး နှစ်မျိုးလုံးတွေ့နိုင်ပြီး ဒီဇိုင်းတွေလဲ စုံလှပါတယ်။ ဆောင်းဦးရာသီကိုရောက်ရင်တော့ Loafers ဖိနပ်တွေကပိုပြီးလူကြိုက်များပြီး ခေတ်စားလာကြပါတယ်။
ဘွတ်ဖိနပ်များ
ဘွတ်ဖိနပ်တွေကိုတော့ အထူးသဖြင့် ဆောင်းရာသီ၊ ဆောင်းဦးရာသီတွေမှာ အများအားဖြင့် ဝတ်ဆင်လေ့ရှိကြပါတယ်။ ဆောင်းဦးရာသီရဲ့ အစက နွေရာသီလိုပူနေပေမယ့် ဘွတ်ဖိနပ်ဝတ်ဆင်လေ့ရှိကြပါတယ်။ ဘွတ်ဖိနပ်တွေကတော့ ဖက်ရှင်အနေနဲ့ ဝတ်လေ့ရှိကြပါတယ်။
မာဖလာ
ဒီလို အဝတ်အစားတွေအပြင် အဆင်တန်ဆာပစ္စည်းတွေကလဲ ဆောင်းဦးရာသီရဲ့ဖက်ရှင်ကို ပြီးပြည့်စုံဖို့အတွက် အရေးပါလှပါတယ်။ အဓိကအနေနဲ့ ပြောရမှာတော့ မာဖလာလေးတွေဖြစ်ပါတယ်။
ဦးထုပ်
ဆောင်းဦးရာသီရောက်ရင် ဦးထုပ်လှလှလေးတွေ ခေတ်စားလာပါတယ်။ သိုးမွေးဦးထုပ်၊ ပုံမှန်ဦးထုပ်နဲ့ တခြားဦးထုပ်အမျိုးမျိုးကိုတွေ့နိုင်ပါတယ်။ဆောင်းဦးရာသီရောက်ရင် လေလဲခဏခဏ တိုက်တဲ့ အတွက်ကြောင့်မိုလို့ အအေး မမိအောင်ကာကွယ်ဖို့ရယ်နဲ့
ဆောင်းဦးဖက်ရှင်နဲ့ပတ်သက်တဲ့ ဂျပန်စာဝေါဟာရများ။
ဂျပန်မှာတော့ ဆိုင်တော်တော်များများမှာ ဂျပန်လိုပဲ အသုံးပြုလေ့ရှိပါတယ်။ ဒါကြောင့်မိုလို့ ဆောင်းဦးရာသီ ဖက်ရှင်နဲ့ ပတ်သက်တဲ့ ဂျပန်စာ စကားလုံးတွေကို မှတ်ထားမယ်ဆိုရင် စျေးဝယ်တဲ့ အချိန်မှာ သေချာအသုံးဝင်မှာ ဖြစ်ပါတယ်။
オレンジ |
Daidai-iro |
လိမ္မော်ရောင် |
オリーブ |
Ori-bu |
သံလွင့်ရွက်အရောင် |
ベージュ |
Be-ju |
အညိုအဝါရောင် |
茶色 |
Cha-iro |
အညိုရောင် |
ニット帽 / ビーニー |
Nittobou / Bi-ni- |
သိုးမွှေးဦးထုပ် |
ストール |
Suto-ru |
ခြုံပုဝါ |
ブーツ |
Bu-tsu |
ဘွတ်ဖိနပ် |
上着 |
Uwagi |
အပေါ်ဝတ်အင်္ကျီ |
マフラー |
Mafura- |
လည်စည်း |
ジーンズ |
Ji-nzu |
ဂျင်း |
カーディガン |
Ka-digan |
cardigan |
長袖 |
Nagasode |
လက်ရှည် |
ニット |
Nitto Uea |
သိုးမွှေး |
タートルネック |
Ta-toru Nekku |
လည်ပင်ရှည် |
セーター |
Se-ta- |
ဆွယ်တာ |
パーカー |
Pa-ka- |
ဟူဒီ |
ジャケット |
Jaketto |
ဂျာကင် |
コート |
Ko-to |
ကုတ်အင်္ကျီ |
赤色 |
Aka-iro |
အနီရောင် |
ဆောင်းဦးရာသီအတွက် အဆင်သင့်ဖြစ်ပြီလား။ ဆောင်းဦးရာသီမှာ ဖက်ရှင်အလန်းစားနှင့် အပြင်ထွက်ပြီးပျော်ရွှင်လိုက်ပါ။