とんかつ (tonkatsu) ဝက်သားအကြွပ်ကြော် ဘယ်လိုကြော်ရမလဲ။

ဂျပန် အစားစာတွေထဲမှာတော့ とんかつ (tonkatsu) လို့ခေါ်တဲ့ ဝက်သားအကြွပ်ကြော်ကလဲ နာမည်ကြီးလူကြိုက်များတဲ့ အစားစာဖြစ်ပါတယ်။ ဝက်သားအကြွပ်ကြော်ကိုတော့ ဒီအတိုင်း ဆော့်စ်နဲ့လဲ တွဲစားလေ့ရှိသလို ပေါင်မုန့်နှင့် အသားညှပ်ပေါင်မုန့် တို့နဲ့ အတူတူတွဲစားလေ့လဲရှိကြပါတယ်။ ဒီနေ့မှာတော့ ဂျပန်ရဲ့ とんかつ (tonkatsu) လုပ်ပုံလုပ်နည်းနှင့် とんかつ (tonkatsu) ဆိုင်တွေအကြောင်းကိုလဲ မိတ်ဆက်ပေးသွားမှာဖြစ်ပါတယ်။

မာတိကာ 

1. とんかつ (tonkatsu) ဆိုတာဘယ်လိုအစားစာမျိုးလဲ။
2. とんかつ (tonkatsu) လုပ်နည်း။
3. とんかつ (tonkatsu) နဲ့အတူတွဲစားတဲ့ အစားအသောက်များ။
4. とんかつ (tonkatsu) ဆိုင်များ။
5. とんかつ (tonkatsu) နဲ့အတူတွဲစားတဲ့ အစားအသောက်များ။
6. အကျဥ်းချုပ်။

とんかつ (tonkatsu) ဆိုတာဘယ်လိုအစားစာမျိုးလဲ။

စာရေးသူရွေးချယ်သောဆောင်းပါး

တိုကျိုကနေ ၁၈၀၀ ကီလိမီတာ ဝေးတဲ့ ကျွန်းကနေပြီးပြီး တိုကျိုကို အလုပ်ပြော...

ဂျပန်အလုပ်

Wexpats ရဲ့ဇာတ်ကောင် ပွန်းဂချန် လေးကို မိတ်ဆက်လိုက်ပါပြီ။

ဂျပန်အလုပ်

ချယ်ရီပန်းကြည့်ခြင်း" ဖြစ်ပေါ်လာပုံ။ တိုကျိုရှိ ချယ်ရီပန်းကြည့်ရှုသည့်...

ဂျပန်ယဥ်ကျေးမှု

Golden Week ဆိုတာဘယ်လိုမျိုးလဲ။ ဘယ်အချိန်ကနေ၊ ဘယ်အချိန်အထိလဲ။

ဂျပန်နေထိုင်မှုဘဝ

ဂျပန်စာ တိုးတက်လာစေမယ့် ဖုန်းအက်ပလီကေးရှင်းများ

ဂျပန်စာလေ့လာခြင်း

とんかつ (tonkatsu) ဆိုတာကတော့ ဂျပန်စတိုင်ဝက်သားကြွပ်ကြော်ဖြစ်ပါတယ်။ သူရဲ့ စကားလုံးအရင်းအမြစ် ကိုကြည့်လိုက်မယ်ဆိုရင်တော့ ပထမစာလုံး ton ကတော့ ဂျပန်စကားလုံး 豚 ဆိုတဲ့ ဝက် ဆိုတဲ့ စကားလုံးဖြစ်ပြီးတော့ かつ (katsu) ဆိုတဲ့စကားလုံးကတော့ အင်္ဂလိပ်လို “cutlet” ကို ဂျပန်လိုပြန်ပြောလိုက်ရင်တော့ カツレツ “ katsuretsu”ကနေပြီးတော့ ယူထားပြီးတော့ ဒီစကားလုံးနှစ်လုံးကိုပေါင်းပြီးတော့ とんかつ (tonkatsu) ဆိုပြီးတော့ စကားလုံးဖြစ်လာမှာပါ။とんかつ (tonkatsu) ကိုတော့ အများအားဖြင့် ဝက်သားနှစ်မျိုးနဲ့ ပြုလုပ်လေ့ရှိပါတယ်။ ヒレ (hire) ဝက်ဗိုက်သားနှင့် ロース (rōsu) ဝက်ဂုတ်သားတို့ကို အသုံးပြုလေ့ရှိကြပါတယ်။ とんかつ (tonkatsu) ကတော့ နာမည်အကြီးဆုံးနဲ့ လူကြိုက်အများဆုံးဖြစ်ပေမယ့် ဝက်သားကြွပ်အကြော်အပြင် တခြားအသားတွေကိုလဲ “cutlet” အနေနဲ့ လုပ်လေ့ရှိ ကြပါတယ်။ တခြား “cutlet” တွေကတော့ ကြက်သား cutlet （チキンカツ - Chikinkatsu）၊ အမဲသား cutlet （牛かつ - Gyūkatsu）၊ဝက်သားခြောက် cutlet (ハムかつ - hamukatsu) တို့လဲရှိပါတယ်။ 

とんかつ (tonkatsu) လုပ်နည်း။

とんかつ (tonkatsu) လုပ်နည်းကလဲ လွယ်ကူပါတယ်။ ပါဝင်ပစ္စည်းတွေနဲ့ လုပ်နည်းကိုကြည့်လိုက်ကြရအောင်။

ပါဝင်ပစ္စည်းများ 

• ဝက်သားလွှာ ၄ လွှာ။
• ကြက်ဥ ၁ လုံး။
• ဂျုံမှုန့် ၆ ဇွန်း။
• ပေါင်မုန့်မှုန့် ၂ ခွက်။
• ဆား လက်ဖက်ရည်ဇွန်း ၁ ဇွန်းခွဲ။
• ငရုတ်သီးမှုန့်။
• ဆီ။
• ဂေါ် ဖီထုပ်
• ခရမ်းချဥ်သီးအသေး
• ဝက်သားအကြွပ်ကြော်ဆော့စ် 

※ ဆော့စ်ကိုတော့ ကိုယ်ကြိုက်တဲ့ဆော့စ်ကိုအသုံးပြုလို့ရပါတယ်။ ဒါပေမယ့် ဝက်သားအကြွပ်ကြော်နဲ့ လိုက်တဲ့ သီးသန့်ဆော့စ်တွေလဲရှိပါတယ်။ とんかつソース（Tonkatsu Sauce）ကိုကုန်တိုက်တွေတော်တော်များများမှာဝယ်ယူနိုင်ပါတယ်။ 

ဝေါဟာရဇယား

လုပ်ပုံလုပ်နည်း 

1. လိုအပ်တဲ့ပစ္စည်းတွေစုံပြီဆိုရင်တော့ ချက်နည်းကိုကြည့်လိုက်ကြရအောင်။
2. ပထမဆုံးကတော့ ဝက်သားတွေကို ကျက်လွယ်အောင် အရင်ဆုံး အသားတွေို အသားထောင်းတဲ့ သံချောင်းလေးနဲ့ အရင်ထောင်းပေးပါ။ အသားထောင်တဲ့ အသံချောင်းမရှိရင်လဲ ဖန်ခွက် နဲ့လဲ ထောင်းလို့ရပါတယ်။ 
3. နောက်ပြီးတော့ အသားကို ဆားနှင့် ငရုတ်ကောင်း ကို အသားပေါ်မှာ ပြန့်အောင် ဖြူးလိုက်ပါ။ 
4. ပန်းကန်ပြား ၂ခုထဲကနေ ၁ ခုကို ကြက်ဥ ခေါက်ထားပြီး နောက်ပန်းကန်တစ်ခုကိုတော့ ပေါင်မုန့် မှုန့် ကိုထည့်ထားလိုက်ပါ။ 
5. နောက်ပြီးတော့ ဝက်သားကို ဂျုံမှုန့် နှင့် နယ်ပြီးတော့ ကြက်ဥ ပြီးတော့ ပေါင်မှုန့် မုန့် တို့ကို နဲ့ လူးပါ။
6. အဆင်ပြေသွားပြီဆိုရင်တော့ ဆီပူထဲထည့်ပြီးတော့ ကြွပ်အောင်ကြော်လို့ရပါပြီ။ ဆီကိုတော့ ၁၇၀ ကနေ ၁၈၀ ဒီဂရီလောက် ပူအောင်ထားပြီးတော့ ၃ မိနစ်လောက်ကြော်လိုက်ရရပါပြီ။
7. ကျက်သွားရင်တော့ ကြော်ထားတဲ့ ဝက်ကြွပ်ကြော်ကိုတော့ အနေတော်လေး ပိုင်းပြီးတော့ သုံး‌ဆောင်လို့ရပါပြီ။ 
8. ဂေါ်ဖီကိုပါးပါးလှီးပြီးတော့ ကြိုက်နှစ်သက်တဲ့ Dressing (ドレッシング) နဲ့ ထည့်စားနိုင်ပါတယ်။

とんかつ (tonkatsu) နဲ့အတူတွဲစားတဲ့ အစားအသောက်များ။

とんかつ (tonkatsu) ကိုတော့ ဒီအတိုင်း ဂေါ်ဖီနှင့်တွဲစားလေ့ရှိသလို တခြားပုံစံတွေနဲ့ လဲပြောင်းစားလေ့ရှိပါတယ်။ တခြား とんかつ (tonkatsu) တွေကိုတော့ အောက်ပါအတိုင်းတွေ့နိုင်ပါတယ်။ 

かつ丼　 (Katsu-don)

〇〇丼(don) လို့ခေါ်တဲ့ ပန်းကန်ထဲမှာ ဟင်းတွေကိူပုံပြီးတော့ စားလေ့ရှိတဲ့ မီနူးတွေကိုလဲ ဂျပန်အစားစာတွေထဲမှာ နာမည်ကြီးတဲ့အစားစာတွေဖြစ်ပါတယ်။ とんかつ (tonkatsu)တွေကိုလဲ ဒီလို 〇〇丼(don) လိုမျိုး かつ丼 (Katsu-don) ဆိုပြီးစားလေ့ရှိကြပါတယ်။ လုပ်ပုံလဲ လွယ်ကူရိုးရှင်းပြီးတော့ ကြက်ဥ နှင့် ကြက်သွန်နီ၊ ဆော့စ်တို့ကိုရောကြော်ပြီး ထမင်းပေါ်တင်လိုက်ရင် သုံးဆောင်လို့ရပါပြီ။ 

かつカレー （Katsu Kare） 

ဂျပန် ကာရေကတော့ ဂျပန်အစားစာတွေထဲမှာလူကြိုက်များတဲ့ အစားစာတစ်မျိုးဖြစ်ပြီးတော့ ဂျပန်နိုင်ငံရဲ့ ကာရေနှင့်အတူ ဝက်သားကြွပ်ကြော်တွဲ စပ်စားတဲ့ မီနူးကလဲ လူကြိုက်များပါတယ်။ 

かつサンド（ Katsu Sando）

အသားညှပ်ပေါင်မုန့်ကို ဝက်သားကြွပ်ကြော် ညှပ်စားတဲ့ ဝက်သားကြွပ်ကြော်ညှပ်ပေါင်မုန့်တွေကလဲ လုပ်ရလွယ်ပြီးတော့ လူကြိုက်များတဲ့ အစားအသောက်တစ်မျိုးဖြစ်ပါတယ်။ မနက်စာအဖြစ်ဖြစ်စေ၊ နေ့လည်စာအဖြစ်ဖြစ်စေစားလေ့ရှိကြပြီးတော့ ကွန်ဘီနီ တို့လိုနေရာမျိုးမှာ အလွယ်တကူဝယ်ယူနိုင်ပါတယ်။ 

とんかつ (tonkatsu) ဆိုင်များ။

ဝက်သားအကြွပ်‌ကြော်တွေကိုတော့ ဆိုင်တွေမှာလဲ အလွယ်တကူဝယ်စားနိုင်ပါတယ်။ နာမည်ကြီး ဂျပန်ရိုးရာ အစားအသောက်ဆိုင်တွေမှာဖြစ်စေ၊ Chain ဆိုင်တွေမှာဖြစ်စေ စားနိုင်ပါတယ်။ ဒီမှာတော့ နေရာတိုင်းနီးပါးမှာတွေ့နိုင်တဲ့ ဝက်သားကြွပ်ကြော်ဆိုင်တွေကို ဖော်ပြသွားပါ့မယ်။ 

とんかつまつのや - Tonkatsu Matsunoya 

とんかつまつのやTonkatsu Matsunoya ကတော့ တိုကျိုတဝိုက်မှာ နာမည်ကြီးတော့tonkatsu ဆိုင်ဖြစ်ပြီးတော့ မီနူးတွေအများကြီးကို စုံစုံလင်လင်ရရှိနိုင်ပါတယ်။ tonkatsu　အပြင် တခြားအစားအသောက်တွေလဲရရှိနိုင်ပါတယ်။

かつや - Katsuya 

နောက်ထပ် နာမည်ကြီးတဲ့ ဆိုင်ကတော့ Katsuya ဆိုတဲ့ ဆိုင်ဖြစ်ပြီးတော့ tonkatsu နဲ့ပတ်သက်တဲ့ မီနူးမျိုးစုံရရှိနိုင်ပါတယ်။ ဆိုင်ခွဲတွေလဲတော်တော်များပြီးတော့ ဂျပန်နိုင်ငံရဲ့ နေရာ အနှံ့မှာတွေ့နိုင်ပါသေးတဘ်။ 

とんかつ和辛 - Tonkatsu wako

Tonkatsu wako ကလဲ နာမည်ကြီးဆိုင်ဖြစ်ပြီးတော့ ထမင်းနှင့် ဂေါ်ဖီ၊ ဆော့စ် တွေကို အခမဲ့ အလိုက်ယူလို့ရတဲ့ အတွက်ကြောင့်မို့လို့ နာမည်ကြီးပါတယ်။ 

新宿さぼてん - Shinjuku Saboten

Shinjuku Saboten ကလဲ နာမည်ကြီး Tonkatsu ဆိုင်ဖြစ်ပြီးတော့ ဆော့စ် ကိုလဲ ကိုယ်တိုင် စပ်တာမျိုးတို့လဲ လုပ်နိုင်ပါတယ်။ နှစ်ပေါင်း ၄၀ ကျော်သက်တမ်းရှိတဲ့ ဆိုင်ဖြစ်ပြီးတော့ ရာသီအလိုက်မီနူးတွေကိုလဲရနိုင်ပါသေးတယ်။ 

とんかつ (tonkatsu) နဲ့ပတ်သက်ပြီးစိတ်ဝင်စားစရာအချက်တစ်ချက် 

とんかつ (tonkatsu) နဲ့ပတ်သက်ပြီးတော့ စိတ်ဝင်စားစရာ အချက်တစ်ချက် ရှိပါတယ်။ အဲဒါကတော့ とんかつ (tonkatsu) ကို စာမေးပွဲဖြေခါနီးကျောင်းသားတွေစားလေ့ရှိပြပါတယ်။ ဘာလို့လဲဆိုရင်တော့ とんかつ (tonkatsu) ကတော့ စာမေးပွဲဖြေမယ့်ကျောင်းသားတွေအတွက် လာဘ်ကောင်းတဲ့ အစားစာလို့ယူဆကြလို့ဖြစ်ပါတယ်။ とんかつ (tonkatsu) ရဲ့ かつ က ဂျပန်လို 勝（katsu）အနိုင်ရသည် ဆိုတဲ့ စကားလုံးနဲ့ အသံထွက်တူနေလို့ဖြစ်ပါတယ်။ ဒါကြောင့်မို့လို့ စာမေးပွဲမှာ အနိုင်ရမယ်၊ အောင်မြင်မယ်ဆိုတဲ့ နိမိတ်နဲ့ စားလေ့ရှိကြတာဖြစ်ပါတယ်။ 

အကျဥ်းချုပ်။

ဒီဆောင်းပါးမှာတော့ လုပ်ရတာလွယ်ကူရိုးရှင်းတဲ့ ဂျပန်ရိုးရာ အစားစာတစ်ခုဖြစ်တဲ့ ဝက်သာကြွပ်ကြော်လုပ်နည်းနှင့် ဝက်သာကြွပ်ကြော်နဲ့ ပတ်သက်တဲ့ နာမည်ကြီး မီနူးတွေအပြင် ဂျပန်နိုင်ငံရဲ့ နာမည်ကြီး ဆိုင်တွေကို ရေးသားဖော်ပြခဲ့ပါတယ်။