ဂျပန်မှာ အိမ်ရှာနည်း နှင့် အိမ်ရှာတဲ့ အချိန်သိထားသင့်တဲ့အချက်နှင့် ဂျပန်စာများ။

ဂျပန်မှာ နိုင်ငံခြား သားတွေအတွက် နေဖို့ အိမ်ရှာတဲ့ အချိန်မှာ တော်တော်ခက်ခဲပြီးတော့ ရှုပ်ထွေးပါတယ်။ ဂျပန်ဘာသာစကား အခက်အခဲဆိုတာလဲ ရှိသလို လုပ်ရတဲ့ အဆင့်တွေ အခက်ခဲတွေလဲရှိပါတယ်။ Wexpats မှာလဲ အိမ်ရှာတာတဲ့ ပတ်သက်ပြီးဆောင်းပါးတွေ အများကြီးရှိပါတယ်။ အိမ်ရှာတဲ့ အချိန် သတိထားရမယ့် အချက်တွေနဲ့ အိမ်ဖွဲ့စည်းပုံအကြောင်းတွေကိုလဲ ရေးသားထားပါတယ်။ ဒီဆောင်းပါးမှာတော့ အိမ်ရှာတဲ့ အချိန်ကနေစပြီးတော့ အိမ်မှာ နေတဲ့အထိ လိုအပ်တဲ့ အဆင့်တဆင့်ချင်းစီကို ပိုပြီးတော့ အသေးစိတ်ဖော်ပြသွားမှာဖြစ်ပါတယ်။ ဒါ့အပြင် ဒီဆောင်းပါးကနေပြီးတော့ အိမ်ပြောင်းတဲ့ အချိန်မှာလိုအပ်တဲ့ ဂျပန်စာတွေကိုလဲလေ့လာနိုင်မှာဖြစ်ပါတယ်။ 

မာတိကာ

1. အိမ်ရှာတော့မယ်ဆိုရင်စဥ်စားရမယ့် အချက်နှင့် သိထားသင့်တဲ့ စကားလုံးများ။
   1. နေချင်တဲ့နေရာ။
   2. အိမ်စျေးနှင့် ကုန်ကျမယ့်‌ငွေများ။
   3. အာမခံပေးမယ့်သူ။
   4. အိမ်ရှာတော့မယ်ဆိုရင်သိထားသင့်တဲ့ ဂျပန်စကားလုံးများ။
2. အိမ်ရှာတဲ့ အချိန်ကနေပြီးတော့ အိမ်ရတဲ့ အချိန်အထိလုပ်ရမယ့် အဆင့်များ။
   1. အိမ်ရှာပြီး အိမ်ကိုကြည့်ခြင်း။
   2. စာချုပ်ချုပ်ဆိုခြင်း။
   3. အိမ်ပြောင်းခြင်း။
3. အကျဥ်းချုပ် 

အိမ်ရှာတော့မယ်ဆိုရင်စဥ်စားရမယ့် အချက်နှင့် သိထားသင့်တဲ့ စကားလုံးများ။

အိမ်ရှာတော့မယ်ဆိုရင်တော့ အရင်ဆုံး နေရာ၊ ပိုက်ဆံ၊ အစရှိတဲ့ အရာတွေကို အရင်ကြိုတင်ပြီးစဥ်းစားပြီးမှ အိမ်ရှာတာပိုပြီးတော့ လွယ်ကူပါတယ်။ ဒါကြောင့် မလို့ အိမ်မရှာခင် အရင်ကြိုတင်ပြီးတော့ စဥ်းစားပြီး သိထားသင့်တဲ့ အချက်တွေကို အရင်ဖော်ပြလိုက်ပါတယ်။ ဒီအချက်တွေကို သိပြီးတော့ အရင်ကြိုတင်ပြီးစဥ်းစားထားမှ ပိုပြီးတော့ အိမ်ရှာရတာ လွယ်ကူမှာဖြစ်သလို ကိုယ်နဲ့ကိုက်ညီတဲ့ နေရာ၊ အိမ်ကိုရှာဖွေနိုင်မှာဖြစ်ပါတယ်။ 

နေချင်တဲ့နေရာ။

ပထမဆုံး စဥ်းစားရမှာကတော့ နေမယ့် နေရာဖြစ်ပါတယ်။ ဥပမာ ကျောင်းတက်နေတဲ့ ကျောင်းသားဖြစ်ပါက ကျောင်းရဲ့ နေရာ၊ အလုပ်လုပ်နေတဲ့ သူဖြစ်ပါက အလုပ်နေရာကို ဗဟိုပြုပြီးတော့ စဥ်းစားရမှာဖြစ်ပါတယ်။ အလုပ်လုပ်နေတဲ့ သူဖြစ်ဖြစ်၊ ကျောင်းသားဖြစ်ဖြစ် အဆောင်ရနိုင်ပါက အဆောင်ကိုရင်ဝင်ထားတာကတော့ ပိုပြီးတော့ အဆင်ပြေပါတယ်။ အကြောင်းအရင်းကတော့ ပိုက်ဆံကုန်ကျမှု သက်သာတာရယ်၊ ပိုပြီးတော့ လုပ်ထုံးလုပ်နည်းတွေ ပိုပြီးတော့ နည်းပါးတာရယ်ကြောင့်ဖြစ်ပါတယ်။ တချို့အလုပ်တွေနှင့် ကျောင်းတွေကတော့ သတ်မှတ်ကာလ တစ်ခုထိကို အဆောင်ပေးပြီးတော့ သတ်မှတ်ကာလ ကျော်လွန်ပါက ကို့်ပါသာကိုယ် တိုက်ခန်းရှာရတာမျိုးတွေရှိတတ်ပါတယ်။ ဒါဆို ကိုယ့်ဘာသာကိုယ် ပြန်ပြီး အိမ်ကိုရှာရမှာဖြစ်ပါတယ်။ ဒါကြောင့်မလို့ အိမ်မရှာခင် ကျောင်း၊ အလုပ်နဲ့နီးတဲ့နေရာတွေမှာမလား ဒါမှမဟုတ် အလုပ်၊ ကျောင်းနဲ့နီးတဲ့နေရာက အိမ်စျေးကြီးနေတယ်ဆိုလို့ရှိရင် နည်းနည်းဝေးပြီးတော့ လာရလွယ်တဲ့ နေရာမှာရှာမလားဆိုတာကိုဆုံးဖြတ်ရမှာဖြစ်ပါတယ်။ ကျောင်းနဲ့ အလုပ်တဲ့ ဝေးတဲ့နေရာတွေမှာ နေမယ်ဆိုရင်တော့ သွားလာရေးအတွက်စဥ်းစားရမှာဖြစ်သလို လမ်းစာရိတ်ကိုလဲသေချာတွက်ချက်ပြီးတော့ စဥ်းစားရမှာဖြစ်ပါတယ်။ 

အိမ်စျေးနှင့် ကုန်ကျမယ့်‌ငွေများ။

အိမ်ငှားတဲ့ အချိန်မှာတော့ အိမ်ငှားခ အပြင် တခြားကုန်ကျစာရိတ်တွေကို သေချာချင့်ချိန်စဥ်းစားပြီးတော့ ဘတ်ချက်ကိုစဥ်းစားရမှာဖြစ်ပါတယ်။ အများအားဖြင့် ကနဦးကုန်ကျစာရိတ်၊ အိမ်ပြောင်းတဲ့ အချိန်မှာကုန်ကျမယ့် စာရိတ်တွေကို သေချာ စဥ်းစားရမှာဖြစ်ပါတယ်။ နေရာအေပါ်မူတည်ပြီးစျေးကွာမှာဖြစ်တဲ့ အတွက်ကြောင့်မို့လို့ အရင်ဆုံးနေမယ့် နေရာကိုအရင်စဥ်းစားရမှာဖြစ်ပါတယ်။ နေရာကို စဥ်းစားပြီးပြီးဆိုပါက အိမ်ကိုရှာဖွေရတော့မှာဖြစ်ပါတယ်။ 

အာမခံပေးမယ့်သူ။

ဂျပန်မှာ အိမ်ငှားတဲ့ အချိန်မှာတော့ 連帯保証人 (Rentai Hoshonin) လို့ခေါ်တဲ့ အာမခံတဲ့သူ လိုအပ်တဲ့ အချိန်တွေလဲရှိပါတယ်။ အိမ်ငှားတဲ့ သူနဲ့ အတူတူ တာဝန်တွေကို ယူပေးမယ့် သူဖြစ်ပါတယ်။ တာဝန်ယူပေးတဲ့သူဆိုတာကတော့တကယ်လို့ အိမ်ငှားတဲ့သူ အိမ်လခမပေးနိုင်တဲ့အချိန်မှာ တာဝန်ယူပေးနိုင်တဲ့ သူဖြစ်ပါတယ်။ နောက်ပြီးတော့ တာဝန်ယူရတဲ့ သူကိုတော့ အများအားဖြင့် ဝင်ငွေသတ်မှတ်ချက်တစ်ခုရှိတဲ့သူ၊ ဂျပန်လူမျိုးဖြစ်သူ အစသဖြင့် အချက်အလက်တွေကို ‌တောင်းဆိုတဲ့အခါမျိုးတွေကိုပဲ ‌တောင်းဆိုတာမျိုးတွေရှိပါတယ်။ တချို့ အိမ်တွေမှာတော့ ဒီလိုမျိုးတွေ မတောင်းတာတွေလဲရှိပါတယ်။ ဒါကြောင့်မို့လို့ အိမ်မရှာခင် ဒီအချက်ကိုလဲ သေချာကြိုတင်ပြီးတော့ စဥ်းစားသင့်ပါတယ်။

အိမ်ရှာတော့မယ်ဆိုရင်သိထားသင့်တဲ့ ဂျပန်စကားလုံးများ။

ဒါဆိုရင်တော့ ဒီအဆင့် ထိ ကြိုတင်ပြင်ဆင်တဲ့ အချိန်မှာ ကြိုပြီးသိထားသင့်တဲ့ အချက်တွေနဲ့ ပတ်သက်တဲ့ ဂျပန်စကားတွေနဲ့ အသုံးအနှုန်းတွေကိုကြည့်လိုက်ကြရအောင်။

• 敷金 (Shikikin) - စပေါ်ငွေ။ အိမ်အငှားကနေပြီးတော့ အိမ်ပိုင်ရှင်ကိုပေးရတဲ့ ငွေဖြစ်ပြီးတော့ တစ်လစာကနေ နှစ်လစာအထိ ပေး‌ဆောင်းရတဲ့ ငွေပမာဏဖြစ်ပါတယ်။ မပေးရတဲ့အိမ်တွေလဲရှိပါတယ်။ ဒီစ‌ပေါ်ငွေတွေကတော့ အိမ်ငှားတဲ့ အချိန်ပြီးသွားတဲ့ အချိန်မှာ အိမ်သန့်ရှင်းရေးလုပ်ပြီးတော့ သန့်ရှင်းရေးခနှုတ်ပြီးတော့ ပိုတဲ့ငွေကပြန်ရမှာဖြစ်ပါတယ်။
• 礼金 (Reikin) - Key money။ စာချူပ်ချုပ်တဲ့ အချိန်မှာ ကျေးဇူးတင်တဲ့ အချိန်မှာ အသုံးပြုတဲ့ ငွေဖြစ်ပြီးတော့ ဒီပမာဏကတော့ နောက်ဆုံးအိမ်ကနေ ထွက်တဲ့ အချိန်မှာ ပြန်ပြီးတော့ မရပါဘူး။
• 仲介手数料 (Chūkai tesūryō) - မိတ်ဆက်ခ။ ဒီမိတ်ဆက်ခကတော့ အိမ်ငှားကနေပြီးတော့ အိမ်ငှားတဲ့ အေဂျင်စီကိုပေးဆောင်ရတဲ့ ငွေဖြစ်ပါတယ်။ 
• 日割り家賃 (Hiwari yachin) - ရက်ချင်းတွက်တဲ့ အိမ်လခ။ ဂျပန်မှာတော့ နောက်လရဲ့ အိမ်လခကိုကြိုတင်ပြီးတော့ ပေးရတာက ပုံမှန်ဖြစ်ပါတယ်။ ဒါကြောင့် လ အလယ်လောက်ကနေပြီးတော့ အိမ်ပြောင်းလာမယ်ဆိုရင်တော့ ရက်ပိုသွားလို့ ရှိရင် ရက်အလိုက်တွက်ပြီးတော့ အိမ်လခကိုတောင်းလေ့ရှိကြပါတယ်။ အိမ်မှာဝင်နေမယ့် ရက်ကိုတွက်တဲ့ အချိန်ကတော့ စာချုပ်ချုပ်တဲ့နေကနေစပြီးတော့ တွက်လေ့ရှိတဲ့ အတွက်ကြောင့်မို့လို့ ကြိုတင်ပြီးတော့ သတိပြုဖို့လိုအပ်ပါတယ်။ 
• 管理費 (Kanrihi) - ထိန်းသိမ်းခ။ တိုက်ခန်းတွေမှာ အများသုံးနေရာရှိတဲ့ အချိန်မှာဆိုရင်တော့ ထိန်းသိမ်းခပေးဆောင်ရတာမျိုးတွေရှိပါတယ်။ ထိန်းသိမ်းခတွေကတော့ လစဥ်ပေးရတာမျိုးတွေလဲရှိပါတယ်။ 
• 初期費用(Shoki hiyō) - ကနဦးကုန်ကျစာရိတ်။ ကနဦးကုန်ကျစာရိတ်ဆိုတာကတော့ အိမ်ပြောင်းတဲ့ အချိန်မှာ ပထမဆုံးပကုန်ကျတဲ့ စာရိတ်ဖြစ်ပါတယ်။ 
• 原状回復 (Genjō kaifuku) - အိမ်ကနေ ထွက်တဲ့ အချိန်မှာကိုငှားခဲ့တဲ့ အိမ်မှာ ပျက်စီးဆုံးရှုံးမှုတွေကို ပြန်လည်ပြင်ဆင်ဖို့ အတွက် ပိုက်ဆံပေးရပါတယ်။ ဒီလိုပေးရတဲ့ ပိုက်ဆံကိုတော့ Genjō kaifuku လို့ခေါ်ပါတယ်။ 

စာရေးသူရွေးချယ်သောဆောင်းပါး

တိုကျိုကနေ ၁၈၀၀ ကီလိမီတာ ဝေးတဲ့ ကျွန်းကနေပြီးပြီး တိုကျိုကို အလုပ်ပြော...

ဂျပန်အလုပ်

Wexpats ရဲ့ဇာတ်ကောင် ပွန်းဂချန် လေးကို မိတ်ဆက်လိုက်ပါပြီ။

ဂျပန်အလုပ်

ချယ်ရီပန်းကြည့်ခြင်း" ဖြစ်ပေါ်လာပုံ။ တိုကျိုရှိ ချယ်ရီပန်းကြည့်ရှုသည့်...

ဂျပန်ယဥ်ကျေးမှု

တိုကျို အနီးနားမှာရှိတဲ့ ဆိပ်ကမ်းမြို့ Yokohama မြို့ကို တစ်နေရာခရီးစဥ...

ဂျပန်ခရီးသွား

Kaigo (介護) ဆိုတာဘယ်လိုအလုပ်မျိုးလဲ။ ဂျပန်နိုင်ငံမှာ ခိုင်းဂေါ့အလုပ်လ...

ဂျပန်အလုပ်

အိမ်ရှာတဲ့ အချိန်ကနေပြီးတော့ အိမ်ရတဲ့ အချိန်အထိလုပ်ရမယ့် အဆင့်များ။

1. ဒါဆိုရင် အိမ်ရှာတဲ့ အချိန်မှာလုပ်ရမယ့် အဆင့်တွေကို ကြည့်လိုက်ကြရအောင်။ အိမ်ပြောင်းတဲ့ အချိန်မှာတော့ အနည်းဆုံး‌ ၂ ပတ်လောက်ကနေပြီးတော့ ၂ လလောက်အထိကြိုတင်ပြီးတော့ ပြင်ဆင်ဖို့ အကြံပေးအပ်ပါတယ်။ ဒါဆိုရင် အကြမ်းဖျင်းအနေနဲ့ အိမ်ရှာတဲ့ အချိန်မှာလုပ်ရမယ့် အချက်တွေကို ကြည့်လိုက်ကြရအောင်။ 

2. အိမ်အချက်အလက်တွေကိုရှာပြီး အချက်အလက်တွေကို စုဆောင်းပါ။ အချက်အလက်တွေကိုရှာတဲ့အချိန်မှာလဲ အင်တာနက်ကနေတဆင့် ရှာတာမျိုးလဲ အဆင်ပြေသလို အချိန်ရလို့ရှိရင် အနီးနားမှာရှိတဲ့ အိမ်ရှာတဲ့ အေဂျင်စီတွေကိုတိုက်ရိုက်သွားပြီးတော့သွားမေးကြည့်တာလဲ အဆင်ပြေပါတယ်။ 

3. အချက်အလက်တွေကို ဆုံးဖြတ်ပြီးတော့ အိမ်ကို‌ရွေးပါ။

4. အိမ်ရွေးပြီးသွားရင်တော့ အိမ်ကိုသွားပြီးကြည့်တာတို့ကိုလဲ မဖြစ်မနေ လုပ်ရမှာဖြစ်ပါတယ်။

5. အိမ်ဆုံးဖြတ်ပြီးပြီဆိုရင်တော့ လိုအပ်တဲ့ အချက်အလက်တွေကိုဖြည့်ပြီးတော့ အိမ်ရှင်ဘက်က ဆုံးဖြတ်တာကိုစောင့်ရမှာဖြစ်ပါတယ်။

6. အိမ်ရှင်ဘက်က စစ်ဆေးမှု အောင်သွားပြီဆိုရင်တော့ စာချုပ်ချုပ်ဆိုပြီးနေထိုင်လို့ရပြီဖြစ်ပါတယ်။ 

အိမ်ရှာပြီး အိမ်ကိုကြည့်ခြင်း။

အိမ်ရှာတဲ့ အချိန်မှာ အဓိကအားဖြင့် အင်တာနက်ကနေပြီးတော့ ဖြည့်တဲ့ အချိန်ဖြစ်စေ၊ အိမ်ရှာတဲ့ အေဂျင်စီကိုသွားတဲ့ အချိန်မှာဖြစ်စေ အခြေခံအားဖြင့် စဥ်းစားသင့်တဲ့ အချက်တွေကိုပြောပြသွားပါ့မယ်။ အဓိကအားဖြင့် နေရာနှင့် အိမ်လခကို အပေါ်မှာပြောခဲ့ပြီးတော့ ဒီနှစ်ခုအပြင် အိမ်ရွေးတဲ့ အချိန်မှာ ထပ်စဥ်းစားရမယ့် အချက်တွေကို ဖော်ပြသွားပါ့မယ်။ 

ဘူတာနဲ့ အနီးအဝေး

ဘူတာနဲ့ အနီးအဝေးကလဲ ဂျပန်မှာနေတဲ့ အချိန်မှာ အရမ်းအရေးကြီးတဲ့ အချက်တချက်ဖြစ်ပါတယ်။ ဒါကြောင့်မို့လို့ အိမ်ရှာတဲ့အချိန်မှာလဲ ဒီအချက်ကိုပဲကြိုတင်ပြီးတော့ စဥ်းစားထားဖို့လိုအပ်ပါတယ်။ အခြေခံအားဖြင့် ဘူတာနဲ့ နီးလေ အိမ်လခ စျေးကြီးလေဖြစ်ပါတယ်။ 

အဆောက်အအုံ အမျိုးအစား 

နောက်တစ်ခုကတော့ အ‌ဆောင်အအုံ အမျိုးအစားဖြစ်ပါတယ်။ အဆောင်အအုံ အမျိုးအစားကတော့ တိုက်ခန်း၊ ကွန်ဒီု အစသဖြင့်ရွေးချယ်ရမှာဖြစ်ပါတယ်။ アパート (apa-to) တိုက်ခန်းဆိုရင်တော့ ပိုပြီးတော့ マンション (manshon) ကွန်ဒိုထက် စျေးသက်သာပါတယ်။ 

အိမ်ဖွဲ့စည်းပုံကိုရွေးခြင်း 

間取り (madori) လို့ခေါ်တဲ့ အိမ်ဖွဲ့စည်းပုံကိုတော့လဲ အရင်ရွေးချယ်ဖို့ လိုအပ်ပါတယ်။ နေမယ့် လူအမျိုးအစားပေါ်မူတည်ပြီဂတော့ အိမ်ဖွဲ့ စည်းပုံကိုလဲ သေချာစဥ်းစားဖို့ လိုအပ်ပါတယ်။ 

တွေ့ရများတဲ့ အိမ်ဖွဲ့စည်းပုံတွေကိုကြည့်လိုက်ကြရအောင်။

1. ワンルーム (wanru-mu) - တစ်ခန်း။
2. L リービング　(ri-bingu) - ဧည့်ခန်း။
3. D　ダイニング (dainingu) - ထမင်းစားခန်း။
4. K　キッチン (kicchin) - မီးဖိုချောင်။
5. ベッドルーム (beddoru-mu) - အိမ်ယာခန်း။
6. トイレ(toire) - အိမ်သာ။
7. クローゼット(kuro-zetto) - ဗီရို။

※1LDK, 2LDK အစသဖြင့်ဖော်ပြေလ့ရှိပြီးတော့ အရှေ့ကဂဏန်းကတော့ အခန်းကိုဖော်ပြတာဖြစ်ပြီးတော့ 1,2 ဆိုရင်တော့ 1 ဆိုရင်တော့ အခန်းတစ်ခန်းနဲ့ မီးဖိုချောင်၊ ဧည့်ခန်း၊ ထမင်းစားခန်းတို့ဖြစ်ပါတယ်။ 2 ဆိုရင်တော့ အခန်း ၂ခန်းနှင့် မီးဖိုချောင်၊ ဧည့်ခန်း၊ ထမင်းစားခန်းတို့ဖြစ်ပါတယ်။

ကနဦးစာရီတ်ကိုကြည့်ခြင်း

ပထမဆုံးအိမ်ပြောင်းတဲ့ အချိန်မှာတော့ အမျိုးမျိုးကုန်ကျပါတယ်။ ဒါကြောင့်မို့လို့ ကနဦးစာရိတ်အနေနဲ့ ဘယ်လောက်ကုန်ကျနိုင်မလဲဆိုတဲ့ အချက်ကိုသေချာ ဆုံးဖြတ်ပြီးတော့ ရှာဖွေသင့်ပါတယ်။ 

စာချုပ်ချုပ်ဆိုခြင်း။

အိမ်ကို ဆုံးဖြတ်ပြီးပြီဆိုရင်တော့ စာချုပ်ချုပ်ဆိုရတော့မှာ ဖြစ်ပါတယ်။ စာချုပ်ချုပ်တဲ့ အချိန်မှာတော့ လိုအပ်တဲ့ အချက်တွေကိုကြည့်လိုက်ကြရအောင်။စာချုပ်မှာပါဝင်တဲ့ အကြောင်းအရာတွေကိုသေချာ နားထောင်ရမှာဖြစ်ပြီးတော့ ပါဝင်တဲ့ အကြောင်းအရာတွေကလဲ ခက်ခဲတဲ့ အတွက်ကြောင့်မိုလို့ ဂျပန်လူမျိုး သူငယ်ချင်းရှိရင်ခေါ်သွားဖို့အကြံပြုချင်ပါတယ်။

စာချုပ်ချုပ်ဖို့အတွက် လိုအပ်တဲ့ စာရွက်စာတမ်းတွေကို ပြင်ဆင်ပါ။

စာချုပ်ချုပ်ဖို့ အတွက်လိုအပ်တဲ့စာရွက်စာတမ်းတွေကို အရင်ပြင်ဆင်ထားဖို့လိုအပ်ပါတယ်။ အခြေခံအားဖြင့် လိုအပ်တဲ့ စာရွက်စာတမ်းတွေကတော့ နေထိုင်ခွင့်ကတ်ပြား၊ ပတ်စပို့၊ အတူတူနေမယ့်သူရဲ့ အချက်အလက်၊ တံဆိပ်တုံး တို့ဖြစ်ပါတယ်။ အေဂျင်စီအပေါ်လဲမူတည်တဲ့ အတွက်ကြောင့်မိုလို့ ယူဆောင်ရမယ့် ပစ္စည်းတွေကို သေချာသိထားဖို့ လိုအပ်ပါတယ်။ 

စာချူပ်ပါ အ‌ကြောင်းအရာတွေကိုနားထောင်ပြီးတော့ မသေချာတာတွေကိုမေးပါ

စာချုပ်ချုပ်တဲ့ အချိန်မှာလိုအပ်ပြီး အရေးကြီးတဲ့ အကြောင်းအရာတွေကိုရှင်းပြမှာဖြစ်ပါတယ်။ ဒါကြောင့်မိုလို့ နားမလည်တဲ့ အကြောင်းအရာတွေကိုသေချာမေးထားရမှာဖြစ်ပါတယ်။ အထူးသဖြင့် Genjō kaifuku အကြောင်းကိုသေချာမေးတာတို့၊ အမှိုက် အစသဖြင့်နေထိုင်မှုနဲ့ ပတ်သက်တဲ့ မေးခွန်းတွေကို သေချာ မေးတာတို့ မေးမြန်းရမှာဖြစ်ပါတယ်။မေးခွန်းတွေကို မေးပြီး သေချာပြီဆိုရင်တော့ စာချုပ်ချုပ်ပြီးရင် သော့ယူပြီးရင် စာချုပ်ချုပ်တာပြီးပြီဖြစ်ပါတယ်။ 

အိမ်ပြောင်းတဲ့ အချိန်မှာ လုပ်ရမယ့် အဆင့်များ။ 

အိမ်ပြောင်းတဲ့ အချိန်မှာတော လုပ်ရမယ့် လုပ်ထုံး လုပ်နည်းတွေလဲ အများကြီးရှိပါတယ်။ အိမ်မပြောင်းခင်လုပ်ရမယ့် အဆင့်တွေနှင့် အိမ်ပြောင်းပြီး လုပ်ရမယ့် အဆင့်တွေလဲရှိပါတယ်။ ဒါကြောင့်မို့လို့ အိမ်ပြောင်းဖို့ အစီအစဥ်ရှိတယ် ဆိုရင်တော့ ကြိုတင်ပြီးတော့ ပြင်ဆင်ထားဖို့ လိုအပ်ပါတယ်။ အသေးစိတ်ကိုတော့ ဂျပန်မှာ အိမ်ပြောင်းတော့မယ်ဆိုရင် လုပ်ရမယ့် လုပ်ထုံးလုပ်နည်းများ ဆောင်းပါးကနေ ဝင်ဖတ်နိုင်ပါတယ်။ 

အကျဥ်းချုပ် 

ဒီဆောင်းပါးမှာတော့ ဂျပန်မှာ အိမ်ရှာတဲ့ အချိန်မှာ ပုံမှန်အားဖြင့် လုပ်သင့်တဲ့ အချက်တွေနှင့် သတိထားရမယ့် အချက်တွေကိုဖော်ပြခဲ့ပါတယ်။ နောက်ပြီးတော့ အိမ်ရှာတဲ့ အချိန်မှာ အသုံးဝင်မယ့် စကားလုံးတွေကိုလဲ ဖော်ပြခဲ့ပါတယ်။ အိမ်ရှာဖွေတဲ့ အချိန်မှာ သေချာအချိန်ယူပြီးတော့ သေချာအချက်အလက်တွေကို စုဆောင်းမှသာ ကိုယ်လိုချင်တဲ့ အချက်အလက်တွေနဲ့ ကိုက်ညီတဲ့ အိမ်ကိုရရှိနိုင်မှာဖြစ်ပါတယ်။