ဂျပန်နိုင်ငံကိုအလုပ်ကျောင်းနဲ့လာမယ်ဆိုရင်(things to be careful of before going to Japan)

WeXpats

2020/03/24

ဂျပန်ကိုအလုပ်နဲ့ဘဲဖြစ်ဖြစ်၊ကျောင်းနဲ့ဘဲဖြစ်ဖြစ်လာရောက်မယ်ဆိုရင်လိုက်နာရမယ့်အချက်များစွာရှိပါတယ်။ဂျပန်နိုင်ငံဟာအချိန်နဲ့စည်းကမ်းများကိုသေချာလိုက်နာတဲ့နိုင်ငံဖြစ်ပါတယ်။ဂျပန်ကိုစစရောက်လာတဲ့နိုင်ငံခြားသားအဖို့စစချင်းမရင်းနှီးပေမယ့်၊တဖြည်းဖြည်းနဲ့အတွေ့အကြုံလည်းရပြီးတော့အရမ်းကောင်းမွန်တဲ့စည်းကမ်းဖြစ်တဲ့အကြောင်းသိလာရပါတယ်။နေ့စဥ်ဖြတ်သန်းမှုမှာလည်းအများကြီးရှိပါတယ်။အလုပ်လုပ်ရမှာလည်းနိုင်ငံခြားသားများအဖို့သတ်မှတ်ထားတဲ့အချိန်အတိုင်းအလုပ်လုပ်ရမယ်ဖြစ်ပြီး၊စည်းကမ်းအရပြောမယ်ဆိုလည်းရထားချိန်၊ကားအချိန်များကိုအချိန်နောက်ကျခဲ့မယ်ဆိုရင်ကျောင်းနောက်ကျ၊အလုပ်နောက်ကျဖြစ်နိုင်တဲ့အတွက်အလုပ်ကျောင်းတွေမှာနစ်နာမှုရှိလာနိုင်တဲ့အတွက်အချိန်ကအစတလေးတစားလိုက်နာသင့်ပါတယ်။

မြန်မာပြည်ကနေပြင်ဆင်လာသင့်သောအချက်များ

ဂျပန်ရောက်ရောက်ချင်းစတင်ရင်ဆိုင်ရမှာကဂျပန်စာအခက်အခဲဖြစ်ပါတယ်။မြန်မာပြည်ကနေလုံလုံလောက်လောက်ဂျပန်စာမသင်ခဲ့ဘူးဆိုရင်ဂျပန်ရောက်ရင်ကျောင်းနဲ့လာသူများအဖို့လည်းဂျပန်ရောက်ပြီဆိုတာနဲ့ဂျပန်လူမျိုးနဲ့စတင်စကားပြောရမှာဖြစ်ပြီး၊မြန်မာပြည်ကဂျပန်စာအရည်အချင်းများသည်များသောအားဖြင့်စကားအပြောပိုင်းအားနည်းတဲ့အတွက်ဂျပန်စာအရည်အချင်းကိုလည်းသင်နိုင်သမျှသင်လာဖို့လိုအပ်ပါတယ်။ကျောင်းသားများအနေနဲ့ဂျပန်ရောက်ပြီဆိုတာနဲ့အလုပ်ရောနှစ်မျိုးစလုံးကိုလုပ်ရမှာဖြစ်တဲ့အတွက်ဂျပန်စာကိုလည်းသေချာပြင်ဆင်လာသင့်ပါတယ်။အလုပ်နဲ့လာသူများအဖို့လည်းအလုပ်ထဲမှာအထက်လူကြီးဂျပန်လူမျိုးများနဲ့အလုပ်နဲ့ပက်သက်သောစကားများကိုပြောရမှာဖြစ်ပြီး၊ဂျပန်စကားနဲ့အလုပ်နဲ့ပက်သက်သောစာစကားများကိုသေချာမလေ့လာခဲ့ရင်အခက်အခဲရှိနိုင်ပါတယ်။

စာရေးသူရွေးချယ်သောဆောင်းပါး

ဂျပန်ရဲ့နေ့စဥ်ဖြတ်သန်းမှု

ကျောင်းသားများအဖို့ဂျပန်မှာအလုပ်လုပ်မယ်ဆိုရင်တစ်ပတ်ကို၂၈နာရီလုပ်ရမှာဖြစ်ပြီး၊ကျောင်းကိုလည်းအချိန်မှာစွာတက်ရမှာဖြစ်ပါတယ်။ပထမဆုံးအခက်အခဲကဘာသာစကားဖြစ်ပြီး၊ဂျပန်စရောက်ချင်းမှာဘာသာစကားအခက်အခဲနဲ့အတူ၊အလုပ်ပင်ပန်းလာမှုနဲ့အတူကျောင်းအချိန်နောက်ကျမှုတွေဖြစ်လာနိုင်ပါတယ်။ကျောင်းခေါ်ချိန်နောက်ကျမှုနဲ့အတူ၊ဗီဇာတိုးတဲ့အခါမျိုးမှာအခက်အခဲရှိနိုင်ပါတယ်။ဂျပန်ရောက်ရောက်ချင်း၆လကနေတစ်နှစ်အထိဂျပန်စကားစတင်ပြောနိုင်ဖို့အချိန်ယူရမယ်ထင်ပါတယ်။အလုပ်မှာလည်းဂျပန်စကားရောအလုပ်မှာရောအသားကျဖို့အဲလောက်အချိန်ယူရမှာဖြစ်ပါတယ်။ဂျပန်စာတိုးတက်ဖို့ရော၊ဂျပန်မှာလည်ပတ်ဖို့အသုံးစရိတ်ရော၊ကျောင်းစရိတ်များပါရှာရမှာဖြစ်တဲ့အတွက်တော်ရုံစိတ်ဓာတ်မကျဘဲမိမိရဲ့ရည်ရွယ်ချက်ကိုသွားနိုင်ဖို့လိုအပ်ပါတယ်။အလုပ်နဲ့လာတဲ့သူတွေအနေနဲ့လည်းမြန်မာပြည်မှာကတည်းကမိမိတို့လုပ်ရမယ့်အလုပ်၊အလုပ်ရဲ့အကြောင်းအရာများနှင့်ဂျပန်ရမယ့်လစာပေးဆောင်ရမယ့်အကြောင်းအရာများကိုမြန်မာပြည်ရဲ့အေဂျင့်များကိုသေချာမေးမြန်းသင့်ပါတယ်။

ဂျပန်ရဲ့နေထိုင်မှုကုန်ကျစရိတ်

ဂျပန်မှာအခွန်များစွာရှိတဲ့အထဲကျန်းမာရေးအခွန်၊ရပ်ကွက်ခွန်နဲ့အခွန်များစွာရှိပါတယ်။ကုန်ကျစရိတ်များမှာလည်းအိမ်ဌားစရိတ်၊မီးဘေ၊ရေဘေ၊ရထားကဒ်စတဲ့အသုံးစရိတ်များစွာထဲမှမိမိတို့ကျောင်းစရိတ်လိုအပ်ချက်များအသုံးပြုဖို့အတွက်လည်းအသုံးပြုတတ်မှုလိုအပ်ပါတယ်။စစရောက်ချင်းမှာအဆင်မပြေမှုများကြုံတွေ့ရနိုင်ပြီး၊စိတ်ဓာတ်မကျဘဲမိမိတို့ရည်းမှန်းအတိုင်းလုပ်ဆောင်တတ်ဖို့အတွက်လိုအပ်ပါတယ်။ဂျပန်နိုင်ငံမှာ၂၀၁၉ခုနှစ်၁၀လပိုင်းလောက်ကစတင်ပြီးအခွန်၁၀ရာခိုင်နှုန်းမြင့်မားခဲ့ပြီး၊ကမ္ဘာနေထိုင်မှုစရိတ်အမြင့်ဆုံးနိုင်ငံထဲမှာပါဝင်နေဆဲဖြစ်ပါတယ်။

ဂျပန်သို့ပညာတော်သင်မသွားခင်လိုအပ်သောပြင်ဆင်မှုများ

စာရေးသူ

WeXpats

နေထိုင်မှုဘဝ၊အလုပ်နှင့် နိုင်ငံခြားတွင် ပညာဆည်းပူးခြင်းနှင့်ဆိုင်သည့်အသုံးဝင်သော အချက်အလက်များအပါအဝင် ဂျပန်နိုင်ငံ၏ ဆွဲဆောင်မှုရှိသည်များကို မိတ်ဆက်ပေးသော ဆောင်းပါးများစွာကိုတင်ဆက်သွားပါမည်။