ဂျပန်မှာ နေထိုင်မယ့်သူတွေအတွက် ဂျပန်မှာ ဂျပန်နိုင်ငံရဲ့ ရာသီဥတုအကြောင်းကိုသေချာသိထားဖို့ လိုအပ်ပါတယ်။ဂျပန်နိုင်ငံရဲ့ ရာသီဥတု ကတော့မြန်မာနိုင်ငံထက် ပိုပြီးတော့ အပြောင်းအလဲ ပြင်းထန်ပြီး ရာသီတစ်ခုနဲ့ တစ်ခု တော်တော် ကွဲပြားပါတယ်။ ရာသီဥတု အပြောင်းအလဲတွေအလိုက် နေထိုင်မှုဘဝ၊ အဝတ်အစား စတဲ့ အရာတွေလဲ ပြောင်းလဲပါတယ်။ ဒါကြောင့် ဒီဆောင်းပါးမှာတော့ ဂျပန်နိုင်ငံရဲ့ ရာသီဥတု အကြောင်းတွေကို ရှင်းပြရင် ရာသီအလိုက် ထူးခြားချက်တွေကို ဖော်ပြသွားပါ့မယ်။
မာတိကာ
ဂျပန်နိုင်ငံရဲ့ရာသီဥတု ရဲ့ ထူးခြားချက်
ပထမဆုံး ဂျပန်နိုင်ငံရဲ့ ဥတုလေးပါးရဲ့ ထူးခြားချက်တွေကို အချက် ၃ ချက် နဲ့ဖော်ပြသွားပါ့မယ်။
ဥတုလေးပါးရဲ့ အပိုင်းအခြားက သိသိသာသာရှိ
ဂျပန်နိုင်ငံရဲ့ ဥတုလေးခု က မြန်မာနိုင်ငံ ထက်ပိုပြီးတော့ အပြောင်းအလဲ ပြင်းထန်ပါတယ်။ ဥတု တစ်ခုစီမှာ ၃ လခန့်ကြာမြင့်ပြီး ဥတုအလိုက် အပြောင်းအလဲကိုခံစားနိုင်ပါတယ်။ ဘာလို့လဲဆိုတော့ ဂျပန်ရဲ့ ဘေးပတ်လည်မှာ ပင်လယ်ရှိပြီး အဲဒီပင်လယ်ရဲ့ လွမ်းမိုးမှုကြောင့်လဲ ရာသီဥတု အပြောင်းအလဲ ပြင်းထန်တယ်လို့ ထင်ရပါတယ်။ ဒီနေရာမှာ ရာသီဥတု အပြောင်းအလဲပြင်းထန်တယ်ဆိုတဲ့ မကောင်းတဲ့အဓိပ္ပာယ် မဟုတ်ဘဲ ရာသီဥတု တစ်ခုနဲ့ တစ်ခုရဲ့ အပိုင်းအခြားကို သိသားထင်ရှားတယ်ဆိုတဲ့ အဓိပ္ပာယ် ဖြစ်ပါတယ်။
နေရာဒေသအပေါ်လိုက်ပြီး အပူချိန်၊ မိုးလေဝသ အပြောင်းအလဲရှိ။
ဂျပန်နိုင်ငံက တောင်ဘက်ကနေ မြောက်ဘက်ကိုရှည်လျားသွယ်တန်းနေတဲ့အတွက်ကြောင့် နေရာ၊ ဒေသအပေါ်လိုက်ပြီးတော့ အပူချိန်၊ မိုးလေဝသ အပြောင်းအလဲများပါတယ်။ ဥပမာ ဂျပန်နိုင်ငံရဲ့ မြောက်ဘက်မှာရှိတဲ့ဟိုကိုင်းဒိုးကတော့ တနှစ်ပတ်လုံး အပူချိန်လဲ နိမ့်ပြီး စိုထိုင်းမှုလဲ နည်းပါးပြီး အေးမြ တဲ့ရာသီဥတု ဖြစ်ပါတယ်။ ဂျပန်နိုင်ငံရဲ့ တောင်ဘက်စွန်းမှာရှိတဲ့ အိုကီနာဝါကတော့ ရာသီဥတုပူပြီး စိုထိုင်းစလဲ မြင့် တဲ့ အပူပိုင်းဒေသဖြစ်ပါတယ်။ နောက်ပြီး၊ ဂျပန်နိုင်ငရဲ့ အရှေ့ နဲ့ အနောက်ပိုင်းတောင် အပူချိန် အများကြီးကွာခြားနိုင်ပါတယ်။ အထူးသဖြင့် ဂျပန်နိုင်ငံရဲ့ အဓိက ပင်မ ကျွန်းထဲမှာ ဂျပန်ပက်လယ်ဘက်နဲ့ ပစိဖိတ် သမုဒ္ဒရာ ဘက်ခြမ်း ရာသီဥတု အပြောင်းအလဲရှိတာလဲမထူးဆန်းလှပါဘူး။
ဒီလိုမျိုး နွေရာသီဆို ပူအိုက်ပြီး ဆောင်းရာသီ ဆိုအေးမြတယ်ဆိုတဲ့ အကြမ်းဖျင်းအာဖြင့်တူညီပေမယ့် နေရာဒေသ အပေါ် လိုက်ပြီး အပူချိန်၊ ရာသီဥတု ကွားခြားမှုတွေလဲရှိပါတယ်။
ကမ္ဘာကြီးပူနွေးမှုကြောင့် နှစ်အလိုက် ရာသီဥတု ပြောင်းလဲမှုများရှိ
ကမ္ဘာကြီးပူနွေးမှုကြောင့်ရာသီဥတု ဒဏ် ကိုခံစားနေရတာကတော့ ကမ္ဘာနေရာအနှံ့ဖြစ်ပါတယ်။ ဂျပန်မှာလဲ ရာသီဥတု အပြောင်းအလဲတွေကြောင့် အပုချိန်မြင့်တက်မှုတွေရှိလာပြီး နွေဦးနဲ့ ဆောင်းဦး ရာသီ တေါ ပိုပြီးတော့ တိုတောင်းလာခဲ့ကြပါတယ်။ နောက်ပြီး ပိုပြီးမြန်မြန် ပူလာပြီး ဂျပန်နိုင်ငံရဲ့ မိုးရာသီ လို့ခေါ်လို့ရတဲ့ ဇူလိုင်လရဲ့ Tsuyu ကလဲ ပိုပြီးတော့ ရှည်လျားလာခဲ့ပါတယ်။ ပုံမှန်တော့ နွေဦးရာသီနဲ့ နွေရာသီကြားထဲမှာဇူလိုင်လ ၁ လ သာ မိုးရွာသွန်းမှုရှိပေမယ့် ပညာရှင်တွေကတော့ မိုးရွာသွန်းတဲ့အချိန်ပိုပြီးတော့ ရှည်လျားလာပါက ဂျပန်နိုင်ငံက ဥတု ၄ ပါး မဟုတ်တော့ပဲ မိုးရာသီကိုပါ ထည့်ပြီး ရာသီဥ တု ၅ ပါးဆိုပြီး ဖြစ်လာ နိုင်ခြေရှိတယ်လို့ ထောက်ပြတဲ့ သူတွေလဲရှိပါတယ်။
စာရေးသူရွေးချယ်သောဆောင်းပါး
နွေဦး (Haru)
တရားဝင်သတ်မှတ်ချက်များအရ နွေဦးရာသီကို မတ်လမှ မေလအထိဟုရေတွက်လေ့ရှိသော်လည်း နွေဦး ရာသီ၏အငွေ့အသက်ကို စတင်ခံစားရတာကတော့ မတ်လကုန် ဧပြီလဆန်းမှဖြစ်ပါတယ်။ နွေဦးရာသီ၏ အဓိက ပြယုဂ်ကတော့ ချယ်ရီပန်းပွင့်ခြင်းပဲဖြစ်ပါတယ်။ ချယ်ရီပန်းသည် ဂျပန်နိုင်ငံ၏ ကိုယ်စားပြုအမှတ်အသားလည်းဖြစ်ပြီး ချယ်ရီပန်းများစတင်ပွင့်သည့် မတ်လအကုန်မှ စတင်ပြီး နွေဦးရာသီစတင်ပါတယ်။ နွေဦးမှာတော့ ဒီလိုလှပ တဲ့ ချယ်ရီပန်းတွေအပြင် ထင်းရှူးဝတ်မှုန် ထည့်မတည့်တဲ့သူတွေအတွက်ကတော့ တော်တော် စိတ်ညစ်စရာကောင်းတဲ့ ရောဂါတွေလဲရှိပါတယ်။ ဒါကြောင့် နွေဦးရောက်လာရင် ထင်းရှူးဝတ်မှုန်နဲ့ ဓာတ်မတည့်ပါက သေချာ ဂရုစိုက်ပြီးကြိုတင် ကာကွယ်ဖို့လိုအပ်ပါတယ်။၏
နွေဦးရာသီမှာတော့ ပွဲတော် အဖြစ် ပန်းကြည့်ပွဲတော်က တော်တော် ထင်ရှားပါတယ်။ ပန်းကြည့်တဲ့ ပွဲတော်ရာသီရောက်ရင် ဆာကူရာပန်းပင်တွေရဲ့အောက်မှာ ပန်းတွေကြည့်ရင် ပျော်ပွဲစားထွက်လေ့ရှိကြပါတယ်။ ဆာကူရာပင်တွေအောက်မှာ ပျော်ပွဲစားထွက်ကြတာလဲ လူကြိုက်များသလို တချိုကတော့ ဆာကူရာပန်းတွေကိုကြည့်ရင်း တဖြေးဖြေးလမ်းလျှောက်ရတာလဲ သဘောကျကြပါတယ်။ ပန်းကြည့်ပွဲအပြင် မိန်းကလေးတေါအတွက်ကျင်းပတဲ့ ဟိန ပွဲတော်၊ ယောကျာ်းလေးတေွအတွက် ပွဲတော် အစသဖြင့် နွေဦးရာသီမှာ ကျင်းပကြပါတယ်။
မိုးရာသီ (Tsuyu)
ဂျပန်နိုင်ငံ ရာသီဥတု ၄ မျိုးရှိသည်ဟု ဖော်ပြပြီး၊ မိုးရာသီသည် အလွန်တိုတောင်းသည့်အတွက် ရာသီဥတု ၄ မျိုးတွင်ရေတွက်လေ့မရှိသော်လည်း ဂျပန်နိုင်ငံတွင်လည်း မိုးရွာပါတယ်။ မိုးရာသီကတော့ မေလကုန်မှ ဇွန်လကုန်အထိရွာသွန်းလေ့ရှိပြီး မိုးများသောနှစ်များမှာ ဇူလိုင်လဆန်းအထိရွာတတ်ပါတယ်။ မြန်မာနိုင်ငံ၏မိုးရာသီကဲ့သို့ မိုးသည်းထန်စွာရွာသွန်းခြင်းမဟုတ်ပဲ မိုးရွာသွန်းမှုနည်းပါးပြီး၊ ဂျပန်နိုင်ငံ၏မြောက်ဘက်ပိုင်းတွင်လည်း မိုးရွာသွန်းမှုအလွန်နည်းပါတယ်။
နွေ (Natsu)
နွေရာသီကို ဇွန်လမှ ဩဂုတ်လအထိဟုသတ်မှတ်ကြသော်လည်း အမှန်စင်စစ် နွေရာသီမှာ မိုးရာသီအကုန်ဖြစ်သော ဇူလိုင်လလောက်မှ စတင်လေ့ရှိပြီး၊ ဂျပန်နိုင်ငံ တွင် ဇူလိုင်လလယ်မှ သြဂုတ်လလယ်အထိမှာ အပူချိန်အမြင့်မားဆုံးဖြစ်ပါတယ်။ ဂျပန်နိုင်ငံရဲ့ နွေရာသီကတော့ တနိုင်ငံလုံ အတိုင်းအတာ နဲ့ အပူချိန်မြင့်ပေမယ့်လဲ တောင်ပေါ် ဒေသတွေ နဲ့ မြောက်ပိုင်းဒေသမှာတော့ အေးမြပါတယ်။ ဒါကြောင့် အေးမြတဲ့ ဒေသတွေဟာ ဂျပန်နိုင်ငံရဲ့ အပူရှောင် ခရီးသွားဒေသ အဖြစ်နာမည်ကြီးပါတယ်။
နွေရာသီတွင် ပင်လယ်ကမ်းခြေများ၊ ပွဲတော်များ နှင့် အထင်ကရမီးပန်းပွဲများကိုလည်းပြုလုပ်ကြပါတယ်။ နောက်ပြီး နွေရာသီမှာဆိုရင် နွေရာသီ ဝတ် ပါးလွာတဲ့ ကီမိုနိုကိုဝတ်ဆင်ပြီး ပွဲတော် ကိုပါဝင်ဆင်နွဲတဲ့သူတွေလဲ များပြားပါတယ်။
ဆောင်းဦး (Aki)
အပူချိန်လျော့ကျသွားပြီး စတင်အေးမြမှုကိုခံစားရသည့် ဆောင်းဦးရာသီကို စက်တင်ဘာလမှ နိုဝင်ဘာလအထိသတ်မှတ်ထားပြီး၊ ပင်လယ်ရေများဝန်းရံထားသော ကျွန်းနိုင်ငံဖြစ်သည့် ဂျပန်နိုင်ငံတွင် သြဂုတ်လကုန်မှ စက်တင်ဘာလအတွင်း မုန်တိုင်းများစွာဖြစ်ပေါ်လေ့ရှိပြီးမိုးသည်းထန်စွာရွာသွန်းသည့်နေ့များလည်းရှိပါတယ်။ သို့သော် အပူချိန်မျှတပြီး နေရထိုင်ရ အဆင်ပြေတဲ့ နေ့တွေများတဲ့ ရာသီလဲဖြစ်ပါတယ်။နောက်ပြီး အစားအသောက်တွေလဲ အရသာရှိလှပြီး စာဖတ်လို့ကောင်းတဲ့ရာသီ လို့လို့လဲ တင်စားခေါ်ဝေါ်ကြပါတယ်။
ဆောင်းဦးရာသီတွင်ပွင့်လေ့ရှိသော မိုးမိဂျိ ခေါ် အရွက်နီပန်း များသည်လည်း ချယ်ရီပန်းကဲ့သို့ အလွန်နာမည်ကြီးပြီး လှပသော ပန်းဖြစ်ပါတယ်။ မိုးမိဂျိ တစ်မျိူးတည်းမဟုတ်ဘဲ အိချာလို့ခေါ်တဲ့ နှစ်တစ်ရာသစ်ပင်အရွက် တွေပါ အရောင်ပြောင်းတဲ့ ရောင်စုံခြယ်လှပနေတဲ့ မြင်ကွင်းကိုတွေ့မြင်နိုင်ပါတယ်။
ဆောင်း (Fuyu)
ဒီဇင်ဘာလမှ ဖေဖော်ရီလအထိဖြစ်သည့် ဂျပန်ဆောင်းရာသီသည် အလွန်အေးသောရာသီဖြစ်ပြီး၊ ဂျပန်နိုင်ငံ၏ တောင်ပိုင်းဒေသများတွင် နှင်းကျလေ့သိပ်မရှိသော်လည်း မြောက်ပိုင်းဒေသတော်တော်များများတွင် နှင်းများစုပုံနေလောက်အောင် နေ့စဥ်နှင်းများ ထူထပ်စွာကျတတ်ပါတယ်။ ဆောင်းရာသီ အားကစားများဖြစ်သော စကိတ်၊ နှင်းလျှောစီးခြင်းများပြုလုပ်နိုင်ပြီး၊ နှစ်စဥ် ဇန်နဝါရီလနှင့် ဖေဖော်ဝါရီလသည် အအေးဆုံးကာလဖြစ်ပါတယ်။ တနည်းအားဖြင့် ဆောင်းရာသီကတော့ နှစ်တနှစ်ရဲ့ နောက်ဆုံးကာလ နဲ့ နှစ်တနှစ်ရဲ့ အစတို့ဆုံတဲ့ ရာသီလို့လဲ ပြောလို့ရပါတယ်။ ဒါကြောင့် ဆောင်းရာသီမှာဆိုရင် နှစ်ကုန်ပါတီ၊ ခရစ်စမတ်၊ နှစ်သစ်ကူးတဲ့ ပွဲတော်တွေ ကျင်းပတဲ့ ရာသီလဲဖြစ်ပါတယ်။ နောက်ပြီး ဆောင်းရာသီမှာရင် မီးထွန်းပြီး အလှဆင်တဲ့နေရာတွေလဲ များပြားတာကြောင့် မလို့ နာမည်ကြီးတဲ့နေရာတွေကိုသွားပြီး မီးလုံးတွေကို ခံစားကြည့်ရှုနိုင်ပါတယ်။ ဂျပန်လူမျိူးတော်တော် များများကတော့ ရောင်စုံမီးသီးတွေကို ချစ်ရတဲ့ ရည်းစား၊ ချစ်သူတွေနဲ့အတူ ခံစားလေ့ရှိကြပါတယ်။
အကျဥ်းချုပ်
ဒီဆောင်းပါးမှာတော့ ဂျပန်နိုင်ငံရဲ့ ရာသီဥတု နဲ့ပတ်သတ်ပြီး အကြမ်းအဖျင်းဗဟုသုတ အပြင် ဂျပန်နိုင်ငံရဲ့ ရာသီ တစ်ခုချင်းစီရဲ့ သိသင်တဲ့ အချက်တွေကို ဖော်ပြခဲ့ပါတယ်။ ဂျပန်ကိုအလည်သွားတဲ့အချိန်မှာပဲ ဖြစ်ဖြစ်၊ ပညာသင်ဖြစ်စေ၊ အလုပ်နဲ့ပဲ ဖြစ်စေ သွားမယ့်သူတွေအတွက် ဂျပန်နိုင်ငံရဲ့ ရာသီဥတု အကြောင်းသေချာ သိပြီး ပြင်ဆင်သင့်တာပြင်ဆင်ဖို့ တိုက်တွန်းချင်ပါတယ်။
