ကိုယ်ရေးရာဇဝင် (履歴書) ကောင်းကောင်း ရဖို့ သတိထားရမယ်အချက်များ

ကိုယ်ရေးရာဇဝင်ဘာကြောင့်အရေးကြီးလဲဆိုတာကိုတော့ အားလုံးသိပြီးသားဖြစ်မှာပါ။ ကိုယ်ရေးရာဇဝင်ဆိုတာ တနည်းအားဖြင့်ပြောရရင် အင်တာဗျူးအဆင့် ရောက်မရောက်ဆုံးဖြတ်ပေးတဲ့ စာရွက်စာတမ်းတစ်ခုဖြစ်ပါတယ်။ ကိုယ်ရေးရာဇဝင်ကိုကောင်းကောင်းရေးနိုင်မှ အင်တာဗျူးအဆင့်ကို ရောက်အောင်သွားနိုင်မှာ ဖြစ်ပြီး ကိုယ်ရေးရာဇဝင်ကောင်းကောင်း မရေးနိုင်ပါက အပိုင်း၁ နဲ့ ဇာတ်သိမ်းသွားနိုင်ပါတယ်။ ဒါကြောင့် ကိုယ်ရေးရာဇဝင် ကို ကောင်းကောင်း ဘယ်လိုရေးမလဲ ဆိုတာကိုသိထားဖို့က အလုပ်လျှောက်တဲ့ အချိန်မှာ အရမ်းကိုအရေးပါတဲ့ အချက်တစ်ချက် ဖြစ်ပါတယ်။ ဒါကကြောင့် မို့လို့ ဒီဆောင်းပါးမှာတော့ ဂျပန်မှာအလုပ်လျှောက်တော့မယ် ဆိုရင် ကိုယ်ရေးရာဇဝင်ကို ဘယ်လိုရေးမလဲဆိုတဲ့ အချက်ကို ရှင်းပြသွားပါ့မယ်။ 

မာတိကာ 

• ကိုယ်ရေးရာဇဝင်အကျဉ်း（CV Form）မဖြည့်ခင် ပြင်ဆင်ရမယ့် အရာများ
• ကိုယ်ရေးရာဇဝင်အကျဉ်း（CV Form） မှာပါဝင်တဲ့ အဓိကအချက်များ။
• ကိုယ်ရေးရာဇဝင်အကျဉ်း（CV Form）မဖြည့်ပြီးနောက် စစ်ဆေးရမယ့် အချက်များ။

ကိုယ်ရေးရာဇဝင်အကျဉ်း（CV Form）မဖြည့်ခင် ပြင်ဆင်ရမယ့် အရာများ

ပထမဆုံး ကိုယ်‌ရေးရာဇဝင်ဖောင်ဖြည့်ဖို့ဆို ဖောင် နဲ့ ဘောပင် ကိုပြင်ဆင်ရပါမယ်။ ကိုယ်ရေးရာဇဝင် ဖောင်နဲ့ ဘောပင် ကိုပြင်ဆင်တဲ့ အချိန်မှာ ဘယ်လိုအရာတွေကိုသတိထားရမလဲဆိုတာကိုဖော်ပြသွားပါ့မယ်။ 

A4 စာရွက်ကိုအသုံးပြုပါ။ 

ပထမဆုံးအဆင့်ကတော့ CV Form အလွတ်ကို ဘယ်လိုရယူရမလဲဆိုတဲ့အချက်ပါ။ CV Form ကိုရွေးတဲ့ အချိန်မှာတော့ အချိန်ပိုင်းအလုပ်လျှောက်တဲ့အချိန် အသုံးပြုတဲ့ CV Form ကိုမရွေးမိအောင်သတိထားရပါမယ်။ ပုံမှန် ယန်း၁၀၀ တန်ဆိုင်တွေမှာ ရောင်းနေတဲ့ CV Form ကိုအသုံးပြုရင်လဲ အဆင်ပြေပါတယ်။ နောက်ပြီး အင်တာနက်ပေါ် မှာ အလွယ်တကူ ဒေါင်းလုတ်လုပ်လို့လဲရပါတယ်။ ဒီအတိုင်း ဒေါင်းလုတ်လုပ်ယူပြီး ကွန်ပြူတာနဲ့လဲဖြည့်လို့ရနိုင်သလို၊ Print ထုတ်ပြီး ဘောပင်နဲ့ ဖြည့်လဲ အဆင်ပြေပါတယ်။ ကွန်ပြူတာနဲ့ ဖြည့်မလား ဘောပင်နဲ့ ဖြည့်မလား ဆိုတာ၊ နှစ်မျိုးစလုံး ခွင့်ပြုလား ဆိုတာကတော့ ကိုယ့်လျှောက်မယ့် ကုမ္ပဏီအပေါ် မူတည်တဲ့အတွက်ကြောင့် မို့လို့ မလျှောက်ခင် ကြိုတင်ပြီး စစ်ဆေးထားဖို့လိုအပ်ပါတယ်။ 

အဖြူရောင်စာအိတ်ကို အသုံးပြုပါ။

CV Form ကိုဖြည့်ပြီး ထည့်တဲ့ အချိန်မှာတော့ စာအိတ်အဖြူရောင်ကို အသုံးပြုတာအကောင်းဆုံး ဖြစ်ပါတယ်။ အညိုရောင် စာအိတ်ဆိုရင်တော့ ကုမ္ပဏီဘက်ကနေပြီးတော့ တခြားစာရွက် စာတမ်းနဲ့မှားပြီး အမှတ်တမဲ့ ကျန်ခဲ့နိုင်ပါတယ်။

ဘောပင် အနက်ရောင်ကို အသုံးပြုကြရအောင် 

ဘောပင်နဲ့ ဖြည့်တဲ့ သူတွေ ကတော့ ဘောပင် အနက်ရောင်ကို အသုံးပြုရမှာပါ။ မြန်မာနိုင်ငံမှာတော့ ဘောပင် အပြာရောင်နဲ့ ရေးလေ့ရှိပေမယ့် ဂျပန်မှာတော့ စာရွက်စာတမ်းတွေမှာ ဘောပင် အနက်ရောင်နဲ့ ရေးရပါတယ်။ ဘောပင် အနက်ရောင်မှာလဲ ရေစိုဘောပင်တွေကို အသုံးမပြုဖို့ သတိထားပါ။ ရေစိုဘောပင်တွေက မင်ရည်တွေ စိုနေတ့ အတွက်ကြောင့် အလွယ်တကူ ပေကျံနိုင်တဲ့အတွက်ကြောင့်ဖြစ်ပါတယ်။ နောက်ပြီး ရေးပြီး ပြန်ဖျက်လို့ရနိုင်တဲ့ ဘောပင်တွေကိုအသုံးမပြုမိအောင် သတိထားပါ။ ကိုယ်ရေးရာဇဝင်တစ်ခုတည်းမဟုတ်ဘဲ တခြား တရားဝင် စာရွက်စာတမ်းတွေမှာ ဖျက်လို့ရတဲ့ ဘောပင်တွေကို အသုံးပြု လို့မရပါဘူး။ လှလှပပရေးနိုင်ဖို့ဆို 0.5～0.7mm အရွယ်အစား ဘောပင်ကို အသုံးပြုဖို့အကြံပေးချင်ပါတယ်။ 

ဒီအချက်တွေကို သတိထားပြီး CV Form ကိုရေးဖို့ ပြင်ဆင်ရပါမယ်။ ဒါဆို CV Form မှာ ဘယ်လိူအချက်တွေ ရှိလဲဆိုတာ ကိုဆက်ကြည့်လိုက်ကြရအောင်။ 

ဂျပန်မှာ အလုပ်ရှာဖို့အတွက် စိတ်သောကရောက်ဖူးပါသလား။

ကိုဘ်တကယ်လုပ်ချင်တဲ့ အလုပ်ကိုလုပ်နေရဲ့လား။ နိုင်ငံခြားသားတွေကို အလုပ်ခန့်တဲ့ ကုမ္ပဏီတွေကိုသိချင်တယ် ဂျပန်မှာ အနာဂါတ်အသက်မွေးဝမ်းကြောင်းအတွက် စိုးရိမ်ပူပန်နေပါသလား လက်ရှိဗီဇာနှင့် ဘယ်လိုအလုပ်မျိုး လုပ်နိုင်လဲ သိချင်ပါသလား။

ဂျပန်မှာ အလုပ်ရှာဖို့အတွက် WeXpats Agent မှအစအဆုံး Support ပေးပါမည်။ အခမဲ့ WeXpats Agentဆွေးနွေးကြည့်နိုင်ပါသည်။

ကိုယ်ရေးရာဇဝင်အကျဉ်း မှာပါဝင်တဲ့ အဓိကအချက်များ

ကိုယ်ရေးရာဇဝင်ဖောင်မှာ ဖြည့်ရမယ့် အချက်အလက်တွေ အားလုံးက အရေးကြီးပြီး ကိုယ့်အကြောင်း၊ အားသာချက် စတဲ့ အရာတွေကို သေသေချာချာ ကိုယ့်လျှောက်မယ့် လုပ်ငန်းဘက်ကို သေချာ ပြောပြနိုင်ဖို့ အရေးကြီးတဲ့ အချက်တွေ ဖြစ်ပါတယ်။ ဒါကြောင့် အချက်အလက်တိုင်းကို သေချာကွက်တိဖြစ်အောင် ဖြည့်စွက်ဖို့လိုအပ်ပါတယ်။ CV Form ကိုအကြမ်းအားဖြင့် ခွဲလိုက်ရင်တော့ အပိုင်း ၅ ပိုင်းပါဝင်ပါတယ်။ 

အခြေအခံ အချက်အလက်များ (基本情報)

အခြေအခံ အချက်အလက်ဆိုတဲ့ အပိုင်းမှာတော့ ကိုယ့်ရဲ့ အချက်တွေကို ဖြည့်ရတဲ့ အပိုင်းဖြစ်ပါတယ်။ မိမိနာမည် ၊ အသက်အရွယ်၊ လိပ်စာ စတဲ့ အချက်အလက်တွေကို ဖြည့်ရမှာ ဖြစ်ပါတယ်။ နေ့စွဲနဲ့ မိမိနာမည် အသံထွက်ကို Furigana နဲ့ရေးဖို့ သေချာ စစ်ဆေးကြည့်ပါတယ်။ လိပ်စာကိုလဲ အဆောင်အအုံ နာမည် အထိသေချာ ရေးထားခြင်းရှိမရှိကိုလဲ သေချာ ဂရုစိုက်ပြီး ကြည့်ပါ။ ဖုန်းနံပါတ်ကိုလဲ သေချာပြန်စစ်ပါ။ လုပ်ငန်းဘက်ကနေ‌ အောင်၊ မအောင်ကို ကိုယ်ဖြည့်ထားတဲ့ ဖုန်းနံပါတ်နဲ့ ပြန်အကြောင်းကြားတဲ့အတွက်ကြောင့် သေချာပြန်လည်စိစစ်ပါ။

①　လက်ရှိနေ့စွဲ ကိုဖြည့်ရမှာဖြစ်ပါတယ်။ 

②　မိမိနာမည်ကို အင်္ဂလိပ်လို ဖြည့်ရမှာ ဖြစ်ပါတယ်။ နောက်ပြီး အပေါ်မှာ ဂျပန်လို အသံထွက် Hiragana နဲ့ရေးဖို့ မမေ့ပါနဲ့။ 

③ မွေးနေ့ ကိုဖြည့်ပါ။ နောက်ပြီး နံဘေးကွက်မှာ အသက်ကိုတခါတည်းဖြည့်ပါ။ 

④　ကျား၊ မ ကို ဂျပန်လိုရေးပါ။ ဖောင်အပေါ်မူတည်ပြီး ရေးထားပြီးသားလဲရှိတာကြောင့် ရေးပြီးသားဖြစ်နေရင် ဒီအတိုင်းဝိုင်းလိုက်ရုံပဲ ဖြစ်ပါတယ်။ 

⑤　လိပ်စာ ကို ပြည့်ပြည့်စုံစုံ ရေးပါ။ 

⑥　ဖုန်းနံပါတ်ကိုလဲ မှန်ကန်အောင်ဖြည့်ပါ။ 

⑦　အီးမေးလ် လိပ်စာကိုလဲ မှန်မှန်ကန်ကန်ဖြည့်ပါ။

⑧　တကယ်လို့ အပေါ်မှာ ရေးထားတဲ့ လိပ်စာ မဟုတ်ဘဲ တခြားလိပ်စာကို ဆက်သွယ်စေချင်ရင်တော့ ဒီနေရာမှာ မိမိကို ဆက်သွယ်စေလိုတဲ့ လိပ်စာ ကိုဖြည့်ပါ။ မရှိရင်တော့ 同上（どうじょう） အပေါ်ကအတိုင်းဖြစ်ပါတယ် လို့ဖြည့်နိုင်ပါတယ်။

⑨　မှာကတော့ သတ်မှတ်ချက်နဲ့ ကိုက်ညီတဲ့ ဓာတ်ပုံကိုကပ်ရပါမည်။ 

ပညာအရည်အချင်း၊ အလုပ်အတွေ့အကြုံ (学歴・職歴)

နောက်တပိုင်းကတော့ ပညာအရည်အချင်းနဲ့ အလုပ်အတွေ့အကြုံတွေကို ရေးရတဲ့ အပိုင်းဖြစ်ပါတယ်။ ပညာအရည်အချင်ကိုတော့ အလယ်တန်းအောင် ကနေ စပြီးရေးရပါတယ်။ 

①　မှာကတော့ မိမိရဲ့ ပညာအရည်အချင်းကိုဖြည့်ရပါမယ်။

ကျောင်းနာမည်ကိုဖြည့်တဲ့အချိန်မှာလဲ သေချာ တရားဝင် နာမည်ကို သုံးပြီးရေးရမှာ ဖြစ်ပါတယ်။ ပညာတော်သင်ကျောင်းသားဆိုရင် ကျောင်းနာမည် ရဲ့ အရှေ့မှာ နိုင်ငံနာမည်ကိုပါထည့်ရေးရပါတယ်။ ဥပမာ - မြန်မာနိုင်ငံ၊ ရန်ကုန်တက္ကသိုလ်၊ ဂျပန်ဘာသာအထူးပြု ミャンマー　ヤンゴン大学　日本語学科　လို့ရေးသားဖော်ပြရမှာ ဖြစ်ပါတယ်။ 

②　လုပ်ငန်းအတွေ့အကြုံရာမှာတော့ ကျောင်းပြီးခါစ ဆိုရင်တော့ မရေးလဲရပါတယ်။ နောက်ပြီး အချိန်ပိုင်းအလုပ်အတွေ့အကြုံကတော့ ထည့်ရေးလို့မရပါ။ ဒါကြောင့် လုပ်ငန်းအတွေ့အကြုံနေရာမှာ အချိန်ပိုင်းအလုပ် အတွေ့အကြုံကို မရေးမိအောင်သတိထားပါ။ 

လိုင်စင် ၊ အရည်အချင်းများ (免許・資格)

ဒီအပိုင်းမှာတော့ ကိုယ်ရရှိထားတဲ့ လိုင်စင်နဲ့ အရည်အချင်းစစ် စာမေးပွဲအောင်လက်မှတ်တွေကို ဖြည့်ရမှာဖြစ်ပါတယ်။ ကိုယ့်လျှောက်မယ့် အလုပ်နဲ့ သက်ဆိုင်တဲ့ လိုင်စင်၊ အရည်အချင်းစတဲ့အရာတွေကို ဦးစားပေးအလိုက် ဖြည့်စွက်ဖို့လိုအပ်ပါတယ်။ ပုံမှန်အားဖြင့်တော့ 

1. အလုပ်ခေါ်စာမှာရေးထားတဲ့ လိုအပ်ချက်အရည်အချင်း
2. ဘာသာစကားပိုင်းဆိုင်ရာအရည်အချင်း၊ လက်မှတ် 
3. ကားမောင်းလိုင်စင် 
4. လျှောက်မယ့် အလုပ်နဲ့ သက်ဆိုင်တဲ့ လက်မှတ်၊ လိုင်စင်များ
5. ကွန်ပြုတာနဲ့ ပတ်သက်တဲ့ လက်မှတ် နဲ့ လိုင်စင်များ

ဖြည့်စွက်တဲ့ အချိန်မှာ သတိထားရမှာက စာမေးပွဲ၊ လိုင်စင်လက်မှတ်အမည်တွေကို တရားဝင်နည်မည် နဲ့ ဖြည့်ရမှာ ဖြစ်ပါတယ်။ JLPT ဆိုရင်လဲ 日本語能力試験 ဆိုပြီး နာမည် အရှည်ကိုရေးဖို့ လိုအပ်ပါတယ်။ ဒါပေမယ့် TOEIC ကိုတော့ Test of English for International Communication ဆိုပြီး အရှည်ကြီးရေးစရာမလိုဘဲ TOEIC 公開テスト လို့သာရေးရမှာ ဖြစ်ပါတယ်။ TOEFL・IELTS ရောအလားတူဖြစ်ပါတယ်။ နောက်ပြီး အရည်အချင်းစစ် စာမေးပွဲတစ်ခုတည်းမှာ လက်မှတ်တွေအများကြီးရှိနေရင် အမြင့်ဆုံးတစ်ခုကိုပဲ ဖြည့်ဖို့လိုအပ်ပါတယ်။ ဥပမာ JLPT N2 JLPT N1 နှစ်မျိုးစလုံးရှိနေတဲ့ သူဆိုရင် 日本語能力試験　N1 合格 ကိုသာဖြည့်စွက်ဖို့ လိုအပ်ပါတယ်။ ‌နောက်ပြီး အောင်ခဲ့တဲ့ နှစ်နဲ့ လ ကိုပါ သေချာဖြည့်စွက်ပါ။

ဒီအချိန်မှာလဲ လိုင်စင်၊ လက်မှတ်တွေ ရဲ့‌နောက်မှာ 所得、合格、終了 ဆိုတဲ့ ပြီးဆုံးကြောင်း၊ ရယူကြောင်း၊စတဲ့ စကားလုံးတွေကို ဖြည့်စွက်ဖို့လိုအပ်ပါတယ်။ 

ဒါဆို ဒီစကားလုံးတွေကို ဘယ်လိုခွဲသုံးရမလဲ ဆိုတာကတော့ 

• လိုင်စင် စာရွက် ရတဲ့ စာမေးပွဲမျိုးဆို - 「取得」
  • ဥပမာ - 普通自動車第一種運転免許（AT 限定）取得
• ဘာသာစကားစွမ်းရည်ပိုင်းဆိုင်ရာစွမ်းရည်များရဲံ ရမှတ် - 「取得」
  • ဥပမာ -TOEIC 公開テスト 800点　取得
• အောင်လက်မှတ်ရရှိတဲ့ စာမေးပွဲ - 合格
  • ဥပမာ -日本語能力試験N1　合格
• ထရိန်နင် ဆင်းပြီးရရှိလာတဲ့ လက်မှတ် - 終了
  • ဥပမာ -日本語教師育成プログラム　終了

ကိုယ့်အကြောင်းနှင့် အလုပ်လျှောက်ရတဲ့အကြောင်းအရင်း （自己PRや志望動機）

①　ကိုယ့်အကြောင်းနဲ့ အလုပ်လျှောက်ရတဲ့အေကြာင်းအရင်းကိုတော့ သေသေချာချာ ရေးကြရအောင်။ သေချာ အကြောင်းအကျိုးဆက်စပ်မှုရှိရှိရေးဖို့လိုအပ်ပါတယ်။ ဂျပန်လိုနဲ့ ရေးတဲ့ အချိန်မှာဆို ကျိန်းသေပေါက် တခြားလူကိုဖတ်ခိုင်းပြီး အကြံညဏ်တောင်းပြီး လိုအပ်တဲ့ နေရာတွေကို သေချာ ပြင်ဆင်ကြည့်ကြရအောင်။ 

②　通勤時間（つうきんじかん）မှာကတော့ ရုံးတက်ကြာချိန်ကို ဖြည့်စွက်ပါ။

③　မှီခိုတဲ့ မိသားစုဝင်အရေအတွက်ကို ဖြည့်ရမှာ ဖြစ်ပါတယ်။ မိမိရဲ့ အိမ်ထောင်ဖက် ကို မရေတွက်ဘဲ ဖြည့်ရမှာ ဖြစ်ပါတယ်။

④　အိမ်ထောင်ရှိ၊ မရှိကိုဖြည့်ပါ။

⑤　တကယ်လို့ အိမ်ထောင် ရှိပြီး အိမ်ထောင်ဖက်ပါ မှီခိုထဲမှာ ပါဝင်ပါက 有　အိမ်ထောင်ဖက်က မှီခိုမဟုတ်ပါက 無 ကိုဖြည့်ပါ။ 

အလုပ်ဘက်ကိုတောင်းဆိုလိုသော အကြောင်းအရာများ（ 本人希望記入欄）

ဒီအပိုင်းမှာတော့ အလုပ်ကိုတောင်းဆိုချင်တဲ့ အလုပ်ချိန်နဲ့ အလုပ်လုပ်တဲ့ အချိန်လိုက်လျောပေးစေလိုတဲ့ အချက်တွေကိုဖြည့်စွက်ရမှာ ဖြစ်ပါတယ်။ ဒီလို အချက်တွေကိုဖြည့်စွက်တြံ အချိန်မှာလဲ ကိုယ်လိုချင်သလို စိတ်ကြိုက်ဖြည့်စွက်ရတာမျိုးမဟုတ်ဘဲ တကယ် လုံးဝ ရှောင်လွဲလို့မရတဲ့ အကြောင်းအရင်းမျိုးရှိမှ ဖြည့်စွက်လို့ရပါတယ်။ ဖြည့်စွက်ဖို့ မရှိရင်လဲ ဒီအတိုင်း ဗလာကြီးမထားဘဲ ကုမ္ပဏီမှ ချမှတ်ထားတဲ့ စည်းကမ်းအတိုင်းဆောင်ရွက်ပါမယ် လို့ရေးဖို့လိုအပ်ပါတယ်။ 

စာရေးသူရွေးချယ်သောဆောင်းပါး

Wexpats ရဲ့ဇာတ်ကောင် ပွန်းဂချန် လေးကို မိတ်ဆက်လိုက်ပါပြီ။

ဂျပန်အလုပ်

တိုကျိုကနေ ၁၈၀၀ ကီလိမီတာ ဝေးတဲ့ ကျွန်းကနေပြီးပြီး တိုကျိုကို အလုပ်ပြော...

ဂျပန်အလုပ်

ချယ်ရီပန်းကြည့်ခြင်း" ဖြစ်ပေါ်လာပုံ။ တိုကျိုရှိ ချယ်ရီပန်းကြည့်ရှုသည့်...

ဂျပန်ယဥ်ကျေးမှု

နှစ်ကုန်မှာ ပြင်ဆင်ရမယ့်အရာတွေနဲ့ ဂျပန်ရိုးရားအလေ့အထများ

ဂျပန်ယဥ်ကျေးမှု

နှစ်သစ်ကူးဖြတ်သန်းပုံနှင့် နှုတ်ဆက်စကားများ

ဂျပန်ယဥ်ကျေးမှု

ကိုယ်ရေးရာဇဝင်အကျဉ်း（CV Form）ဖြည့်တဲ့ အချိန် သတိထားရမယ့်အချက်များ။

ကာလရှည် အလုပ်သင် အတွေ့အကြုံရှိပါက ဖြည့်စွက်ပါ

ကိုယ်လျှောက်မယ့် ကုမ္ပဏီရဲ့ ကာလရှည် အလုပ်သင် သင်တန်းကို တက်ရောက်ခဲ့ဖူးပါက ကျိန်းသေပေါက် ဖြည့်စွက်ဖို့ အကြံပေးချင်ပါတယ်။ ဖြည့်ရမယ့် ပုံစံကတော့ (ကာလရှည်သင်တန်း 　◯◯ဌာန ◯◯ဌာနခွဲ ◯◯တာဝန်) 「長期インターンシップ　◯◯部◯◯課◯◯業務」ဆိုပြီး ဖြည့်စွက်ဖို့လိုအပ်ပါတယ်။ ဒီလိုဖြည့်လိုက်ခြင်းအားဖြင့် မိမိလုပ်ငန်းအတွေ့အကြုံရှိကြောင်းကိုပါ လုပ်ငန်းဖက်ကို သိစေတဲ့အတွက်ကြောင့်မို့လို အားသာချက်တစ်ခုဖြစ်စေမှာပါ။ 

အမှားရှိရင် မင်ဖျက်ဆေး ကို မသုံးပါနဲ့ 

ဖောင်ဖြည့်နေရင်းနဲ့ အမှားပါသွားပါက မင်ဖျက်ဆေးကို အသုံးမပြုအောင် သတိထားရမှာ ဖြစ်ပါတယ်။ အကောင်းဆုံးနည်းလမ်းကတော့ ဖောင်အသစ်မှာ အစကနေပြီးတော့ ပြန်ဖြည့်တာဖြစ်ပါတယ်။ဒါကြောင့် မို့လို့ ခဲသားဘောပင် နဲ့ အရင် ဖြည့်ပြီးမှ ဘောပင် နဲ့ လိုက်ဖြည့်ဖို့ အကြံပေးချင်ပါတယ်။ 

 ခုနှစ် တွေကို ဂျပန်ပုံစံ သို့မဟုတ် အနောက်တိုင်းပုံစံ တစ်ခုတည်းကို ညှိရေးရအောင် 

 ခုနှစ်တွေကိုရေးတဲ့အချိန်မှာ တမျိုးတည်းဖြစ်အောင် ရေးဖို့အရေးကြီးပါတယ်၊။ ဥပမာ 「令和◯◯年」「2021年」လိုမျိုး ဂျပန်ပုံစံနဲ့ရေလိုက် အနောက်တိုင်းပုံစံနဲ့ ရေးလိုက် လုပ်လိုက်မယ်ဆိုရင် ဖြည့်စွက်ထားတဲ့ အရာတွေလဲ ရှုပ်ထွေးသွားနိုင်ပါတယ်။ ဒါကြောင့်မို့လို့ မဖြည့်ခင်ကတည်းက ကြိုတင်ပြီး ဘယ်ပုံစံနဲ့ ရေးရမလဲ ဆိုတာကို ဆုံးဖြတ်ပြီးရေးသားဖို့ လိုအပ်ပါတယ်။ 

ဖြည့်စွက်ဖို့ ကျန်ခဲ့တဲ့ အချက်အလက်တွေရှိမရှိသေချာပြန်စိစစ်ပါ

အားလုံးဖြည့်စွက်ပြီးတဲ့အချိန်မှာ ဖြည့်စွက်ဖို့ အချက်အလက်တွေ ကျန်မကျန်ကိုသေချာ ပြန်လည်စိစစ်ပါ။အထူးသဖြင့် နေ့စွဲတွေ၊ အသံထွက် တင်တဲ့နေရာတွေ၊ စတဲ့ နေရာတွေက ကျန်တတ်တဲံ အတွက်ကြောင့် မို့လို့ မထပ်ခင် တခေါက်လောက် သေချာ စိစစ်ပြီးမှ ထပ်ဖို့ အကြံပေးချင်ပါတယ်။ ဒီအတိုင်းထပ်လိုက်ပြီးအမှားတွေပါနေမယ်ဆိုရင် ကိုယ့်အပေါ်မကောင်းတဲ့ အမြင်နဲ့ ကြည့်နိုင်တာမို့သေချာ ဂရုပြုဖို့လိုအပ်ပါတယ်။ 

မဟုတ်မမှန်တဲ့ အချက်အလက်တွေ ကိုမရေးရ။

ကိုယ်ရေးရာဇဝင် မှာ မဟုတ်တဲ့ အချက်အလက်တွေကို မဟုတ်မမှန်ရေးလို့မရပါဘူး။ လုပ်ငန်းဘက်ကနေပြီးတော့ ကြည့်လိုက်ရင်တော့ မဟုတ်မမှန်တဲ့ အချက်အလက်ဆိုတာကို ချက်ချင်းသိနိုင်လို့ပါ။

အကျဥ်းချုပ် 

ကိုယ်ရေးရာဇဝင်က‌တော့ အလုပ်လျှောက်တဲ့ အချိန်မှာ အရေးကြီးဆုံး စာရွက်စာတမ်းတစ်ခုလို့ပြောရင်လဲ မမှားပါဘူး။ ပထမဆုံးအဆင့်နဲ့ အရေးကြီးဆုံးအဆင့်ဖြစ်လို့ သေချာ ပြင်ဆင်ဖို့လိုအပ်ပါတယ်။ ကိုယ်ရေးရာဇဝင်ကိုမဖြည့်ခင် ပြင်ဆင်ရမယ့် အချက်၊ ဖြည့်နေတုန်းမှာ လိုက်နာရမယ့်အချက်တွေနဲ့ ဖြည့်ပြီးနောက်မှာ သေချာ စစ်ဆေးရမယ့် အချက်တွေကို သေချာဖတ်ရှုပြီး ကိုယ်ရေးရာဇဝင်ကို သေချာပြင်ဆင်ရေးသားဖို့ အကြံပေးလိုက်ပါတယ်။ 

WeXpats Jobs ဆိုတာ?

WeXpats Jobs ဆိုတာကတော့ ဂျပန်မှာ အလုပ်လုပ်ကိုင်မယ့် နိုင်ငံခြားသားတွေကို အားပေးတဲ့ ဝက်ဘ်ဆိုက်ပဲဖြစ်ပါတယ်။ ဒီတခေါက် အင်တာဗျူးမှာ မိတ်ဆက်ခဲ့တဲ့ ဟိုတယ် အလုပ်အကိုင်တွေအပြင် တခြား လုပ်ငန်းတွေရဲ့ အလုပ်ခေါ် စာအမျိုးမျိုးမိတ်ဆက်ပေးလျက်ရှိပါတယ်။

ဂျပန်ဘာသာစကားအပါအဝင် ဘာသာစကား ၁၁ မျိုး (အင်္ဂလိပ်၊ ဗီယက်နမ်၊ ကိုးရီးယား၊ အင်ဒိုနီးရှား၊ တရုတ်၊ မြန်မာ၊ ထိုင်း၊ စပိန်၊ ပေါ်တူဂီ ) စတဲ့ဘာသာစကားတွေနဲ့ အလုပ်ရှာဖွေနိုင်မှာဖြစ်ပြီး ဂျပန်စကားကိုသေချာမပြောနိုင်တဲ့တွေလဲ ယုံကြည်မှုရှိရှိနဲ့ အလုပ်ရှာဖွေနိုင်ပါတယ်။ 

၁ ကိုယ်ဘာသာကို ရှာဖွေနိုင်ခြင်း

ဂျပန်စာအရည်အချင်း၊ လုပ်ကိုင်ချင်တဲ့အလုပ်အမျိုးအစား၊ အလုပ်နေရာ စတဲ့အရာတွေကိုဖြည့်စွက်ပြီး ကိုယ့်ဘာသာကို ရှာဖွေနိုင်ပါတယ်။ 

၂ လုပ်ငန်းဘက်က ကမ်းလှမ်းစာတွေကိုလက်ခံစာရယူပါ

လွယ်ကူတဲ့ ‌မေးခွန်းတွေကိုဖြေဆိုပြီး မိမိနဲ့ကိုက်ညီတဲ့အလုပ်ခေါ်စာတွေကို လက်ခံရယူနိုင်ပါတယ် ။ လုံးဝအခမဲ့ဖြစ်တာကြောင့် အောက်က ပုံကနေတဆင့် နိုပ်ပြီး အလုပ်ရှာဖွေနိုင်ပါတယ်။