ဒီလိုပွဲများဟာဂျပန်စာသင်တန်းကျောင်းမပြီးခင်ကြိုတင်ပြီးသွားရတဲ့ပွဲမျိုးဖြစ်ပါတယ်။ဂျပန်မှာမိမိတက်နေတဲ့ကျောင်းကဆရာ၊ဆရာမများကနောက်ထပ်တက်မယ့်တက္ကသိုလ်၊ကောလိပ်ကိုရှာဖို့အသိပေးတာကိုဂရုတစိုက်နားထောင်ပြီးကျောင်းကောင်းကောင်းကိုရှာသင့်ပါတယ်။ဂျပန်မှာလည်းကျောင်းကောင်းကောင်းကမပြီးထားရင်အလုပ်ရှာရခက်တာမျိုးရှိတဲ့အတွက်မိမိဆက်တက်မယ့်ကျောင်းရွေးတဲ့အခါဂရုတစိုက်ရွေးချယ်သင့်ပါတယ်။မိမိကနိုင်ငံခြားသားဖြစ်တဲ့အတွက်ရှာတဲ့နေရာမှာ外国人学生進学説明会ဆိုပြီးရှာကြည့်လိုက်ရင်အများကြီးထွက်လာမှာဖြစ်တဲ့အတွက်အဲအထဲကမှမိမိနေတဲ့နေရာရဲ့အနီးစပ်ဆုံးရွေးချယ်ပြီးသွားသင့်ပါတယ်။ဒီပွဲမျိုးကို(၆/၇)လပိုင်းလောက်ကတည်းကစတင်ကြာပြီးလအလိုက်နေရာတိုင်းမှာပွဲများစွာကျင်းပကြပါတယ်။မိမိကသေချာမရှာတတ်တဲ့သူမျိုးဆိုရင်မိမိရဲ့စီနီယာ၊ဆရာနဲ့ဆရာများနဲ့တိုင်ပင်ပြီးဘယ်လိုပွဲမျိုးကမိမိတက်ချင်တဲ့ကျောင်း၊ကျောင်းကောင်းမျိုးရှိနိုင်လဲဆိုတာမေးကြည့်ပြီးဆွေးနွေးတိုင်ပင်သင့်ပါတယ်။နောက်တစ်ခုကကျောင်းတော်တော်များများကဦးဆုံးလုပ်တဲ့ပွဲများမှာကျောင်းစုံတင်တဲ့အတွက်နောက်ကျသွားရင်မိမိတက်ချင်တဲ့ကျောင်းများမစုံမလင်ဖြစ်နိုင်တဲ့အတွက်စောစောရှာသင့်ပါတယ်။ဂျပန်တစ်နိုင်ငံလုံးအတိုင်းအတာအနေနဲ့ဒီလိုပွဲမျိုးကိုထောင်ပါးများစွာသောနိုင်ငံခြားကျောင်းသားများလာရောက်လေ့လာကြပါတယ်။ဒီလိုပွဲမျိုးသွားရင်မိမိစိတ်ဝင်စားတဲ့ကျောင်းရှိရင်ကျောင်းရဲံအချက်အလက်၊ကျောင်းလခအစရှိတာတို့ကိုသေချာမေးသင့်ပြီးကျောင်းမှတာဝန်ရှိတဲ့သူဆီကနေဖြေကြားတာကိုလည်းစနစ်တကျမှတ်သားသင့်ပါတယ်။
ကျောင်းအချက်အလက်များရှာဖွေခြင်း
မိမိတက်ချင်တဲ့ကျောင်းဝက်ဆိုက်တွေကိုမကြာခဏဝင်ရောက်လေ့လာသင့်ပါတယ်။နောက်တစ်ခုကအဲလိုအချိန်မျိုးမှာမိမိစိတ်ကြိုက်ဖြစ်တဲ့ကျောင်းများစွာသွားမှာဖြစ်တဲ့အတွက်မှတ်စုစာအုပ်နဲ့မှတ်ထားသင့်ပါတယ်။ဘယ်နေ့၊ဘယ်အချိန်၊ဘယ်လိုနေရာမျိုးမှာကျင်းပမှာလည်းအစရှိသဖြင့်နေ့စွဲအလိုက်မှတ်ထားသင့်ပါတယ်။ဒီလိုပွဲများသွားရင်ရာနဲ့ချီတဲ့တက္ကသိုလ်၊ဆန်းမွန်းလို့ခေါ်တဲ့ကျောင်းများစွာပါဝင်ပါတယ်။အဓိကကမိမိတက်ချင်တဲ့ကျောင်းနဲ့မိမိတက်ချင်တဲ့မေဂျာအစရှိသဖြင့်အစကတတည်းကမိမိတက်ဖို့စိတ်ကူးထားရင်ဘယ်လိုကျောင်းမျိုးတက်ရမလဲဆိုတာရှာရတာပိုမိုလွယ်ကူပါတယ်။ဒီလိုပွဲမျိုးကနေမိမိတက်ချင်တဲ့ကျောင်းမျိုးတွေ့ရင်အဲဒီကျောင်းရဲ့オープンキャンパス(opencampus)အထိသွားရောက်လေ့လာကြည့်သင့်ပါတယ်။မိမိတက်မယ့်တက္ကသိုလ်၊ကောလိပ်အနေနဲ့ဘယ်လိုပုံစံရှိသလိုဆိုတာလေ့လာသင့်ပါတယ်။(opencampus)ကိုလေ့လာခြင်းဖြင့်ဒီကျောင်းမှာဂျပန်လူမျိုးကျောင်းသားတွေ၊နိုင်ငံခြားကျောင်းသားတွေနဲ့စာသင်ပုံသင်နည်းနဲ့နိုင်ငံခြားကျောင်းသားတွေအတွက်စကောလာရှိမရှိ၊ကျောင်းပြီးရင်ဘယ်လိုအလုပ်မျိုးရနိုင်သလဲအစရှိသဖြင့်လေ့လာနိုင်ပါသည်။ကျောင်းရဲ့သက်တမ်း၊ကျောင်းရဲ့နာမည်နဲ့ကျောင်းပြီးရင်အလုပ်ကောင်းကောင်းရနိုင်မရနိုင်တာကလည်းကျောင်းအပေါ်မူတည်တဲ့အတွက်ကျောင်းကိုသေချာစွာရွေးချယ်သင့်ပါတယ်။ကျောင်းသက်တမ်းသိပ်မရှိဘဲလတ်တလောပေါ်ပေါက်လာတဲ့ကျောင်းများနဲ့ကျောင်းအဆင့်စီတဲ့နေရာမှာနောက်ဆုံးရောက်နေတဲ့ကျောင်းမျိုးကိုသတိထားသင့်ပါတယ်။ကောလိပ်အနေနဲ့၂နှစ်တက်ရမှာဖြစ်ပါတယ်။တက္ကသိုလ်ကတော့၄နှစ်တက်ရမှာဖြစ်ပါတယ်။တိုကျို၊အိုဆာကာ၊နဂိုယာအစရှိသဖြင့်ဂျပန်တစ်နိုင်ငံလုံးမှာတက္ကသိုလ်၊ဆန်းမွန်းဆိုတဲ့ကောလိပ်ပေါင်းများစွာရှိတဲ့အတွက်မိမိတက်မယ့်ကျောင်းကအရေးကြီးသလိုကျောင်းပြီးရင်အလုပ်ကောင်းကောင်းရဖို့ကျောင်းအဆင့်သတ်မှတ်ချက်ကောင်းတဲ့ကျောင်းမျိုးကိုရွေးချယ်သင့်ပါတယ်။
စာရေးသူရွေးချယ်သောဆောင်းပါး
ကျောင်းဝင်ခွင့်နဲ့ပတ်သက်ပြီးပြင်ဆင်မှုများ
ကျောင်းတစ်ကျောင်းနဲ့တစ်ကျောင်းဝင်ခွင့်ပုံစံအနေနဲ့ကွဲပြားနိုင်ပါတယ်။ဥပမာတက္ကသိုလ်ရဲ့ဝင်ခွင်အနေနဲ့ဂျပန်စာအရည်အချင်းနဲ့အင်္ဂလိပ်စာအရည်အချင်းလိုအပ်ပါတယ်။ဂျပန်စာအရည်အချင်းအနည်းဆုံးJLPTN2လောက်အောင်လက်မှတ်ရတဲ့အထိပြင်ဆင်သင့်ပါတယ်။တစ်ချို့ကျောင်းအပေါ်မူတည်ပြီးအင်္ဂလိပ်စာအရည်အချင်းပါလိုအပ်ပါတယ်။ကျောင်းရဲ့ဝင်ခွင့်စာမေးပွဲလည်းဖြေဆိုရမှာဖြစ်ပါတယ်။နိုင်ငံခြားသားများအတွက်(AO入試)အစရှိသဖြင့်သီးသန့်ကျောင်းဝင်ခွင့်လေ့လာထားသင့်ပါတယ်။ပုံမှန်ကျောင်းဝင်ခွင့်ကဂျပန်စာအရည်အချင်းနဲ့အင်္ဂလိပ်စာအရည်အချင်းလိုအပ်ပေမယ့်(AO入試)ကိုအချိန်မှီဖြေဆိုနိုင်မယ်ဆိုရင်ကျောင်းကိုဘာကြောင့်ဝင်ချင်တာလဲဆိုတဲံအကြောင်းပြချက်မျိုးနဲ့ကျောင်းကိုဘာကြောင့်စိတ်ဝင်စားရလဲဆိုတဲ့အကြောင်းပြချက်မျိုးကိုစာတမ်းအနေနဲ့တင်ပေးရတာဖြစ်ပါတယ်။နောက်တကြိမ်အနေနဲ့အင်တာဗျူးအောင်မြင်ရင်ကျောင်းဝင်ခွင့်ရရှိမှာဖြစ်ပါတယ်။အဲဒီလိုအချက်အလက်ကိုသိနိုင်ဖို့အတွက်မိမိတက်မယ့်ကျောင်းရဲ့ဝက်ဆိုက်ကိုအမြဲလေ့လာသင့်ပါတယ်။နောက်တစ်ခုကစကောလာအနေနဲ့ဘယ်လောက်သာခွင့်ရရှိမလဲ၊ကျောင်းမှာရောစကောလာရှိလား၊အပြင်ကနေပေးတဲ့စကောလာကောရှိလားအစရှိသဖြင့်ကျောင်းရဲ့စကောလာအစီအစဥ်များကိုလည်းသေချာလေ့လာသင့်ပါတယ်။နောက်တစ်ခုကနိုင်ငံခြားသားအဖို့အလုပ်ရှာပေးတဲ့ရာခိုင်နှုန်းဘယ်လောက်ရှိသလဲဆိုတာကိုဂရုစိုက်လေ့လာသင့်ပါတယ်။ကိုယ်မေဂျာနဲ့ဘာသာရပ်အပေါ်မူတည်ပြီးကျောင်းအတွက်လိုအပ်တဲ့စာရွက်ထပ်တဲ့နေရာမှာကွဲပြားသွားနိုင်တဲ့အတွက်ဂရုစိုက်သင့်ပါတယ်။နိုင်ငံခြားသားကျောင်းသားတွေအတွက်ကျောင်းတက်ပြီးကျောင်းလခခွဲသွင်းလို့ရမရကလည်းအရေးကြီးပါတယ်။တက္ကသိုလ်ရဲ့ပုံမှန်ကျောင်းဝင်ခွင့်ကနိုင်ငံခြားသားနဲ့ဂျပန်လူမျိုးကခွဲခြားမှုမရှိဘဲအတူတူဖြေဆိုရတာဖြစ်ပါတယ်။ဒါကြောင့်AOလိုဝင်ခွင့်အချက်အလက်မိမိတက်တဲ့ကျောင်းမှာဘယ်လိုအချိန်မျိုးမှာကျင်းပတတ်လဲဆိုတာကျောင်းဝက်ဆိုက်တွေမှာလေ့လာသင့်ပါတယ်။ကျောင်းဝင်ခွင့်ရသွားတဲ့နောက်မှာလည်းဂျပန်လူမျိုးနဲ့နိုင်ငံခြားသားတွေလိုအပ်တဲ့စာရွက်တင်ရတဲ့ကွဲခြားနိုင်တဲ့အတွက်သတိထားပြီးဖြည့်စွက်မှုများပြုလုပ်သင့်ပါတယ်။
ကျောင်းပြောင်းရွေ့ဖို့အတွက်ပြင်ဆင်ခြင်း
အရင်ဆုံးကျောင်းလခကိုပြင်ဆင်သင့်ပါတယ်။မိမိပိုက်ဆံနဲ့မလောက်သည့်အခါမိမိတိုင်းပြည်ကမိဘဆီကနေမှာသင့်ပါတယ်။တက္ကသိုလ်များအတွက်ကျောင်းအပေါ်လိုက်ပြီးခွဲသွင်းလို့ရတဲ့ကျောင်းများလည်းရှိပါတယ်။နိုင်ငံခြားသားများအဖို့၂ကြိမ်ကနေ၃ကြိမ်အထိခွဲသွင်းလို့ရနိုင်ပါတယ်။ပထမဆုံးတက်တဲ့နှစ်ကခွဲသွင်းလို့မရဘဲဒုတိယနှစ်၊တတိယနှစ်မှခွဲသွင်းလို့ရနိုင်မှာပါ။နေဖို့အတွက်အဆောင်အနေနဲ့ကျောင်းအဆောင်တွေကများသောအားဖြင့်သက်သာပါတယ်။ကျောင်းနားနီးတဲ့အဆောင်ကိုပြောင်းရွေ့နေသင့်ပါတယ်။မနက်ပိုင်းအတန်းချိန်တွေကစောတဲ့အတွက်နောက်ကျတာမျိုးဆိုရင်၂/၃ခါနောက်ကျတာမျိုးရှိရင်ကျောင်းချိန်ပျက်တဲ့ဆိုပြီးဂျပန်ရဲ့တက္ကသိုလ်၊ကောလိပ်မှာသတ်မှတ်တဲ့အတွက်ဖြစ်ပါတယ်။မိမိတက်မယ့်ကျောင်းမှာနိုင်ငံခြားရေးရာဌာန၊စကောလာအတွက်စာရွက်စာတမ်းများဘယ်လိုယူရမလဲ၊နိုင်ငံခြားသားကျောင်းသားအဖွဲ့အစည်းများအစရှိသဖြင့်အဲလိုနေရာကိုဘယ်လိုဆက်သွယ်ရမလဲဆိုတာလည်းလေ့လာသင့်ပါတယ်။မိမိတက်တဲ့မေဂျာမှာဘယ်လိုဘာသာကအဓိကယူရမလဲ၊ဘွဲ့ရဖို့အတွက်ဘယ်လိုလေ့လာရမလဲဆိုတဲ့လမ်းညွန်စာအုပ်များကိုလည်းလေ့လာသင့်ပြီး၊ကျောင်းမှာရှိတဲ့မိမိရဲ့စီနီယာဆီကိုလည်းမိမိနားမလည်တဲ့အကြောင်းအရာများကိုဂရုတစိုက်မေးမြန်းသင့်ပါတယ်။တက္ကသိုလ်၊ဆန်းမွန်းမတက်ခင်ဂျပန်စာသင်တန်းကျောင်းပြီးတဲ့အချိန်နဲ့ကျောင်းပြောင်းဖို့အချိန်ကိုအချိန်အများကြီးမရှိတဲ့အတွက်အချိန်ကိုစောစောကတည်းကကြိုရှာသင့်ပြီး၊နောက်တက်မယ့်ကျောင်းအတွက်ကျောင်းလခပြင်ဆင်တာ၊ဂျပန်စာအရည်အချင်းတိုးတက်အောင်ပြင်ဆင်သင့်ပါတယ်။တက္ကသိုလ်၊ဆန်းမွန်းမတက်ခင်မှာJLPTစာမေးပွဲများကိုဖြေဆိုသင့်ပါတယ်။ကျောင်းဝင်ခွင့်အတွက်လိုအပ်ရုံသာမကမိမိရဲ့ဂျပန်စာအရည်အချင်းပါတိုးတက်စေပါတယ်။
ဂျပန်နိုင်ငံကိုအလုပ်ကျောင်းနဲ့လာမယ်ဆိုရင်(things to be careful of before going to Japan)
