ဂျပန်တက္ကသိုလ်တွေအကြောင်းနဲ့ Ranking များအကြောင်း

ဂျပန်တက္ကသိုလ်တွေအကြောင်းနဲ့ Ranking များအကြောင်း 

• ကမ္ဘာ့အဆင့်ဝင် ဂျပန်တက္ကသိုလ်များ
• ဂျပန်ပြည်တွင်း တက္ကသိုလ်များ အကြောင်း 
• ဂျပန်နိုင်ငံရဲ့ တက္ကသိုလ်ဝင်စာမေးပွဲဖြေဆိုသူများကြား ကြားရလေ့ရှိသော 偏差値ဆိုတာ 
• အဆင့်တူညီသော တက္ကသိုလ် အုပ်စုခွဲ့ခြားမှုပုံစံ 
• နာမည်ကြီးပြီး ဝင်ရခက်တဲ့ တက္ကသိုလ်များ
• ပညာတော်သင်ကျောင်းသား အများပြားရှိသော ကျောင်းများ
• တက္ကသိုလ်ကျောင်းသား Youtuber များ
• အကျဥ်းချုပ် 

ပညာတော်သင်သွားတော့မယ်ဆိုရင် ပထမဆုံး ခြေလှမ်းတစ်ခုအနေနဲ့ မိမိသွားချင်တဲ့ နိုင်ငံရဲ့ တက္ကသိုလ်တွေအကြောင်း ကို အကြမ်းဖျင်းသိထားခြင်းပဲဖြစ်ပါတယ်။ ဂျပန်နိုင်ငံ ပညာရေးနဲ့ အားကစားဝန်ကြီးဌာနရဲ့ ၂၀၂၁ ခုနှစ် စစ်တမ်းတစ်ခုအရဆိုရင် ဂျပန်ပြည်တွင်းမှာတက္ကသိုလ် စုစုပေါင်း ၇၈၈ ကျောင်းရှိတယ် လို့သိရပါတယ်။ ပညာတော်သင်သွားမယ့် သူတွေအတွက် ကျောင်းတွေအကုန်လုံးကို လိုက်ပြီး လေ့လာရတာ က တော်တော် မလွယ်တဲ့ ကိစ္စတစ်ခုဖြစ်ပါတယ်။ ဒါကြောင့် ဒီဆောင်းပါးမှာတော့ ဂျပန်နိုင်ငံရဲ့ တက္ကသိုလ်တွေထဲမှာမှ နာမည်ကြီးတဲ့ ကျောင်းတွေနဲ့ တက္ကသိုလ်တွေကို ရှာဖွေတဲ့အခါ သိထားသင့်တဲ့ အခြေခံ အချက်အလက် တစ်ချို့ ကို မျှဝေသွားပါ့မယ်။ 

ကမ္ဘာ့အဆင့်ဝင် ဂျပန်တက္ကသိုလ်များ

 အားလုံး သိထားတဲ့ အတိုင်းပဲ ဂျပန်နိုင်ငံက ပညာရေးကိုအားပေးတဲ့ နိုင်ငံတနိုင်ငံ ဖြစ်ပါတယ်။ ဂျပန်နိုင်ငံ တွင်းမှာရှိတဲ့ တက္ကသိုလ်တွေထဲမှာလဲ ကမ္ဘာ့ အဆင့်မှီတက္ကသိုလ်တွေရှိပါတယ်။ ဒီနေရာမှ ကြိုတင် ပြောချင်တာက တက္ကသိုလ်အဆင့်ကို သတ်မှတ်ရာဝယ် တက္ကသိုလ်ရဲ့ ပညာရေး အဆင့်အတန်း အနိမ့်အမြင့်ကို သတ်မှတ်ခြင်း မဟုတ်ပါ။ ကမ္ဘာ့ အဆင့် တက္ကသိုလ်တွေကို Ranking ခွဲခြား သတ်မှတ်တာကလဲ တရားဝင် မဟုတ်ဘဲ ပညာရေးစာစောင်တွေရဲ့ သတ်မှတ်ပုံအရ ခွဲခြားထားတာ ဖြစ်ပြီး ဒီ သတ်မှတ်ပုံတွေကလဲ စာစောင် တွေအလိုက် ကွဲပြားပါတယ်။ ဒါကြောင့် Ranking ထဲဝင် မဝင် ဆိုတာ တစ်ခုတည်းနဲ့ တက္ကသိုလ်တွေရဲ့ ပညာရေး အဆင့်အတန်းကို ခွဲခြား သတ်မှတ်ဖို့က ခက်ခဲလှပါတယ်။ 

ပညာရေး စာစောင်တွေမှာ ကမ္ဘာ့ အဆင့်မှီတယ် လို့ ဖော်ပြခံရတဲ့ ဂျပန်တက္ကသိုလ် တွေအနေနဲ့ကတော့ 

၂၀၂၃ ကထုတ်ပြန်ထားတဲ့ QS World University Rankings ထဲမှာတော့ အောက်ပါအတိုင်း တွေ့ရှိနိုင်ပါတယ်။ 

၂၀၂၃ ကထုတ်ပြန်ထားတဲ့ Times Higher Education (THE) ရဲ့ စာရင်း ၁၀၀ ထဲမှာတော့ အောက်ပါအတိုင်းတွေ့ရှိရပါတယ်။ 

 ဒီစာစောင်နှစ်ခု ကိုနှိုင်းယှဥ် ရင် သိသာသလို စာစောင်တွေရဲ့ အကဲအဖြတ်နိုင်၊ စစ်တမ်းကောက်နိုင်တဲ့ တက္ကသိုလ်အရေအတွက်၊ အကဲဖြတ်တဲ့စံနှုန်းတွေက မတူညီကြလို့ တက္ကသိုလ်တွေရဲ့ Ranking က စာစောင် အပေါ် လိုက်ပြီးကွာခြားနေရခြင်းဖြစ်ပါတယ်။ စာစောင်တွေက ဘယ်လို အချက်တွေကို အကဲဖြတ်နေလဲ ဆိုတဲ့ အကြောင်းကို အသေးစိတ် ပိုမိုလေ့လာချင် ရင်တော့ Home Page ရဲ့ Methodology ဆိုတဲ့နေရာကနေ ဝင်ရောက်ဖတ်ရှုနိုင်ပါတယ်။ အကျဥ်းချုပ်ပြောရရင် ဂျပန်နိုင်ငံရဲ့ တက္ကသိုလ်တွေထဲမှာ တိုကျို တက္ကသိုလ် နဲ့ ကျိုတိုတက္ကသိုလ် ကတော့ နှစ်စဥ် စာစောင်တွေရဲ့ အကဲဖြတ်မှု အရ ၁၀၀ စာရင်းထဲ ဝင်လေ့ရှိပါတယ်။ ဒါဆို ဂျပန်ပြည်တွင်းမှာရော ပညာရေး အခြေအနေ၊ တက္ကသိုလ် အခြေအနေ ဘယ်လိုရှိလဲ။ ဒီဆောင်းပါးဟာ တက္ကသိုလ် အချင်းချင်းနှိုင်းယှဥ်တင်ပြတဲ့ ဆောင်းပါး မဟုတ်ဘဲ ဂျပန်နိုင်ငံအတွင်း လက်ရှိဖြစ်ပျက်နေတဲ့ အနေအထားနှင့် ဂျပန်လူမျိုးတွေရဲ့ ပညာရေး အပေါ် ထားတဲ့ အနေအထားကို ထင်ဟပ်မှုကို မြင်သာအောင်ပြသပြီး ဂျပန်နိုင်ငံမှာရှိတဲ့ တက္ကသိုလ် မှာတက်မယ့် ကျောင်းသားတွေအတွက် အသုံးဝင်မယ့် အခြေအခံ အချက်အလက် တချို့ကို မျှဝေသွားပါမယ်။

စာရေးသူရွေးချယ်သောဆောင်းပါး

တိုကျိုကနေ ၁၈၀၀ ကီလိမီတာ ဝေးတဲ့ ကျွန်းကနေပြီးပြီး တိုကျိုကို အလုပ်ပြော...

ဂျပန်အလုပ်

Wexpats ရဲ့ဇာတ်ကောင် ပွန်းဂချန် လေးကို မိတ်ဆက်လိုက်ပါပြီ။

ဂျပန်အလုပ်

ချယ်ရီပန်းကြည့်ခြင်း" ဖြစ်ပေါ်လာပုံ။ တိုကျိုရှိ ချယ်ရီပန်းကြည့်ရှုသည့်...

ဂျပန်ယဥ်ကျေးမှု

Golden Week ဆိုတာဘယ်လိုမျိုးလဲ။ ဘယ်အချိန်ကနေ၊ ဘယ်အချိန်အထိလဲ။

ဂျပန်နေထိုင်မှုဘဝ

ဂျပန်စာ တိုးတက်လာစေမယ့် ဖုန်းအက်ပလီကေးရှင်းများ

ဂျပန်စာလေ့လာခြင်း

ဂျပန်နိုင်ငံရဲ့ တက္ကသိုလ်ဝင်စာမေးပွဲဖြေဆိုသူများကြား ကြားရလေ့ရှိသော 偏差値ဆိုတာ 

偏差値（へんさち）ဆိုတဲ့ စကားလုံးကိုတော့ ဂျပန်နိုင်ငံရဲ့ တက္ကသိုလ်ဝင်ခွင့်ကျောင်းတွေမှာ၊ ဝင်ခွင့်ဖြေဆိုမယ့် ကျောင်းသူ၊ ကျောင်းသားတွေကြားခဲမှာ အများဆုံးကြားရတဲ့ စကားလုံးတစ်ခုဖြစ်ပါတယ်။ စာမေးပွဲတွေမှာ မိမိရလာဒ်၊ ရမှတ် တွေအပေါ် မူတည်ပြီး မိမိရဲ့ အဆင့်က ဘယ်လောက်ရှိလဲ ဆိုတာကိုသိရှိနိုင်တဲ့ တွက်ချက်နည်းဖြစ်ပါတယ်။ 偏差値（へんさち）ကိုကြည့်ပြီး ဘယ်တက္ကသိုလ် ကိုဖြေနိုင်မလဲ အစသဖြင့် ခန့်မှန်ကြည့်ရှုနိုင်ပါတယ်။ 偏差値（へんさち） 50ကိုပျမ်းမျှအနေနဲ့ မှတ်ယူပြီး ပျမ်းမျှရလာဒ်နဲ့ ကွာခြားချက် ကိုတွက်ချက်လေ့ရှိပါတယ်။နိုင်ငံခြားသားပညာတော်သင်ကျောင်းသားတွေအနေနဲ့တော့ EJU ( Examination for Japanese University Admission for International Students) စာမေးပွဲရဲ့ ရလာဒ် အပေါ် မူတည်ပြီး ။ 

အဆင့်တူညီသော တက္ကသိုလ်အုပ်စု ခွဲခြားမှုပုံစံ 

 ဂျပန်ပြည်တွင်းမှာတော့ အများအားဖြင့် အဆင့်တူညီတဲ့ တက္ကသိုလ်တွေကို အုပ်စုအလိုက်သတ်မှတ်ပြီး ခွဲခြားထားလေ့ရှိပါတယ်။ ပြည်တွင်း တက္ကသိုလ် တွေရဲ့ Ranking ကို ထပ်ပြီး ပြောရရင်တော့ 偏差値（へんさち）အနိမ့် အမြင့် တစ်ခုတည်းနဲ့ တက္ကသိုလ်တွေရဲ့ Ranking ကိုသတ်မှတ်လို့မရနိုင်သလို နာမည်ကြီး တက္ကသိုလ်မို့လို့ Ranking မြင့်နိုင်တယ်လို့လဲ မဆိုလိုပါဘူး။ ဥပမာ တက္ကသိုလ် တစ်ခု တည်းမှာပဲ ဝင်ရ လွယ်တဲ့ ဌာနရှိသလို ဝင်ရခက် တဲ့ ဌာဆိုပြီးလဲရှိနိုင် ပါတယ်။ ဒီနေရာမှာတော့ နာမည်ကြီးတက္ကသိုလ်တွေရဲ့ အုပ်စု ခွဲခြားပုံနဲ့ ဒီခွဲခြားပုံထဲမှာ မပါဝင်တဲ့ ဝင်ရခက်ပြီးနာမည်ကြီးတဲ့ တက္ကသိုလ်တွေကို ဖော်ပြသွားပါ့မယ်။ 

旧帝大（Kyuteidai）

 旧帝大（Kyuteidai）ဆိုတာကတော့ ဂျပန်မှာရှေးယခင်ကတည်းကရှိနေပြီး ဂျပန်နိုင်ငံ တဝှမ်း အချက်အခြာကျတဲ့နေရာမှာတည်ရှိတဲ့ တက္ကသိုလ်အုပ်စုဖြစ်ပါတယ်။ ဒီအုပ်စုတွေကတော့ နိုင်ငံပိုင် တက္ကသိုလ် တွေဖြစ်ပြီး တက္ကသိုလ်ပေါင်း ၇ ခုပါဝင်ပါတယ်။ ဒီ တက္ကသိုလ် ၇ ခုစလုံးကတော့ ဂျပန်ပြည်တွင်းမှာလဲ နာမည်ကြီးပြီး ဝင်ခွင့်ရဖို့လဲ ခက်ခဲတဲ့ တက္ကသိုလ်တွေလဲဖြစ်ပါတယ်။ 

ဒိတက္ကသိုလ် ၇ ခုကတော့ 

1. တိုကျိုတက္ကသိုလ် (Tokyo University)

2. ကျိုတို တက္ကသိုလ် (Kyoto University)

3. အိုဆာကာတက္ကသိုလ် (Osaka University) 

4. ကျူးရှုးတက္ကသိုလ် (Kyushu University)

5. ဟိုကိုင်းဒိုးတက္ကသိုလ် (Hokkaido University) 

6. နာဂိုရာ တက္ကသိုလ် (Nagoya University)

7. တိုဟိုကု တက္ကသိုလ် (Tohoku University)  တို့ဖြစ်ပါတယ်။ 

တိုကျိုတက္ကသိုလ် (Tokyo University)

 1877ခုနှစ်ကတည်းက တည်ထောင်ထားတဲ့  တိုကျိုတက္ကသိုလ် ကတော့ဂျပန်လိုဆို Tokyo Daigaku ဖြစ်ပြီး အတိုကောက် Todai လို့ခေါ်လေ့ရှိကြပါတယ်။ ဂျပန်ပြည်တွင်းမှာတော့ အမြင့်ဆုံးတက္ကသိုယ်လို့သတ်မှတ်ထားကြပါတယ်။ နှစ်စဥ်ကမ္ဘာ့အကောင်းဆုံးတက္ကသိုလ် စာရင်းမှာလဲ အမြဲတမ်းပါဝင်လေ့ရှိပြီးထူးချွန်တဲ့ ပုဂ္ဂိုလ်တွေအများကြီးကိုမွေးထုတ်ပေးနေတဲ့ ကျောင်းတ‌ကျောင်းဖြစ်ပါတယ်။ ဂျပန်ပြည်တွင်းမှာ နိုဘယ်လ် တက္ကသိုလ်အများဆုံး မွေးထုတ်ပေူးခဲ့တဲ့ ကျောင်းတကျောင်းလဲ ဖြစ်ပါတယ်။ 

ကျိုတို တက္ကသိုလ် (Kyoto University)

 ကျိုတိုတက္ကသိုလ် ကတော့ဂျပန်လိုဆို Kyoto Daigaku ဖြစ်ပြီး အတိုကောက် Kyodai လို့ခေါ်လေ့ရှိကြပါတယ်။ တည်ထောင်ခဲ့တဲ့ခုနှစ်ကတော့ 1897 ခုနှစ်ဖြစ်ပြီး ပြည်တွင်းမှာတော့ တိုကျိုတက္ကသိုလ်နဲ့ အပြိုင်နာမည်ကြီးပြီး လူကြိုက်များပါတယ်။ သုတေသန အပိုင်းမှာလဲ နာမည်ကြီးပြီး အထူးသဖြင့် ဆေးပညာနယ်ပယ်မှာတော့ IPS ဆဲလ် အသစ်ရှာဖွေမှုနဲ့ နိုဘယ်လ် ဆုရရှိတဲ့ သူပေါ်ထွက်ခဲ့ပြီး ကမ္ဘာတဝှမ်းမှာနာမည်ကြီးလာခဲ့တဲ့ ကျောင်းတကျောင်းလဲ ဖြစ်ပါတယ်။ 

အိုဆာကာတက္ကသိုလ် (Osaka University) 

Source: Osaka University Home Page 

 အိုဆာကာတက္ကသိုလ် ကတော့ ဂျပန်နိုင်ငံနောက်ပိုင်းမှာ ဆိုရင် ကျိုတိုတက္ကသိုလ်ပြီးရင် ဒုတိယ မြောက် လူကြိုက်များပြီး နာမည်အကြီးဆုံးဖြစ်ပါတယ်။ နောက်ပြီး အိုဆာကာ နိုင်ငံခြားဘာသာစကားတက္ကသိုလ်နဲ့ ပူပေါင်းလိုက်ပြီး နိုင်ငံခြားဘာသာစကားကိုပါ ကျယ်ကျယ်ပြန့်ပြန့် သင်ယူနိုင်တဲ့ တက္ကသိုလ် တစ်ခုလဲဖြစ်ပါတယ်။ 

ကျူးရှုးတက္ကသိုလ် (Kyushu University)

Source:Kyushu University Home Page 

　　ကျူးရှုးတက္ကသိုလ် ကတော့ ဖုကုအိုကာမှာ ရှိတဲ့ တက္ကသိုလ်တစ်ခုဖြစ်ပြီး အစိုးရ၊ ပုဂ္ဂလိက လုပ်ငန်းတွေကနေ အထောက်အပံ့တွေရယူလျက်ရှိပြီးထူးချွန်တဲ့ သုသေတန ပညာရှင်တွေ ကျောင်းသားတွေကို မွေးထုတ်ပေးနေတဲ့ကျောင်းလဲဖြစ်ပါတယ်။ 

ဟိုကိုင်းဒိုးတက္ကသိုလ် (Hokkaido University) 

ဟိုကိုင်းဒိုးတက္ကသိုလ်ကတော့ ဂျပန်နိုင်ငံရဲ့ မြောက်ဘက် မှာရှိတဲ့ တက္ကသိုလ် တစ်ခုဖြစ်ပြီး World Ranking မှာလဲ မကြာခဏတွေရတတ်တဲ့ ကျောင်းလဲဖြစ်ပါတယ်။ 

နာဂိုရာ တက္ကသိုလ် (Nagoya University)

နာဂိုရာ တက္ကသိုလ်ကလဲ Aichi နဲ့နီးတဲ့ တက္ကသိုလ် တစ်ခုဖြစ်ပါတယ်။ World Ranking မှာလဲ မကြာခဏတွေ့ရတတ်တဲ့ ကျောင်းလဲဖြစ်ပါတယ်။ နိုဘယ်ဆုရှင် ၆ ယောက် ကိုမွေးထုတ်ထားပြီး ပြည်ပတက္ကသိုလ်တွေ၊ အထူးသဖြင့်အရှေ့တောင် အာရှနိုင်ငံတွေနဲ့ ပူပေါင်းပြီး Network ဖြန့်ကျဲ နေတဲ့ တက္ကသိုလ်တစ်ခုလဲ ဖြစ်ပါတယ်။

တိုဟိုကု တက္ကသိုလ် (Tohoku University) 

Source:Tohoku University Home Page 

တိုဟိုကု တက္ကသိုလ် ဂျပန်နိုင်ငံရဲ့ အရှေ့မြောက်ဘက်မှာရှိတဲ့ ဝင်ခွင့် ခက်ခဲတဲ့ တက္ကသိုလ် တစ်ခု ဖြစ်ပါတယ်။ သုတေတန ကိုလဲ တော်တော် အားထည့်နေတဲ့ ကျောင်း ဖြစ်ပြီး နိုဘယ်လ်ဆုရှင် ၅ ယောက် ပေါ် ထွက်ထားတဲ့ တက္ကသိုလ် တစ်ခုလဲ ဖြစ်ပါတယ်။ 

早慶上理ICU　（そうけいじょうりICU）

 အပေါ် မှာဖော်ပြတဲ တက္ကသိုလ် ၇ ခု ပြီးတော့ 早慶（Soukei）ဆိုတဲ့ ပုဂ္ဂလိက တက္ကသိုလ် ၂ ခုရှိပါတယ်။そうဆိုတဲ့ကတော့ Waseda University ကိုဆိုလိုတာဖြစ်ပြီးけいဆိုတာကတော့ Keio University ရဲ့ အတိုကောက်ဖြစ်ပါတယ်။ ဒီ ၂ ခုကတော့ ကတော့ ဂျပန်ပြည်တွင်းမှာရော၊ ပြည်ပမှာရော လူသိများတဲ့ တက္ကသိုလ်တွေဖြစ်ပြီး ပုဂ္ဂလိက တက္ကသိုလ် တွေထဲမှာလဲ ဝင်ရခက်တဲ့ တက္ကသိုလ်တွေထဲမှာ အထိပ်ဆုံးဖြစ်ပါတယ်။ ဒီတက္ကသိုလ် ၂ ခုစလုံးက နှစ်စဥ် ကမ္ဘာ့အဆင့်ဝင် ဂျပန်တက္ကသိုလ်များစာရင်းမှာလဲ ပါဝင်တဲ့ တက္ကသိုလ် တွေဖြစ်ပါတယ်။ 

早慶上理ICU　（そうけいじょうりICU）ကတော့ အပေါ် မှာပြောခဲ့တဲ့ ပုဂ္ဂလိက တက္ကသိုလ် ၂ ခု ဖြစ်တဲ့ Waseda University နဲ့ Keio University ပြီး ဝင်ခွင့် ခက်တဲ့  ပုဂ္ဂလိက တက္ကသိုလ် တွေဖြစ်တဲ့ Jyochi Daigaku (Sophia University)၊ Tokyo University of Science နဲ့ International Christian University တို့ကိုဆိုလိုတာပါ။ 

Sophia University

 Sophia University ကလဲ ပုဂ္ဂလိက တက္ကသိုလ်တစ်ခု ဖြစ်ပြီး ဂျပန်တက္ကသိုလ်တွေထဲမှာ အင်္ဂလိပ်စာ ပညာရေးကို အားထည့်နေတဲ့ တက္ကသိုလ် တစ်ခု ဖြစ်ပါတယ်။ 

Tokyo University of Science 

 Tokyo University of Science ကတော့ ဝင်ခွင့်ခက်တဲ့ တက္ကသိုလ်တစ်ခုဖြစ်ပြီး ပုဂ္ဂလိကပိုင် သိပွံတက္ကသိုလ်တွေထဲမှာတော့ ဝင်ခွင် အခက်ဆုံးဖြစ်ပါတယ်။

International Christian University (ICU)

 International Christian University ကတော့ ဂျပန်နိုင်ငံနှင့် အမေရိကနိုင်ငံတို့ရဲ့ ခရစ်ယာန် အဖွဲ့ အစည်းတို့ပူးပေါင်းတည်‌ထောင်ထားတဲ့ ပုဂ္ဂလိကပိုင် တက္ကသိုလ် တစ်ခုဖြစ်ပါတယ်။ နောက်ပြီး သူ့ရဲ့ ထူးခြားချက်ကတော့ Liberal Arts ဆိုတဲ့ ဌာန တစ်ခုသာရှိခြင်းဖြစ်ပါတယ်။ Liberal Arts ဆိုတဲ့ ဌာန‌အောက်မှာတော့ တခြားဌာန အခွဲတေါတော့ အများကြီးရှိပါတယ်။ 

MARCH 

MARCH ဆိုတာကတော့ 

M - Meiji University

A - Aoyama University

R - Rikkyo University

C - Chuo University 

H - Hosei University

ဆိုတဲ့ ပုဂ္ဂလိက တက္ကသိုလ် တွေကို ဆိုလိုပါတယ်။ ဒီ တက္ကသိုလ်တွေကတော့ ဝင်ခွင့်အခြေအနေအရလဲ တူညီတဲ့ တက္ကသိုလ်တွေ ဖြစ်ပါတယ်။ ဒီတက္ကသိုလ် ၅ ခုကတော့ တိုကျိုမြိူ့ ထဲမှာရှိတဲ့ တက္ကသိုလ်တွေဖြစ်ပြီး တိုကျိုမှာရှိတဲ့ တက္ကသိုလ် တက်ချင်တဲ့ ကျောင်းသူကျောင်းသားတွေကြားထဲမှာ နာမည်ကြီးတဲ့ တက္ကသိုလ် ၅ ခုဖြစ်ပါတယ်။ တနိုင်ငံ လုံးအတိုင်းအတာအနေနဲ့လဲ နာမည်ကြီးတဲ့ တက္ကသိုလ်တွေ ဖြစ်ပါတယ်။ နောက်ပြီး တက္ကသိုလ် တစ်ခု ချင်းစီမှာလဲ ထူးခြားချက်ကိုယ်စီရှိကြပါတယ်။ Meiji University ကတော့ MARCH ထဲမှာ အမြင့်ဆုံး ဖြစ်ပြီး ၊ Aoyama University ဆိုရင်တော့ ဖက်ရှင်ကျတဲ့ လူငယ် တွေများတယ်ဆိုပြီးနာမည်ကြီးပါတယ်။ Rikkyo University ကတော့ တိုကျိုရဲ့ အချက်အချာကျတဲ့ Ikebukuro မှာရှိပြီး တက္ကသိုလ်ဝန်းကြီးကလဲ ဥရောပဆန်ဆန် ဖြစ်ပါတယ်။ Chuo University ကတော့ ရှေးယခင်က ဥပဒေကျောင်းဖြစ်ခဲ့လို့ နိုင်ငံတော်အဆင့် ရှေ့နေစာမေးပွဲ (司法試験) မှာ နာမည်ကြီးတက္ကသိုလ်တွေနဲ့အပြိုင် အောင်ချက်ကောင်းပါတယ်။

 旧帝大（Kyuteidai）၊ 早慶上理ICU　（そうけいじょうりICU）၊ MARCH ဆိုတဲ့ဒီ၃ ခုကတော့ ဂျပန်တက္ကသိုလ်တွေကို အုပ်စုခွဲတဲ့နေရာမှာ လူသိများတဲ့ ခွဲနည်းတွေ ဖြစ်ပါတယ်။ ဒီအုပ်စုတွေမှာ ပါဝင်တဲ့ တက္ကသိုလ်တွေကလဲ လူသိများပြီး ဝင်ရ ခက်ခဲတဲ့ တက္ကသိုလ်တွေဖြစ်ပါတယ်။

တခြားနာမည်ကြီးပြီးဝင်ရခက်တဲ့ တက္ကသိုလ်များ

အ‌ပေါ်မှာ ဖော်ပြခဲ့တဲ့ အုပ်စု ခွဲခြားပုံထဲမှာ မပါဝင်ပေမယ့် နာမည် ကြီးပြီး ဝင်ခွင်ခက် တဲ့ တက္ကသိုလ်တွေ၊ ဌာနတွေ လဲရှိပါသေးတယ်။

တက္ကသိုလ်အသီးသီးက ဆေး ပညာဌာနများ

တက္ကသိုလ် တော်တော် များများရဲ့ ဆေး ပညာဌာန က‌တော့ ဝင်ခွင့် အခက်ဆုံးထဲမှာ ပါဝင်ပါတယ်။ ဒါကြောင့် နာမည်အရမ်းမကြီး တဲ့ ကျောင်း ဖြစ်‌စေ ဆေးပညာဌာန ဆိုရင်တော့ ဝင်ခွင့်လဲ ခက်ခဲပြီး Ranking လဲ မြင့်ကြပါတယ်။ 

東京工業大学 (Tokyo Institute of Technology)　

 東京工業大学 (Tokyo Institute of Technology) ကလဲ တော်တော် နာမည်ကြီးပြီး ဝင်ခွင့်ခက်ခဲတဲ့ တက္ကသိုလ် တစ်ခုဖြစ်ပါတယ်။ Tokyo University, Kyoto University တို့နဲ့ ယှဥ်ရလောက်အောင် ဝင်ခွင့်ခက်ခဲတဲ့ တက္ကသိုလ်တစ်ခုလဲဖြစ်ပါတယ်။ 2024 ခုနှစ်မှာလဲ တိုကျိုဆေးပညာတက္ကသိုလ် (Tokyo Medical and Dental University) နဲ့ ပူပေါင်းပြီး Institute of Science Tokyo ဆိုတဲ့ နာမည်ပြောင်းလဲ ဖို့လဲ ကြေညာထားပါတယ်။ World Ranking တွေကိုကြည့်မယ်ဆိုရင် တက္ကသိုလ် ၂ ခုစလုံးက ဂျပန်ပြည်တွင်းတက္ကသိလ် ၁၀ စာရင်းထဲဝင်ထားလို့ နောက်ပိုင်းဆိုပိုပြီး မြင့်လာနိုင်ချေရှိပါတ။ 

一橋大学　（Hitotsubashi University）

Hitotsubashi University　ကတော့ ဝိဇ္ဇာတွဲတွေ ဖြစ်တဲ့ ကုန်သွယ်ရေး၊ စီးပွားရေး၊ ဥပဒေ၊ လူမှုသိပ္ပံအစရှိတဲ့ ဘာသာရပ်တွေ အားကောင်းတဲ့ တက္ကသိုလ်တစ်ခုဖြစ်ပြီး ဝင်ရခက်ခဲတဲ့ တက္ကသိုလ်တစ်ခုဖြစ်ပါတယ်။Hitotsubashi Universityဟာလဲ Tokyo University, Kyoto University တို့နဲ့ ယှဥ်ရလောက်အောင် ဝင်ခွင်ခက်ခဲတဲ့ တက္ကသိုလ်တစ်ခုလဲဖြစ်ပါတယ်။ 

東京外国語大学　（Tokyo University of Foreign Studies, TUFS）

 （Tokyo University of Foreign Studies, TUFS）ကလဲ ဝင်ခွင့်ခက်ခဲ တဲ့ ကျောင်းတကျောင်း ဖြစ်ပါတယ်။ ဘာသာစကားပေါင်း ၂၇ နဲ့ ဘာသစကားအပြင် နိုင်ငံအသီးသီး ရဲ့ ယဥ်ကျေးမှု၊ လု့ဘောင်အဖွဲ့အစည်းအကြောင်းကိုလဲ သင်ယူနိုင်တဲ့ တက္ကသိုလ် တစ်ခုလဲ ဖြစ်ပါတယ်။ 

筑波大学 (Tsukuba University)

Tsukuba University ကလဲ ဝင်ခွင့် ခက်ခဲတဲ့ တက္ကသိုလ်တစ်ခု ဖြစ်ပြီး ကမ္ဘာ့အဆင့် တက္ကသိုလ်စာရင်း ၂၀၀ အတွင်းမှာလဲ ဝင်ရောက်လေ့ရှိပါတယ်။ 

အနုပညာတက္ကသိုလ်များ

ဂျပန်နိုင်ငံရဲ့ အနုပညာ တက္ကသိုလ်တွေထဲမှာတော့ Tokyo University of the Arts က ဝင်ခွင့်ရဖို့ အခက်ဆုံး တက္ကသိုလ်ဖြစ်ပြီးသူနောက်မှာတော့ Tama Art University နဲ့ Musashi Art University တို့ပဲ ဖြစ်ပါတယ်။

နိုင်ငံတကာကျောင်းသား အများပြားရှိသော တက္ကသိုလ်များ

 ဂျပန်တက္ကသိုလ် တွေမှာလဲ နိုင်ငံတကာကျောင်းသားတွေ ပညာသင်ယူတာ များပြားလာခဲ့ကြပါတယ်။ ဂျပန်တက္ကသိုလ်တွေမှာ တက်‌ရောက်ဖို့ စဥ်းစားနေတဲ သူတွေအတွက် နိုင်ငံတကာကျောင်းသားအရေအတွက် ကလဲ ထည့်စဥ်းစားရမယ့် အချက်တချက် ဖြစ်မယ် လို့ထင်ပါတယ်။ ဒါကြောင့် ဒီဆောင်းပါးမှာတော့ နိုင်ငံတကာကျောင်းသားအရေအတွက်ကို တက္ကသိုလ် အလိုက် ဖော်ပြပေးသွားပါ့မယ်။ ဒီအချက်အလက်တွေကတော့ ၂၀၂၂ ခုနှစ်ရဲ့ ဒေတာကို ကူးယူဖော်ပြထားခြင်းဖြစ်ပါတယ်။

တက္ကသိုလ်ကျောင်းသား Youtuber များ　

တက္ကသိုလ်တွေအကြောင်းကို မိတ်ဆက်တဲ့အချိန် မှာတော့ စာတွေ့ ရှင်းပြတာ တစ်ခုတည်းနဲ့ ဆို မလုံလောက်တဲ့အတွက်ကြောင့် လက်တွေ့ ဂျပန်နိုင်ငံရဲ့ တက္ကသိုလ် တွေကိုလေ့လာနိုင်မယ့် Youtube Channel တချို့ကို မိတ်ဆက်ပေးသွားပါ့မယ်။ 

いだちゃんねる 

ဒီ Channel ကတော့ကျိုတို တက္ကသိုလ်မှာ တက်ရောက်ခဲ့တဲ့ ကျောင်းသား ၂ ယောက်မှ တက္ကသိုလ် ကျောင်းသားဘဝ၊ ကျိုတိုတက္ကသိုလ် အကြောင်းတွေကို ကြည့်ရှုနိုင်မယ့် Channel တစ်ခုဖြစ်ပါတယ်။ ဒီ Channel ကနေ တဆင့် ဂျပန်နိုင်ငံရဲ့ တက္ကသိုလ်အကြောင်းနဲ့ တက္ကသိုလ် ကျောင်းသားဘဝ အကြောင်းကို ပုံဖော် နိုင်မယ်လို့ထင်ပါတယ်။ 

パーカー/大学生の日常 

နောက် Channel တစ်ခုကတော့ ကိုဘေးတက္ကသိုလ်က ကျောင်းသားဖြစ်ပြီး နေထိုင်မှုပုံစံ၊ တက္ကသိုလ် အကြောင်းစတဲ့အကြောင်းအရာတွေကို တင်ပြနေတဲ့ Channel ဖြစ်ပါတယ်။

Paolo fromTOKYO

နောက် တစ်ခုကတော့ တက္ကသိုလ်ကျောင်းသားမဟုတ်ပေမယ့် Paolo fromTOKYOကနေ တင်ဆက်ထားတဲ့ Keio University ကျောင်းသားတယောက်ရဲ့ တနေတာ ကို ရိုက်ကူးထားတဲ့ အကြောင်းဖြစ်ပြီး ဒီဗီဒီယိုကနေ တဆင့် ဂျပန်နိုင်ငံရဲ့ တက္ကသိုလ်ကျောင်းသားတယောက်ရဲ့ တနေတာ အကြောင်းအပြင် ဂျပန်နိုင်ငံရဲ့ Private University အကြောင်းကို တစေ့တစောင်း သိရှိနိုင်ပါတယ်။ 

အကျဥ်းချုပ် 

ဒီဆောင်းပါးမှာတော့ ဂျပန်နိုင်ငံတက္ကသိုလ်တွေအကြောင်းကို အဓိကထားပြီးတော့ မိတ်ဆက်ပေးခဲ့ပါတယ်။ ဂျပန်တက္ကသိုလ်တွေ ကမ္ဘာ့အလယ်မှာ ဘယ်လို အကဲဖြတ်ခံနေရလဲဆိုတာနဲ့၊ ဂျပန်ပြည်တွင်းမှာဖြစ်ပျက်နေတဲ့ ဂျပန်တက္ကသိုလ်တွေရဲ့ အခြေအနေတွေကို ဂျပန်နိုင်ငံက တက္ကသိုလ်တွေကို အုပ်စုခွဲပုံတွေနဲ့ နာမည်ကြီးပြီး ဝင်ခွင့် ခက်ခဲတဲ့ တက္ကသိုလ် တွေကို အကြမ်းမိတ်ဆက်ပေးခဲ့ပါတယ်။ နောက်ဆုံးမှာတော့ ဂျပန်တက္ကသိုလ်တွေနဲ့ ထိတွေမှုရအောင် တက္ကသိုလ် တွေနဲ့ပတ်သက်ပြီးမိတ်ဆက်ပေးနေတဲ့ Youtuber တွေကို မိတ်ဆက်ပေးခဲ့ပါတယ်။ ဒီဆောင်းပါးကနေ တဆင့် ဂျပန်တက္ကသိုလ်တွေနဲ့ ပတ်သက်တဲ့စိတ်ဝင်စားတိုးလာမယ်လို့မျှော်လင့်ပါတယ်။