ဂျပန်တက္ကသိုလ်ရဲ့ဒီပလိုမာအထိသင်ကြားမယ်ဆိုရင်(If you’re planning to go to graduate)

WeXpats

2020/07/28

ဂျပန်တက္ကသိုလ်ရဲ့ဒီပလိုမာလို့ခေါ်တဲ့大学院အထိတက်ဖို့ရည်ရွယ်ထားမယ်ဆိုရင်(၂)မျိုးရှိပါမယ်။မြန်မာဘက်ကနေတိုက်ရိုက်လျှောက်ပြီးတက်တာနဲ့ဂျပန်ရောက်ပြီး၊ဂျပန်စာသင်တန်းကျောင်းကနေတက္ကသိုလ်တက်ပြီးမှအဲဒီတက္ကသိုလ်ရဲ့ဒီပလိုမာကိုဆက်တက်တဲ့ပုံစံမျိုးတက်လို့ရပါတယ်။မြန်မာပြည်ဘက်ကနေဒီပလိုမှာတက်မယ်ဆိုရင်ပြင်ဆင်စရာကပိုများပါတယ်။ဂျပန်စာအရည်အချင်းအပြင်၊ကျောင်းဝင်ခွင့်ပုံစံနဲ့လိုအပ်တဲ့စာရွက်အထောက်အထားကဂျပန်မှာကျောင်းတက်ပြီးဒီပလိုဝင်တာထက်ပိုပြီးခက်ခဲပြီးဂျပန်ဘက်တက္ကသိုလ်တာဝန်ရှိတဲ့သူတွေကသေချာစီစစ်တဲ့အတွက်ဝင်ရခက်တဲ့အတွက်ကြောင့်ဖြစ်ပါတယ်။ဂျပန်စာအရည်အချင်းနဲ့လိုအပ်တဲ့ပြင်ဆင်မှုများပြုလုပ်နိုင်သူကတော့အဆင်ပြေနိုင်ပါတယ်။ဒါပေမယ့်ဂျပန်ကိုလာပြီးဂျပန်စာသင်တန်းကျောင်း(၁/၂)နှစ်တက်ပြီးအဲဒီကနေမိမိတက်ချင်တဲ့တက္ကသိုလ်ဆက်တက်ပြီး(၄)နှစ်တာကာလကိုသေချာသင်ယူပြီး၊ဒီပလိုမာကိုဆက်တက်စေချင်ပါတယ်။အဲဒါမှဂျပန်စာအပါအဝင်၊ကျောင်းနဲ့ပတ်သက်တဲ့အသိပညာနဲ့အခြားဗဟုသုတပြည့်ဝပြီးဒီပလိုမာဆက်တက်တက်ဖို့အထောက်အကူပြုမှာဖြစ်ပါတယ်။တက္ကသိုလ်ဝင်ခွင့်ရထားတဲ့အတွက်မိမိတက်ချင်တဲ့ဒီပလိုမှာဘာသာရပ်ကအဲဒီကျောင်းမှာဆက်ရှိမယ်ဆိုရင်ဝင်ခွင့်ကပိုမိုလွယ်ကူသွားနိုင်ပါတယ်။တက္ကသိုလ်ရဲ့စာသင်ပုံစာသင်နည်းနဲ့ဆရာတွေရဲ့သင်ကြားမှုများနဲ့ရင်နှီးခွင့်ရပြီး၊ဒီပလိုဆက်တက်တဲ့အခါမှာအတွေ့အကြုံတွေနဲ့အသားကျမှာပါ။

ဒီပလိုမှာတက်ဖို့ကျောင်းရွေးချယ်မှုနဲ့ပတ်သက်ပြီး

ဒီပလိုဆက်တက်ပြီးသွားရင်လည်းအလုပ်လုပ်တဲ့နေရာမှာမိမိသင်ယူတတ်မြောက်မှုကအထောက်အကူပြုဖို့အရေးကြီးပါတယ်။ဒီပလိုတက်ဖို့ကျောင်းရွေးချယ်တဲ့နေရာမှာလည်းမိမိစိတ်ဝင်စားတဲ့ဘာသာရပ်ရှိမရှိနဲ့မိမိတက်မယ့်ကျောင်းကမိမိတက်ချင်တဲ့ကျောင်းမျိုးဖြစ်နေဖို့အရေးကြီးပါတယ်။ကျောင်းရဲ့သင်ကြားတဲ့ပုံစံသင်ရိုးညွန်းတမ်းနဲ့သင်ကြားပေးမယ့်ဆရာရဲ့အချက်အလက်ကိုသေချာရှာဖို့လိုအပ်ပါတယ်။တက္ကသိုလ်နဲ့ဒီပလိုနဲ့မတူတဲ့အချိန်ကတက္ကသိုလ်မှာကိုယ်ယူတဲ့မေဂျာနဲ့ပတ်သက်တဲ့အတန်းတွေကိုအောင်မြင်အောင်ဖြေဆိုဖို့နဲ့ဘွဲ့ရဖို့၊အမှတ်ဘယ်လောက်ရဖို့နဲ့ဘွဲ့ယူစာတမ်းကိုသေချာပြည့်စုံနဲ့ဘွဲ့ရနိုင်ပါတယ်။ဒီပလိုဆက်တက်တဲ့သူတွေကြတော့မိမိကသုတေသနပြုမယ့်ခေါင်းစဥ်နဲ့ပတ်သက်လို့အများကြီးကျယ်ကျယ်ပြန့်ပြန့်သိရမှာဖြစ်တဲ့အပြင်နိုင်ငံခြားသားများအဖို့ဂျပန်စာအရည်အချင်းကပိုပြီးပြည့်ဝဖို့လိုအပ်ပါတယ်။သင်ကြားပေးမယ့်ဆရာဆီကလိုအပ်တဲ့အချက်အလက်များပြည့်စုံတဲ့အထိရှာခိုင်းခြင်းနဲ့သင်ကြားပေးမှုကိုလိုက်နာတတ်ဖို့လိုအပ်ပါတယ်။နောက်ပြီးကျောင်းနေရာနဲ့ကျောင်းလခအစရှိသဖြင့်အချက်အလက်များရှာဖွေတတ်ဖို့လိုအပ်ပါတယ်။စာသင်ချိန်ကိုလည်းမိမိနဲ့ကိုက်ညီမှုရှိမရှိကိုလေ့လာသင့်ပါတယ်။အဓိကကတော့မိမိဆက်တက်မယ့်သုတေသနလုပ်မယ့်ကျောင်းမှာစကောလာရှိမရှိကအရေးကြီးဆုံးဖြစ်ပါတယ်။မိမိတက်ချင်တဲ့ဘာသာရပ်ရှိမရှိကအရေးကြီးပါတယ်။စီးပွားရေးနဲ့ပတ်သက်တဲ့ခေါင်းဆောင်မှုပါတဲ့သင်ကြားမှုအကြောင်းအရာနဲ့သင်ကြားပေးမယ့်အကြောင်းအရာများကရည်ရွယ်ချက်အကြောင်းအရာများကပြည့်စုံဖို့အရေးကြီးပါတယ်။လိုအပ်တဲ့လက်မှတ်တွေရဖို့အတွက်ပရိုပရမ်တွေရှိမရှိကလည်းအရေးကြီးပါတယ်။ဆွေးနွေးချက်များနဲ့သင်ကြားမှုပုံစံကလည်းအရေးကြီးပါတယ်။

စာရေးသူရွေးချယ်သောဆောင်းပါး

ဘာသာရပ်ရွေးချယ်မှုနဲ့ပတ်သက်ပြီး

သုတေသနလုပ်မယ့်ဘာသာရပ်ကအရမ်းအရေးကြီးပါတယ်။တက္ကသိုလ်စတက်ကတည်းကမိမိစိတ်ကူးထားတဲ့အလုပ်ဝင်တဲ့အခါအထောက်အကူပြုနိုင်တဲ့မိမိစိတ်ဝင်စားတဲ့ဘာသာရပ်မျိုးကိုသုတေသနလုပ်သင့်ပါတယ်။တကယ်တမ်းဒီပလိုမာတက်တဲ့ရည်ရွယ်ချက်ကကျောင်းသားဘဝရဲ့အသိကိုထပ်ပြီးစာတွေ့ကိုနဲ့အတွေ့အကြုံတွေကိုသုတေသနအနေနဲ့သီးခြားလေ့လာချင်တဲ့အတွက်ထပ်မံတက်ရောက်တဲ့အတွက်ကြောင့်မိမိရွေးချယ်မယ့်ခေါင်းစဥ်ကအရေးကြီးပါတယ်။သင်ကြားပေးမယ့်ဆရာကလိုအပ်တဲ့အချက်အလက်များကိုပြောပြပေးမှာဖြစ်ပြီး၊လိုအပ်တဲ့လေ့လာမှုများကိုလည်းမိမိကိုယ်တိုင်ကလေ့လာရမှာဖြစ်ပါတယ်။နောက်ထပ်အနေနဲ့နိုင်ငံတကာနဲ့ပတ်သက်တဲ့အချက်အလက်၊ကုမ္မဏီများနဲ့ပတ်သက်တဲ့လုပ်ပုံလုပ်နည်းနဲ့ပတ်သက်တဲ့အကြောင်းအရာများကိုကွဲပြားခြားနားသောနယ်ပယ်များတွင်ပိုမိုအဆင့်မြင့်ကျွမ်းကျင်မှုအဆင့်ထိသင်ကြားပေးနိုင်တဲ့အတွက်ကြောင့်ဖြစ်ပါတယ်။ဒီပလိုမာဆက်တက်ဖို့ရွေးချယ်တဲ့နေရာမှာလည်းတက္ကသိုလ်ပြီးပြီးနောက်ဆက်ပြီးတက်ချင်တဲ့အကြောင်းအရာကိုအဓိကအထူးပြုလေ့လာချင်တာနဲ့ကျွမ်းကျင်စွာပြုလုပ်နိုင်ဖို့ရွေးချယ်ကြခြင်းဖြစ်ပါတယ်။သုတေသနလုပ်တဲ့အခါမှာလည်းဆရာဆီကနေလိုအပ်တဲ့အနေအထားရတဲ့အထိပြင်ခိုင်းတာမျိုး၊လေ့လာမှုမျိုးရှိတဲ့အတွက်မိမိရွေးချယ်လိုက်တဲ့သုတေသနခေါင်းစဥ်ကလည်းအရမ်းအရေးပါပါတယ်။

စကောလာနဲ့ရရှိမှုပုံစံနဲ့ပတ်သက်ပြီး

စကာလာအနေနဲ့၁၀သောင်းကနေသောင်း၅၀အထိအမျိုးမျိုးကွဲပြားစွာရရှိနိုင်ပါတယ်။ဝင်ငွေပမာဏကိုတွက်ချက်ပြီးမလောက်တဲ့သူများအတွက်ပေးတဲ့စကောလာမျိုးနဲ့JASSOစတဲ့နိုင်ငံခြားသားအတွက်အထောက်အပံပေးတဲ့အဖွဲ့အစည်းတွေရဲ့အချက်အလက်တွေကိုအမြဲလေ့လာသင့်ပါတယ်။ဘယ်လိုအချက်မျိုးနဲ့ရွေးချယ်ပြီး၊ဘယ်လိုပုံစံနဲ့ရရှိနိုင်သလဲဆိုတာကိုဝက်ဆိုက်အစရှိတဲ့နေရာမှာသိလိုတဲ့အချက်အလက်များကိုဝင်ရောက်ကြည့်ရှုသင့်ပါတယ်။ဒီအဖွဲ့အစည်းအနေနဲ့တက္ကသိုလ်၊ကောလိပ်၊ဒီပလိုမာဆက်တက်ချင်တဲ့သူတွေအတွက်ပါအထောက်အပံ့ပေးနေတဲ့အဖွဲ့အစည်းဖြစ်ပါတယ်။နောက်တစ်ခုအနေနဲ့မိမိထပ်သိချင်တဲ့အကြောင်းအရာများကိုဒီစကောလာကိုအသုံးပြုခဲ့တဲ့စီနီယာများကိုမေးမြန်းပြီးလျှောက်ထားမှုများပြုလုပ်နိုင်ပါတယ်။လျှောက်လွာတင်တဲ့အချိန်မှာလည်းလျှောက်တဲ့ရည်ရွယ်ချက်နဲ့မိမိအမှန်တကယ်ပညာသင်ဆုလိုချင်ရတဲ့အကြောင်းအရာများကိုပြည့်စုံစွာရေးသားဖို့လိုအပ်ပါတယ်။နောက်တစ်ခုကပညာသင်ဆုပေးချင်လောက်တဲ့အရည်အချင်းမိမိမှာရှိနေဖို့လိုအပ်ပါတယ်။နောက်တစ်ခုကအနာဂတ်သုတေသနလုပ်ငန်းများသို့မဟုတ်အလုပ်အကိုင်များအတွက်လိုအပ်သောစွမ်းရည်မြင့်မားသောလုပ်ဆောင်မှုများကိုလုပ်ဆောင်နိုင်သူအဖြစ်အသိအမှတ်ပြုခံရနိုင်ဖွယ်နဲ့ပတ်သက်ပြီးလုပ်ဆောင်မှုရှိမရှိပေါ်မူတည်ပြီးပညာသင်ဆုပေးမပေးကလည်းမူတည်ပါတယ်။

စာရေးသူ

WeXpats

နေထိုင်မှုဘဝ၊အလုပ်နှင့် နိုင်ငံခြားတွင် ပညာဆည်းပူးခြင်းနှင့်ဆိုင်သည့်အသုံးဝင်သော အချက်အလက်များအပါအဝင် ဂျပန်နိုင်ငံ၏ ဆွဲဆောင်မှုရှိသည်များကို မိတ်ဆက်ပေးသော ဆောင်းပါးများစွာကိုတင်ဆက်သွားပါမည်။