နှစ်သစ်ကူးမှာအလှဆင်တဲ့အရာတွေနဲ့ပတ်သက်ပြီးအလှဆင်ရမယ့်ရက်၊သိမ်းဆည်းမယ့်ရက်၊စွန့်ပစ်ပုံနည်းလမ်းတွေကိုလေ့လာကြည့်ကြရအောင်။
ဘယ်အချိန်မှာအလှဆင်မလဲ
နှစ်သစ်ကူးကာလစပြီလို့ဆိုတဲ့ဒီဇင်ဘာ၁၃ရက်နောက်ပိုင်းကိုဘယ်တော့မဆိုစပြီးအလှဆင်လို့ရပါပြီလို့ဆိုထားပါတယ်။
အောက်ပါနှစ်ရက်ကိုတော့ အလှမဆင်ကောင်းဘူးလို့မှတ်ယူကြပါတယ်။
・ ဒီဇင်ဘာ ၂၉ ရက် - အညံ့နှစ်ခါထပ်စေသောကြောင့်ရှောင်ပါ။
・ ဒီဇင်ဘာ ၃၁ ရက် - "တညတည်းအလှဆင်ခြင်း" မို့ အတိတ်နိမိတ်မကောင်းစေပါဘူး။
အခုခေတ်မှာတော့ခရစ်စမတ်ပြီးနောက် ၂၆-၂၇ရက်လောက်မှအလှဆင်ခြင်းကိုစတင်ပြုလုပ်ကြပါတယ်။ (၂၈) နေ့ကတော့အတိတ်နိမိတ်ကောင်းတဲ့အယူနေ့ပါ။
၃၀ ရက်နေ့လဲပဲကောင်းတဲ့နေ့ဖြစ်လို့ ၂၈ ရက်မှာမလုပ်နိုင်ခဲ့လျှင်၃၀ရက်နေ့တွင်အလှဆင်ပါ။
စာရေးသူရွေးချယ်သောဆောင်းပါး
သိမ်းဆည်းမည့်အချိန်
"Matsunouchi"ရက်ကိုကျော်သွားရင်သိမ်းဆည်းရတော့မယ့်အချိန်ပါ။
"Matsunouchi"ရက်ကိုဒေသကိုလိုက်ပြီးသိမ်းကြတဲ့အချိန်ကွာခြားပါတယ်။
တိုးဟိုခု၊ခန်းတိုးနဲ့ကျူးရှူးဒေသတွေမှာဇန်နဝါရီ၇ရက်နေ့မကျော်အောင်သိမ်းကြပေမယ့်ခန်းဆိုင်းဒေသကိုဗဟိုပြုတဲ့နေရာတွေမှာတော့၁၅ရက်နေ့အထိထားကြတယ်ဆိုပါတယ်။
အခုခေတ်မှာတော့နနခုစဂယုလိုခေါ်တဲ့ ဆေးဘက်ဝင်ဟင်းသီးဟင်းရွက်၇မျိုးဆန်ပြုတ်ကိုစားကြတဲ့ရိုးရာအယူနေ့နဲ့ညှိပြီးသိမ်းကြတယ်ဆိုပါတယ်။
မှန်ကန်စွာစွန့်ပစ်ခြင်းနည်းလမ်း
"Matsunouchi"ရက်ကိုကျော်သွားတဲ့အခါ Sagicho လို့ခေါ်တဲ့ပွဲတော်တွင်နှစ်သစ်ကူးအလှဆင်ထားတဲ့အဆင်တန်ဆာများကိုမီးရှို့ပြီးထွက်ပေါ်လာသောမီးတောက်များနှင့်အတူကောင်းကင်ဆီသို့ Kamisama အားပို့ဆောင်ပါသည်။
ထိုမီးတောက်များနှင့် Kagamimochi ကိုကင်၍စားကြပါသည်။
မီးရှို့ဖို့အခက်အခဲရှိတဲ့နေရာများမှာတော့ပုံမှန်အမှိုက်ပစ်တဲ့ရက်မှာပဲ သတင်းစာတစ်စောင်ကိုဖြန့်ခင်းပြီးဘယ်ညာအလယ်မှာဆားကိုပုံ ၊ထိုသတင်းစာစက္ကူဖြင့်အဆင်တန်ဆာများကိုထုတ်ပြီးအခြားအမှိုက်များနှင့်အတူမဟုတ်ပဲတခြားအိတ်ထဲထည့်ကာလွှင့်ပြစ်လို့ရပါသည်။
