ဂျပန်ဘာသာစကားကျွမ်းကျင်မှုစာမေးပွဲ (JLPT) သည် ဂျပန်လူမျိုးမဟုတ်သူများအတွက် ဂျပန်အပါအဝင် နိုင်ငံနှင့် ဒေသပေါင်း 86 (2018)နိုင်ငံ တွင် ပြုလုပ်ခဲ့သော စာမေးပွဲတစ်ခုဖြစ်သည်။ ဂျပန်စာလေ့လာသူများ၏ ဂျပန်ဘာသာစကားစွမ်းရည်ကို တိုင်းတာရန် အကြီးမားဆုံးသော စာမေးပွဲဖြစ်သောကြောင့် စာမေးပွဲဖြေဆိုသူဦးရေသည် တစ်နှစ်ထက်တစ်နှစ် တိုးလာနေပါသည်။ JLPT အောင်ဖို့ ရည်ရွယ်ထားတဲ့ ဂျပန်စာ လေ့လာတဲ့ သူတွေ အများကြီးရှိမယ်ထင်ပါတယ်။ JLPT ကို ဘာသာရပ်များစွာဖြင့် ခွဲခြားထားသော်လည်း ၎င်းတို့တွင် "စာဖတ်နားလည်နိုင်မှုစွမ်းရည်「読解」" မှာအခက်ခဲဆုံးဟု ဆိုပါသည်။ အဲဒီအခက်အခဲကို ဘယ်လိုကျော်ဖြတ်ကြမလဲ။
မာတိကာ
၁။ N1၏အမှတ်ပေးစနစ်
၂။ စာဖတ်နားလည်စေရန်ဂရုပြုရမည့်နေရာများ
၃။ စာဖတ်နားလည်စေရန်အကြံပြုချက်အချို့
၁။ N1၏အမှတ်ပေးစနစ်
N1 စာမေးပွဲရလဒ်သည် အအောင်၊အရှုံးသာမဟုတ်၊
"ဘာသာစကားအသိပညာ「言語知識」「" " အဖတ်စွမ်းရည်「読解」" နှင့် "အကြားစွမ်းရည်「聴解」" တစ်ခုစီအတွက် (အမှတ် 60 )ဟုရမှတ်ကို ပြသထားသည်။
ထို့အပြင်၊ "အက္ခရာ/ဝေါဟာရ「文字・語彙」" နှင့် "သဒ္ဒါ「文法」" စွမ်းရည်ကို A မှ C သတ်မှတ်ချက်ဖြင့်ပြသသည်။
A သည် အဖြေမှန်နှုန်း 67% သို့မဟုတ် ထို့ထက်ပိုသော
B သည် အဖြေမှန်နှုန်း 34% သို့မဟုတ်34%ထက်ပိုပြီး 67% ထက်နည်းသည်။
C သည် အဖြေမှန်နှုန်း 34% ထက်နည်းသည်။
ဒါကြောင့် မိမိ၏အားသာချက်၊ အားနည်းချက်တွေကို ရှင်းရှင်းလင်းလင်းမြင်နိုင်ပါတယ်။
ဒါကြောင့် ပထမဦးစွာ ဒီရလဒ်တွေကို ကြည့်ပြီး မိမိက ဘယ်နေရာကို ကောင်းကောင်း မကျွမ်းကျင်သလဲ နဲ့ အောင်မှတ်လိုင်းမရာက်သည့်ဘာသာရပ်ကိုသိအောင်လုပ်ထားဖို့လိုပါသည်။
N1 စာမေးပွဲတွင်အမှတ်ပြည့်ရမှတ်မှာ ၁၈၀ မှတ်ဖြစ်သည်။ အမှတ် 100 သို့မဟုတ် ထို့ထက်ပိုပါက (= 56% သို့မဟုတ် ထို့ထက်ပိုပါက) အောင်မြင်သည်။
တစ်နည်းဆိုရသော် နယ်ပယ်တစ်ခုစီတွင် ၃၄ မှတ် သို့မဟုတ် ထို့ထက်ပိုသော၊ "အက္ခရာ/ဝေါဟာရ「文字・語彙」" နှင့် "သဒ္ဒါ「文法」" သည် B သို့မဟုတ် ထို့ထက် ပိုပါကအောင်နိုင်သည့်ဘောင်အတွင်း၌ ရှိသည်။
ကိုယ်အားနည်းချက်ကဘာဆိုတာ သိပြီးတာနဲ့ နောက်တစ်ဆင့်က ဘယ်လိုလေ့လာရမလဲဆိုတာပဲဖြစ်တယ်။
ဘာကိုပြုပြင်ပြောင်းလဲလိုက်ရမလဲဆိုတာသေချာပေါက်နည်းလမ်းရှိမှာဖြစ်တယ်။
ပြုပြင်ပြောင်းလဲရမယ့်နည်းလမ်းကိုသိပါကထို့နောက်တွင်အဲဒါကိုလိုက်ပြီးလေ့လာရန်ဖြစ်သည်။
စာရေးသူရွေးချယ်သောဆောင်းပါး
၂။ စာဖတ်နားလည်စေရန်ဂရုပြုရမည့်နေရာများ
(၁)မျဉ်းတားထားသောအပိုင်း၏အကြောင်းရင်းနှင့်အကြောင်းအရာကိုမေးသောပုစ္ဆာ၏အဖြေသည်ထိုမျဥ်း၏အရှေ့၊အနောက်တွင် အရိပ်အမြွက် အမြဲရှိနေသည်။
(၂)အဖြေအားလုံးသည် စာသားထဲတွင်ပါသည်။
*မိမိ၏ထင်မြင်ယူဆချက်နှင့် တဖက်သတ် တွေးခေါ်မှုအပေါ်အခြေခံ၍ အဖြေကို မရွေးချယ်ပါနှင့်။ *
(၃) ထပ်ခါတလဲလဲ ပေါ်လာသော စကားလုံးများသည် သော့ချက်စာလုံးများ ဖြစ်သည်။
ထိုသော့ချက်စာလုံးများပါသောဝါကျများကို စစ်ဆေးပါ။ “
(၄)ဤအကြောင်းအရာ မှန်သလား၊ မမှန်ဘူးလားဆိုတဲ့ မေးခွန်းက မမှန်တဲ့ အဖြေပါ။
မှန်ကန်သော ဖော်ပြချက်အပိုင်းကို တိကျစွာရှာဖွေပါ။ “
(၅)" 『～とは～。』 "ဟူသောအဓိပ္ပါယ်ကိုဖွင့်ဆိုသည့်စာကြောင်းသည်စာရေးသူ၏ထင်မြင်ချက်ကို
အစပြုသည့်နေရာဖြစ်သောကြောင့်သေချာသတိထားသင့်သည်။
(၆)「『ＡではなくＢ』『ＡよりむしろＢ』『ＡよりＢ』『ＡというよりＢ』A" မဟုတ်"B"၊ “A” ထက်စာလျှင် “B" ၊“A” ထက်"B"၊“A”လို့ပြောရမှာထက်"B"ဟူသောအသုံးအနှုန်းများပေါ်လာလျှင်B ကိုသတိထားပါ။
(၇)ဥပမာစကားအသုံးအနှုန်းတစ်ခုပေါ်လာသောအခါ ၎င်း၏အကြောင်းအရာများကို ရှင်းပြထားသည့်အပိုင်းကိုသတိထားပါ။ “
N1 စာမေးပွဲသည်အဖြေအားလုံးမှန်ကန်ရန်မလွယ်ပါဘူး။
ဒါပေမယ့် မှန်ကန်စွာစဥ်းစားနိုင်တယ်ဆိုရင်တော့ အဖြေမှန်ကို ရှာဖွေနိုင်မှာဖြစ်ပါတယ်။
၃။ စာဖတ်နားလည်စေရန်အကြံပြုချက်အချို့
① ပထမဦးစွာ ကိုးကားသည့်စာအုပ်၊အကြောင်းအရာရေးထားသည်ကို ဖတ်ပါ
တစ်ခါတရံမှာ ကိုးကားထားသည့်စာအုပ်စာအုပ်ခေါင်းစဉ်က အကြောင်းအရာကိုပြောပြပါတယ်။ တစ်နည်းဆိုရသော် ဝါကျအဆုံးတွင် ရေးထားသော ကိုးကားသည့်စာအုပ်ကို ဖတ်လျှင် စာအုပ်ပါ အကြောင်းအရာများကို ကြိုတင်နားလည်နိုင်သည်။ သို့သော် ဤအရာကို သင် အလွန်အကျွံယုံကြည်ပါက ထင်မြင်ချက်လွဲကောင်းလွဲနိုင်သည်၊ ထို့ကြောင့် ၎င်းကို ကိုးကားချက်အဖြစ်သာ ထားခြင်းသည် ပိုကောင်းပါသည်။
② ဝါကျများတွင်ဝိဘတ် ဆက်စပ်မှုများကို သတိထားပါ
ဝါကျ၏အစတွင် 「しかし・なぜなら」"သို့သော်လဲ၊အဘယ်ကြောင့်ဆိုသော်" ကဲ့သို့သော conjunctions များကို သတိပြုရုံမကပဲ ဝါကျတွင်ဝိဘတ် များစွာရှိပါသည်။ ဥပမာအားဖြင့်၊ အကြောင်းပြချက်ကိုဖော်ပြသော "「～のである(....ကြောင့်.....ဖြစ်သွားပြီ)"ကဲ့သို့စာကြောင်းများလဲ ရှိသည်။
ဝါကျတစ်ခုလုံးကို ဘယ်လိုတည်ဆောက်ထားတယ်ဆိုတာ သိရင် စာဖတ်နားလည်မှုကို မြန်မြန်ဆန်ဆန်နဲ့ တိကျစွာ ဖတ်နိုင်မှာပါ။
③ အဘိဓာန်ကို သတိထားပါ
စာပိုဒ်ကိုဖတ်ရှုနေစဉ်တွင်၊ နားမလည်သော စကားလုံးများကို ရှာဖွေပြီး ရှင်းရှင်းလင်းလင်း ဖတ်နိုင်သောအခါမှသာ စတင်ဖတ်ရှုသောသူများ ရှိပါသည်။ စာဖတ်ခြင်းကို နားလည်သဘောပေါက်ခြင်းသည် လမ်းကို သေသေသပ်သပ်ပြင်ဆင်ပြီးနောက်မှ ဖတ်၍ရသည့်အရာမဟုတ်၊မမြင်ရသည့် အမှောင်ထဲတွင်စမ်းတဝါးဝါးဖတ်သည့်အရာဖြစ်သည်။
တတ်နိုင်လျှင်အဘိဓာန်ကို အသုံးမပြုပါနဲ့။
စာမေးပွဲကာလမှာ အဘိဓာန်ကိုမသုံးနိုင်ပါဘူး။ နားမလည်တဲ့ စကားလုံးတစ်လုံးကို တွေ့တဲ့အခါ အဲဒီစကားလုံးရဲ့ အဓိပ္ပါယ်ကို ဘယ်လိုမှန်းဆတတ်ရပါမယ်။ စာသင်ခန်းအတွင်း အဘိဓာန်ကို လွတ်လွတ်လပ်လပ် သုံးလျှင် မိမိ၏ ခန့်မှန်းနိုင်စွမ်းကို မြှင့်တင်နိုင်မည် မဟုတ်ပါ။
၎င်းကိုအသုံးပြုလိုပါက "အဖြေအားလုံးကိုရွေးချယ်ပြီးနောက် အသုံးပြုနိုင်သည်။
ဂျပန်ဘာသာ အရည်အချင်းစစ် စာမေးပွဲ ကိုတစ်နှစ်လျှင်၂ကြိမ်ကျင်းပလျက်ရှိရာ၊မကြာမီ ဒီဇင်ဘာလတွင် ဂျပန်ဘာသာ အရည်အချင်းစစ် စာမေးပွဲကိုဖြေဆိုရတော့မှာဖြစ်ပါတယ်။ဖြေဆိုမည့်သူတိုင်းဆီသို့ဝင်ခွင့်လက်မှတ်ရောက်ရှိနေပြီလား။ဝင်ခွင့်လက်မှတ်ကို လက်ခံရရှိသည့်အခါတွင် သင်၏အမည်၊ မွေးနေ့၊ စာမေးပွဲအဆင့် စသည်ဖြင့်အမှားအယွင်းရှိမရှိ သေချာစစ်ဆေးပါ။
.png)
.png)
