ဂျပန်မှာတော့ Fitness Club တွေ တော်တော် နည်းပါးတယ် လို့ဆိုရမှာပါ။ ဒါကြောင့် Fitness Club တွေ သွားဖို့အတွက် လိုက်ရှာနေတဲ့ သူတွေ အနေနဲ့ဆိုရင်တော့ တော်တော်လေးကို အခက်အခဲတွေ့တဲ့ကိစ္စတစ်ခုဖြစ်ပါတယ်။ ဒါကြောင့် ဒီနေ့မှာတော့ ဂျပန်ရောက်ရင် Fitness Club တွေကိုဘယ်လိုရှာဖွေရမလဲနဲ့ Fitness Club အမျိုးအစားအလိုက် အားသာချက်နှင့် အားနည်းချက်တွေကိဖော်ပြသွားပါ့မယ်။
- Campus အတွင်းမှာရှိတဲ့ Fitness Club များ။
- ရပ်ကွက်၊ မြို့အလိုက်တွေ့နိုင်တဲ့ အားကစားရုံများ။
- Chain Gym များ
- ၂၄ နာရီ Gym များ
- Maid - Gym
Campus အတွင်းမှာရှိတဲ့ Fitness Club များ။
ဂျပန်မှာတော့ တက္ကသိုလ်အတွင်းမှာ ကျောင်းသားတွေအသုံးပြုဖို့အတွက် Gym တွေရှိတတ်ကြပါတယ်။ အသုံးမပြုခင် ကြိုတင်ပြီးတော့ အသုံးပြုပုံအသုံးပြုနည်းတွေကိုလေ့လာပြီး Gym ကိုအသုံးပြုနိုင်ပါတယ်။ တချို့ တက္ကသိုလ်တွေမှာတော့ အဖွဲ့ဝင်ကြေးပေးရပါတယ်။ အဖွဲ့ဝင်ကြေးကလဲ တော်တော်သက်သာပါတယ်။ ဒါကြောင့်မို့လို့ အပြင်က Gym တွေနဲ့ယှဥ် လိုက်ရင် အသုံးပြုရတာ တော်တော်အဆင်ပြေပါတယ်။ ဒါကြောင့် သင်ကတက္ကသိုလ်ကျောင်းသာ ဖြစ်ပါကCampus အတွင်းမှာ ရှိတဲ့ Gym တွေကိုအသုံးပြုဖို့ အကြံပေးချင်ပါတယ်။ဒါပေမယ့် ပစ္စည်းတွေကို သေသေချာချာနဲ့ စနစ်တကျအသုံးပြုဖို့လိုအပ်ပါတယ်။
စာရေးသူရွေးချယ်သောဆောင်းပါး
ရပ်ကွက်၊ မြို့အလိုက်တွေ့နိုင်တဲ့ အားကစားရုံများ။
နောက်တစ်ခုကတော့ အဖွဲ့ ဝင်စနစ် Gym ကိုအသုံးမပြုချင်ဘူးဆိုရင်တော့ မြို့အလိုက် အားကစားရုံတွေကို အသုံးပြုဖို့ အကြံပေးချင်ပါတယ်။ ဒီ Gym တွေကတော့ အချိန်အကန့်အသတ်ရှိတာတွေများပေမယ့် စျေးနှုန်းသက်သာတာတွေကလဲ အားသာတဲ့ အချက်တစ်ချက်ဖြစ်ပါတယ်။ နောက်ပြီး ဒီလို Gym အမျိုးအစားတွေကတော့ တခြားပြင်ပ Gym တွေနဲ့ ပူးပေါင်းထားတာတွေလဲရှိပါတယ်။ ပထမအကြိမ်ကိုတော့ ကိုယ့်ရဲ့ အချက်အလက်တွေကိုပေးပြီး Register လုပ်ထားဖို့လိုအပ်ပါတယ်။
ဒီလို Gym တွေရဲ့ အားနည်းချက်ကတော့ ပစ္စည်းသိပ်မစုံတဲ့ အချက်ဖြစ်ပါတယ်။ ဒါကြောင့် ပေါ့ပေါ့ပါးပါး အားကစားလုပ်ချင်တဲ့ သူတွေအနေနဲ့ကတော့ ပြင်ပGym တွေမှာသွားဆော့ဖို့ အကြံပြုချင်ပါတယ်။
Chain Gym များ
Chain Gym တွေကတော့ နေရာတိုင်းအလိုလိုမှာတွေ့နိုင်တဲ့ Gym တွေဖြစ်ပါတယ်။ ကာလအလိုက် ပရိုမိုးရှင်းတွေလဲ အများကြီးရှီတဲ့ Gym လဲဖြစ်ပါတယ်။ Plan တွေလဲ အမျိုးမျိုးရှိနိုင်ပြီး မိမိနှင့်ကိုက်ညီတဲ့Plan ကိုသေချာကြည့်ပြီးရွေးချယ်နိုင်ပါတယ်။ Chain Gym တွေမှာတော့ Gym တစ်ခုတည်းမဟုတ်ဘဲ တခြားအားကစားတွေပါလုပ်နိုင်တာတွေ၊ Personal Trainer Program တွေပါရှိတတ်ပါတယ်။ တချို့ Chain Gym တွေကတော့ ၂၄ နာရီဝန်ဆောင်မှုပေးတဲ့ အခါမျိုးတွေလဲရှိတတ်ပါတယ်။Chain Gymရဲ့ ဥပမာတွေအနေနဲ့ကတော့
TIPNESS KONAMI SPORT CLUB SAVAS SPORT CLUB SEIBU FITNESS CLUB JEXER တို့ဖြစ်ပါတယ်။
၂၄ နာရီ Gym များ
၂၄ နာရီ Gym တွေကတော့ ၂၄နာရီ တစ်နှစ်ပတ်လုံးအသုံးပြုနိုင်တဲ့ Gym အမျိုးအစားဖြစ်ပါတယ်။ အောက်မှာတော့ အားသာချက်နှင့် အားနည်းချက်တွေကို အသေးစိတ်ရှင်းပြသွားပါ့မယ်။
အားသာချက်များ
-
၂၄ နာရီဖွင့်တဲ့ Gym တွေရဲ့ အားသာတဲ့အချက်ကတော့ ၂၄နာရီဖွင့်တဲ့ အတွက်ကြောင့်မို့လို့ ဆော့တဲ့အချိန်ကတော်တော်လွတ်လပ်ပြီး ကြိုက်တဲ့ အချိန်ကိုသွားနိုင်ပါတယ်။ ဒါကြောင့် အလုပ်ဆင်းချိန်ဖြစ်ဖြစ် အချိန်ဇယားတွေရှိတဲ့နေ့တွေဖြစ်ဖြစ် လွယ်လွယ်ကူကူညှိနိုင်ပါတယ်။
-
၂၄ နာရီ Gym တွေကတော့ ဘူတာနဲ့ အနီးနားမှာရှိတဲ့အတွက်ကြောင့်မို့လို့ ရထားတဲ့ အိမ်ပြန်တဲ့သူတွေအတွက်အဆင်ပြေပါတယ်။
-
၂၄ နာရီ Gym ဝင်ကြေးကတော့ ယန်း၈၀၀၀ လောက်ကျသင့်နိုင်ပြီး အထူးလျှော့စျေးတွေလဲ အများကြီးရှိနိုင်ပါတယ်။ ဒါကြောင့်မို့လို့ စျေးသက်သာပြီး အချိန်ညှိနှိုင်းရတာလဲလွယ်ကူပါတယ်။
-
နောက်ပြီး Gym တော်တော်များများမှာ တခြားအားကစားလုပ်နိုင်တဲ့ နေရာတွေနှင့် အမျိုးသမီးသီးသန့် နေရာတွေလဲပါရှိတတ်ပါတယ်။
အားနည်းချက်များ
-
အချိန်ကြာကြီးသိမ်းထားလို့ရတဲ့ Locker မရှိတဲ့ အချက်ကတော့ အဆင်ပြေတဲ့ အချက်လို့ပြောနိုင်ပါတယ်။ ဒါကြောင့် တန်ဖိုးကြီးတဲ့ ပစ္စည်းတွေပါရင်တော့ Loker အသုံးပြုဖို့အတွက်ပိုက်ဆံ သပ်သပ်ထပ်ပေးရပါတယ်။ စျေးကြီးတဲ့ Gym တွေမှာတော့ Locker ကိုအခမဲ့အသုံးပြုလို့ရတဲ့နေရာတွေများပါတယ်။
-
၂၄ နာရီဖွင့်တဲ့ Gym ဆိုပေမယ့် ၂၄ နာရီစလုံး ဝန်ထမ်းရှိနေတာမျိုးမဟုတ်ပါဘူး။ ပုံမှန်အားဖြင့် ဝန်ထမ်းတွေက မနက် ၁၁ နာရီကနေ ည ၈ နာရီအထိရှိတတ်ပါတယ်။ ဒါကြောင့်မို့လို့ ကျန်တဲ့ အချိန်တွေမှာ သွားဆော့မယ်ဆိုရင်တော့ ကိုယ့်ဘာသာဝန်ဆောင်မှု ပေးဖို့လိုအပ်ပါတယ်။ နောက်ပြီး ညဘက်ကြီးသွားဆော့တဲ့ မိန်းကလေးတွေအတွက်လဲ လုံခြုံမှုမရှိဘူးပြောလို့ရပါတယ်။
-
နောက်ပြီး အားကစားပစ္စည်းတွေအပြင် တခြားရေကူးကန်တွေကိုတော့ သတ်မှတ်ချိန်အတွင်းမှာသာဖွင့်ထားလေ့ရှိကြပါတယ်။
-
စျေးသက်သာတဲ့ Gymတွေမှာတော့ ရေချိုးတဲ့နေရာကတော့ တော်တော်လေးကိုကျဥ်းပါတယ်။ နောက်ပြီး အိမ်သာတွေလဲတော်တော် နည်းပါတယ်။ ဒါပေမယ့် ၁သောင်းကျော်တန် Gym တွေဆိုရင်တော့ ဒီလိုမျိုးပြသာနာတွေကြုံရမှာမဟုတ်ဘဲ တခြားပစ္စည်းတွေလဲ အများကြီးရှိပါတယ်။
Maid - Gym
နောက်ဆုံးတစ်ခုကတော့ ဂျပန်နိုင်ငံရဲ့ ယဥ်ကျေးမှုလို့ပြောလို့ရတဲ့ Maid - Gym တွေကလဲ ဂျပန်နိုင်ငံမှာခေတ်စားပါတယ်။ အိမ်ဖော်အဝတ်အစားတွေကိုဝတ်ထားတဲ့ မိန်းကလေးတွေက ထရိန်နင်လုပ်နည်းကို သင်ပေးတဲ့ ဒီ Maid - Gym တွေကတော့ Akihabara တို့မှာ အများအားဖြင့် တွေ့နိုင်ပါတယ်။ ဒါပေမယ့် ဒီ Maid - Gym တွေကတော့ တော်တော်စျေးကြီးပါတယ်။
အကျဥ်းချုပ်
ဒီဆောင်းပါးမှာတော့ ဂျပန်မှာ Gym ဆော့ချင်တဲ့ သူတွေအတွက် အဆင်ပြေမယ့် Gym အမျိုးအစားတွေကို မိတ်ဆက်ပေးခဲ့ပါတယ်။ Gym ဆော့မယ့်သူတွေအတွက် အသုံးဝင်မယ်လို့မျှော်လင့်ပါတယ်၊။
