ဂျပန်ကိုကျောင်းနဲ့လာမယ်ဆိုပါကဂျပန်စာသင်တန်းကျောင်းနဲ့လာလို့ရသလို၊စကောလာနဲ့တက္ကသိုလ်တန်းပြီးတက်ရောက်နိုင်မယ့်အခွင့်အရေးနှစ်မျိုးရှိပါတယ်။ဂျပန်စာသင်ကျောင်းနဲ့လာမယ်ဆိုရင်ပိုက်ဆံများစွာအကုန်အကျခံပြီးလာရမှာဖြစ်ပြီး၊စကောလာနဲ့လာမယ်ဆိုရင်အရည်အချင်းများနဲ့စကောလာပေးတဲ့သက်ဆိုင်ရာအဖွဲ့အစည်းတွေရဲ့စည်းကမ်းတွေကိုလိုက်နာပြီးဂျပန်ကိုလာရောက်ပညာသင်ကြားနိုင်ပါတယ်။ဂျပန်ကိုလာရောက်မည်ဆိုပါကဂျပန်စာအရည်အချင်းအပြင်၊တစ်ယောက်တည်းရပ်တည်ဖို့စိတ်ဓာတ်ပိုင်းဆိုင်ရာပြင်ဆင်မှုများလည်းလိုအပ်ပါတယ်။
ဂျပန်စာသင်ကျောင်းနဲ့လာမည်ဆိုရင်
ဂျပန်စာသင်ကျောင်းနဲ့လာရောက်ရင်မြန်မာပြည်ကနေဂျပန်စာအရည်အချင်းN4,N3လောက်အထိသင်လာရမှာဖြစ်ပြီး၊စာမေးပွဲကိုဝင်ရောက်ဖြေဆိုပြီးအောင်လက်မှတ်များယူထားသင့်ပါတယ်။ဂျပန်ရောက်ပြီးဂျပန်စာသင်တန်းကျောင်းတက်နေစဥ်အတွင်းကျောင်းကိုအချိန်မှန်စွာတက်ရောက်သင့်ပါတယ်။ဂျပန်စာသင်ကျောင်းတွေမှာလာရောက်တဲ့လအပေါ်မူတည်ပြီး၄လပိုင်းလာရောက်ပါက၂နှစ်စာသင်ကြားရမှာဖြစ်ပြီး၇လပိုင်းကတစ်နှစ်ကိုးလ၊၁၀လပိုင်းကတစ်နှစ်ခွဲ၊တစ်လပိုင်းကတစ်နှစ်သုံးလ၊တက်ရောက်ရမှာဖြစ်ပါတယ်။ဂျပန်ကိုလာရောက်တဲ့လအပေါ်မူတည်ပြီးသင်တန်းCourseကွဲသွားနိုင်တဲ့အတွက်၂နှစ်တက်ရတဲ့အတန်းအတွက်စာလေ့လာမှုအချိန်ရပြီးမိမိတို့တက်ရောက်ချင်တဲ့တက္ကသိုလ်ကောင်းများကိုသွားရောက်နိုင်မှာဖြစ်ပါတယ်။တစ်ချို့လအပေါ်မူတည်ပြီးသင်တန်းCourseနည်းသွားတဲ့သူတွေအတွက်တက္ကသိုလ်တက်ရောက်ချင်ပါကဂျပန်စာအရည်အချင်းJLPTအနည်းဆုံးN2လောက်အထိအောင်လက်မှတ်ရှိထားရမှာဖြစ်ပါတယ်။Englishစာအရည်အချင်းလည်းလိုအပ်ပြီးTOEIC,TOFELစာမေးပွဲများလည်းဖြေဆိုထားရမှာဖြစ်ပါတယ်။
စာရေးသူရွေးချယ်သောဆောင်းပါး
စကောလာနဲ့လာမယ်ဆိုရင်
စကောလာနဲ့မြန်မာပြည်ကတိုက်ရောက်တက္ကသိုလ်တက်ရောက်မယ်ဆိုပါကဂျပန်အရည်အချင်းN1,N2ရှိရမယ့်အပြင်Englishစာအရည်အချင်းဖြစ်တဲ့TOEIC,TOFELစာမေးပွဲများကိုလည်းအမှတ်ကောင်းကောင်းနဲ့အောင်မြင်ထားရမှာဖြစ်ပါတယ်။မြန်မာပြည်ကတိုက်ရိုက်တက္ကသိုလ်တက်ရောက်မယ့်သူများအဖို့တက္ကသိုလ်ဘက်မှလိုအပ်တဲ့စာရွက်စာတမ်းတင်ရာမှာသော်လည်းကောင်း၊အင်တာဗျူးရာသော်လည်းကောင်းအခက်အခဲရှိနိုင်တဲ့အတွက်သေချာဂရုတစိုက်ပြင်ဆင်သင့်ပါတယ်။မိမိတို့ကိုစကောလာနဲ့ခေါ်မည့်သက်ဆိုင်ရာအဖွဲ့အစည်းတွေရဲ့စည်းကမ်းကိုသေချာလိုက်နာသင့်ပြီး၊ဂျပန်မသွားခင်စာမေးပွဲတွေအတွက်ကြိုးကြိုးစားစားပြင်ဆင်သင့်ပါတယ်။ဂျပန်ကိုစာသင်ကျောင်းနဲ့သွားရသလိုဂျပန်စာသင်ကျောင်းမှာဂျပန်စာသင်ရင်ပြင်ဆင်ချိန်မရဘဲ၊မြန်မာပြည်ကနေJLPT,TOEIC,TOFELများကိုမြန်မာပြည်ကနေတခါတည်းပြင်ဆင်ရမှာဖြစ်တဲ့အတွက်အချိန်သေချာယူပြီးပြင်ဆင်လာသင့်ပါတယ်။
ဂျပန်တက္ကသိုလ်မဝင်ခင်ပြင်ဆင်မှုများ
ဂျပန်မှာဆိုရင်တက္ကသိုလ်သို့မလျှောက်ထားခင်၊ဂျပန်စာသင်တန်းကျောင်းပြီးခါနီးနောက်ထပ်တက်မယ့်ဆန်းမွန်းကျောင်း(သို့မဟုတ်)တက္ကသိုလ်များကိုရှာရပါတယ်။ဂျပန်နိုင်ငံဟာပညာရေးကိုအရေးပေးတဲ့နိုင်ငံဖြစ်တာကြောင့်တက္ကသိုလ်ပေါင်းများစွာရှိပါတယ်။ထိုအထဲမှမိမိတို့ကျောင်းပြီးတဲ့အချိန်ကုမ္မဏီမှာအလုပ်ကောင်းကောင်းရဖို့သတ်မှတ်ထားတဲ့ကျောင်းကောင်းကောင်းကိုရွေးချယ်သင့်ပါတယ်။နိုင်ငံခြားသားများဖို့မြန်မာပြည်ကနေဂျပန်တက္ကသိုလ်တက်ဖို့ပုံမှန်လေ့လာမှုများနဲ့မရနိုင်ဘဲသေချာကြိုးစားဖို့လိုအပ်ပါတယ်။ဂျပန်ပြည်တွင်းမှာလည်းတက္ကသိုလ်ကောင်းရဖို့ဂျပန်စာအရည်အချင်း၊Englishစာမေးပွဲတွေကိုသေချာဖြေဆိုပြီး၊ဂရုတစိုက်လေ့လာသင့်ပါတယ်။
