ဂျပန်မှာNetworkEngineerအနေဖြင့်အလုပ်သွားလုပ်နိုင်ဖို့အတွက်ရည်ရွယ်ပါတယ်။ဂျပန်မှာအလုပ်သွားလုပ်ဖို့ဘာတွေပြင်ဆင်ထားရမလဲ၊ဘာတွေသိထားရမလဲဆိုတာရေးသားသွားပါ့မယ်။ဂျပန်မှာနည်းပညာရှင်ITဗီဇာဖြင့်အလုပ်သွားလုပ်နိုင်ဖို့ကအောက်ပါအချက်များပြည့်စုံဖို့လိုအပ်ပါတယ်။
ဂျပန်မှာ အလုပ်ရှာဖို့အတွက် စိတ်သောကရောက်ဖူးပါသလား။
ဂျပန်စာဘာသာစကားလိုအပ်မှု
ဂျပန်ဘာသာစကားအနေဖြင့်ကတော့JLPTN2Levelအထိရောက်အောင်လေ့လာထားသင့်ပါတယ်။ အချို့ ဂျပန် IT အလုပ်တွေက JLPT N3 Level ဖြင့် ခေါ်နေတာတွေ တွေ့ရှိရပါတယ်။ မြန်မာနိုင်ငံမှာ ဂျပန်စာအရည်အချင်းမည်မျှပင်မြင့်စေကာမူ၊ လုပ်ငန်းခွင်သုံးစကားများကို အလွယ်တကူအသုံးမချနိုင်ပါ။ အဘယ်ကြောင့်ဆိုသော်ဂျပန်ကုမ္ပဏီများတွင်အလုပ်လုပ်မည်ဆိုပါကဧည့်သည်များနှင့်စကားပြောရခြင်း၊ရုံးတွင်းအစည်းအဝေးများတွင်လည်းဂျပန်စကားဖြင့်သာပြောဆိုရတာတွေရှိပါတယ်။ မြန်မာနိုင်ငံက လူငယ်တွေအနေဖြင့်၊ဂျပန်စကားလေ့လာရခက်ခဲခြင်း၊ဂျပန်နိုင်ငံသို့မြန်မြန်သွားချင်တဲ့အတွက်မြန်မြန်ဆန်ဆန်သေချာမစဥ်းစားဘဲဆုံးဖြတ်ချက်မှားချမိလျှင်တကမ်းတမ်းဂျပန်ရောက်သွားတဲ့အခါဒုက္ခရောက်မှာကမိမိကိုယ်တိုင်ဖြစ်ပါတယ်။သို့ပေမယ့်လည်းဂျပန်စကားဟာဂျပန်နိုင်ငံမှာကိုယ်ရာထူးတိုးဖို့၊ဝင်ငွေတိုးဖို့အတွက်နဲ့အလုပ်မှာအဆင်ပြေဖို့အတွက်ဂျပန်စကားကိုကျွမ်းကျွမ်းကျင်ကျင်ပြောနိုင်ခြင်းကအလုပ်မှာအတူတူလုပ်နေတဲ့သူတွေနဲ့ရင်နှီးမှုရလာပြီး၊အလုပ်မှာပျော်ရွင်လာမှာဖြစ်ပါတယ်။
စာရေးသူရွေးချယ်သောဆောင်းပါး
လုပ်ငန်းအတွေ့အကြုံ
ဂျပန်နိုင်ငံမှာ အလုပ်သွားလုပ်ဖို့ လုပ်ငန်းအတွေ့အကြုံကလည်း အလွန်အရေးပါပါတယ်။ အချို့တက္ကသိုလ်တွေမှာကျောင်းပြီးပြီးချင်းတွေကိုဂျပန်ဘက်ကနေတိုက်ရိုက်လာရောက်ခေါ်ယူနေတာတွေတွေ့ရပါတယ်။အချို့အလုပ်ခေါ်စာတွေမှာလည်းအတွေ့အကြုံမရှိလည်းလျှောက်ထားနိုင်သည် စသည်ဖြင့် တွေ့မြင်နေရပါတယ်။သေသေချာချာ(JobTraining)ပေးတဲ့ကုမ္ပဏီတွေဆိုလျှင်ပြဿနာမရှိနိုင်ပေမယ့်၊မြန်မာနိုင်ငံမှာလာရောက်ခေါ်ယူနေတဲ့ကုမ္ပဏီတွေဟာပြန်သင်ပေးတဲ့ကုမ္ပဏီတွေလိုမျိုးကအလွန့်အလွန်နည်းပါးပါတယ်။ဂျပန်သွားဖို့မလောသင့်ပါနဲ့။မြန်မာနိုင်ငံမှာ(၃)နှစ်ခန့်လုပ်ငန်းအတွေ့အကြုံယူပြီးမှဂျပန်သွားသင့်ပါတယ်။အနည်းဆုံး(၂)နှစ်ခန့်တော့မဖြစ်မနေယူသင့်ပါတယ်။ဘာဖြစ်လို့လုပ်ငန်းအတွေ့အကြုံကအရေးကြီးသလဲဆိုလျှင်၊ဂျပန်ရောက်တဲ့အခါဂျပန်စကားကလည်းလုံးဝနားမလည်၊အလုပ်ကလည်းမလုပ်တတ်ဖူး၊အလုပ်ဆိုတာဘာမှန်းမသိလျှင်၊အလုပ်ထဲမှာအဆင်မပြေနိုင်ပါဘူး။အဲဒါကြောင့်ဆက်မလုပ်ချင်တော့ဘဲမြန်မာပြည်ပြန်ချင်စိတ်ဖြစ်လာပြီး၊စိတ်ဓါတ်ကျလာပြီးအလုပ်မှာမပျော်ရွင်ဖြစ်လာတတ်ပါတယ်။ဂျပန်ရောက်ကာစသူတို့ပြောတဲ့ဂျပန်စကားနားမလည်သေးတဲ့အချိန်၊ကိုယ့်မှာလုပ်ငန်းအတွေ့အကြုံရှိလျှင်၊သူတို့ဘာကိုပြောချင်တာလဲ၊ဘာကိုလုပ်ခိုင်းချင်တာလည်းဆိုတာကိုယ့်ရဲ့အလုပ်အတွေ့အကြုံနဲ့coverလုပ်လို့ရနိုင်ပါတယ်။လက်တွေ့အခြေအနေတွေမှာဂျပန်စကားN2အောင်ပြီး၊လုပ်ငန်းအတွေ့အကြုံ(၂)နှစ်(၃)နှစ်ရှိတဲ့လူတွေတောင်၊ဂျပန်ရောက်ခါစမှာအသားကျဖို့အတော်ကြိုးစားရုန်းကန်နေကြရပါတယ်။မြန်မာနိုင်ငံမှာလုပ်ငန်းအတွေ့အကြုံယူတဲ့အခါမှာလည်း၊တတ်နိုင်လျှင်မြန်မာနိုင်ငံတွင်းရှိဂျပန်ကုမ္ပဏီတွေမှာအတွေ့အကြုံယူသင့်ပါတယ်။ဘာဖြစ်လို့လဲဆိုတော့ ပြည်တွင်းကုမ္ပဏီတွေမှာ အတွေ့အကြုံ ယူတာကလည်းကောင်းပေမယ့်၊ ဂျပန်ကုမ္ပဏီမှာ အတွေ့အကြုံယူတဲ့အခါ၊ဂျပန်တွေရဲ့လုပ်ပုံလုပ်နည်း၊စည်းမျဉ်းစဉ်းကမ်း၊တွေးခေါ်ပုံတွေကိုလေ့လာနိုင်မှာဖြစ်ပါတယ်။ဂျပန်ရောက်သွားတဲ့အခါမှာလည်း၊ထိုလုပ်ပုံလုပ်ဟန်တွေအတိုင်းလုပ်ရမှာဖြစ်တဲ့အတွက် မိမိကြုံတွေ့ရမယ့် အခက်အခဲတွေ နည်းပါးပါလိမ့်မယ်။
အိုင်တီအတွက်လိုအပ်သောအောင်လက်မှတ်များ
ဂျပန်နိုင်ငံအသိအမှတ်ပြု FEတို့ AP တို့လို အောင်လက်မှတ်တွေက network engineer တွေအတွက်ကော၊ programmer တွေအတွက်ကောအသုံးဝင်သလားဆိုရင်ဂျပန်မှာက FE, AP က ရာထူးတိုး၊ လစာတိုးဖို့ အခြေခံ အောင်လက်မှတ်တွေဖြစ်ပါတယ်။ ရှိထားရင်တော့ ကောင်းပါတယ်။ networking သမားဆို လျှင်၊ CCNA ပါ။ ဂျပန်အောင်လက်မှတ်မှာ networkspecialistဆိုတာလဲရှိပါတယ်။ ဒီအောင်လက်မှတ်က မြန်မာနိုင်ငံမှာ ဖြေလို့မရပါဘူး။ဂျပန်ရောက်ရင်တော့ကြိုးစားဖြေဆိုထားသင့်ပါတယ်။ နောက်တစ်ခုကLPICအောင်လက်မှတ်ပါ။Networkingနဲ့ပက်သက်ပြီးnetworkingအပိုင်းတွေကအမျိုးမျိုးရှိပါတယ်။သီးသန့်လုပ်ရတာရှိသလို၊အချို့ကအားလုံးလုပ်ရတာတွေလည်းရှိပါတယ်။အချို့ဆိုလျှင်networkingengineerပေမယ့်serverengineerဖြစ်နေတာတို့၊helpdeskလုပ်နေရတာတွေလည်းရှိပါတယ်။ကိုယ်လုပ်မယ့်ကုမ္ပဏီနဲ့လည်းဆိုင်ပါလိမ့်မယ်။အဲဒါကြောင့်ဂျပန်စာရော၊အိုင်တီအတွေ့အကြုံရောသင်ချေသင်ယူလာဖို့လိုအပ်ပါတယ်။
.png)
