ဂျပန်ကိုမိသားစုဗီဇာနဲ့ပက်သက်ပြီးလာမယ်ဆိုရင်(Family Visa and Marriage Visitor Visa in Japan)

WeXpats

2020/04/15

ဂျပန် "မိသားစုဗီဇာ" ဆိုသည်မှာဂျပန်နိုင်ငံမှာ ကျောင်းတက်နေတဲ့လူ၊ အလုပ်လုပ်နေတဲ့လူ၊ အမြဲတမ်းနေထိုင်ခွင့်ရထားတဲ့လူတွေမြန်မာနိုင်ငံကကိုယ့်ချစ်သူ၊ကိုယ့်ခင်ပွန်း(သို့)ဇနီးနှင့်သားသမီးတွေကိုခေါ်ပြီးဂျပန်မှာအတူတကွနေထိုင်အလုပ်လုပ်တဲ့ဗီဇာပါ။ဂျပန်လိုခဇိုးခုတအိဇအိဗီဇာလို့ခေါ်ပါတယ်။ဗီဇာသက်တမ်းကတော့ဂျပန်ကလူရဲ့ဗီဇာသက်တမ်းအတိုင်းရပါမယ်။ဥပမာဂျပန်မှာနေတဲ့ကိုယ့်ယောက်ျား၊မိန်းမက၃နှစ်ဆိုလျှင်ကိုယ်လည်း၃နှစ်အတိုင်းဗီဇာလျှောက်လို့ရပါတယ်။ဂျပန်မှာလည်းမိသားစုဗီဇာနဲ့လည်းအလုပ်လုပ်ခွင့်ရှိပါတယ်။ဂျပန်ကိုလာဖို့လိုအပ်တဲ့စာရွက်စာတမ်းနဲ့အချက်အလက်တွေပြည့်စုံဖို့လိုအပ်ပါတယ်။COEကအစသေချာမတင်တတ်ရင်လည်းမရတာတွေလည်းရှိပါတယ်။

မိသားစုဗီဇာအတွက်ဂျပန်ဘက်မှခေါ်လို့ရတဲ့ဗီဇာအမျိုးအစားနဲ့မရသောဗီဇာများ

ဂျပန်မှာအလုပ်ဗီဇာနည်းပညာရှင်ဗီဇာနဲ့အလုပ်လုပ်နေတယ်ဆိုရင်မြန်မာနိုင်ငံမှကိုယ်ရဲ့အိမ်ထောင်ဖက်ကိုခေါ်ယူထားချင်တယ်ဆိုရင်လက်ထပ်ပြီးချက်ချင်း မှီခိုဗီဇာဖြင့်လက်ထပ်ပြီး ချက်ချင်း ခေါ်လို့မရပါ။ ဂျပန်မှာဘာသာပြန်စာရွက်စာတမ်းလုပ်၊COEတင်စသည့်အဆင့်တွေလိုအပ်တာကြောင့်၊လက်ထပ်ပြီးဂျပန်ပြန်ရောက်ပြီးအနည်းဆုံး၃၊၄လခန့်ကြာမှကိုယ့်ရဲ့အိမ်ထောင်ဖက်ကဂျပန်ရောက်မှာဖြစ်ပါတယ်။ထရိန်နင်ဗီဇာမျိုးနဲ့အခုအသစ်ပေါ်တဲ့တိုခိတဲဂိနိုးဗီဇာအမျိုးအစားကတော့ခေါ်လို့မရနိုင်ပါဘူး။ကိုယ်ရဲ့အိမ်ရဲ့အိမ်ထောင်ဘက်သာခေါ်ယူနိုင်ပြီး၊မိဘနဲ့ညီအစ်ကိုမောင်နှမကိုခေါ်ယူလို့မရပါဘူး။အလည်ဗီဇာဖြင့်သာခေါ်ယူလို့ရပါတယ်။မှီခိုဗီဇာနဲ့လာတဲ့သူတွေက၂၈နာရီဘဲအလုပ်လုပ်လို့ရပါတယ်။ဂျပန်မှာဆယ်စုနှစ်လောက်နေပြီးရင်လည်းPRလျှောက်ပြီးတဲ့အခါကျမှအချိန်အကန့်အသတ်မရှိလုပ်လို့ရမှာပါ။

စာရေးသူရွေးချယ်သောဆောင်းပါး

မိသားစုဗီဇာလျှောက်တဲ့အခါဂျပန်ဘက်ကလိုအပ်တဲ့ စာရွက်စာတမ်း

မြန်မာနိုင်ငံက လိုအပ်တဲ့ စာရွက်စာတမ်းတွေပို့ခိုင်းပီး စာရွက်စာတမ်းတွေစုံပြီဆိုလျှင် ဂျပန်လဝကမှာ COE သွားတင်ရပါတယ်။မြန်လျှင်၁လ ကြာလျှင်၃လဆို COE ရပါတယ်။COE ရလျှင် ဂျပန်လဝကက ဂျပန်ဘက်ကဗီဇာတင်တဲ့လူကို COE ရကြောင်း အကြောင်းကြားပါလိမ့်မယ်။အဲ့ဒီ COE စာရွက်ကိုမြန်မာနိုင်ငံဘက်ကဂျပန်လာမယ့်လူ(ဇနီး၊ခင်ပွန်း)ဆီကိုပို့ပေးရပါလိမ့်မယ်။မြန်မာနိုင်ငံကဂျပန်သံရုံးမှာ ဂျပန်လာမယ့်လူကိုယ်တိုင် ဂျပန်ထွက်ခွာခွင့်ဗီဇာတုံးသွားထုရပါမယ်။ဗီဇာတုံးထုပီး ၃လအတွင်းမှာ ဂျပန်နိုင်ငံကို ထွက်ခွါခွင့်ရှိပါတယ်။လိုအပ်တဲ့စာရွက်စာတမ်းကအောက်ပါအတိုင်းဖြစ်ပါတယ်။

(၁). ဗီဇာလျှောက်လွှာ

(၂). Pass-port ကော်ပီ

(၃). နိုင်ငံခြားသားကတ်ပြား(ဇိုင်းလျူးကဒ်) ကော်ပီ

(၄). ရပ်ကွက်ရုံးက ရပ်ကွက်နေထိုင်ခွန်(ဂျုးမင်းဇဲရှော) မူရင်း

(၅). အခွန်သွင်းထားတဲ့ စာရွက်(နိုးဇဲရှော) မူရင်း

(၆). ရပ်ကွက်မှာ နေထိုင်ကြောင်း ထောက်ခံစာ မူရင်း

(၇). အလုပ်က အလုပ်လုပ်နေကြောင်း ထောက်ခံစာ မူရင်း

(၈). မြန်မာနိုင်ငံကမိသားစုကိုဂျပန်ကိုဘာကြောင့်ခေါ်တယ်ဆိုတဲ့ ခေါ်စာ

မြန်မာနိုင်ငံဘက်ကလိုအပ်တဲ့ စာရွက်စာတမ်း

ဓါတ်ပုံကိုဖိုတိုရှော့တွေနဲ့မပြင်ခိုင်းပါနဲ့သဘာဝအတိုင်းပဲတင်ပါ။လက်ထက်စာချုပ်မူရင်းက၂ခုရှိတဲ့အတွက်တစ်ခုကိုမြန်မာနိုင်ငံမှာယူထားပြီးနောက်တစ်ခုကိုဂျပန်ကိုပို့ထားပါ။လက်ထပ်ခါစဆိုလျှင်မိန်းမမိသားစုနဲ့ယောက်ျားမိသားစု၂ဖက်လုံးရဲ့သန်းခေါင်စာရင်းကော်ပီနဲ့ဂျပန်နိုထရီလိုပါတယ်။ဂျပန်နိုထရီပြန်ထားတဲ့စာရွက်စာတမ်းအားလုံးဟာ ၃လအတွင်းမှာဘာသာပြန်ထားတဲ့ စာရွက်စာတမ်းဖြစ်ရပါမယ်။

(၁). ၃လအတွင်းမှာရိုက်ထားတဲ့ ဓါတ်ပုံလှလှ ၁ပုံ (4cm ✖️3cm)

(၂). Pass-port ကော်ပီ

(၃). လက်ထက်စာချုပ် ကော်ပီနဲ့ဂျပန်နိုထရီဘာသာပြန်

(၄). သန်းခေါင်စာရင်း ကော်ပီနဲ့ဂျပန်နိုထရီဘာသာပြန်

ဂျပန်ပြည်တွင်းတွင်းမှလက်ထပ်ဗီဇာနဲ့အတူတူနေလို့ရသောဗီဇာများ

ဂျပန်စာသင်တန်းကျောင်းဆိုရင်အနေနဲ့မရပါဘူး။ တက္ကသိုလ်(သို့) ကောလိပ်ဆိုရင် ရပါတယ်။ ဂျပန်စာသင်ကျောင်းအနေနဲ့ဆိုရင်မြန်မာနိုင်ငံ တစ်ခေါက်ပြန်ပြီး တရားဝင် လက်ထပ်ရပါလိမ့်မယ်။ ဂျပန်နိုင်ငံမှာ ၂ယောက်အတူတူ နေထိုင်ဖို့ လုံလောက်ပါတယ်ဆိုတဲ့ ငွေ ပမာဏ show money ပြဖို့ လိုအပ်ပါတယ်။ဘယ်လောက်ပြရမလဲဆိုတော့ယန်းသောင်း၁၀၀နဲ့အထက်၊များလေကောင်းလေပါပဲ။ကောလိပ်အနေနဲ့လက်ထပ်ဗီဇာပြောင်းမယ်ဆိုရင်ကျောင်းသားတွေCOEတင်တဲ့အချိန်နဲ့တိုက်ဆိုင်လျှင်အနည်းငယ်ကြာတတ်တဲ့အတွက်အနည်းငယ်စောင့်ကြည့်ရင်ဖြင့်ဗီဇာရပါတယ်။ကျောင်းပြီးကုမ္မဏီဝန်ထမ်းဖြစ်တော့မှဗီဇာလျှောက်မယ်ဆိုရင်ဗီဇာရနိုင်တဲ့ရာခိုင်နှုန်းများပါတယ်။

ဂျပန်မှာ 永住ビザ(PR)သိသင့်သောအချက်များ

ဂျပန်မှာပတ်စ်ပို့သက်တမ်း ဘယ်လိုတိုးရမလဲ(Myanmar embassy in japan)

စာရေးသူ

WeXpats

နေထိုင်မှုဘဝ၊အလုပ်နှင့် နိုင်ငံခြားတွင် ပညာဆည်းပူးခြင်းနှင့်ဆိုင်သည့်အသုံးဝင်သော အချက်အလက်များအပါအဝင် ဂျပန်နိုင်ငံ၏ ဆွဲဆောင်မှုရှိသည်များကို မိတ်ဆက်ပေးသော ဆောင်းပါးများစွာကိုတင်ဆက်သွားပါမည်။