ဂျပန်စာ Reading အတွက်အသုံးဝင်မယ့် ဝက်ဘ်ဆိုက်များ

Hein

2023/02/08

Reading တိုးတက်ဖို့ဆိုရင် ဂျပန်စာနဲ့ရေးထားတဲ့ ဆောင်းပါးတွေ၊ ရုပ်ပြကာတွန်းတွေ၊ ဖတ်စရာတွေ ကိုအများကြီးဖတ်ဖို့လိုပါတယ်။ နောက်ပြီး ဒီလိုဖတ်စရာတွေကိုဖတ်ခြင်းအားဖြင့် ဝေါဟာရတွေလဲတိုးပွားလာမှာဖြစ်သလို၊ Kanji တွေလဲ ပိုပြီးဖတ်လာနိုင်မှာပါ။ နောက်ပြီး လေ့လာပြီးသား Grammar တွေကို လဲ ပြန်ပြီးနွေးသလိုဖြစ်သလို ‌နောက်ထပ် Grammar အသစ်တွေကို စာပိုဒ်တွေကနေ လေ့လာနိုင်ပါတယ်။ ဒီနေ့မှာတော့ ဒီလိုဂျပန်စာနဲ့ရေးထားတဲ့ စာပိုဒ်တွေ ဖတ်စရာတွေကို အခမဲ့ ဖတ်ရှုနိုင်မယ့် ဝက်ဘ်ဆိုဒ်တွေကို မျှဝေပေးသွားပါ့မယ်။

မာတိကာ

စာပိုဒ်တွေ ဖတ်တဲ့အခါမှာ အသုံးဝင်တဲ့ စာဖတ်နည်းများ
- 多読 (Tadoku)
- 精読 (Seidoku)
ဆောင်းပါးများ
- WeXpats Japan
ရုပ်ပြစာအုပ်များ
- Yomimono Ippai
- Hirogaru
သတင်းများ
- NHK Easy News

စာပိုဒ်တွေ ဖတ်တဲ့အခါမှာ အသုံးဝင်တဲ့ စာဖတ်နည်းများ

ဘာသာစကားလေ့လာတဲ့အခါမှာ Input အနေနဲ့ မိမိလေ့လာနေတဲ ဘာသာစကားနဲ့ရေးထားတဲ့စာတွေကို ဖတ်ဖို့က တော်တော် အရေးကြီးပါတယ်။ ဖတ်တဲ့အခါမှာလဲ ဒီအတိုင်းဖတ်တာမျိုးမဟုတ်ဘဲ နေရာအပေါ်လိုက်ပြီး ဖတ်ပုံဖတ်နည်းကို သေချာ အသုံးပြုဖို့လိုအပ်ပါတယ်။ အဲဒါဆို စာပိုဒ်တွေကို ဖတ်တဲ့ အချိန်မှာ ဘယ်လို နည်းလမ်းတွေရှိလဲ? ဒီဆောင်းပါးမှာတော့ စာပိုဒ်တွေကိုဖတ်တဲ့အချိန်မှာ အသုံးဝင်တဲ့ နည်းလမ်း ၃ ခု အကြောင်းကိုပြောပြသွားပါ့မယ်။ နောက်ပြီး စာပိုဒ်တွေကို ဖတ်တဲ့ အချိန်မှာ အသုံးဝင်မယ့် ဝက်ဘ်ဆိုက် တွေကို မိတ်ဆက်ရင် ဒီနည်းလမ်းတွေကို ဘယ်လိုမျိုး ခွဲခြားအသုံးပြုရမလဲဆိုတာကိုပါရှင်းပြသွားပါ့မယ်။

多読 (Tadoku)

ပထမဆုံး မိတ်ဆက်ပေးမယ့် နည်းလမ်းကတော့ 多読 (Tadoku) ဆိုတဲ့နည်းလမ်းဖြစ်ပါတယ်။ ဒီနည်းလမ်းကတော့ စကားလုံးအတိုင်းပဲ စာတွေကို များများ ဖတ်ခြင်းကိုဆိုလိုပါတယ်။ ဒီနည်းကိုအများအားဖြင့် စာဖတ်တာကို အသားကျအောင် အသုံးပြုကြတာများပါတယ်။ ထပ်ဖြည့်ပြောရရင် ဘာသာစကားဆစ်ခုကို အသားကျအောင် စာတွေအများကြီးဖတ်၊ ဝေါဟာရတွေနဲ့ အများကြီးထိတွေပြီးအသားကျအောင်ပြုလုပ်တဲ့နည်းပဲဖြစ်ပါတယ်။

多読 (Tadoku) ကို အသုံးပြုတဲ့အချိန်မျိုးမှာလဲ စည်းမျဥ်းစည်းကမ်း ၃ ချက်ရှိပါတယ်။

လွယ်ကူတဲ့ စာပိုဒ်တွေကိုစဖတ်ပါ။
အဘိဓာန်ကို အသုံးမပြုပါနဲ့။
နားမလည် နဲ့ စကားလုံးတွေကို ကျော်ပြီးဖတ်ပါ။

ဒီလိုနည်းလမ်းတွေနဲ့ စာတွေကို အများကြီး စာဖတ်နှုန်းလဲ တိုးလာမှာဖြစ်သလို ဘာသာစကားစွမ်းရည်လဲတိုးလာမှာ ဖြစ်ပါတယ်။ သို့သော် အမြဲတမ်း ဒီနည်းလမ်းတစ်ခုတည်းကို အသုံးပြုလို့တော့မရပါဘူး။ အဲဒါဆို နောက်ထပ် ဘယ်လိုနည်းလမ်းတွေရှိသေးလဲဆိုတာ ထပ်ရှင်းပြသွားပါ့မယ်။

精読 (Seidoku)

နောက်ထပ် နည်းလမ်းတစ်ခုကတော့ 精読 (Seidoku) ဆိုတဲ့ နည်းလမ်းပဲဖြစ်ပါတယ်။ အဲဒီနည်းလမ်းကတော့ စကားလုံးတွေ၊ သဒ္ဒါတွေကို တစ်ခုချင်းစီကိုသေချာ နားလည်အော် လုပ်ပြီး အကြောင်းအရာကို နားလည်အောင် ဖတ်တဲ့နည်းလမ်း ဖြစ်ပါတယ်။

ပိုပြီး အသေးစိတ်ပြောရရင်

မလေ့လာရသေးတဲ့ စကားလုံးတွေကို သေချာ အဓိပ္ပာယ် ကိုနားလည်အောင်လုပ်ပါ
သဒ္ဒါတွေ၊ အသုံးပြုပုံ အသုံးပြုနည်းတွေ ကို သေချာ နားလည်အောင်လုပ်ပါ
စာပိုဒ်ကို မဖတ်ခင် ဒီစာပိုဒ်နဲ့ ပတ်သက်ပြီး လိုအပ်တာတွေ ပြင်ဆင်ပါ။ ရှာဖွေပါ။

ဒီနည်းလမ်းနှစ်ခုကို သေချာ ခွဲခြားပြီးဖတ်မယ် ဆိုရင် ဘာသာစကားစွမ်းရည် တိုးလာမှာဖြစ်ပါတယ်။ ဒါဆို တကယ်လက်တွေ့မှာ ဘယ်လိုခွဲခြား အသုံးပြုမလဲဆိုတာကို ဖတ်စရာ ဝက်ဘ်ဆိုက်တွေကို လက်တွေ့ဥပမာပေးရင်း ရှင်းပြသွားပါ့မယ်။

စာရေးသူရွေးချယ်သောဆောင်းပါး

ဆောင်းပါးများ

ပထမဆုံးကတော့ ဆောင်းပါးတွေအကြောင်းဖြစ်ပါတယ်။ ဆောင်းပါးတွေကိုများများဖတ်ပေးရင် စာဖတ်အသားကျသွားပြီး စကားလုံးအသစ်တွေ လဲ အများကြီး တိုးလာပါလိမ့်မယ်။ ဆောင်ပါးတွေကို ဖတ်တဲ့ အချိန်မှာတော့ 精読 (Seidoku) ဆိုတဲ့ နည်းလမ်းကိ အသုံးပြုပြီး သေချာဖတ်ဖို့အကြံပေးချင်ပါတယ်။ နောက်ပြီး တတ်နိုင်သလောက် မိမိနဲ့ နီးစပ်တဲ့ အကြောင်းအရာတွေကိုရှာဖတ်ဖို့အကြံပေးချင်ပါတယ်။ ဥပမာ ဂျပန်စာလေ့လာနေတဲ့ သူတစ်ယောက်အနေနဲ့ ဆိုရင် ဂျပန်နိုင်ငံအကြောင်း၊ ဂျပန်ယဥ်ကျေးမှုအကြောင်းတွေကို ဂျပန်ဘာသာစကားနဲ့ ဖတ်ကြည့်တာလဲ ကောင်းမွန်တဲ့ နည်းလမ်းတစ်ခုပါ။ နောက်တစ်ခုကတော့ မိမိဝါသနာပါတဲ့ စိတ်ဝင်စားတဲ့ အကြောင်းအရာတွေကို ဂျပန်ဘာသာစကားနဲ့ ရေးထားတဲ့ ဆောင်းပါးတွေကို ရှာပြီး ဖတ်တဲ့ နည်းလမ်းကတော့ ကောင်းမွန်တဲ့ နည်းလမ်းတစ်ခုပါ။ အဲဒါ အခမဲ့ ဖတ်ရှုနိုင်တဲ့ ဝက်ဆိုဒ် တချို့ကို မိတ်ဆက်ပေးသွားပါ့မယ်။

WeXpats Japan

Image : WeXpatsJapan

ပထမဆုံး မိတ်ဆက်ပေးမယ့် ဝက်ဆိုဒ်ကတော့ ဂျပန်နိုင်ငံမှ စာရေးဆရာတွေကိုယ်တိုင်‌ ဂျပန်နိုင်ငံနဲ့ ပတ်သက်ပြီး အကြောင်းအရာအမျိုးမျိုး ကို‌ရေးသားနေတဲ့ ဝက်ဘ်ဆိုဒ် တစ်ခုပါ။ ဂျပန်ဘာစာစကား တစ်ခုတည်း မဟုတ်ဘဲ ဘာသာစကား အမျိုးမျိုးနဲ့ ဖတ်နိုင်တာမို့ အရမ်းခက်တဲ့အကြောင်းအရာတွေကိုဆို မိမိဘာသာစကားနဲ့ဖတ်ကြည့်ပြီး နောက်မှ ဂျပန်ဘာသာစကားနဲ့ ဖတ်လို့လဲရပါတယ်။ နောက်ပြီး အကြောင်းအရာတွေကလဲ စုံလင်တာမို့ စိတ်ဝင်စားတဲ့အကြောင်းအရာ အမျိုးမျိုးကို ရွေးပြီးဖတ်လို့လဲရပါတယ်။ သို့သော် ဖတ်တဲ့ အချိန်မှာတော့ သေချာနားလည်အောင် 精読 (Seidoku) ဆိုတဲ့ နည်းလမ်းကိုအသုံးပြုဖို့မမေ့ပါနဲ့။

ရုပ်ပြစာအုပ်များ

ရုပ်ပြစာအုပ်တွေကလဲ စိတ်ဝင်စားဖို့ကောင်းသလို စာဖတ်နှုန်း တိုးတက်ဖို့အတွက် အထောက်အကူပြုတဲ့ စာအုပ်တွေပဲဖြစ်ပါတယ်။ သို့သော် ဂျပန်မှာရှိရင်တော့ ဝယ်ဖို့ခက်ခဲသလို စျေးလဲကြီးပါတယ်။ ဒါပေမယ့် ဒီဆောင်းပါးမှာတော့ ဝက်ဆိုဒ်တွေမှာ အခမဲ့ ဖတ်နိုင်တဲ့ ရုပ်ပြ စာအုပ်တွေကို မိတ်ဆက်ပေးသွားပါ့မယ်

読み物いっぱい（Yomimonoippai）

Image :読み物いっぱい

ပထမဆုံးမိတ်ဆက်ပေးမယ့် ဝက်ဘ်ဆိုဒ်ကတော့ 読み物いっぱい（Yomimonoippai）ဆိုတဲ့ ဝက်ဘ်ဆိုဒ်ဖြစ်ပါတယ်။ ဒီဝက်ဘ်ဆိုဒ်မှာတော့ ရုပ်ပြစာအုပ်တွေကို အခမဲ ဖတ်နိုင်ပြီး အသံပါနားထောင်လို့ရပါသေးတယ်။ အဓိက အားဖြင့်တော့ ဂျပန်စာ Beginner, Intermediate အဆင့်ဖတ်စရာတွေ များပါတယ်။ နောက်ပြီး Level တွေလဲ ခွဲထားတာမို့ ဂျပန်စာ အရည်အချင်းကိုလိုက်ပြီး ဖတ်ကြည့်နိုင်ပါသေးတယ်။ ဒီလို မျိုး ရုပ်ပြစာအုပ်တွေကို ဖတ်တဲ့အချိန်မှာတော့多読 (Tadoku)ကိုအသုံးပြုပြီးဖတ်ဖို့အကြံပေးချင်ပါတယ်။ ရုပ်ပြ စာပိုဒ်ရဲ့ နောက်ဆုံးမှာ စာလုံးအ‌‌ရေအတွက်လဲရှိတာမို့ မိမိစာဖတ်နှုန်းကို အချိန်မှတ်ထားပြီး ၁မိနစ်အတွင်း စာလုံးရေ ဘယ်နှလုံးဖတ်နိုင်လဲ ဆိုတာကိုလဲမှတ်ထားကြည့်ပြီး မိမိစာဖတ်နှုန်းကိုတိုင်းတာနိုင်ပါတယ်။

Hirogaru

Image :ひろがる

အဲဒီ ဝက်ဘ်ဆိုက် ကတော့ ဂျပန်ဖောင်ဒေရှင်းရဲ့ ဝက်ဘ်ဆိုဒ်တစ်ခုဖြစ်ပြီး ဂျပန်နိုင်ငံရဲ့ အကြောင်းအရာ မျိုးစုံကို တိုတိုတောင်းတောင်းနဲ့ လွယ်လွယ်ကူကူဖတ်ရှုနိုင်ပါတယ်။ ခန်းဂျိတေအရမ်းမဖတ်နိုင်တဲ့ သူတွေအတွက်လဲ Furigana နဲ့ဖတ်နိုင်တဲ့ Function လဲပါဝင်ပါသေးတယ်။ နောက်ပြီး ဖတ်ရင်းနဲ့ အသံပါနားထောင်နိုင်လို့ Listening ပါ လေ့ကျင့်ပြီးသားဖြစ်သွားနိုင်ပါတယ်။ နောက်ပြီး ဖတ်ပြီးနဲ့အချိန်မှာ စာပိုဒ်နဲ့ ပတ်သက်တဲ့ Quizတွေကိုလဲဖြေလို့ရပါသေးတယ်။

သတင်းများ

သတင်းတွေကလဲ ဂျပန်စာလေ့လာတဲ့ အချိန်မှာ တော်တော် အသုံးဝင်ပါတယ်။ ဒါပေမယ့် သတင်းမှာ အသုံးပြုတဲ့ စကားလုံးတွေက ခက်ခဲပြီး ဂျပန်စာ စလေ့လာနေတဲ့သူတွေ အတွက်တော့ သတင်းကနေ ဂျပန်စာလေ့လာဖို့ ခက်ပါတယ်။ ဒီဆောင်းပါးမှာတော့ ဂျပန်စာ အရည်အချင်းအရမ်းမမြင့်သေးတဲ့ သူတွေအတွက် ပါ အဆင်ပြေမယ့် သတင်း ဝက်ဘ်ဆိုဒ် တစ်ခုကို မိတ်ဆက်ပေးသွားပါ့မယ်။

NHK Easy News

Image : NHK Easy News

သတင်းတွေကို လွယ်ကူရိုးရှင်းတဲ့ ဂျပန်စာနဲ့ ထုတ်လွင့်လျက်ရှိတဲ့ ဂျပန်နိုင်ငံရဲ့ နိုင်ငံကိုပိုင် အသံလွင့်ဌာန ရဲ့ ဝက်ဘ်ဆိုဒ် ဖြစ်ပါတယ်။ ဂျပန်နိုင်ငံရဲ့ သတင်းတွေအပြင်ကမ္ဘာ့သတင်းတွေကိုပါ ဖော်ပြထားတာမို့ သတင်းတွေမှာ သုံးတဲ့ စကားလုံးတွေကိုပါတွဲဖက်လေ့လာနိုင်ပါတယ်။ နောက်ပြီး Furigana နဲ့လဲ ဖတ်နိုင်ပြီး

အဓိပ္ပာယ် တွေကိုပါ ရေးပြထားတာမို့ အကြောင်းအရာကိုလဲသေချာနားလည်နိုင်ပါတယ်။

ဒီနေ့မှာတော့ ဂျပန်စာတိုးတက်ဖို့အတွက် အထောက်အကူပြုတဲ့ ဝက်ဘ်ဆိုက်တွေကို ဖော်ပြသွားပါတယ်။ နောက်ပြီး စာဖတ်နည်းတွေကိုလဲ ရှင်းပြသွားတာမို့ နေရာ နဲ့လိုက်ပြီး စာဖတ်နည်းတွေကိုလဲ သေချာ အသုံးပြူပြီး ထိထိရောက်ရောက် စာပိုဒ်တွေကို ဖတ်ရင်ဂျပန်စာကို တိုးတက်အောင်လုပ်ဖို့ အကြံပေးချင်ပါတယ်။