ဂျပန်အသားကင်ဆိုင်တွေကတော့ ဂျပန်နိုင်ငံသားတွေ ထဲမှာသာမက ဂျပန်လူမျိုးတွေကြားထဲမှာလဲ လူကြိုက်များကြပါတယ်။ ဂျပန်ရောက်ရင်လဲ နေရာတိုင်းနီးပါးမှာ အသားကင်ဆိုင်တွေကို တွေ့မြင်ရမှာဖြစ်ပြီး အသားကင်ဆိုင်မှာ လဲ တချို့ဆိုင်တွေမှာတော့ တခြားဘာသာစကားနဲ့ မီနုးတွေကိုကြည့်လို့ရပေမယ့် တချို့ဆိုင်တွေမှာတော့ ဂျပန်ဘာသာစကားနဲ့သာတွေ့နိုင်ပါတယ်။ နောက်ပြီး ဂျပန်အသားကင်ဆိုင်တွေမှာ တိုကုတေးဂီနိုး၊ အချိန်ပိုင်းအလုပ်အစသဖြင့် အလုပ်လုပ်နေတဲ့ သူတွေလဲအများကြီးရှိပါတယ်။ ဒီဆောင်းပါးမှာတော့ ဂျပန်အသားကင်ဆိုင်တွေအကြောင်းနှင့် အသားကင်ဆိုင်မှာ တွေ့ရမယ့် ဂျပန်စကားလုံးတွေနဲ့ ဂျပန်အသားကင်ဆိုင်တွေမှာ အလုပ်လုပ်တဲ့ အချိန်မှာ လိုအပ်မယ့် ဂျပန်စကားစု တချို့ကိုဖော်ပြသွားပါ့မယ်။
မာတိကာ
အသားကင်ဆိုင်များ။
အသားကင်ဆိုင်တွေကို ဂျပန်လိုဆိုရင်တော့ 焼肉屋（yakinikuya）လို့ခေါ်ကြပါတယ်။ 焼肉 (yakiniku) ဆိုတာကတော့ အသားကင်ဖြစ်ပြီး 焼き（yaki）ကင်ခြင်း၊ 肉（niku）အသားတို့ဖြစ်ပါတယ်။ ဂျပန်စာ မလေ့လာနေတဲ့ သူတွေကြားထဲမှာလဲ 焼肉（yakiniku）ဆိုတဲ့ စကားလုံးကို အနည်းနဲ့ အများသိကြလိမ့်မယ် လို့ထင်ပါတယ်။ ဒီလိုမျိုး 焼肉（yakiniku）ဆိုတဲ့ စကားလုံးအတိုင်း နိုင်ငံခြားသားတွေကြားထဲမှာလဲ ဂျပန်စားစရာ တစ်ခုအဖြစ် ကျော်ကြားနေပြီဖြစ်ပါတယ်။
ဒါကြောင့် ဒီမှာတော့ အသားကင်ဆိုတဲ့ စကားလုံးအစား 焼肉（yakiniku）ဆိုတဲ့စကားလုံးကိုပိုပြီး အသုံးပြုသွားပါ့မယ်။
ဒီလို 焼肉（yakiniku）ဆိုတဲ့ အသားကင်ကတော့ ၁၉၃၀ ပတ်ဝန်းကျင်မှာ ကိုးရီးယားနိုင်ငံရဲ့ အသားကင်ကနေ တဆင့် ဂျပန်နိုင်ငံရဲ့ 焼肉（yakiniku）လဲပေါ်ပေါက်လာပါတယ်။ အချိန်တိုင်အတွင်းမှာပဲ ဂျပန်နိုင်ငံရဲ့ နာမည်ကြီးတဲ့ အစားစာတစ်ခုအနေနဲ့ နာမည်ကြီးလာတာဖြစ်ပါတယ်။ 焼肉（yakiniku）မျာတော့ အမဲသား၊ ဝက်သားနဲ့ ကြက်သားတွေကို တွေ့ရများပေမယ့် 焼肉（yakiniku）လို့ပြောလိုက်ရင် အမဲသားလို့ပြေးမြင်ကြတဲ့ သူတွေလဲ များကြပါတယ်။ 焼肉（yakiniku）ဆိုင်မှာတော အသားတွေတင်မက အရွက်တွေနဲ့ အသုပ်တွေအစရှိတဲ့ မီနူး တွေကိုလဲ တွေ့နိုင်ပါတယ်။
စာရေးသူရွေးချယ်သောဆောင်းပါး
အသားကင်ဆိုင်မှာ ဘယ်လို အစားစာတွေရနိုင်လဲ။
焼肉（yakiniku）အသားကင်ဆိုင်ဆိုတဲ့ အတိုင်း အသားတွေကို အဓိကရနိုင်မှာဖြစ်ပါတယ်။ အသားအမျိုးအစားတွေကိုတော့ အမဲသား၊ ဝက်သားနှင့် ကြက်သားတို့ကိုရနိုင်ပါတယ်။
焼肉（yakiniku）ဆိုင်တွေရဲ့ စတိုင်များ
焼肉（yakiniku）ဆိုင်တွေကိုတော့ အများအားဖြင့် ပုံစံ နှစ်မျိုးနဲ့ တွေ့ရတတ်ပါတယ်။ 網焼き（amiyaki）နှင့် 鉄板焼き（teppanyaki）တို့ဖြစ်ပါတယ်။ 網焼き（amiyaki）ကတော့ သံဇကာအပေါ်ကင်တဲ့ ပုံစံမျိုးဖြစ်ပြီး 鉄板焼き（teppanyaki）ကတော့ သံပြားပေါ်ကင်တာမျိုးဖြစ်ပါတယ်။
焼肉（yakiniku）ဆိုင်မှာတွေ့ရမယ့် Course များ
ပထမဆုံး 焼肉（yakiniku）စားတော့မယ်တိုရင်တော့ ဘယ်လို Course နဲ့စားမလဲ ဆိုတာကို အရင်ဆုံးဖြတ်ရပါမယ်။ ဆိုင်အပေါ်လိုက်ပြီး 焼肉（yakiniku）ဆိုင်တွေမှာတော့ တကယ်ကို Course အမျိုးအစားစုံစုံလင်လင်တွေ့ရနိုင်မှာဖြစ်ပါတယ်။ ဒါဆိုရင် အတွေ့ရများတဲ့ Course အမျိုးအစားနှင့် တွေ့ရများတဲ့ ဂျပန်စကားလုံးတွေကို ကြည့်လိုက်ကြရအောင်။
食べ放題 - (tabehoudai)
အတွေ့ရများတာကတော့ ဘူဖေးတွေဖြစ်ပါတယ်။ 時間制限（Jikanseigen）အချိန်အကန့်အသတ် ရှိတဲ့ ဆိုင်တွေလဲရှိပါတယ်။ 90分制မိနစ်၉၀၊ 120分制မိနစ် ၁၂၀ အစသဖြင့် အကန့်အသတ်တွေကိုတွေ့နိုင်မှာဖြစ်ပါတယ်။ ဒီနေရာမှာ တစ်ချက်သတိပြုရမှာကတော့ 食べ放題 (tabehoudai) အဝ စားလို့ပြောလိုက်ရင် ကျွန်တော်တို့ မြန်မာနိုင်ငံမှာလို သောက်စရာတွေကိုပါ ပါဝင်တာမျိုးမဟုတ်ပါဘူး။ သောက်စရာအတွက် သီးသန့်ကျသင့်ငွေ ပြန်ရှင်းရတာတွေများပါတယ်။ 食べ放題 (tabehoudai) မှာလဲ ဆိုင်အပေါ်မူတည်ပြီး Course အမျိုးမျိုးရှိနိုင်ပြီး မှာယူနိုင်တဲ့ အသားအမျိုးအစားအပေါ်မူတည်ပြီး စျေးနှုန်းတွေလဲ ကွာခြားပါတယ်။
飲み放題 - (nomihoudai)
飲み放題 - (nomihoudai) ဆိုတာကတော့ အဝသောက်ဖြစ်ပါတယ်။ အပေါ်မှာပြောခဲ့သလို 食べ放題 (tabehoudai) အဝစားဘူဖေးထဲမှာ သောက်စရာတွေမပါဝင်ရင်တော့ 飲み放題 (nomihoudai) ကိုသပ်သပ်ထပ်မှာရပါတယ်။ 飲み放題 (nomihoudai) မှာလဲ ရရှိနိုင်တဲ့ အမျိုးအစားအပေါ်မူတည်ပြီးတော့ စျေးနှုန်းကွာခြားပါတယ်။ ဒါကြောင့်မို့လို့ မမှာခင်မှာ ကိုယ်သောက်ချင်တဲ့ သောက်စရာ ပါ၊ မပါ ကိုအရင်သေချာကြည့်ပြီးမှ Course ကိုရွေးပါ။
ラストオーダー (rasuto ōdā)
ဘူဖေးကိုမှာတဲ့ အချိန်မှာတော့ ラストオーダー (rasuto ōdā) last order ကိုသတိပြုရမှာဖြစ်ပါတယ်။ အများအားဖြင့် သတ်မှတ်အချိန်မကုန်ဆုံးမှီ မိနစ် ၂၀ မတိုင်ခင် last orderအနေနဲ့ သတ်မှတ်ထားတဲ့ ဆိုင်တွေများပါတယ်။
単品 (tanpin)
အပေါ်က 食べ放題 (tabehoudai) ရော 飲み放題 (nomihoudai) မစားဘူးဆိုရင်တော့ 単品 (tanpin) - à la carte ကိုလဲ မှာယူလို့ရပါတယ်။
ランチコース (ranchikōsu)
တချို့ဆိုင်တွေမှာတော့ ランチコース (ranchikōsu) - Lunch course နေ့လည်စာ course တွေလဲရှိတတ်ပါတယ်။ နေ့လည်ပိုင်းမှာပဲရပြီး ဆိုင်အပေါ်မူတည်ပြီး စျေးတန်ပြီးစားရကောင်းပါတယ်။
အသားကင်ဆော့စ် အမျိုးအစားများ။
焼肉（yakiniku）ဆိုင်မှာတော့ အသားကင်နဲ့ တွဲစားတဲ့ ဆော့စ်တွေကိုလဲ အများကြီးတွေ့နိုင်ပါတယ်။ အတွေ့ရများတဲ့ အသားကင်ဆော့စ်တွေကိုတော့ အောက်ပါအတိုင်းဖြစ်ပါတယ်။
醤油だれ (shōyudare)
အတွေ့ရအများဆုံးကတော့ 醤油だれ (shouyudare) ငံပြာရည်ဆော့စ်ပါ။ 醤油だれ (shōyudare) ကတော့ အသားကင်ကိုပိုပြီး အရသာရှိစေပါတယ်။ နောက်ပြီး からし醤油 (karashi shōyu) わさび醤油(wasabishōyu) 生姜醤油 (shōgashōyu) အစသဖြင့် တခြားအရသာနဲ့ ငံပြာရည်ရောစပ်ထားတဲ့ ဆော့စ်တွကိုလဲတွေ့နိုင်ပါတယ်။
塩ダレ (shiodare)
နောက်တစ်မျိုးကတော့ နှမ်းဆီနှင့် ဆားနဲ့ စပ်ပြီးလုပ်ထားတဲ့ ဆော့စ်ဖြစ်တဲ့ 塩ダレ (shiodare) ဆိုတဲ့ ဆော့စ်ဖြစ်ပါတယ်။ lemon နှင့် ကြက်သွန်ဖြူတို့ရောစပ်တဲ့လေ့ရှိပါတယ်။
味噌ダレ (misodare)
နောက်ထပ် ဆော့စ် တစ်မျိုးကတော့ 味噌ダレ (misodare) ဆိုတဲ့ မီဆိုဆော့စ်ဖြစ်ပါတယ်။ အသားတော်တော်များများနဲ့ လဲ လိုက်ဖက်တဲ့ ဆော့စ် အမျိုးအစားဖြစ်ပါတယ်။
焼肉（yakiniku）ဆိုင် က အသားအမျိုးအစားများ
အပေါ်မှာလဲပြောခဲ့သလို 焼肉（yakiniku）ဆိုင် တွေမှာတွေ့ရများတာကတော့ 牛肉（Gyūniku）အမဲသား၊ 豚肉（Butaniku） ဝက်သားနှင့် 鶏肉（Toriniku）ကြက်သားတို့ဖြစ်ပါတယ်။ အသား အစိတ်အပိုင်းတွေကို ဂျပန်လိုအခေါ် အဝေါ်နှင့်တကွ ကြည့်လိုက်ကြရအောင်။ ဒီမှာတော့ တွေ့ရများတဲ့ အစိတ်အပိုင်းတွေကိုဖော်ပြခဲ့ပါတယ်။ ဒီထက်ပိုတဲ့ အစိတ်အပိုင်းတွေ အများကြီးကိုလဲတွေ့နိုင်ပါတယ်။
ロース (rōsu)
ロース (rōsu) ဆိုတာကတော့ အသားကင်အတွက် အကောင်းဆုံးလို့ပြောကြတဲ့ ဝက်သားနှင့် အမဲသားတို့မှာ တွေ့ရတဲ့ လိုင်းသားသို့မဟုတ် မိုးခိုသားဖြစ်ပါတယ်။
カルビ (karubi)
အသားကင်လို့ပြောလိုက်တာနဲ့ カルビ (karubi) လို့ဆိုရလောက်အောင် カルビ (karubi)ကတော့ အသားကင်ဆိုင်တွေမှာ လူကြိုက်များတဲ့ မီနူးတစ်ခုဖြစ်ပါတယ်။ karubi ဆိုတာကတော့ ကိုးရီးယားဘာသာစကားဖြစ်ပြီး ဝမ်းဗိုက်လို့ အဓိပ္ပာယ်ရပါတယ်။
ハラミ (harami)
ハラミ (harami) ဆိုတာကတော့ လိုင်းသားတို့နဲ့ ယှဥ်လိုက်ရင် အဆိလဲ နည်းပြီး တခြားအသားတွေထက် ပိုပြီးတော့ ကယ်လိုရီလဲ နည်းပါတယ်။
ホルモン (horumon)
ホルモン (horumon) ကတော့ အူ အစိတ်အပိုင်းဖြစ်ပါတယ်။
レバー (rebā)
レバー (rebā) တော့ အသည်းဖြစ်ပါတယ်။
ハツ (hatsu)
ハツ (hatsu) ဆိုတာကတော့ နှလုံးဖြစ်ပါတယ်။
タン（tan）
タン（tan）ကတော့ လျှာဖြစ်ပါတယ်။
野菜 (yasai)
ဒီလို အသားတွေ အပြင် ဟင်းသီးဟင်းရွက်တွေတော်တော်များများကိုလဲ တွေ့ရမှာဖြစ်ပါတယ်။ အများအားဖြင့် ဂေါ်ဖီထုပ်၊ ပြောင်းဖူး၊ မှို၊ ဆလပ်ရွက်၊ ကြက်သွန်နီ၊ တွေကိုတွေ့ရများပါတယ်။
နာမည်ကြီး ပြီးလူကြိုက်များတဲ့ အသားကင်ဆိုင်များ။
焼肉（yakiniku） ဆိုင်တွေကတော့ နေရာတိုင်းနီးပါးမှာတွေ့ရပါတယ်။ ဒီအပိုင်းမှာတော့ နာမည်ကြီးပြီး ဆိုင်ခွဲတွေ အများကြီးရှိတဲ့ 焼肉（yakiniku）ဆိုင်တွေကိုဖော်ပြပေးသွားပါ့မယ်။ စျေးသက်သာတဲ့ ဆိုင်ကနေပြီးတော့ စျေးကြီးတဲ့ ဆိုင်တွေအထိဖော်ပြသွားပါ့မယ်။
焼肉きんぐ (yakiniku gingu)
ပထမဆုံး ဆိုင်ကတော့ 焼肉きんぐ (yakiniku gingu) ဆိုတဲ့ ဆိုင်ဖြစ်ပါတယ်။ ဒီဆိုင်ကတော့ ဆိုင်ခွဲတွေလဲ အများကြီးရှိပြီး ရရှိနိုင်တဲ့ အသားနှင့် တခြား မီနူးတွေလဲ စုံလင်လှပါတယ်။ စျေးနှုန်းကတော့ ယန်း ၄၃၀၀ (အခွန်ပါပြီး) အများဆုံးဖြစ်ပြီး 単品 (tanpin) - à la carte လဲရနိုင်သလို၊ 食べ放題 - (tabehoudai) နှင့် 飲み放題 - (nomihoudai) တွေလဲရနိုင်ပါတယ်။ ဆိုင်ခွဲတွေအပေါ်မူတည်ပြီးရရှိနိုင်တဲ့ Course အမျိုးအစားနှင့် စျေးနှုန်းတွေ အနည်းငယ် ကွဲပြားနိုင်ပါတယ်။ 焼肉きんぐ (yakiniku gingu) တရားဝင် ဝက်ဆိုက် မှာလဲ ဝင်ကြည့်ရှုနိုင်ပါတယ်။
牛角 (gyūkaku)
牛角 (gyūkaku) ကတော့ ဆိုင်ခွဲပေါင်း ၆၀၀ ကျော်ရှိတဲ့ 焼肉（yakiniku） ဆိုင်တစ်ဆိုင်ဖြစ်ပါတယ်။ ဒီဆိုင်ရဲ့ ထူးခြားချက်ကတော့ အသားတွေကိုခပ်ထူထူ လှီးတဲ့ အချက်လို့ပြောကြပါတယ်။ နောက်ပြီးစျေးကြီးတဲ့အသားတွေကို စျေးတန်တန်နဲ့ စားနိုင်တယ်ဆိုပြီးတော့လဲပြောကပါတယ်။ စျေးနှုန်း အနေနဲ့ကတော့ ၃၉၈၀ ယန်းကတော့ အများဆုံးဖြစ်ပါတယ်။ အသေးစိတ်ကိုတော့ 牛角 (gyūkaku) ရဲ့ တရားဝင် ဝက်ဘ်ဆိုက် မှာ ဝင်ကြည့်နိုင်ပါတယ်။
焼肉ライク (yakiniku raiku)
ဒီဆိုင်ကတော့ တယောက်တည်း အသားကင်ဘူဖေးစားနိုင်တဲ့ ဆိုင်ဖြစ်ပြီး တယောက်တည်း ကင်ပြီးစားနိုင်တဲ့ အသားကင်ဆိုင်ဖြစ်ပါတယ်။ ကင်တဲ့နေရာကလဲ တယောက်တစ်ခုစီဖြစ်တဲ့ အတွက်ကြောင့်မို့လို့ စိတ်ကြိုက်ကင်နိုင်ပါတယ်။ အသားကင်က အဓိကဖြစ်ပေမယ့် အသားကင်အပြင် တခြားအစားစာတွေကိုလဲ ဝယ်ယူနိုင်ပါတယ်။ အသေးစိတ်ကိုတော့ တရားဝင်ဝက်ဆိုက်မှာ ဝင်ကြည့်နိုင်ပါတယ်။
トラジ（ToRaJi）
トラジ（ToRaJi）ကတော့ ၁၉၉၅ ခုနှစ်မှာ စတင်ဖွင့်လှစ်ပြီး အသားတွေအပြင် ပင်လယ်စာပါရရှိနိုင်မယ့် အကင်ဆိုင်ဖြစ်ပါတယ်။ နောက်ပြီး ဘူးဖေးပုံစံမျိုးမဟုတ်ဘဲ Set အလိုက်စားရတဲ့ ဆိုင်ဖြစ်ပါတယ်။ စျေးနှုန်းတွေကတော့ Set အပေါ်မူတည်ပြီးတော့ ယန်း ၆၀၀၀ ကနေ စပြီး အမျိုးမျိုးရှိပါတယ်။ အသေးစိတ်ကိုတော့ တရားဝင်ဝက်ဘ်ဆိုက်မှာ ဝင်ကြည့်နိုင်ပါတယ်။
叙々苑 (JOJOEN)
နောက်တစ်ဆိုင်ကလဲ အဆင့်မြင့် အသားကင်တွေကိုစားနိုင်မယ့် ဆိုင်ဖြစ်ပါတယ်။ ဒီဆိုင်မှာတော့ အသားကင်အပြင် တခြား ဂျပန်ရိုးရာ အစားစာနှင့် ဂျပန် ထမင်းဘူးမှာရရှိနိုင်တာကတော့ ထူးခြားချက်တစ်ခုဖြစ်ပါတယ်။ အသေးစိတ်ကိုတော့ တရားဝင်ဝက်ဘ်ဆိုက် မှာ ဝင်ကြည့်နိုင်ပါတယ်။
အကျဥ်းချုပ်
ဒီနေ့မှာတော့ ဂျပန်နိုင်ငံရဲ့ နာမည်ကြီး အစားစာတစ်မျိူးဖြစ်တဲ့ 焼肉（yakiniku）ဆိုင်နဲ့ ပတ်သက်တဲ့ အကြောင်းအရာတွေကိုဖော်ပြလိုက်ပါတယ်။ 焼肉（yakiniku）ကတော့ ဂျပန်ရောက်ရင် တခေါက်တော့ ရောက်အောင်သွားစားသင့်တဲ့ အစားစာမျိုူးဖြစ်တဲ့ အတွက်ကြောင့် မို့လို့ ဒီဆောင်းပါးကို ဖတ်ပြီး 焼肉（yakiniku）ဆိုင်မှာ ဖြောင့်ဖြောင့်ဖြူးဖြုး အသားကင်စားနိုင်ဖို့ မျှော်လင့်ပါတယ်။
