အင်တာဗျူးဖြေဆိုရာတွင် ပြောဆိုပုံ၊ အပြုအမူ တို့သည် အလွန်အရေးကြီးပြီး သင့်အတွက် ထိုအလုပ်ရ/မရ ဆုံးဖြတ်ပေးနိုင်သောကြောင့် ဂရုစိုက်၍ဖြေဆိုသင့်ပါတယ်။ အင်တာဗျူးမှာ အမေးများတဲ့ မေးခွန်းတွေကို ကြိုတင်စဥ်းစားတာတစ်ခုတည်းမဟုတ်ဘဲ အင်တာဗျုးဖြေတဲ့ အချိန် ဝတ်စားရမယ့် အဝတ်အစားတွေကလဲ တော်တော်အရေးပါ ပါတယ်။ ဒီဆောင်းပါးမှာတော့ အင်တာဗျုးမှာသတိထားသင့်တဲ့ အဝတ်အစားနှင့် အပြုအမူတွေကို အသေးစိတ်ဖော်ပြသွားပါ့မယ်။
မာတိကာ
- သင့်တော်သောအဝတ်အစားအားဝတ်ဆင်ရန်။
- ဖြေဆိုရမယ့် အချိန်တိတိကျကျ လိုက်နာပါ။
- အင်တာဗျူးဖြေဆိုမည့်အခန်းထဲကို မှန်မှန်ကန်ကန်ဝင်ပါ။
- အင်တာဗျူးဖြေဆိုမည့်အခန်းထဲကို မှန်မှန်ကန်ကန်ထွက်ပါ။
- အကျဥ်းချုပ်
ဂျပန်မှာ အလုပ်ရှာဖို့အတွက် စိတ်သောကရောက်ဖူးပါသလား။
သင့်တော်သောအဝတ်အစားအားဝတ်ဆင်ရန်
အချိန်ပိုင်းအလုပ်တစ်ခုအား အင်တာဗျူးသွားရောက်ဖြေဆိုမည်ဆိုပါက အနောက်တိုင်းဝတ်စုံ ဝတ်ဆင်ရန် မလိုအပ်သော်လည်း အလွန်တောက်ပသောအရောင်အား မဝတ်သင့်ပါ။ မျက်စိအေးစေမည့်အရောင်များအားရွေးချယ်၍ သန့်ရှင်းသပ်ရပ်စွာ ဝတ်ဆင်သင့်ပါတယ်။
သို့သော် ကုမ္ပဏီဝန်ထမ်းအဖြစ် အင်တာဗျူးဖြေဆိုမည်ဆိုပါက ပိုပြီးတော့ Formal ကျကျ အဝတ်အစားနှင့်သွားရောက်ဖြေဆို ရပါတယ်။ ဒါဆို အမျိုးအသားနှင့် အမျိုးသမီး တိူ့အပေါ် လိုက်ပြီးတော့ အဝတ်အစားအပြင် တခြားသိထားသင့်တဲ့ အချက်တွေနဲ့ ပတ်သက်ပြီး အသေးစိတ်ကိုအောက်မှာ ဖော်ပြသွားပါ့မယ်။
တစ်ကိုယ်ရေ သန့်ရှင်းမှုကို ဦးစားပေးပါ။
အမျိုးအသားတွေအတွက်ကတော့ ဆံပင်ရှည်နှင့် အင်တာဗျုးကိုသွားရောက် မဖြေဆိုသင့်ပါ။ ဒါကြောင့် ဆံပင်ရှည်နေပါက ဆံပင်ကိုသေချာညှပ်ပြီးမှ သွားသင့်ပါတယ် ။ နောက်ပြီး ဆံပင်အရောင်ဆိုးခြင်းကိုလည်းရှောင်ကြဥ်သင့်ပြီး မူလအနက်ရောင်ဆံပင်အတိုင်းထားသင့်ပါတယ်။
မုတ်ဆိတ်မွှေးရှည်ရှိသူ တွေလဲ မုတ်ဆိတ်မွှေး၊ နှုတ်ခမ်းမွှေးတွေကို သေချာရိတ်ထားသင့်ပါတယ်။ သန့်သန့်ပြတ်ပြတ် နှင့် ရှင်းရှင်းလင်းလင်းဖြစ်နေဖို့ အဓိက ထားပြီးပြင်ဆင်ပါ၊ နောက်ပြီး လက်သည်းတွေကိုလဲ သေချာညှပ်ထားပြီး လည်းသည်းကြေးတွေ မရှိအောင် သေချာဂရုစိုက်သင့်ပါတယ်။ နောက်ပြီး အနံ့ဆိုးတွေ မထွက်အောင်လဲ သေချာ ဂရုစိုက်သင့်ပါတယ်။
အမျိုးသမီးတွေ အတွက်ကတော့ ဆံပင်ရှာည်နေရင် နားရွက်ကို သေချာမြင်ရအောင် သိမ်းထားသင့်ပါတယ်၊ နောက်ပြီး ဦးညွှတ်တဲ့ အချိန်မှာလဲ ဆံပင်တွေကို အောင်မကျအောင် သေချာသိမ်းသင့်ပါတယ်။ အနံ့ပြင်းတဲ့ ရေမွှေးတွေကို ရှောင်ကြဥ်သင့်ပါတယ်။ နောက်ပြီး အနံ့ဆိုးတွေကိုသေချာ ဂရုပြုသင့်ပါတယ်။
တခြား အဝတ်အစားနှင့်အပြင်အဆင်တွေကို အရမ်းတောက်တောက်ပြောင်ပြောင်မဖြစ်ဖို့ ဂရုစိုက်ပါ။
အမျိုးသားတွေအတွက်ကတော့ အတွင်းမှာ ဝတ်မယ့် ရှပ်အင်္ကျီကတော့ အဖြူရောင်ကို ပဲဝတ်ဆင်သင့်ပါတယ်။ အင်္ကျီကိုလဲ သေချာလျှော်ထားတဲ့ အင်္ကျီမျိုးကိုပဲ ဝတ်ဆင်သင့်ပါတယ်။ နောက်ပြီး လက်ဝတ်ဆင်တန်ဆာတွေ ဝတ်တာကိုလဲ ရှောင်ကြဥ် သင့်ပါတယ်။ နာရီ နှင့် နက်တိုင် ကိုလဲ အရမ်းတောက်ပြောင်နေတာမျိုးဆို ရှောင်ကြဥ် သင့်ပါတယ်။ ဖိနပ်ကိုလဲ ရိုးရှင်းပြီး စီးရ အဆင်ပြေတဲ့ ဖိနပ်မျိုးကို ရွေးချယ်သင့်ပါတယ်။ နောက်ပြီး ခြေအိတ်ကိုလဲ ဖိနပ်နဲ့ တစ်ရောင်တည်းကျတဲ့ အရောင်မျိုးကို ရွေးချယ်ဖို့သင့်တော်ပါတယ်။ လက်ဆွဲအိတ်ကိုလဲ အနက်ရောင်သို့မဟုတ် အညိုရောင်ကို သာယူဆောင်သင့်ပြီး ကြောပိုးအိတ်တို့လိုမျိုး အိတ်တွေကိုတော့ ရှောင်ကြဥ်သင့်ပါတယ်။
အမျိုးသမီးတွေကတော့ နားကွင်းအကြီးများနှင့် လက်ဝတ်ရတနာမဝတ်သင့်ပဲ ရိုးရှင်းသောနားကပ်များ၊ လက်ထပ်လက်စွပ်သာဝတ်သင့်ပါတယ်။ ရင်ဟိုက်၊ စကတ်တိုဝတ်ဆင်ခြင်း၊ အလွန်မြင့်သောဒေါက်ဖိနပ်စီးခြင်းမှ ရှောင်ကြဥ်သင့်ပါတယ်။ အရောင်တောက်တဲ့ လက်သည်းအရောင်တွေ ဆိုးခြင်းကိုလဲ ရှောင်ကြဥ်သင့်ပါတယ်။
စာရေးသူရွေးချယ်သောဆောင်းပါး
ဖြေဆိုရမယ့် အချိန်တိတိကျကျ လိုက်နာပါ။
အချိန်တိကျမှုသည် အလွန်အရေးကြီးပြီး၊ နောက်ကျခြင်းသည် သင့်အရည်အချင်းအပေါ် ယုံမှားသံသယဖြစ်စေနိုင်သောကြောင့် အင်တာဗျူးချိန်းဆိုရာသို့လုံးဝနောက်မကျသင့်ပါ။ အင်တာဗျူးသွားမည့်နေရာသို့ ကြာမြင့်မည့်အချိန်ကို ကြိုတင်တွက်ချက်ပြီး အင်တာဗျူးဖြေဆိုမည့်အချိန် မတိုင်ခင် အနည်းဆုံး ၁၀ မိနစ်ခန့် ကြို၍ရောက်နေရပါမည်။
အင်တာဗျူးဖြေဆိုမည့်အခန်းထဲကို မှန်မှန်ကန်ကန်ဝင်ပါ။
အင်တာဗျုး အခန်းထဲ ဝင်တဲ့ အချိန်မှာလဲ သင့်တော့တဲ့အပြုအမူတွေရှိပါတယ်။ အရေးကြီးတဲ့ အချက်တွေ ထဲမှ တစ်ချက်ကတော့ ဂျပန်ရိုးရာယဥ်ကျေးမှုဖြစ်တဲ့ お辞儀 (Ojigi）လို့ခေါ်တဲ့ ဦးညွှတ်တဲ့ ယဥ်ကျေးမှုက တော်တော် အရေးကြီးပါတယ်။
တံခါးကို သေချာခေါက်ပါ။
အင်တာဗျုးဖြေတဲ့ အချိန်မှာ အခန်းထဲကို ဝင်တဲ့ ဝင်နည်းကလဲ တော်တော် အရေးကြီးပါတယ်။အင်တာဗျူးဖြေဆိုမည့်အခန်းရှေ့သို့ ရောက်ပါက ညင်သာစွာ တံခါးခေါက်၍ ဝင်ခွင့်ပြုပါ ဟုပြော၍ခွင့်တောင်းပါ။ တံခါးခေါက်တဲ့ အချိန်မှာလဲ ၃ ကြိမ်ထက်ပိုပြီး တံခါးကိုမခေါက်ဖို့ သတိထားပါ။
「どうぞ」- douzo ဆိုတဲ့ အထဲကလူက ဝင်ခွင့်ပြုမှာ တံခါးကို ဖွင့်ပြီး ဝင်ရမှာဖြစ်ပါတယ်။
「失礼いたします」- shitsureiitashimasu. ဆိုပြီး ခွင့်တောင်းပြီးမှ အခန်းထဲဝင်ရမှာဖြစ်ပါတယ်။
တံခါးကိုသေချော ပိတ်ပါ။
အခန်းထဲဝင်ပြီး တံခါးကို ပြန်ပိတ်ရမှာဖြစ်ပြီး တံခါးပိတ်တဲ့ အချိန်မှာလဲ သေချာ တံခါးဘက်ကိုလှည့်ပြီပိတ်ရမှာဖြစ်ပါတယ်။ နောက်ပြန် မပိတ်မိအောင် သတိထားပါ။ နောက်ပြီး အဖွဲ့လိုက် အင်တာဗျုးဆိုရင်တော့ နောက်ဆုံးလူက ပိတ်ရတာ ထုံးစံဖြစ်ပါတယ်။
အင်တာဗျုးမယ့် သူဘက်ကိုလှည့်ပြီး ဦးညွှတ်ပါ။
အခန်းထဲရောက်ပြီး တံခါးပိတ်ပြီးပြီ ဆိုရင်တော့ အင်တာဗျုးမယ့် သူဘက်ကိုလှည့်ပြီးတော့ ခေါင်းငြိမ့်ပါ။ ၃၀ ဒီဂရီလောက် စောင်းပြီး ဦးညွှတ်ရမှာဖြစ်ပြီး ဦးမညွှတ်ခင် 「よろしくお願いいたします」- yoroshikuonegaiitashimasu. ဆိုပြီးပြောရမှာဖြစ်ပါတယ်။
ခွင့်ပြုချက်ရရင် ထိုင်ပါ။
အင်တာဗျူးမယ့် သူဆီကတော့ 「どうぞ」- douzo လို့ထိုင်ခိုင်းတဲ့ ခွင့်ပြုချက်ရတဲ့ အချိန်မှ ထိုင်ရမှာဖြစ်ပါတယ်။ ထိုင်တဲ့ အချိန်မှာလဲ ၁၅ ဒီဂရီလောက် ခေါင်းညိမ့်ပြီးမှထိုင်ပါ။ လက်ဆွဲအိတ်ကိုတော့ ထိုင်ခုံနံဘေးမှာ ထားလို့ရပါတယ်။ ထိုင်တြံ အချိန်မှာလဲ အရမ်းထိုင်ခုံကိုမမှီဘဲ ခါးကို မတ်မတ်ထားပြီးထိုင်ပါ။
အခန်းထဲကနေ မှန်မှန်ကန်ကန်ထွက်ပါ။
အခန်းထဲကို ဝင်သလို အခန်းထဲကနေ လဲ မှန်မှန်ကန်ကန် ထွက်သွားဖို့လိုအပ်ပါတယ်။ လိုက်နာရမယ့် အချက်တွေကိုကြည့်လိုက်ကြရအောင်။
ထိုင်ခုံကနေ ထရပ်ပြီး ကျေးဇူးတင်စကားကိုပြောပါ။
အင်တာဗျူးပြီးဆုံးသွားပါက ထိုင်ခုံကနေ ထထိုင်ပြီး 本日はお忙しい中、お時間をいただきありがとうございました - honjitsuha ojikanwoitadakiarigatougozaimasu. ကျေးဇူးတင်စကားပြောရမှာဖြစ်ပါတယ်။ ကျေးဇူးတင်စကားပြောပြီးတဲ့ နောက်မှာတော့ ၄၅ ဒီဂရီဦးညွှတ်ပြီး နှုတ်ဆက်ပြီးထွက်ရမှာဖြစ်ပါတယ်။
တံခါးအရှေ့မှာရပ်ပြီး ဦးညွှတ်ပါ။
တံခါးရှေ့ကိုသွားပြီးတော့ တဖန် အင်တာဗျူးမယ့်သူဆီကိုပြန်လှည့်ပြီး 失礼いたします - shitsureiitashimasu. လို့ခွင့်တောင်းပြီး 30-40 ဒီဂရီလောက် ဦးညွှတ်ပြီးမှ အခန်းထဲကနေ ထွက်ရမှာဖြစ်ပါတယ်။
အကျဥ်းချုပ်
အင်တာဗျုးမှာတော့ သပ်သပ်ရပ်ရပ်နှင့် သေသေချာချာ ဝတ်၊ မဝတ်ကို ကြည့်ရှူစစ်ဆေးပြီး ဆုံးဖြတ်လေ့ရှိပါတယ်။ နောက်ပြီး ယဥ်ကျေးတဲ့ အပြုအမူရှိ၊ မရှိကိုလဲ သေချာကြည့်တဲ့ အတွက်ကြောင့်မို့လို့ အဝတ်အစားတစ်ခုတည်းမဟုတ်ဘဲ အပြုအမူတွေကိုလဲ သေချာကြည့်ပြီး လေ့လာသွားဖို့လိုအပ်ပါတယ်။
WeXpats Jobs ဆိုတာ?
WeXpats Jobs ဆိုတာကတော့ ဂျပန်မှာ အလုပ်လုပ်ကိုင်မယ့် နိုင်ငံခြားသားတွေကို အားပေးတဲ့ ဝက်ဘ်ဆိုက်ပဲဖြစ်ပါတယ်။ ဒီတခေါက် အင်တာဗျူးမှာ မိတ်ဆက်ခဲ့တဲ့ ဟိုတယ် အလုပ်အကိုင်တွေအပြင် တခြား လုပ်ငန်းတွေရဲ့ အလုပ်ခေါ် စာအမျိုးမျိုးမိတ်ဆက်ပေးလျက်ရှိပါတယ်။
ဂျပန်ဘာသာစကားအပါအဝင် ဘာသာစကား ၁၁ မျိုး (အင်္ဂလိပ်၊ ဗီယက်နမ်၊ ကိုးရီးယား၊ အင်ဒိုနီးရှား၊ တရုတ်၊ မြန်မာ၊ ထိုင်း၊ စပိန်၊ ပေါ်တူဂီ ) စတဲ့ဘာသာစကားတွေနဲ့ အလုပ်ရှာဖွေနိုင်မှာဖြစ်ပြီး ဂျပန်စကားကိုသေချာမပြောနိုင်တဲ့တွေလဲ ယုံကြည်မှုရှိရှိနဲ့ အလုပ်ရှာဖွေနိုင်ပါတယ်။
၁ ကိုယ်ဘာသာကို ရှာဖွေနိုင်ခြင်း
ဂျပန်စာအရည်အချင်း၊ လုပ်ကိုင်ချင်တဲ့အလုပ်အမျိုးအစား၊ အလုပ်နေရာ စတဲ့အရာတွေကိုဖြည့်စွက်ပြီး ကိုယ့်ဘာသာကို ရှာဖွေနိုင်ပါတယ်။
၂ လုပ်ငန်းဘက်က ကမ်းလှမ်းစာတွေကိုလက်ခံစာရယူပါ
လွယ်ကူတဲ့ မေးခွန်းတွေကိုဖြေဆိုပြီး မိမိနဲ့ကိုက်ညီတဲ့အလုပ်ခေါ်စာတွေကို လက်ခံရယူနိုင်ပါတယ် ။ လုံးဝအခမဲ့ဖြစ်တာကြောင့် အောက်က ပုံကနေတဆင့် နိုပ်ပြီး အလုပ်ရှာဖွေနိုင်ပါတယ်။
