ဂျပန်ရဲ့နေရာတကာမှာရှိတဲ့ပိုက်ဆံထည့်လိုက်တာနဲ့ချက်ခြင်းဝယ်လို့ရတဲ့အအေးစက်ဗူးစက်ကအချိန်အများကြီးမရတဲ့သူတွေအတွက်ဆိုင်ကိုသီးသန့်သွားစရာမလိုဘဲအနီးစပ်ဆုံးလမ်းသွားရင်းနဲ့သောက်စရာအအေးနဲ့သောက်စရာများစွာရနိုင်ပါတယ်။တစ်ချို့နေရာတွေမှာတစ်နေရာတွေမှာ၃/၄ခုလောက်ရှိနေတာကိုတွေ့ရမှာဖြစ်ပါတယ်။မိမိမှာရှိတဲ့အကြွေလေးတွေနဲ့ပဲကိုယ်ကြိုက်နှစ်သက်ရာကိုအကြွေနဲ့လည်းဝယ်လို့ရသလို၊ရထားကဒ်နဲ့လည်းဝယ်လို့ရနိုင်ပါတယ်။
ဂျပန်ရဲ့လုံခြုံစိတ်ချရမှာနဲ့ဝန်ဆောင်မှုများ
ဒီလိုအလွယ်တကူ လမ်းဘေးမှာ အလွယ်တကူဝယ်လို့ရတဲ့ အအေးစက်ဗူး ထားနိုင်ရတာကလည်း ဂျပန်နိုင်ငံရဲဲဲ့လုံခြုံစိတ်ချလို့ထားနိုင်တာဖြစ်ပါတယ်။အအေးဗူးကိုလည်းမကြာခဏသက်ဆိုင်ရာကုမ္မဏီတွေကလဲလှယ်ပေးပါတယ်။၂၄နာရီအပြည့်ဝန်ဆောင်မှုပေးထားပါတယ်။ဒီလိုစက်များရဲ့အအေးဗူးတွေဟာကွန်ပနီစတိုးတွေရဲ့အအေးဗူးတွေထက်သက်သာနေတတ်ပါတယ်။စက်တွေကို၂၄နာရီလျှပ်စစ်ပေးထားရတာဖြစ်ပြီး၊ထူးခြားချက်ကတော့အေးတဲ့အချိန်မှာအအေးဗူးလေးတွေကနွေးနေတတ်ပြီး၊ပူတဲ့အချိန်ကျရင်အအေးဗူးတွေကအေးနေတတ်ပါတယ်။
စာရေးသူရွေးချယ်သောဆောင်းပါး
အချိန်ကုန်သက်သာခြင်း
ဂျပန်မှာကျောင်းတွေ၊အလုပ်တွေသွားနေရတာကြောင့်အချိန်ကြည့်ပြီးသွားနေရတဲ့အတွက်တခါတလေအအေးဗူးသောက်ချင်တဲ့အခါအချိန်သက်သက်အချိန်မပေးနိုင်တာမျိုးရှိပါတယ်။ဆိုင်လည်းသီးသန့်သွားစရာမလိုဘဲနီးစပ်ရာနေရာမျိုးမှာတစ်နေရာတည်းမှာအနည်းဆုံးစက်၂/၃ခုရှိနေတဲ့အတွက်အချိန်သီးသန့်ပေးစရာမလိုဘဲအဆင်ပြေပါတယ်။အအေးဗူးကလည်းအစုံအလင်ရရှိမှာဖြစ်ပြီး၊ရေကအစရရှိမှာဖြစ်ပါတယ်။ထားရှိတဲ့နေရာကတော့လူအသွားအလာများတဲ့ဘူတာနားပတ်ဝန်းကျင်မှာထားရှိပေးပါတယ်။
ဒီနည်းပညာမှရရှိနိုင်တဲ့အကျိုးကျေးဇူးများ
ကုမ္မဏီရဲ့ပတ်ဝန်းကျင်မှာလည်းဒီလိုစက်မျိုးနေရာတော်တော်များများမှာထားရှိပေးတာများပါတယ်။ကုမ္မဏီဝန်ထမ်းတွေကအလုပ်ရှုပ်တဲ့အတွက်ကြောင့်အဆင်ပြေအောင်လုပ်ဆောင်ပေးထားခြင်းဖြစ်ပါတယ်။ဒီနည်းပညာမျိုးကိုဂျပန်ပြည်ကနေမြန်မာပြည်ကိုယူသွားချင်ပါတယ်။ဒီလိုနည်းပညာကနေအချိန်ကုန်သက်သာစေချင်တဲ့အတွက်ကြောင့်ဖြစ်ပါတယ်။ဒီစက်ပစ္စည်းများကနေရာအများကြီးပေးစရာမလိုတဲ့အတွက်နေရာအတွက်အဆင်ပြေပါတယ်။ပိုက်ဆံကိုလဲလှယ်ပေးတဲ့တိကျတဲ့ပြန်အမ်းပေးမှုကလည်းအတုယူစရာကောင်းလှပါတယ်။နောက်တခုဂျပန်ရဲ့လေးစရာကောင်းတဲ့ပုံစံကတော့စက်တွေရဲ့နားမှာအမှိုက်ပုံးထားပေးထားပေးပါတယ်။ကော်ဗူး၊သံဗူးကအစခွဲပစ်လို့ရအောင်လုပ်ပေးထားကလည်းအမှိုက်ကနေလေ့လာစရာကောင်းတဲ့အချက်ဖြစ်ပါတယ်။ပစ္စည်းပြတ်လပ်မှုမရှိအောင်အမြဲလဲလှယ်ပေးတာကလည်းဂျပန်ရဲ့ဝန်ဆောင်မှုတစ်ခုဖြစ်ပါတယ်။
