ဂျပန်စာလေ့လာပုံလေ့လာနည်း(How to learn Japanese, Hiragana, Katakana, Kanji)

WeXpats

2020/08/11

ဂျပန်စာလေ့လာပုံလေ့လာနည်းအမျိုးမျိုးရှိပါတယ်။ပုံမှန်သင်တန်းကျောင်းကနေသင်တဲ့အပြင်အခုနောက်ထပ်အွန်လိုင်းကနေလည်းများစွာလေ့လာလို့ရပါတယ်။အဓိကအခြေခံအနေနဲ့ひらがな・カタカナပိုင်နိုင်ရမှာဖြစ်ပါတယ်။အခြေခံမပိုင်နိုင်ရင်နောက်ထပ်လေ့လာမယ့်ဂျပန်စာမှာအခက်အခဲရှိနိုင်ပါတယ်။အခုနောက်ပိုင်းလေ့လာလို့ရတဲ့နေရာတွေကပိုပြီးများပြားလာပါတယ်။အွန်လိုင်းကနေကနေလေ့လာလို့ရသလိုမိမိစိတ်ဝင်စားတဲ့သီချင်း၊ဒရာမာကနေလည်းလေ့လာလို့ရနိုင်ပါတယ်။လေ့လာတဲ့နေရာမှာလည်းမိမိနားမလည်တဲ့စာလုံးရဲ့အဓိပ္ပာယ်၊ခန်းဂျီရဲ့အဓိပ္ပာယ်အစရှိသဖြင့်မှတ်ထားပြီးရှာဖွေမှုပြုလုပ်သင့်ပါတယ်။တခါတည်းမိမိနားမလည်တဲ့အကြောင်းအရာကိုတခါတည်းရှာဖွေခြင်းဟာလည်းလေ့လာမှုတစ်ခုဖြစ်ပါတယ်။ဂျပန်စာလေ့လာတဲ့အခါမှာရည်ရွယ်ချက်တစ်ခုခုနဲ့လေ့လာတာပိုကောင်းပါတယ်။ဂျပန်မှာကျောင်းတက်ချင်လို့စာလေ့လာတာ၊ဂျပန်မှာအလုပ်လုပ်ချင်လို့စသဖြင့်ရည်ရွယ်ချက်ထားပြီးလေ့လာတာကဂျပန်စာကိုပိုမိုတတ်မြောက်စေပါတယ်။ဂျပန်စာအရည်အချင်းကိုတိုးတက်ချင်ရင်စာကိုလေ့လာပြီးJLPTကိုအောင်မြင်သည်ဖြစ်စေ၊ကျရှုံးသည်ဖြစ်စေအမြဲဝင်ဖြေပြီးမိမိရဲ့ဂျပန်စာကိုအရည်အချင်းကိုဆန်းစစ်သင့်ပါတယ်။

ဟိရဂနနဲ့ခတခနလေ့လာနည်း

ဟိရာဂနနှင့်ခတခနတွင်စာလုံးရေ ၄၆ လုံးစီရှိပြီးစစချင်းလေ့လာရာမှာအခက်အခဲရှိနိုင်ပါတယ်။လေ့ကျင့်တာများလာရင်တဖြည်းဖြည်းနဲ့မှတ်မိလာမှာဖြစ်ပါတယ်။အထူးသဖြင့်၊နိုင်ငံခြားသားများကခတခနကိုပိုမှတ်မိလွယ်ကြသည်။အင်္ဂလိပ်စကားကနေဆင်းသက်လာတဲ့အတွက်ကြောင့်ဖြစ်ပါတယ်။ဟိရဂန၊ခတခနကိုသိမှဂျပန်ရဲ့ဝေါဟာရမီးနင်းကိုဆက်လေ့လာလို့ရနိုင်မှာပါ။အဲကနေမှခန်းဂျီရဲ့အဓိပ္ပာယ်သိရမှာဖြစ်တဲ့အတွက်ဂျပန်ရဲ့အခြေခံဟိရဂန၊ခတခနကိုမပိုင်နိုင်ဘူးဆိုရင်ဂျပန်စာလေ့လာတဲ့နေရာမှာအခက်အခဲရှိနိုင်ပါတယ်။ဖတ်တတ်ရုံတင်မဟုတ်ဘဲလက်နဲ့ရေးကျင့်တာမျိုးပြုလုပ်သင့်ပါတယ်။တချို့ကဖတ်တတ်ရုံဘဲဖတ်တတ်ပြီးအရေးပိုင်းမှာအားနည်းတဲ့အတွက်အရေးကိုပါလေ့ကျင့်သင့်ပါတယ်။ဂျပန်စာသင်တန်းကျောင်းမှာလည်းသင်ပေးတဲ့ဆရာ၊ဆရာမများကပုံတွေနဲ့မှတ်မိအောင်သင်ပေးတာကိုလည်းဂရုစိုက်လေ့လာသင့်ပါတယ်။ဒီလိုမျိုးလေ့လာတာကပိုမှတ်မိလွယ်ပါတယ်။မှတ်စုစာအုပ်မှာလည်းဟိရဂနနဲ့ခတခတကိုတလုံးချင်းစီအခေါက်ပေါင်းများစွာရေးပြီးလေ့ကျင့်သင့်ပါတယ်။

စာရေးသူရွေးချယ်သောဆောင်းပါး

ခန်းဂျီရဲ့လေ့လာပုံနဲ့ပတ်သက်ပြီး

နိုင်ငံခြားသားတော်တော်များများကခန်းဂျီအားနည်းမှုရှိပါတယ်။အဓိကကခန်းဂျီရဲ့စာလုပ်ချိန်ကိုသီးသန့်မလေ့ကျင့်တဲ့အတွက်ကြောင့်ဖြစ်ပါတယ်။ခန်းဂျီကလေ့လာချိန်နည်းရင်မေ့လွယ်တဲ့အတွက်ကြောင့်ခန်းဂျီမဖတ်နိုင်တာတွေရှိပါတယ်။အခုနောက်ပိုင်းခန်းဂျီမသိရင်ရှာလို့ရတဲ့အပီကေရှင်းကနေလည်းရှာပြီးလေ့လာလို့ရနိုင်ပေမယ့်အဓိကကတော့ခန်းဂျီစာလုပ်ချိန်သီးသန့်ဖယ်ထားသင့်ပါတယ်။မိမိမသိတဲ့ခန်းဂျီရှိရင်လည်းသေချာမှတ်ထားပြီးချက်ချင်းရှာဖွေပြီးလေ့လာသင့်ပါတယ်။မသိတဲ့ခန်းဂျီတွေကိုများများအဓိပ္ပာယ်သိအောင်ရှာကြည့်ပြီးသိလာအောင်မှတ်သားသင့်ပါတယ်။များများရေးကျင့်မှခန်းဂျီကိုရေးတတ်လာပြီး၊အဓိပ္ပာယ်ပါသိလာမှာပါ။ဥပမာအနေနဲ့စာသင်ကျောင်းမှာသော်လည်းကောင်းကိုယ်မသိတဲ့ခန်းဂျီကိုပြောပြခဲ့ရင်မှတ်မိအောင်များများရေးကျင့်သင့်ပြီး၊လမ်းသွားရင်းနဲ့ဂျပန်စာနဲ့ပတ်သက်တဲ့စာတွေ့ရင်ဘဲဖြစ်ဖြစ်၊စာလေ့လာရင်းနဲ့ကိုယ်မသိတဲ့ခန်းဂျီကိုတွေ့ရင်ဘဲဖြစ်ဖြစ်တခါတည်းရှာဖွေပြီးမှတ်မိအောင်လေ့လာသင့်ပါတယ်။

ဂျပန်စကားပြောလာနိုင်အောင်လေ့လာနည်း

ဂျပန်စကားပြောလာနိုင်အောင်အဓိကကအခြေခံပိုင်နိုင်ရပါမယ်။ဟိရဂန၊ခတခန၊ဂျပန်ရဲ့မီနင်းကိုလည်းများများလေ့လာထားပြီးများများမှိတ်မိရမှာဖြစ်ပါတယ်။သဒ္ဒါပိုင်းကိုလည်းအများကြီးမမှိတ်မိနိုင်ရင်တောင်အဓိကအသုံးများတဲ့သဒ္ဒါပိုင်းကိုသေချာလေ့လာပြီး၊ကျန်တဲ့လေ့လာမှုကိုတဖြည်းဖြည်းလေ့လာသင့်ပါတယ်။ဂျပန်စာနဲ့ပတ်သက်တဲ့စာပုဒ်တွေကိုများများဖတ်သင့်ပါတယ်။ဥပမာအင်တာနက်ကသော်လည်းကောင်းသတင်းစာနဲ့တူတဲ့စာပုဒ်တွေ၊ဂျပန်စာလေ့လာတဲ့နေရာမှာလည်းစာပုဒ်တွေပါတဲ့နေရာကိုများများဖတ်သင့်ပါတယ်။အဲဒါမှအဲအထဲကမိမိသိတဲ့စကားလုံး၊မိမိသိတဲ့ခန်းဂျီဘယ်နှစ်လုံးပါတာအစရှိသဖြင့်လေ့လာဆန်းစစ်နိုင်ပါတယ်။နောက်တစ်ခုကစကားပြောနိုင်ဖို့ဂျပန်သီချင်းများများနားထောင်သင့်ပြီး၊ဂျပန်ရုပ်ရှင်များများကြည့်သင့်ပါတယ်။ဂျပန်ကာတွန်းアニメーションအစရှိတဲ့နေရာကနေလည်းလေ့လာလို့ရပါတယ်။ရုပ်ရှင်၊သီချင်းမှာမိမိနားလည်တဲ့စကားလုံးဘယ်လောက်ပါမပါကိုဆန်းစစ်ပြီးမိမိရဲ့ဂျပန်စကားပြောအရည်အချင်းကိုမြင့်တင်သင့်ပါတယ်။အခုနောက်ပိုင်းFacebookမှာလည်းဂျပန်စာဂရုတွေကနေလည်းဂျပန်စာကိုလေ့လာနိုင်ပြီး၊Googleမှာလည်းမိမိမသိတဲ့ဂျပန်စာ၊စကားလုံးရဲ့အဓိပ္ပာယ်ရှာရင်းနဲ့လေ့လာနိုင်ပါတယ်။ဖြစ်နိုင်ရင်ဂျပန်သူငယ်ချင်းထားသင့်ပြီးဂျပန်စကားကိုများများပြောသင့်ပါတယ်။အစမှာတော့အမှားများနိုင်ပေမယ့်တစ်ဖြည်းဖြည်းနဲ့စကားပြောဆိုမှုနဲ့အသားကျလာပြီးပြောလာနိုင်မှာဖြစ်ပါတယ်။

ဂျပန်တက္ကသိုလ်ရဲ့ဒီပလိုမာအထိသင်ကြားမယ်ဆိုရင်(If you’re planning to go to graduate)

စာရေးသူ

WeXpats

နေထိုင်မှုဘဝ၊အလုပ်နှင့် နိုင်ငံခြားတွင် ပညာဆည်းပူးခြင်းနှင့်ဆိုင်သည့်အသုံးဝင်သော အချက်အလက်များအပါအဝင် ဂျပန်နိုင်ငံ၏ ဆွဲဆောင်မှုရှိသည်များကို မိတ်ဆက်ပေးသော ဆောင်းပါးများစွာကိုတင်ဆက်သွားပါမည်။