ခရစ္စမတ်ကတော့ တစ်ကမ္ဘာလုံးမှာ လူသိများတဲ့ ဘာသာရေးပွဲတစ်ခုဖြစ်ပါတယ်။ ဂျပန်နိုင်ငံမှာတော့ ထူးခြားတဲ့ ယဥ်ကျေးမှုတွေနဲ့ နှစ်စဥ် ခရစ္စမတ်ကို ကျင်းပလေ့ရှိကြပါတယ်။ ဒီဆောင်းပါးမှာတော့ ဂျပန်နိုင်ငံရဲ့ တမူထူးခြားတဲ့ ခရစ္စမတ်ကျင်းပနှင့် ခရစ္စမတ်မှာ စားလေ့ရှိတဲ့ အစားအသောက်တွေကို တင်ပြသွားပါ့မယ်။
မာတိကာ
- ခရစ္စမတ်က ဂျပန်မှာ အများပြည်သူပိတ်ရက်လား။
- ဂျပန်နိုင်ငံမှာ ခရစ္စမတ်ကို ဘယ်လိုဖြတ်သန်းကြလဲ။
- ခရစ္စမတ်ကို ဘယ်လိုအစားစာတွေစားလေ့ရှိကြလဲ။
- နာမည်ကြီးတဲ့ ခရစ္စမတ် သီချင်းများ။
- အကျဥ်းချုပ်
ခရစ္စမတ်က ဂျပန်မှာ အများပြည်သူပိတ်ရက်လား။
ဂျပန်နိုင်ငံမှာတော့ ခရစ္စမတ်က အများပြည်သူရုံးပိတ်က် မဟုတ်ပါ။ ဘာလို့လဲ ဆိုတော့ ဂျပန်နိုင်ငံရဲ့ လူဦးရေရဲ့ ၁ ရာခိုင်နှုန်းသာ ခရစ်ယာန်ဘာသာဝင်ဖြစ်ပါတယ်။ သို့သော် ဂျပန်တစ်နိုင်ငံလုံးနီးပါးကလူတွေက ခရစ္စမတ်ကို ပါဝင်ဆင်နွဲလေ့ရှိကြပါတယ်။ ခရစ္စမတ်အကြိုနေ့ဖြစ်တဲ့ ၂၄ ရက်နေ့ရော၊ ၂၅ ရက်နေ့မှာပါ ခရစ္စမတ်ကို ဆင်နွဲလေ့ရှိကြပါတယ်။ တချို့နှစ်တွေမှာလဲ စနေ၊ တနင်္ဂနွေနဲ့ တိုက်ပြီး ခရစ္စမတ်က ပိတ်ရက်ဖြစ်သွားတာမျိူးတွေလဲ ရှိနိုင်ပါတယ်။
စာရေးသူရွေးချယ်သောဆောင်းပါး
ဂျပန်နိုင်ငံမှာ ခရစ္စမတ်ကို ဘယ်လိုဖြတ်သန်းကြလဲ။
ဒါဆို ဂျပန်လူမျိုးတွေ ခရစ္စမတ်ကို ဘယ်လိုဖြတ်သန်းကြလဲ။ အနောက်တိုင်းနိုင်ငံတွေမှာတော့ ဘာသာရေးပွဲတော် တစ်ခုအနေနဲ့ ခရစ္စမတ်ကိုကျင်းပလေ့ရှိကြပေမယ့် ဂျပန်မှာတော့ ဒီအတိုင်းပွဲတော် တစ်ခုကိုဖြတ်သန်းသလို ဖြတ်သန်းကြလေ့ရှိကြပါတယ်။ အမျာအားဖြင့် ခရစ္စမတ်ကတော့ သူငယ်ချင်း၊ မိတ်ဆွေတွေ၊ ချစ်သူရည်းစားတွေ စုံစည်းပြီး အစားအသောက်စားလိုက်၊ ပါတီလုပ်ရင်းပျော်ရွင်လေ့ရှိတဲ့ ပွဲတော်တစ်ခုလဲဖြစ်ပါတယ်။
ချစ်သူများအတွက် ရိုမန့်တစ်ဆန်တဲ့ ခရစ္စမတ်အကြိုည
ခရစ္စမတ်အကြိုညကတော့ ချစ်သူရည်းစားတွေအတွက် ရိုမန်တစ်ဆန်တဲ့ ညတစ်ညဖြစ်ပါတယ်။ ဒီအချက်ကလဲ တခြားနိုင်ငံတွေ နဲ့ မတူညီတဲ့ အချက်လို့ဆိုရမှာဖြစ်ပါတယ်။ ဂျပန်မှာတော ခရစ္စမတ်လို့ပြောလိုက်တာနဲ့ စုံတွဲ ချစ်သူရည်းစားတွေချိန်းတွေ့ပြီး လျှောက်လည်လေ့ရှိတဲ့ ညတစ်ညလဲ ဖြစ်ပါတယ်။ နောက်ပြီး စုံတွဲ တော်တော်များများကတော့ ခရစ္စမတ်လက်ဆောင်တွေ အပြန်အလှန်ဝယ်ပြီး လဲလေ့ရှိပါတယ်။
ရောင်စုံမီးများနှင့် ခရစ္စမတ်ည
ဆောင်းရာသီ illuminations တွေကတော့ ခရစ္စမတ်အတွက် ထွန်းထားတာမျိုးမဟုတ်ပါဘူး။ ဒါပေမယ့် ဒီဇင်ဘာ ဆောင်းည ခရစ္စမတ်နှင့် ဆောင်းရာသီ illuminations က လိုက်ဖက်ညီလွန်းလှပြီး ခရစ္စမတ် ရောက်ရင် ဒီလို ရောင်စုံမီးတွေလေလဲ ပိုပြီးများလာပါတယ်။ နောက်ပြီး ခရစ္စမတ်ရောက်ရင် ဂျပန်မှာ ကိုယ်ပိုင် အိမ်တွေမှာ ခရစ္စမတ် သစ်ပင်တွေထားပြီးအလှဆင်ခြင်းထက် ကုန်တိုက်တွေနှင့် အများပြည်သူရှိတဲ့နေရာတွေမှာ ခရစ္စမတ်သစ်ပင်တွေနဲ့ အလှဆင်တာပိုပြီးတွေ့ရများပါတယ်။
ခရစ္စမတ်ကို ဘယ်လိုအစားစာတွေစားလေ့ရှိကြလဲ။
ခရစ္စမတ်လို့ပြောလိုက်တာနဲ့ ဂျပန်မှာတော့ ပါတီနဲ့အတူ အစားအသောက်တွေကိုပါတွဲမြင်ကြလိမ့်မယ် ထင်ပါတယ်။ ဂျပန်မှာလဲ ခရစ္စမတ်လို့ပြောလိုက်တာနဲ့ ခရစ္စမတ်မှာပဲ စားလေ့ရှိတဲ့ အစားအသောက်တွေရှိပါတယ်။ ဒါဆို ဂျပန်မှာလူကြိုက်များတဲ့ ခရစ္စမတ် အစားအသောက်တွေကိုကြည့်လိုက်ကြရအောင်။
ခရစ္စမတ် ကိတ်
ခရစ္စမတ် ကိတ် ကတော့ ခရစ္စမတ်ရောက်ရင် မပါမဖြစ် အစားစာတစ်မျိူးဖြစ်ပါတယ်။ ဂျပန်မှာလဲ ခရစ္စမတ်ရောက်လာရင် စတော်ဘယ်ရီကိတ်ကို ခရစ္စမတ်မှာစားလေ့ရှိကြပါတယ်။ တချို့ ကတော့ ချော့ကလက် ကိတ်၊ နောက်ပြီး ဆန်တာကလော့ ပုံစံနဲ့ကိတ် အစသဖြင့် ခရစ္စမတ်ကို ပုံဖော်ခဲ့ ကိတ်တွေ အများကြီးတွေ့နိုင်ပါတယ်။ ဒီဇင်ဘာရောက်ရင် ခရစ္စမတ်ကိတ်တွေကို နေရာတိုင်းအလိုလိုမှာ ဝယ်ယူနိုင်ပါတယ်။ Convenience Store တွေမှာတောင် ဝယ်ယူနိုင်ပါတယ်။
ကြက်ကြော်
ခရစ္စမတ် အစားစာလို့ပြောလိုက်တာနဲ့ ကြက်ကင်ကြီးကြီးတစ်ကောင်ကို ပြေးမြင်ကြမှာဖြစ်ပါတယ်။ ဒါပေမယ့် ဂျပန်မှာတော့ ခရစ္စမတ်ရောက်ရင် KFC ကြက်ကြော်လူကြိုက်များကြပါတယ်။ နှစ်စဥ် ခရစ္စမတ်ရောက်လာတိုင်း KFC ကနေပြီးတော့ ခရစ္စမတ် အတွက် မီနူးသီးသန့်ထုတ်လေ့ရှိပါတယ်။
နာမည်ကြီးတဲ့ ခရစ္စမတ် သီချင်းများ။
ခရစ္စမတ်လို့ပြောလိုက်တာနဲ့ ခရစ္စမတ်သီချင်းတွေကိုလဲ မေ့ထားလို့မရပါဘူး။ ခရစ္စမတ် သီချင်းတွေကြောင့် ခရစ္စမတ် အငွေ့အသက်ကိုပြည့်ပြည့်ဝဝ ပိုခံစားရနိုင်တယ် လို့ပြောရင်လဲ မမှားပါဘူး။ ဂျပန်နိုင်ငံရဲ့ ခရစ္စမတ်သီချင်းတွေကလဲ လူကြိုက်များတဲ့ သီချင်းတွေ အများကြီးရှိပါတယ်။ နောက်ပြီး ခရစ္စမတ် သီချင်းတွေက ဂျပန်နိုင်ငံရဲ့ ခရစ္စမတ် အကြောင်းကို သေချာလေးပုံဖော်ထားတယ် လို့မြင်မိပါတယ်၊။ ခရစ္စမတ်သီချင်း အများစုကတော့ အချစ်ကြောင်း၊ ချစ်သူရည်းစားတွေအကြောင်းရေးစပ်ထားလေ့ရှိပါတယ်။ ခရစ္စမတ်သီချင်းအများကြီးထဲမှာမှ ၃ ပုဒ်ကိုဖော်ပြလိုက်ပါတယ်။
山下達郎「クリスマスイブ」- Yamashita Taro (Christmas Eve)
ဒီသီချင်းကတော့ ခရစ္စမတ်ရောက်လာရင် ဂျပန်မှာ ကြားနေရတဲ့ သီချင်းတစ်ပုဒ်ဖြစ်ပါတယ်။ ချစ်သူရည်စားစုံတွဲကြားထဲက အချစ်ကြောင်းကို ရေးစပ်သီဆိုထားတဲ့ သီချင်းဖြစ်ပြီး စတင်ပြီးထုတ်လွင့်တဲ့ နှစ်ကတော့ ၁၉၈၃ ခုနှစ်ဖြစ်ပြီး ယနေ့ထက်တိုင် ခရစ္စမတ်ရောက်ရင် ရေပန်းစားနေတုန်းသီချင်းတစ်ပုဒ်ပါ။ ခရစ္စမတ် အငွေ့ အသက်နဲ့ ဝမ်းနည်းအထီးကျန်စရာကောင်းတဲ့ အငွေ့အသက်တွေကို တပြိုင်တည်းခံစားလို့ရမယ့် သီချင်းတစ်ပုဒ်လို့လဲ ဆိုရမှာပါ။
back number「クリスマスソング」- back number (Christmas Song)
back number ကတော့ လူအများသိတဲ့ နာမည်ကြီး အဖွဲ့ တဖွဲ့ဖြစ်ပြီး ၂၀၁၅ ခုနှစ်မှာစတင်ထုတ်ခဲ့တဲ့ Christmas Song လို့ဆိုတဲ့ သီချင်းကတော့ ရေပန်းစားလူကြိုက်များခဲ့ကြပါတယ်။ ခရစ္စမတ်အငွေ့အသက်နဲ့ ဝမ်းနည်းစရာအချစ်သီချင်းလေးတစ်ပုဒ်ဖြစ်ပါတယ်။
SEKAI NO OWARI「silent」
SEKAI NO OWARI ရဲ့ 「silent」လို့ခေါ်တဲ့ ခရစ္စမတ်သီချင်းကလဲ ခရစ္စမတ်ရောက်ရင် လူကြိုက်များတဲ့ သီချင်းဖြစ်ပါတယ်။ ထွက်ထားတာကလဲ ၂၀၂၀ခုနှစ်ဖြစ်တဲ့အတွက်ကြောင့်မို့လို့ သီချင်းအသစ်လေးဖြစ်ပါတယ်။ MV ကနေ လဲ ခရစ္စမတ်အငွေ့အသက်မအပြည့်ရနိုင်တဲ့ သီချင်းတစ်ပုဒ်ဖြစ်ပါတယ်။
အကျဥ်းချုပ်
ခရစ္စမတ်ကတော့ ဂျပန်နိုင်ငံမှာ တခြားနိုင်ငံတွေနဲ့ မတူဘဲ ကျင်းပလေ့ရှိကြပါတယ်။ ချစ်သူရည်းစားစုံတွဲတွေအတွက် ရိုမန့်တစ်ဆန်ဆန် ဒိတ်တဲ့နေ့၊ သူငယ်ချင်းတွေ စုစည်းပြီး ပါတီပွဲကျင်းပတဲ့ နေ့ဖြစ်ပါတယ်။ ခရစ္စမတ်ရောင်ရင် ရောင်စုံမီးတွေလဲ ထိန်လင်းနေပြီး ခရစ္စမတ်ကိတ်တွေနဲ့ ကြက်ကြော်တွေစားရင်းဖြတ်သန်းလေ့ရှိကြပါတယ်။
