နိုင်ငံတစ်နိုင်ငံမှာကိုယ်ပိုင်ယဥ်ကျေးမှုရှိသကဲ့သို့ဂျပန်မှာလည်းစိတ်ဝင်စားစရာကောင်းတဲ့ယဥ်ကျေးမှုရှိပါတယ်။ဂျပန်နိုင်ငံဟာယဥ်ကျေးတဲ့နိုင်ငံဖြစ်တာနဲ့အညီအပြုအမှု၊အပြောအဆိုဟာဂရုတစိုက်အလေးထားတဲ့နိုင်ငံဖြစ်ပါတယ်။နေရာတိုင်းမှာသတ်မှတ်ထားတဲ့စည်းကမ်းများစွာရှိပြီး၊နားမလည်တာတစ်ခုခုရှိရင်လည်းအကူအညီပေးကြပါတယ်။ဂျပန်ရဲ့နည်းပညာဟာလည်းခေတ်မှီပြီး၊အစားအသောက်ဟာဆိုရင်လည်းနာမည်ကြီးပါတယ်။နိုင်ငံခြားခရီးသွားများအတွက်လည်းလာရောက်လည်ပတ်လို့ကောင်းမွန်တဲ့နေရာများစွာရှိပြီး၊ဘယ်အချိန်ဘဲစိတ်ချစွာသွားလာလို့ရအောင်လုံခြုံမှုရှိလှပါတယ်။သွားလာရတာလွယ်ကူလှအောင်ရထား၊ကားမှာလည်းအချိန်တိကျလှပါတယ်။ပထမဆုံးလာရောက်လည်ပတ်မယ့်သူတွေအတွက်ဗဟုသုတရအောင်အောက်ပါအချက်အလက်များကိုဝေမျှလိုက်ပါတယ်။
ဂျပန်တက္ကစီတွေကအလိုအလျောက်တံခါး
ဂျပန်နိုင်ငံတွင် တက္ကစီခပေးပြီးနောက် တံခါးမပိတ်ဘဲထွက်သွားလို့ရပါတယ်။ ဂျပန်တက္ကစီများ၏ "အလိုအလျောက်တံခါး" ကို ၁၉၅၀ နှစ် နှောင်းပိုင်းတွင်တီထွင်ခဲ့သည်ဟု ဆိုကြပါတယ်။၁၉၆၄ တွင်ကျင်းပခဲ့သည့် တိုကျိုအိုလံပစ်အားကစားပြိုင်ပွဲတွင် တိုကျိုရှိအကြီးဆုံးတက္ကစီကုမ္ပဏီက ကားသစ်များကိုမိတ်ဆက်ပေးခဲ့ပြီးနောက်ချက်ချင်းလူကြိုက်များခဲ့လာပါတယ်။ဂျပန်တက္ကစီများ၏အလိုအလျှောက်တံခါးများတပ်ဆင်ရခြင်းအကြောင်းရင်းမှာနိုင်ငံခြားခရီးသွားများအတွက်ဧည့်ဝတ်ကျေခြင်းလက္ခဏာကိုဖော်ပြပါတယ်။ခရီးအကွာအဝေးပေါ်လိုက်ပြီးကျသင့်ငွေပေးဆောင်ရခြင်းဖြစ်ပါတယ်။
စာရေးသူရွေးချယ်သောဆောင်းပါး
otoshi
ပြည်ပရှိစားသောက်ဆိုင်များတွင်အစားအစာများကိုစားသောက်ပြီးပိုက်ဆံရှင်းရာတွင်သတ်မှတ်ထားသောအစားအသောက်ကြေးအပြင် ၀န်ဆောင်ခနှင့် မုန့်ဖိုးကဲ့သို့ ပေးဆောင်ရတာမျိုးရှိပေမယ့်လည်း ဂျပန်နိုင်ငံရှိ အရက်ဆိုင်များတွင် မှာထားသောအစားအစာများမလာမီ မမှာထားသည့်အစားအစာတစ်မျိုးလာချပေးတတ်ပြီးထိုသို့ရောက်လာပါကထိုအစားအစာအတွက်အခကြေးငွေကိုသီခြားပေးဆောင်ရတာကို otooshi လို့ခေါ်ပါတယ်။စားသောက်ပြီးပိုက်ဆံရှင်းတဲ့အခါမှာလည်းအခွန်ပါတခါတည်းဆောင်ရပါတယ်။
ရှလွတ်ရှလွတ်အသံထွက်ပြီးစားခြင်း
ဂျပန်လူမျိုးများသည်ခေါက်ဆွဲကိုစားသည့်အခါရှလွတ်ရှလွတ်ဟုအသံထွက်ရင်းစားလေ့ရှိကြပါတယ်။ထိုယဉ်ကျေးမှုကိုအဲဒိုခေတ်မှာsobaကိုစားသည့်အလေ့အထမှဆင်းသက်လာပြီး၊အသံတိတ်ပြီးစားခြင်းထက်အသံထွက်ပြီးစားရတာကပိုအရသာရှိတယ်လို့ထင်မြင်တယ်လို့တွေးခဲ့ကြပါတယ်။သို့သော်နိုင်ငံခြားသားတစ်ယောက်နေရာမှကြည့်မယ်ဆိုရင်ထိုလုပ်ရပ်သည်အလွန်ညံ့ဖျင်းသောအမူအကျင့်ဖြစ်ပြီး၊မနှစ်မြို့ဖွယ်ရာဖြစ်သောကြောင့်အဲလိုစားသောက်မှုအလေ့အကျင့်မရှိတဲ့နိုင်ငံခြားသားများဖို့အတွက်ခက်ခဲနိုင်ပါတယ်။
အသားစိမ်း၊ငါးစိမ်းအစားအစာအလေ့အထများ
ဂျပန်လူမျိုးများသည်အသား၊ငါးများကိုအစိမ်းစားလေ့ရှိပါတယ်။ဆူရှီအပြင်အသားစိမ်းများနှင့်ကြက်ဥအစိမ်းများကိုလည်းထမင်းပေါ်တင်ပြီးစားတတ်ကြပါတယ်။နိုင်ငံခြားတွင်အသား၊ငါးများကိုအစိမ်းစားတဲ့အလေ့အထမရှိကြပါဘူး။ကျန်းမာရေးအရကြည့်မယ်ဆိုရင်ကြက်ဥအစိမ်းတောင်မှပိုးမွှားသေးသေးလးများပါတတ်သောကြောင့်နိုင်ငံခြားအစားအစာတွေကများသောအားဖြင့်မီးနှင့်ချက်ပြုတ်ပြီးစားတာများသောကြောင့်ဖြစ်ပါတယ်။
ဓါတ်လှေကားပိတ်သည်အထိ အရိုအသေပေးခြင်း
ဂျပန်တွင်ဧည့်သည်ကိုအပြန်လိုက်ပို့သည့်အခါ၊ဓါတ်လှေကားပိတ်သည်အထိအရိုအသေပေးရသောယဥ်ကျေးမှုရှိပါတယ်။အခြားနိုင်ငံများမှာလည်း အဲဒီလိုယဥ်ကျေးမှုနဲ့တူညီသောအပြုအမူမရှိသောကြောင့်၊ အရိုအသေပေးတာကောင်းတယ်လို့ခံစားမိတာနဲ့တစ်ဖက်မှာအရိုအသေပြုလွန်းတယ်လို့ခံစားမိတဲ့သူတွေလည်းများပါတယ်။
အလိုလျောက်ရောင်းချစက်
အခြားနိုင်ငံများတွင်လည်း အလိုလျောက်ရောင်းချစက်ကို ကျယ်ပြန့်စွာအသုံးပြုနေပေမယ့်လည်း၊ ဂျပန်နိုင်ငံလောက် ကျယ်ပြန့်စွာအသုံးပြုနေတဲ့နိုင်ငံမရှိဘူးလို့ ပြောရင်လည်း မမှားပါဘူး။မြို့တွင်းမှာလည်း အလိုလျောက်ရောင်းချစက်များစွာ စီတန်းနေသလို၊ လူအသွားအလာသိပ်မရှိတဲ့နယ်ဘက်၊ တောင်ပေါ်လမ်းများပါမကျန်ရှိပါတယ်။ဒါ့အပြင်၊သောက်စရာသာမကဆန်နှင့်ဟင်းသီးဟင်းရွက်များကိုလည်းရောင်းချနေသောကြောင့်၊နိုင်ငံခြားသားပါအလွန်သဘောကျနှစ်သက်ကြပေမယ့်၊အခြားသောနိုင်ငံများမှာဆိုရင်တော့ ခိုးခံရနိုင်သည်ဟူသော အမြင်များလည်းရှိကြပါတယ်။
ကျသင့်တဲ့ငွေများကို အချိုးကျပေးရခြင်း
ဂျပန်နိုင်ငံနှင့် အချို့သောဥရောပနိုင်ငံများတွင် သမီးရည်းစားချိန်းသည့်အခါ အမျိုးသားများက ပိုက်ဆံရှင်းပေးတာ၊ စားသောက်သည့်အခါ အထက်လူကြီးက ပိုက်ဆံရှင်းပေးတာမျိုးရှိတတ်ကြပမယ့် အများစုကတော့ ကျသင့်တဲ့ငွေများကို အချိုးကျပေးရတာကတော့ ဂျပန်နိုင်ငံရဲ့ထုံးစံဖြစ်ပါတယ်။ အချို့သောနိုင်ငံခြားတိုင်းပြည်မှာတော့အမျိုးသားအများစုရှင်းပေးကြပါတယ်။ဥပမာ၊သူငယ်ချင်းအချင်းချင်းလည်း အဆင်ပြေသူက ပိုက်ဆံရှင်းပေးတာ ပုံမှန် ဖြစ်သောနိုင်ငံများလည်းရှိပါတယ်။