ဂျပန်ရဲ့နေရာတော်တော်များများမှာထမင်းဗူးကိုဝယ်ယူလို့ရနိုင်ပါတယ်။ဘူတာနား၊ကုန်တိုက်၊နီးစပ်ရာဆူပါအစရှိသဖြင့်နေရာတော်တော်များများမှာဝယ်ယူလို့ရမှာဖြစ်ပါတယ်။များသောအားဖြင့်ကုမ္မဏီဝန်ထမ်းများ၊အလုပ်သမားများကနေ့လည်စာအဖြစ်အစားများကြပါတယ်။ပုံမှန်အားဖြင့်ထမင်း၊အသီးရွက်၊အသား၊ငါးနဲ့အသီးအနှံများထည့်ပေးထားပါတယ်။ဂျပန်ရဲ့ထမင်းဗူးများကဗီတာမင်မျှတစွာ၊ကျန်းမာရေးနဲ့ညီညွတ်အောင်ပြုလုပ်ထားပါတယ်။စျေးနှုန်းအနေနဲ့လည်းအရမ်းစျေးမကြီးဘဲ၊အကုန်လုံးစားသောက်နိုင်မယ့်စျေးနှုန်းနဲ့ရောင်းချပေးပါတယ်။ဂျပန်မှာကအိမ်ကထမင်းဗူးကိုတကူးတကမပြင်ဆင်နိုင်ဘဲအခုလိုဝယ်စားရတဲ့ထမင်းဗူးများကလူကြိုက်များပါတယ်။တစ်ချို့ဂျပန်အိမ်မိဘများမှာလည်းကျောင်းသားလေးများအတွက်တကူးတကလှပတဲ့ထမင်းဗူးများကိုအရသာရှိအောင်၊ကျန်းမာရေးနဲ့ညီညွတ်အောင်၊လှပအောင်ပြင်ဆင်ပေးတတ်ကြပါတယ်။ဂျပန်ရဲ့ထမင်းေူးထူးခြားချက်များမှာဗီတာမင်များကိုသင့်တဲ့မျှတစွာထည့်သွင်းစားသုံးစေခြင်းဖြစ်ပါတယ်။
ဘူတာနဲ့လေဆိပ်အတွင်းမှထမင်းဗူးများနဲ့ပတ်သက်ပြီး
ဘူတာရုံနားတော်တော်များများမှာတွေ့ရတဲ့(駅弁)(えきべん)အဲခိဘန်လို့ခေါ်ပါတယ်။ဘူတာပတ်ဝန်းကျင်နားမှာရောင်းတဲ့အတွက်အခုလိုခေါ်ခြင်းဖြစ်ပါတယ်။(၁၈၈၅)ခုနှစ်ပတ်ဝန်းကျင်လောက်ကနေရောင်းချခဲ့ပါတယ်။စျေးနှုန်းများကတော့ဂျပန်ယန်းခြောက်ရာ၊ခုနှစ်ရာပတ်ဝန်းကျင်ကနေတစ်ထောင်အထက်ပတ်ဝန်းကျင်လောက်ဖြစ်ပါတယ်။အဓိကဗူးပုံစံသပ်ရပ်ပြီး၊ပါဝင်ပစ္စည်းများကတော့ထမင်းနဲ့အသား၊ငါးများကအဓိကပါဝင်ပြီးအသီးအရွက်များကိုလည်းမျှတစွာထည့်ပေးထားပါတယ်။ဗူးပုံစံလေးထောင့်ထဲမှအကွက်လေးများစွာခြားထားပြီး၊တစ်ခုချင်းထဲမှာအမယ်မျိုးစုံထည့်ထားပါတယ်။ဆူရှိသီးသန့်ပုံများကိုဗူးလေးတွေနဲ့လည်းရောင်းချကြပါတယ်။ဘူတာထဲရှိဆူပါများမှာလည်းအခုလိုဗူးများနဲ့လည်းရောင်းချကြပါတယ်။ဘူတာတော်တော်များများဆိုင်များရဲ့မှန်ဘောင်ထဲမှာလှပတဲ့ထမင်းဗူးပုံစံမျိုးစုံကိုတွေ့ရမှာဖြစ်ပါတယ်။နောက်တစ်နေရာကတော့လေဆိပ်ထဲမှာရောင်းတဲ့(空弁)(そらべん)ဆိုရဘန်လို့ခေါ်ပါတယ်။လေဆိပ်ထဲမှာရောင်းတဲ့အတွက်အခုလိုမျိုးခေါ်ခြင်းဖြစ်ပါတယ်။အဓိကကတော့ခရီးသွားလာတဲ့အချိန်မျိုးမှာအစားများကြပါတယ်။ထုတ်ပိုးမှုလှပပြီး၊ပါဝင်ပစ္စည်းများကလည်းအရသာရှိအောင်ပြုလုပ်ထားခြင်းဖြစ်ပါတယ်။ဂျပန်ရိုးရာပုံစံကိုအခြေခံပြုလုပ်ကာ၊ဂျပန်ရဲ့နာမည်ကြီးအစားအသောက်ဆူရှီထမင်းဗူးများ၊ပင်လယ်စာထမင်းဗူးများ၊အသား၊ငါးနဲ့အသီးအရွက်များပါဝင်တဲ့ဂျပန်ရိုးရာထမင်းဗူးကိုအဓိကရောင်းချပါတယ်။စျေးနှုန်းကတော့တစ်ထောင်ကျော်ကနေနှစ်ထောင်ပတ်ဝန်းကျင်ဖြစ်ပါတယ်။
စာရေးသူရွေးချယ်သောဆောင်းပါး
ရေညှိနဲ့မာခုနိုချိထမင်းဗူးများနဲ့ပတ်သက်ပြီး
နောက်တစ်မျိုးကတော့ရေညှိထမင်းဗူးဖြစ်ပါတယ်။ထမင်းကိုရေညှိများဖြင့်အဓိကလိပ်ထားပြီး(のり弁)(のりべん）လို့လည်းခေါ်ပါတယ်။ထမင်းလိပ်၊ကြက်ဥကြော်နဲ့ငါးကြော်အစရှိသဖြင့်ပါဝင်ပါတယ်။ဆိုင်တွေမှာလည်းအရောင်းများသလို၊အိမ်မှာလည်းပြုလုပ်ပြီးစားကြပါတယ်။အကြော်များနဲ့လည်းတွဲဖက်စားသောက်ကြပါတယ်။ဝက်သားကြော်များနဲ့လည်းရေညှိထည့်ပြီးစားကြသလို၊အလွယ်တကူဆူပါတွေမှာလည်းဝယ်ယူလို့ရနိုင်ပါတယ်။အသီးအရွက်နဲ့အခြားအမယ်မျိုးစုံကိုလှပအောင်ပြုလုပ်ပြီးရောင်းချကြပါတယ်။နောက်တစ်မျိုးကတော့(幕の内弁当)(まくのうちべんとう)မခုနိုအုချိဘန်တိုလည်းခေါ်တဲ့ထမင်းဗူးကထမင်းဖြူ၊အကြော်စုံ၊အသီးအရွက်နဲ့ငါးကြော်အထိပါဝင်ပါတယ်။ထမင်းပေါ်မှာနှင်းဖတ်လေးတွေတင်ထားပြီး၊ထမင်းကိုလိပ်ထားတာအရသာရှိလှပါတယ်။စျေးနှုန်းအနေနဲ့လည်းခြောက်ရာ၊ခုနှစ်ရာကနေယန်းတစ်ထောင့်ငါးရာလောက်အထိရှိပါတယ်။ဗူးပုံစံထုပ်ပိုးမှုကလှပပြီး၊ကျန်းမာရေးအရပါကောင်းမွန်လှပါတယ်။ဗီတာမင်နဲ့ပြည့်စုံအေင်အမယ်မျိုးစုံထည့်ထားပြီးစားလို့အရမ်းကောင်းပါတယ်။
ထမင်းဗူးများနဲ့စိတ်ဝင်စားစရာအကြောင်းအရာများ
နောက်တစ်ခုအနေနဲ့(日の丸弁当)(ひのまるべんとう)ဟိနိုမရူဘန်တိုဖြစ်ပါတယ်။အဓိကကထမင်းကိုအများအပြားထည့်ထားပြီးခုမဲလို့ခေါ်တဲ့အသီးကိုထည့်ထားပါတယ်။အရသာကချဥ်ပြီး၊ထမင်းနဲ့အစားများပါတယ်။ဆိုင်တွေမှာရောင်းတဲ့အခါအခြားအမယ်များပါထည့်ပြီး၊ကြက်ဥကြော်၊အသီးအရွက်နဲ့အခြားအမယ်များကလည်းစုံလင်လှပါတယ်။ကြက်သားကြော်များနဲ့လည်းတွဲဖက်စားသောက်ကြပါတယ်။ကွန်ပနီစတိုးနဲ့အခြားနေရာများမှာလည်းအလွယ်တကူဝယ်ယူလို့ရနိုင်ပါတယ်။ဗူးပုံစံဒီဇိုင်းများကလည်းသပ်ရပ်ပြီးလှပလှပါတယ်။စျေးနှုန်းကခြောက်ရာကျော်လောက်ကနေဝယ်ယူလို့ရတဲ့အတွက်စျေးလည်းသက်သာလွန်းပါတယ်။ဆူပါတွေမှာလည်းအလွယ်တကူဝယ်ဘူလို့ရသလို၊နေရာတိုင်းမှာဝယ်ယူလို့ရနိုင်ပါတယ်။ဂျပန်ရဲ့နေ့စဥ်ဘဝမှာများသောအားဖြင့်အခုလိုထမင်းဗူးကိုအားထားစားသောက်ကြရပါတယ်။ပုံမှန်အလုပ်သွား၊အလုပ်ပြန်မှာအချိန်မရှိတဲ့အတွက်နီးစပ်ရာနေရာများမှအလွယ်တကူဝယ်ယူစားသောက်ကြရပါတယ်။စျေးနှုန်းလည်းသက်သာပြီး၊အမယ်မျိုးစုံပါဝင်တဲ့စားကောင်းပါတယ်။ကျန်မာရေးနဲ့ဆီလျော်အောင်ဗီတာမင်မျိုးစုံနဲ့အသီးအရွက်၊အသား၊ငါးများကိုသေချာထည့်ထားတဲ့အတွက်စားကောင်းလှပါတယ်။
ဂျပန်ခေါက်ဆွဲဟင်းလျာများ(Japanese noodle,Soba, Udon, Somen, Ramen, Yakisoba)
.png)
