Disney ကာတွန်းဇာတ်လမ်းကိုတော့ ကလေးဘဝတုန်းက လူတိုင်းနီးပါး ကြည့်ဖူးကြမယ် ထင်ပါတယ်။ ဂျပန်နိုင်ငံမှာတော့ လူတိုင်းအလိုလို သိကြတဲ့ Disney ကာတွန်းဇာတ်လမ်း ထဲကပုံစံကို ပုံဖော်ထားတဲ့ Disneyland ဆိုတဲ့ အပန်းဖြေစရာနေရာကြီးရှိပါတယ်။ ဒီအပန်းဖြေစခန်းကြီးမှာတော့ စီးစရာတွေ၊ လည်ပတ်စရာတွေ၊ ကြည့်ရှုစရာတွေ၊ ပွဲလမ်းသဘင်တွေ များပြားလွန်းတဲ့ အတွက်ကြောင့် တရက်တည်းနဲ့ တင်လည်ပတ်လို့ မကုန်နိုင်ပါဘူး။နောက်ပြီး 夢の国（Yumenokuni ）အိမ်မက် တိုင်းပြည်ကြီးလို့ တင်စားခေါ်ဝေါ်ကြတဲ့အထိ ခမ်းနားပါတယ်။ ဒီဆောင်းပါးမှာတော့ Tokyo Disneyland အကြောင်းအကျဥ်းချုပ်နဲ့ လည်ပတ်စရာကောင်းတဲ့ နေရာတွေကိုဖော်ပြသွားပါ့မယ်။
မာတိကာ
- ကမ္ဘာ့မှာ ၆နေရာသာရှိတဲ့ Disneyland။
- လက်မှတ်အမျိုးအစားနဲ့ လက်မှတ်ဝယ်နည်း
- Tokyo Disneyland ကိုဘယ်လိုသွားမလဲ။
- Tokyo Disneyland ရဲ့ ထူးခြားကောင်းမွန်တဲ့ အချက်များ။
- Tokyo Disneyland အတွင်းစိတ်ဝင်စားစရာနေရာများ။
ကမ္ဘာ့မှာ ၆နေရာသာရှိတဲ့ Disneyland။
Disneyland ကတော့ ကမ္ဘာပေါ်မှာ ၆ နေရာသာရှိပြီး အမေရိကန်နိုင်ငံအပြင် တခြားနိုင်ငံမှာ ပထမဆုံးတည်ဆောင်တဲ့ Disneyland ကတော့ Tokyo Disneyland ဖစ်ပြီး ၁၉၈၃ ခုနှစ် ဧပြီလမှာ တိုကျိုအနီးနားမှာရှိတဲ့ ချိဘခရိုင်မှာ စတင်ပြီးဖွင့်လှစ်ခဲ့တာဖြစ်ပါတယ်။ Tokyo Disneyland Tokyo DisneySea တို့ကိုပေါင်းစပ်ပြီး Tokyo Disney Resort လို့ခေါ်ကြပါတယ်။ ၂၀၁၉ခုနှစ်ရဲ့ ဒေတာတွေအရ Tokyo Disneylandကိုတော့ နှစ်စဥ် လူပေါင်း 18,000,000 ခန့် လာရောက်လည်ပတ်လေ့ရှိကြပါတယ်။ Tokyo Disneyland ကစီးစရာတွေနဲ့ လည်ပတ်စရာတွေကြောင့်ပဲမဟုတ်ဘဲ သန့်ရှင်းမှုဦ ဝန်ဆောင်မှုတွေကြောင့်လဲ နာမည်ကြီးပါတယ်။ နောက်ပြီး တခြား Disneyland တွေမှာ မတွေ့နိုင်တဲ့ ထူးခြားတဲ့ ကာရိုက်တာတွေကိုလဲ တွေ့နိုင်ပါတယ်။
စာရေးသူရွေးချယ်သောဆောင်းပါး
လက်မှတ်အမျိုးအစားနဲ့ လက်မှတ်ဝယ်နည်း
လက်မှတ်ကိုဝယ်ဖို့အတွက် အကောင်းဆုံးနည်းလမ်းကတော့ Tokyo Disney Resort ရဲ့ တရားဝင်ဝက်ဘ်ဆိုက် ကနေ ဝယ်ယူတာဖြစ်ပါတယ်။ လက်မှတ်တွေကိုတော့ မိမိသွားချင်တဲ့နေ့နဲ့ လက်မှတ်အမျိုးအစားအပေါ်မူတည်ပြီးတော့ ရှာနိုင်ပါတယ်။ လက်မှတ်အမျိုးအစားကလဲ စုံလင်လှပါတယ်။ လက်မှတ်အမျိုးအစားအပေါ်မူတည်ပြီးတော့ စျေးနှုန်းတွေလဲ ကွာခြားပါတယ်။ ၂၀၂၃ ခုနှစ်၊ ဇွန်လရဲ့ စျေးနှုန်းကတော့ အောက်ပါအတိုင်းဖြစ်ပါတယ်။
တနေ့တာ အသုံးပြုနိုင်တဲ့ လက်မှတ်
1-Day Passport
- Adult 7,900 yen - 10,900 yen
- Junior 6,600 yen - 9,000 yen
- Child 4,700 yen - 5,600 yen
သတ်မှတ်ထားတဲ့ အချိန်မှာ အသုံးပြုနိုင်တဲ့ လက်မှတ်များ
① Early Evening Passport (နေ့လည် ၃ နာရီကနေ စဝင်နိုင်)
- Adult 6,500 yen - 8,700 yen
- Junior 5,300 yen - 7,200 yen
- Child 3800 yem - 4400 yen
② Weeknight Passport (ရုံးဖွင့်ရက် ည၅ နာရီမှ စဝင်နိုင်)
- Adult 4,500 yen - 6,200 yen
- Junior 4,500 yen - 6,200 yen
- Child 4,500 yen - 6,200 yen
ဒီမှာတော့ အသုံးများတဲ့ လက်မှတ်အမျိုးအစားတွေကိုသာ ဖော်ပြခဲ့ပေမယ့်၊ တခြားအသုံးများတဲ့ လက်မှတ်တွေလဲရှိပါသေးတယ်။
Tokyo Disneyland ကိုဘယ်လိုသွားမလဲ။
Tokyo Disneyland ကို သွားဖို့ နည်းလမ်းအများကြီးရှိပါတယ်။ ကိုယ်ပိုင်ယာဥ်နဲ့ လဲသွားနိုင်သလို၊ ရထား၊ ဘတ်စ်ကား စတဲ့အရာတွေနဲ့လဲ သွားနိုင်ပါတယ်။ ဘတ်စ်ကားနဲ့ သွားမယ်ဆိုရင်တော့ တိုက်ရိုက် ပေါက်အဝ အထိရောက်နိုင်ပါတယ်။ ရထားနဲ့ သွားမယ်ဆိုရင်တော့ အနီးဆုံးဘူတာဖြစ်တဲ့ Maihama (舞浜駅) ဘူတာကို Keiyo Line (京葉線)နဲ့သွားနိုင်ပါတယ်။ Keiyo Line (京葉線) ကိုတော့ တိုကျိုဘူတာကနေစီးနိုင်ပါတယ်။ ဒီလိုရထားနဲ့ သွားမယ်ဆိုရင်တော့ Maihama (舞浜駅) ဘူတာ ကနေပြီးတော့ Tokyo Disneyland အထိကို Tokyo Disneyland Line ကိုထပ်စီးရမှာဖြစ်ပါတယ်။ တိုကျိုဘူတာကနေ ကြာချိန် မိနစ် ၂၀ လောက်ဖြစ်ပြီး ၂၃၀ ယန်းလောက်ကျသင့်မှာ ဖြစ်ပါတယ်။
Tokyo Disneyland ရဲ့ ထူးခြားကောင်းမွန်တဲ့ အချက်များ
Tokyo Disneyland ကို လူသိပ်မရှိတဲ့ နေ့မှာသွားရင်တောင်မှ အကုန်လုံးကိုပြည့်စုံအောင်လည်ပတ်နိုင်ဖို့က ခက်ခဲပါတယ်။ ဘာလို့လဲဆို စီစရာနဲ့ လှည်ပတ်စရာတွေ များလွန်းလို့ ဖြစ်ပါတယ်။ ဒါပေမယ့် ပုံမှန်ထက်ပိုပြီး ပြည့်စုံပြီး ပိုပြီး အဆင်ပြေစေတဲ့ နည်းလမ်းတွေကိုသိထားရင်တော့ တတ်နိုင်သမျှနေရာတွေ တော်တော် များများ ကိုလည်ပတ်နိုင်မှာ ဖြစ်ပါတယ်။
ပထမဆုံးအချက်ကတော့ မသွာခင်ကြိုတင်ပြီး Tokyo Disney Resort App ကို ဒေါင်းလုတ်ဆွဲထားဖို့ဖြစ်ပါတယ်။ ဒီအက်ပဘီကေးရှင်မှာဆိုရင် Tokyo Disneyland တစ်ခုလုံးစာရဲ့ ဖြေပုံနဲ့ စီးစရာ လည်ပတ်စရာတွေကို ဝင်နိုင်ဖို့ ကြာတဲ့ အချိန်တွေကိုပါ ပြသထားတာမို့လို့ တော်တော် အဆင်ပြေပါတယ်။ ဒါကြောင့်မို့လို့ အခြေအနေတွေကိုကြည့်ပြီး ချင့်ချိန်ပြီး လည်ပတ်နိုင်ပါတယ်။
ဒုတိယ အချက်ကတော့ လက်မှတ် အမျိုးမျိုး ကို အသုံးပြုပြီး တတ်နိုင်သမျှ စုံအောင်စီးဖို့ ဖြစ်ပါတယ်။
လက်မှတ်တွေထဲမှာတော့ လူတိုင်းအသုံးပြုနိုင်ပြီး အဆင်ပြေတဲ့ လက်မှတ်ကတော့ Standby Pass ပဲ ဖြစ်ပါတယ်။ ဒီလက်မှတ်ကို အသုံးပြုနိုင်ဖို့ အပေါ်မှာပြောခဲ့တဲ့ Tokyo Disney Resort App ကိုအသုံးပြုရမှာဖြစ်ပါတယ်။ ဒီလက်မှတ်ကတော့ တချို့ နေရာတွေမှာ လူတိုးနေတဲ့ အချိန်မှာ ဘားကုတ်ကိုထုတ်ပြီး ဘိုကင်သဘောမျိုးနဲ့ ယူထားလို့ရပါတယ်။ နောက်ပြီး ဒီနေရာမှာပဲ စောင့်နေစရာမလိုဘဲ တခြားနေရာကိုလည်ပတ်နေနိုင်ပြီး ကိုယ်စီးရမယ့် အလှည့်၊ အချိန်ရောက်ရင် ဒီနေရာကိုပြန်လာပြီး စီးနိုင်ပါတယ်။ ဒီလက်မှတ်ကို တော့ ဖုန်းထဲကနေ တိုက်ရိုက် အသုံးပြုလို့ရပေမယ့်၊ တကယ်လို့ ဖုန်းမရှိရင် အပန်းဖြေစခန်းမှာရှိတဲ့ ဝန်ထမ်းတွေမှာ တောင်းနိုင်ပါတယ်။
နောက် လက်မှတ်တမျိုးကတော့ Disney Premier Access ဖြစ်ပြီး ဒီလက်မှတ်ကိုတော့ လူတစ်ယောက်ကို တစ်ခုသာ အသုံးပြုနိုင်ပါတယ်။ ဒီလက်မှတ်ကတော့ ပုံမှန်ထက်စျေးပိုပေးပြီးတော့ ကိုယ်သွားမယ့် နေရာတွေနဲ့ အချိန်ကို ကြိုပြီး သတ်မှတ်ပြီး ကိုယ်ကြိုက်တဲ့အချိန်မှာ ဝင်နိုင်ထွက်နိုင်စီးနိုင်ပါတယ်။
Tokyo Disneyland အတွင်းစိတ်ဝင်စားစရာနေရာများ
စိတ်ဝင်စားစရာနေရာကတစ်နေ့လုံးနားချိန်မရအောင်သွားစရာတွေနဲ့ပြည့်နှက်နေပါတယ်။အဲထဲကမှလူငယ်တွေနဲ့ကလေးတွေပါကြိုက်တဲ့東京ディズニーランドရဲ့(カリブの海賊)လို့ခေါ်တဲ့ပင်လယ်ဓ
ါးပြကစိတ်ဝင်စားစရာကောင်းပါတယ်။ရေထဲမှာလှေနဲ့သွားရပြီး၊ပင်လယ်ရဲ့အသံမျိုးစံနဲ့အမှောင်ထဲကနေထွက်လာတဲ့အသံနဲ့ဆလိုက်မီးတွေရဲ့ပုံစံကစိတ်လှုပ်ရှားစရာကောင်းပါတယ်။နောက်တစ်ခုက(蒸気船マークトウェインလို့ခေါ်တဲ့ရေထဲမှာသင်္ဘောနဲ့သွားရပြီးဒစ်စနစ်ကိုတစ်ပတ်ပတ်ပြီးအဲထဲကရေလမ်းတောထဲက
တိရိစ္ဆာန်လေးတွေကျက်စားနေတဲ့ပုံစံကြည့်ရတာလည်းသဘာဝရဲ့ပုံစံအတိုင်းလှပပါတယ်။(スプラッシュ・マウンテン)ကနေအပေါ်ကနေလျှောစီးရတဲ့စီးစရာကလည်းရင်ခုန်စရာကောင်းလှပါတယ်။အေ
ာက်ကိုရောက်ရင်ရေတွေစင်ပြီးပျော်ရွင်စရာကောင်းလှပါတယ်။(ミッキーのフィルハーマジック)မှာတော့3Dမျက်မှန်နဲ့ကြည့်ရပြီး၊သံစုံတီးဝိုင်းနဲ့မစ်ကီရဲ့လှုပ်ရှားမှုတွေကိုမိမိရဲ့မျက်စိနားနဲ့အသံကိုသေချာကြားရပြီးအနံရတဲ့အထိပြောင်မြောက်တဲ့ပုံစံကြောင့်လူကြိုက်များပါတယ်။အဲထဲကမှကြည့်လိုက်တာနဲ့ခမ်းနားပြီးဆွဲဆောင်မှုရှိတဲ့နေရာကတော့(シンデレラ城)စင်ဒရဲလားရဲတိုက်ဖြစ်ပါတယ်။ညဘဲမှာဆိုရင်ရဲတိုက်မှအသံမျိုးစုံနဲ့ပေါ်ထွက်လာပြီး၊မီးရောင်ပေါင်းစုံထွန်းလင်းပြီး၊မီးရှူးမီးပန်းများဖောက်ပြီးကြည့်ရတဲ့သူတွေအတွက်ပျော်ရွင်စရာကောင်းလှပါတယ်။
