သင်သည် ဂျပန်လူနေမှုအဖွဲ့အစည်းနှင့် ကုမ္ပဏီများတွင် ရှေရှည်အဆင်ပြေချောမွေ့စွာ ရပ်တည်နိုင်ရန် အခြေခံအကျဆုံး စကားလုံးများကိုမှတ်သားထားရန် လိုအပ်ပါတယ်။
ဂျပန်မှာ အလုပ်ရှာဖို့အတွက် စိတ်သောကရောက်ဖူးပါသလား။
Hou ren sou ဆိုတာဘာလဲ။
ဂျပန်ကုမ္ပဏီများတွင် မကြာခဏကြားရသောစကားလုံးမှာ hou ren sou ပဲဖြစ်ပါတယ်။ အလုပ်ကို အဆင်ပြေချောမွေ့စွာလုပ်ဆောင်နိုင်ရန် အခြေခံအကျဆုံးစကားလုံး အဖြစ် မှတ်ယူကြပါတယ်။ဒီစကားလုံးက ဟင်းနုနွယ်ရွက်မဟုတ်ဘဲအလုပ်ကို အဆင်ပြေချောမွေ့စွာလုပ်ဆောင်နိုင်ရန်အစီရင်ခံခြင်း၊ ဆက်သွယ်ခြင်းနှင့်ဆွေးနွေးခြင်းအတွက်အတိုကောက်ပြောသောအခြေခံအကျဆုံးစကားလုံး အဖြစ် မှတ်ယူကြပါတယ်။
စာရေးသူရွေးချယ်သောဆောင်းပါး
ほうこく （報告) အစီရင်ခံတင်ပြခြင်း
မိမိတာဝန်ယူရတဲ့ အလုပ်နဲ့ပတ်သက်တဲ့ လုပ်ဆောင်နေဆဲ အခြေအနေ၊ ရလဒ်များကို အမြဲအဆက်မပြတ် အစီရင်ခံတင်ပြရပါမယ်။
ဂျပန်မှာဘွဲ့ရပြီးနောက်အလုပ်ရှာတော့မယ်ဆိုရင်(Japan work)
れんらく （連絡) ဆက်သွယ်အကြောင်းကြားခြင်း။
အလုပ်နှင့်ပတ်သက်သော အကြောင်းအရာ၊ အချက်အလက်နှင့် သတင်းများကို တာဝန်ရှိသူများထံ အမြဲဆက်သွယ်အကြောင်းကြားရပါမယ်။
そうだん （相談) ဆွေးနွေးတိုင်ပင်ခြင်း။
အလုပ်နှင့်ပတ်သက်ပြီး ရှေ့ဆက်လက်လုပ်ဆောင်ရမှာကို မသိပဲ တွေဝေနေပါက မိမိ၏အထက်လူကြီး၊ စီနီယာ၊ လုပ်ဖော်ကိုင်ဖက်များနှင့် ဆွေးနွေးတိုင်ပင်ပြီး အကြံဉာဏ်တောင်းခံရပါမယ်
5W1H ဆိုတာဘာလဲ။
ဆက်လက်ပြီး သိသင့်တဲ့စကားလုံးကတော့ 5W1H ဖြစ်ပါတယ်။ 5W1H ဆိုတာ (When,Where,Who,What,Why,Why) ဖြစ်ပြီး အကြောင်းအရာတခုခုကို တစ်ဖက်လူကြီးဆီ အစီရင်ခံတဲ့အခါမှာ ဒီစကားလုံးလေးတွေအတိုင်း အသေးစိတ်ပြောကြားခြင်းသည် တစ်ဖက်လူအားသဘောပေါက်နားလည်လွယိကူစေပါတယ်။
① When … ဘယ်အချိန်（အချိန်)/ Where … ဘယ်နေရာ（နေရာ）
တစ်ဖက်လူအား အချိန်၊ နေရာနှင့်ပတ်သက်သော အကြောင်းကို
ပြောဆိုတဲ့အခါမှာ ပထမဆုံးအနေနဲ့ ဘယ်အချိန်၊ ဘယ်နေရာမှာ စသည်ဖြင့် တိတိကျကျပြောဆိုရန်လိုအပ်ပါတယ်။ ထို့မှသာ ရှေ့ဆက်ပြောမည့် အကြောင်းအရာကို ခေါင်းထဲမှာ မှတ်သားရလွယ်ကူပါလိမ့်မယ်။
② Who … ဘယ်သူက（အဓိကဆိုလိုသူ）/ What … ဘာကို（အရာဝတ္ထု・လှုပ်ရှားမှု）
စကားရဲ့အလယ်မှာ ဘယ်သူက၊ ဘာကိုစသည်ဖြင့်ထည့်ပြီးပြောဆိုခြင်းသည် မိမိပြောသောအကြောင်းအရာများကို တိတိကျကျဖြစ်စေပါတယ်။ မိမိက သေသေချာချာ ရှင်းပြချင်တဲ့အခါမှာ ထိုစကားလုံးများကိုထည့်ပြောပါက မိမိဆိုလိုချင်သောအကြောင်းအရာကို တစ်ဖက်လူက တိကျစွာနားလည်နိုင်မှာဖြစ်ပါတယ်။
③ Why … ဘာကြောင့်（အကြောင်းပြချက်）How … ဘယ်လိုမျိုး（နည်းလမ်း）
စကားနောက်ဆုံးမှာ ဘာကြောင့်၊ ဘယ်လို၊ ဆိုတာ မပျက်မကွက်ပြောဖို့ လိုအပ်ပါတယ်။ ကိစ္စ၊ အကြောင်းအရာတစ်ခုက ဘယ်လိုကြောင့်ဒီလိုမျိုးဖြစ်တယ်ဆိုတာကိုရှင်းလင်းပြောကြားခြင်းသည် တစ်ဖက်လူအားစိတ်ကျေနပ်မှုရစေပါတယ်။
ဒီအချက်လေးတွေအတိုင်း လိုက်နာ ကျင့်သုံးမယ်ဆိုရင်တော့ ဂျပန်ကုမ္ပဏီတွေမှာ အဆင်ပြေချောမွေ့စွာ လုပ်ကိုင်နိုင်မှာဖြစ်ပါတယ်။
