နွေရာသီပွဲတော် မှာတော့ လူတွေ အများကြီးပါဝင် ဆင်နွဲလေ့ရှိပါတယ်။ ထင်ရှားတဲ့ နွေရာသီပွဲတော်တွေထဲမှာဆိုရင် မီးပန်းပွဲတော်၊ ကြယ်တာရာပွဲတော်၊ အိုဘွန်းပွဲတော် အစသဖြင့်ရှိကြပါတယ်။ ဒီဆောင်းပါးမှာတော့ ဂျပန်နိုင်ငံရဲ့ နွေရာသီပွဲတော်တွေမှာတွေ့နိုင်တဲ့ အစားအသောက်တွေနဲ့ ကစားနည်းတွေကို မိတ်ဆက်ပေးသွားမှာဖြစ်ပါတယ်။
မာတိကာ
- Natsumatsuri (夏祭り) နွေရာသီပွဲတော်။
- ဂျပန်မှာကျင်းပလေ့ရှိတဲ့ နွေရာသီပွဲတော်အမျိုးအစားများ။
- Yatai (屋台) ဆိုတဘာလဲ။ ပွဲတော် အတွင်းမှာတွေ့နိုင်တဲ့ Yatai အမျိုးအစားများ။
- နွေရာသီပွဲတော်မှာ ဘယ်လိုဝတ်ဆင်ရမလဲ။
- နွေရာသီပွဲတော် ကိုအမှတ်ရစေမယ့် သီချင်းများ။
Natsumatsuri (夏祭り) နွေရာသီပွဲတော်။
Natsumatsuri (夏祭り) ဆိုတာကတော့ တိုက်ရိုက်ဘာသာပြန်လိုက်ရင် တွေရာသီ ပွဲတော် လို့ အဓိပ္ပာယ်ရပါတယ်။夏(Natsu) ဆိုတာကတော့ နွေရာသီဖြစ်ပြီး 祭り (Matsuri) ဆိုတာကတော့ ပွဲတော်ဖြစ်ပါတယ်။祭り (Matsuri) ရဲ့မူလအဓိပ္ပာယ်ကတော့ 祭る (matsuru) ကနေဆင်းသက်လာပြီးတော့ကိုးကွယ်ခြင်းအရိုအသေပေးခြင်းဆိုတဲ့အဓိပ္ပာယ်မျိုးဖြစ်ပါတယ်။နတ်ဘုရားတွေနဲ့ ဆက်စပ်နေတဲ့စကားလုံးဖြစ်ပြီးတော့ ဂျပန်မှာကျင်းပတဲ့ ပွဲတော် တော်တော်များများကတော့ နတ်ဘုရားတွေနဲ့ဆက်စပ်နေတာဖြစ်ပါတယ်။နွေရာသီပွဲတော်လိုမျိုး တခြားရာသီတွေမှာလဲပွဲတော် တွေရှိပါတယ်။ဒါပေမယ့်နွေရာသီပွဲတော်ကတော့ပိုပြီးတော့ပွဲတော်တွေများပြားပြီးတော့လူသိများထူးခြားတဲ့ပွဲတော်ဖြစ်ပါတယ်။
စာရေးသူရွေးချယ်သောဆောင်းပါး
ဂျပန်မှာကျင်းပလေ့ရှိတဲ့ နွေရာသီပွဲတော်အမျိုးအစားများ။
နွေရာသီအမျိုးအစာ အများကြီးရှိတဲ့အထဲမှာ ထင်ရှားတဲ့ပွဲတော် တချို့ကိုမိတ်ဆက်ပေးသွားပါ့မယ်။
Tanabata ပွဲတော် - 七夕祭り
Tanabata ပွဲတော် ကတော့ နှစ်စဉ် ၇ လပိုင်း ၇ ရက်နေ့မှာကျင်းပပြုလုပ်ပြီးတော့ ကြယ်တာရာပွဲတော်လို့လဲ ခေါ်ဆိုလေ့ရှိကြပါတယ်။ 七夕 ဆိုတာကတော့ ၇ လပိုင်း ၇ ရက်နေ့ရဲ့ ညကို ရည်ညွှန်းတာဖြစ်ပါတယ်။၇လပိုင်း ၇ ရက်နေ့က ပွဲတော်နေ့ဆိုပေမယ့် ဂျပန်နိုင်ငံရဲ့ နေရာအများစုမှာတော့ ပွဲတော်အချိန်ကို အဆင်ပြေတဲ့အချိန်နဲ့ ကိုက်ပြီးကျင်းပလေ့ရှိကြသလို လပြက္ခဒိန်နဲ့ကိုက်ပြီး ၈ လပိုင်းမှာကျင်းပကြတဲ့ နေရာတွေလဲရှိပါတယ်။ ပွဲတော် အကြောင်းအသေးစိတ်ကိုတော့ ဒီဆောင်းပါးမှာ ဝင်ဖတ်နိုင်ပါတယ်။
မီးပန်းပွဲတော် - 花火大会
ဂျပန်မှာနွေရာသီရောက်လာပြီဆိုတာနဲ့ နေရာဒေသအနှံမှာ မီးပန်းပွဲတွေကိုတွေ့မြင်ရမှာဖြစ်ပါတယ်။ တိုကျိုမှာကျင်းပတဲ့Sumidagawa မီးပန်းပွဲကတော့ တိုကျိုမှာ နာမည်အကြီးဆုံးပွဲဖြစ်ပါတယ်။
အိုဘွန်းပွဲတော် - お盆祭り
အိုဘွန်းပွဲတော်ကတော့ ဘိုးဘေးဘီဘင်တွေကို တမ်းတအောက်မေ့တဲ့အနေနဲ့ ကျင်းပပြုလုပ်တဲ့ပွဲဖြစ်ပြီးတော့ ပွဲတော်မှာကတဲ့ အိုဘွန်းအကကလဲ နာမည်ကြီးကျော်ကြားပါတယ်။ ပွဲတော်ရက်မှာတော့ ပိတ်ရက်အရှည်ရတတ်လေ့ရှိပြီး ပွဲတော်ရာသီမှာ မိသားစုနှင့်အတူ အတူတူဖြတ်သန်းလေ့ရှိပါတယ်။ အသေးစိတ်ကိုတော့ ဒီဆောင်းပါးကနေ ဝင်ဖတ်နိုင်ပါတယ်။
ရေမျှောပွဲတော် (山車祭り)
နွေရာသီမှာ ရေပေါ်မှာ မျှောတဲ့ပွဲတော်တွေကိုကျင်းပလေ့ရှိပါတယ်၊ အရုပ်တွေကိုရေထဲမျှောတဲ့ Dashimatauri ကတော့ နာမည်ကြီးပွဲတော် ကြီးတစ်ခုဖြသ်ပြီးနွေရာသီမှာကျင်းပတဲ့ပွဲတော် တစ်ခုဖြစ်ပါတယ်။
ဒီလိုပွဲတော် တွေအပြင် တခြားနာမည်ကြီးတဲ့ ပွဲတော်တွေလဲအများကြီးရှိပါသေးတယ်။
Yatai (屋台) ဆိုတာဘာလဲ။ ပွဲတော် အတွင်းမှာတွေ့နိုင်တဲ့ Yatai အမျိုးအစားများ။
Yatai (屋台) ဆိုတာကတော့ တဲဆိုင်လေးကိုဆိုလိုတာဖြစ်ပါတယ်။ နွေရာသီပွဲတော်ကလဲ ဒီတဲဆိုင်လေးကအသက်ဖြစ်ပါတယ်။
ပွဲတော်မှာ တွေ့ရတဲ့ အစားအသောက်များ
အစားအသောက်တွေကတော့ နွေရာသီပွဲတော်ရဲ့ အရေးပါတဲ့ အစိတ်အပိုင်းဖြစ်ပါတယ်။ နွေရာသီပွဲတော်မှာ အစားအသောက်တွေအများကြီးရှိတဲ့အထဲကနေ မပါမဖြစ်အစားအသောက်တွေကိုဖော် ပြသွားပါ့မယ်။
焼きそば - ခေါက်ဆွဲကြော်
သံပြားပူပူပေါ်မှာကြော်တဲ့ ခေါကါဆွဲကြော်ကတော့ နွေရာသီပွဲတော် မှာ မပါမဖြစ် အစားစာတစ်မျိုးဖြစ်ပါတယ်။
ခေါကါဆွဲကြော်ကို နေရာတိုင်းမှာရနိုင်တယ်ဆိုပေမယ့် ပွဲတော်က ခေါက်ဆွဲကြော်ကတော့ ရာသီပွဲတော် တစ်ခုအငွေ့အသက်ကိုအပြည့်အဝပေးစွမ်းပါတယ်။
ရေဘဝဲလုံးကြော် - たこ焼き
ပွဲတော် အစားစာတွေထဲမှာ နာမည်ကြော် ရေဘဝဲလုံးကြော်ကတော့ မပါမဖြစ်ဖြစ်ပါတယ်။ ရေဘဝဲလုံးကြော်ကိုတော့ အိမ်မှာလဲ လွယ်လွယ်ကူကူလုပ်စားနိုင်တဲ့ အစားအသောက်မျိုးဖြစ်ပါတယ်။ ပူပူနွေးနွေးနဲ့ စားသောက်နိုင်တဲ့ အိုဆာကာရဲ့နာမည်ကြော် ရေဘဝဲလုံးကြော်ကတော့ ပွဲတော်အငွေ့အသက်ကို အပြည့်အဝပေးစွမ်းနိုင်မှာဖြစ်ပါတယ်။ ရေဘဝဲလုံးကြော် လုပ်နည်းကိုလဲ ဒီဆောင်းပါးမှာ ဝင်ဖတ်နိုင်ပါတယ်။
Okonomiyaki - お好み焼き
Okonomiyaki ကတော့ ဂျပန်စတိုင်လ် ပန်ကိတ်လို့ပြောကြပြီး အိုဆာကာနှင့်စိရိုရှီးမားတို့ဘက်မှာနာမည်ကြီးလူကြိုက်များပါတယ်။ Okonomiyaki ကိုလဲ နွေရာသီးပွဲတော် အစားစာအဖြစ်လူကြိုက်များလေ့ရှိပါတယ်။
ပန်သီးသကြားလုံး
၃
သကြားရည်ထဲကို ပန်းသီးနစ်ပြီးတော့ပြုလုပ်ထားတဲ့ ပန်းသီးသကြားလုံးကတော့ နီရဲနေပြီးတော့ ပွဲတော်တိုင်းမှာအလိုလိုနေရာယူထားတာကိုတွေ့ရမှာဖြစ်ပါတယ်။ ပန်းသီးကိုစားရတာတော်တော်ခက်ခဲပြီးတော်တော်လေးပါတယ်။ ဒါကြောင့် ကိုယ်နဲ့အဆင်ပြေတဲ့စားနည်းကိုသေချာရှာပြီးစားကြည့်ပါ။
ကင်းမွန်ကင် - イカ焼き
အနံမွေးမွေးနဲ့ပွဲတော်ကိုလာတဲ့သူမှန်သမျှကို ဆွဲဆောင်နေတာကတော့ကင်းမွန်ကင်ဖြစ်ပါတယ်။ ကင်မွန်ရဲ့ အစိတ်အပိုင်းအမျိုးမျိုးကိုကင်ပြီးရောင်းချလေ့ရှိပြီးတော့ ပွဲတော်အစားစားတစ်ခုအဖြစ် နေရာယူထားလေ့ရှိပါတယ်။
ရေခဲခြစ် - かき氷
ရေခဲခြစ်ကတော့ ပူပြင်းလှတဲ့နွေရာသီ နဲ့လိုက်ဖက်လှတဲ့အစားစာတစ်ခုဖြစ်ငလို နွေရာသီပွဲတော်တွေမှာဆိုလဲ လူကြိုက်များတဲ့ အစားအသောက်ဖြစ်ပါတယ်။
တိမ်သကြားလုံး - 綿飴
မြန်မာနိုင်ငံပွဲစျေးတန်းတွေမှာဆိုလဲ အမြဲတစေနေရာယူထားလေ့ရှိတဲ့ အစားအသောက်တစ်မျိုးကတော့ ဖွဖွလေးနဲ့ လှလှပပ စားသောက်လို့ရတဲ့ကလေးအကြိုက် တိမ်သကြားလုံးဖြစ်ပါတယ်။ ဒီတိမ်သကြားလုံးတွေကိုတော့ ဂျပန်ရဲ့နွေရာသီပွဲစျေးတန်းမှာဆိုလဲ ပွဲတိုင်းလိုလိုမှာရှိနေတတ်တဲ့ မုန့် ဖြစ်ပါတယိ။
ချောကလက်ငှက်ပျောသီး - チョコバナナ
ငှက်ပျော်သီးကို ချောကလက်အရည်နဲ့စိန်ပြီးတို့ထားတဲ့ အစားစားတစ်မျိုးကလဲ နွေရာသီ ပွဲစျေးတန်းမှာ အမြဲတမ်းအလိုလိုတွေ့ရပြီးလူကြိုက်များတဲ့အစားစာတစ်မျိုးဖြစ်ပါတယ်။ အချိုကြိုက်တဲ့သူတွေအတွက်တော့မဖြစ်မနေ စားသင့်တဲ့အစားစာတစ်မျိုးဖြစ်ပါတယ်။
ဘေဘီကာစတယ်လာ - ベビーカステラ
ကာစတယ်လာမုန့်သေးသေးလေးတွေကတော့ ကလေးသာမက လူကြီးတွေပါကြိုက်တဲ့ မုန့်လေးတွေဖြစ်ပါတယ်။ ပွဲစျေးတန်းမှာဆိုလဲ အမြဲတမ်းလူတွေနဲ့တိုးတေတဲ့ ဆိုင်ဖြစ်ပါတယ်။
ကစားနည်းများ
ပွဲစျေးတန်းတွေကိုရောက်ရင် စားစရာတွေတင်မဟုတ်ဘဲ ကစားနည်းတွေပါအများကြီးတွေ့မြင်ရမှာဖြစ်ပါတယ်။ ဂျပန်ဇာတ်ကားတွေမှာ မြင်ဖူးသလိုပဲ ရွေးငါးဖမ်းဂိမ်းတို့ သေနတ်ပစ်ဂိမ်းတို့ကတော့ ပွဲစျေးတန်းမှာ မပါမဖြစ်ဖြစ်ပါတယ်။ ဒီနေရာမှာ ဂျပန်ပွဲတော်တွေမှာ နာမည်ကြီးတဲ့ ဂိမ်းတချို့ကိုဖော်ပြပါ့မယ်။
ရွှေငါးဖမ်းဂိမ်း - (金魚すくい / kingyosuki)
ရွှေငါးဖမ်းဂိမ်းကတော့ ရေကန်ထဲက ရွှေငါးလေးတွေကို 「ぽい」(poi) လို့ခေါ်တဲ့ အတံလေးနဲ့ ကယ်တဲ့ ဂိမ်းတစ်ခုဖြစ်ပါတယ်။ 「ぽい」(poi)ဆိုတာကတော့ စက္ကူအပါးနဲ့ လုပ်ထားတဲ့ အတံလေးဖြစ်ပြီးတော့ ရေထဲမှာအလွယ်တကူ ပျော်တဲ့ အတွက်ကြောင့်မို့လို့ ရွှေငါးလေးတွေကိုကယ်ရတာ သိပ်ပြီးတော့ မလွယ်ကူပါဘူး။ ကယ်လိုက်တဲ့ ငါးတွေကိုအိမ်ကိုယူသွားလို့ရတာကလဲ ပျော်ရွှင်စရာတစ်ခုဖြစ်ပါတယ်။
ဘောလုံးဆယ်ဂိမ်း (スーパーボールすくい / suupaa-booru-sukui)
ဘောလုံးဆယ်ဂိမ်း ကလဲရေငါးဆယ်ဂိမ်းတဲ့ ပုံစံတူတဲ့ဂိမ်းဖြစ်ပြီးတော့ ရွှေငါးလေးတွေအစား ဘောလုံးလေးတွေကိုဆယ်ရမှာဖြစ်ပါတယ်။ ပုံမှာမြင်ရသလို အရမ်းမရိုးရှင်းပါဘူး။ ဒီမှာပါတဲ့ poi လေးကဘောလုံးရဲ့အလေးချိန်ကြောင့် အလွယ်တကူ ပေါက်ပြဲလို့ပဲဖြစ်ပါတယ်။ ရလာတဲ့ဘောလုံးလေးတွေကိုတော့ အိမ်ကိုယူသွားလို့ရပါတယ်။
Yo-yo မျှားဂိမ်း(ヨーヨー釣り / yooyoo-tsuri)
Yo-yo မျှားဂိမ်း ဆိုတာကတော့ ငါးမျှားတံလေးတွေနဲ့ ရေကန်ထဲက ဘောလုံးလေးတွေကို ငါးမျှားသလိုမျှားတဲ့ ဂိမ်းဖြစ်ပါတယ်။ ဘောလုံးတွေက အကွင်းသေးသေးလေးတွေရှိပြီးတော့ ဒီအကွင်းလေးတွေကို ချိတ်အောင် မျှားရမှာဖြစ်ပါတယ်။
သေနတ်ပစ် (射的 / shateki)
သေနတ်ပစ်ဂိမ်းကတော့ ထောင်ထားတဲ့ အရုပ်တွေကိုထိအောင်ပစ်ပြီးတော့ဆုတွေယူတဲ့ ဂိမ်းဖြစ်ပါတယ်။ တချို့ကတော့ ဆက်တိုက်ပစ်ပြီး ပွိုင့်တွေစုထားပြီး ပွိုင့်တွေနဲ့ ဆုကိုပြန်ပြီးလဲရတာမျိုးတွေလဲရှိပါတယ်။
ကွင်းပစ်ဂိမ်း (輪投げ / wanage)
ကွင်းပစ်ဂိမ်းဆိုတာကတော့ ထောက်ထားတဲ့ အတိုင်လေးတွေမှာ ကွင်းကိုဝင်အောင်ပစ်ရတဲ့ ဂိမ်းဖြစ်ပါတယ။ ကွင်းများများဝင်လေ ပိုပြီးတော့ ပွိုင့်တွေရလေဖြစ်ပြီး ပွိုင့်တွေကိုတော့ ဆုငွေနဲ့ လှဲလို့ရပါတယ်။ ပွဲစျေးတန်းတွေမှာတော့ တိုင်လေးတွေအစားအရုပ်လေးတွေကိုထားပြီးဝင်အောင်ပစ်ခိုင်းလေ့ရှိပါတယ်။ ဒီဂိမ်းကတော့ တော့ရလွယ်တဲ့အတွက်ကြောင့်မို့လို့ ကလေးတွေကြားထဲမှာနာမည်ကြီးတဲ့ ဂိမ်းဖြစ်ပါတယ်။
မျက်နှာဖုံးများ
ပွဲစျေးတန်းတွေကိုရောက် ရင်တော့ မျက်နှာဖုံးတွေရောင်းနေတဲ့ Yatai တွေကိုလဲကျိန်းသေပေါက် တွေ့ရမှာဖြစ်ပါတယ်။ အများအားဖြင့် “hyottoko (ひょっとこ)” နှင့် okame(おかめ) ဆိုတဲ့ မျက်နှာဖုံးတွေနာမည်ကြီးပြီးတော့ anime ကာရိုက်တာတွေကလဲ နာမည်ကြီးပါတယ်။
နွေရာသီပွဲတော်မှာ ဘယ်လိုဝတ်ဆင်ရမလဲ။
နွေရာသီပွဲတော် တွေမှာ ဂျပန်ရိုးရာအဝတ်အစားတွေကိုဝတ်ဆင်ပြီးတော့ ပွဲစျေးတန်းတွေကို လည်ပတ်လေ့ရှိကြပါတယ်။
Yukata (浴衣) ကတော နွေရာသီ ဂျပန်ရိုးရာကီမိုနိုဖြစ်ပြီးတော့ လက်ပေါက်ကျယ်ပြီးလေဝင်လေထွက်ကောင်းတဲ့ ဝတ်စုံဖြစ်ပါတယ်။ ရွှေငါး၊ ပန်း၊ မီးပန်း အစရှိတဲ့ အဆင်တွေနဲ့ တွေ့ရများလေ့ရှိပါတယ်။
Jinbei (甚平) ဆိုတာကတော့ ကလေးနှင့်အမျိုသားတွေဝတ်ဆင်လေ့ရှိတဲ့ အဝတ်အစားဖြစ်ပြီးတော့ နောက်ပိုင်းမှာတော့ အမျိုးသမီးတွေပါ ဝတ်ဆင်လာလေ့ရှိကြပါတယ်။ အိမ်နေရင်းအတ်အစားဖြစ်ပေမယ့် နောက်ပိုင်းမှာတော့ အပြင်ကိုထွက်တဲ့ အချိန်၊ ပွဲစျေးကိုလည်တဲ့ အချိန်တွေမှာပါ ဝတ်ဆင်လေ့ရှိကြပါတယ်။
Happi (半被) ဆိုတာကတော့ အပြင်ဝတ်ကုတ်ဖြစ်ပြီးတော့ နောက်ကျောမှာ ပွဲတော်လို့ခေါ်တဲ့ ဂျပန်စကားလုံးကို တံဆိပ်ရိုက်နိုပ်ထားတဲ့ ကုတ်ဖြစ်ပါတယ်။ အများအားဖြင့် ပွဲတော်တွေမှာ ဖျော်ဖြေတဲ့ အကဖွဲ့တွေ ဝတ်ဆင်လေ့ရှိကြပါတယ်။
အပေါ်က ဝတ်စုံတွေမဟုတ်ဘဲ ပုံမှန် ဝတ်စုံတွေကိုဝတ်ဆင်လို့လဲရပါတယ်။
နွေရာသီပွဲတော် ကိုအမှတ်ရစေမယ့် သီချင်းများ။
နွေရာသီ စျေးပွဲတန်းတေွကို အမှတ်ရစေမယ့် သီချင်းတွေနဲ့ အငွေ့အသက်တွေကို ခံစားရမယ့် တေးသွားတွေ အများကြီးရှိပါတယ်။ ဒီနေရာမှာတော့ နာမည်ကြီးတဲ့ သီချင်းတွေကိုဖော်ပြသွားပါ့မယ်။
- Natsumatsuri (夏祭り) - JITTERIN’ JINN.(Youtube Link)
- Uchiage Hanabi (打ち上げ花火) - DAOKO x Kenshi Yonezu (Youtube Link)
- Watagashi (わたがし) - back number (Youtube Link)
- HANABI - Mr. Children (Youtube Link)
- Hanabi (花火) - aiko (Youtube Link)
- Nagaku Michigai Matsuri (長く短い祭り) - Ringo Sheena (Youtube Link)
- H・A・N・A・B・I ~ kimi ga ita natsu ~ (〜君がいた夏〜」) - ZONE (Youtube Link)
- Kaze ni Kaoru Natsu no Kioku (風に薫る夏の記憶) - AAA (Youtube Link)
- Natsu no Oto (夏の音) - GReeeeN (Youtube Link)
- Ano Yume o Nazotte (あの夢をなぞって) - YOASOBI (Youtube Link)
